زوجي من 5 ايام تزوووج_الردود تحت المراقبه

أم البيان قال:
اللجىء لربك وتقربي منه ولا تخلي زوجك اكبر همك
عيش وابسط نفسك واولادك ولاتحبسي نفسك وتفكري
ترى الهم يجبلك المرض خليك قويه وهوني على نفسك
ولا تنسي ذكر الله والاستغفار
أنقر للتوسيع...
الحمد لله انا تقربت لربي وشكوت همي له وانشاء الله بيفرجها علي لكن الايام صعبه علي انشاء الله ما تمر فيها اخواتي المسلمات ... والله اني احس اني وحيده في هذه الدنيا والله غصب علي حتى صرت اخاف وقت النوم لان نومي كله قلق وكل ساعه اصحى واتذكر ويصير صعب ارجع لنومي اللهم افرجها فرج من عندك ومشكوره اختي على الرد
 
مشكورين اخواتي ام البيان وقطرات مطر وكل من رد على موضوعي قطرات مطر عن جد نكي يدل على شخصيتي انا كلي مرح وضحك وفرفشه لكن من سمعت ان زوجي بيتزوج وهي كانت من 3 شهور وانا منكسره وهذا غصب علي الابتسامه فارقتني وكل هذا من زوجي الي شاف نفسه عشان كان يكلم خطيبته وكان ما يعبرني ويعصب علي كثيررر لاتفه الامور وانا صابره اقول صعب اتهاوش معه وفي حياته وحده وانتي عارفه فتره الخطوبه وكيف بيكون كلامها وما اقدر اكلمه صعب وهو مع زوجته وفرحان فيها واحس هذي من خصوصياتها ومابي اتعدى على غيري
 
الله يكون بعؤنك وفترة وتعدي ان شاءالله

وصدقيني بيرجعلك بس انتي اصبري

وحاولي تسعدي نفسك وتتجاهليه
 
شوفي اختي والله كل الي اعرف تزوجو على زوجاتهم رجعو للاولى احسن من اول بس يبيلك اصبراصبري وصيري معه احسن من اول واكثراذاا جاء عندك استقبليه انتي واولادك بدون ازعاااااااج وثقي بالله انك راح تكوني سعيده
 
والله حاااااسه فيك ماااادري ليش ماااااثره فيني مشكلتك .الله يكووون في عوووونك

أكثري من صلاة الليل ولاستغفاااار وباااااذن الله تعالى يعرف بااانه غلط لمااا فكر يجيب

عليك وحده .هذا الشي من حقه بس ايش نقووول لقلووووبناااا الضعيفه مااا تتحمل ابد

الله يرده لك ولعيااالك اللهم أمييييييييييييييييييييينشِ​
 
الله يصبرك يارب ويرده لك
مثل ماقالولك الاخوات حاولي تتهدين اعصابك جمدي قلبك
لان الحين لو تخاصمتي وصارختي بيروح لها وبقلب بااارد
لكن لما شوفك بابهى حله ورواقه ولازلتي انتي السنعه نفسك
هو اللي بيتندم
وصدقيني دايم الزوجه الاولى الحكيمه تكون بااول القائمه
فاانتبهي تضيعين مكانك بالقائمه لغيرك بلحظه زعل وغضب
كلنا نتضايق ومانرضاها لكن امر واقع وانتي بحرب بااارده
الاكثر صبر فيها يفوز
طمننينا عنك ودعواتي لك وقلبي معك
 
ياحبيتي نصيحه مني قوي صلتك بالله واحسني الضن به والجئ اليه دائما ومع الايام سوف تعلمين ان الله اصابك بهذه المصيبه لكي يسعدك بها ويحقق كل الذي تتمنينه من قبل من زوجك فوالله الذي لا الهه الاالله كل شيئ كنت افكر فيه واتمناه تحقق لى بفضل الله ومنه بعد زواج زوجي على الله ارحم الراحمين سبحانه قادر على كل شئ انيصبرك ويمسح على قلبك وعليك بالدعاء الدعاء الدعاء والله جل في علاه قال وقوله الحق ادعوني استجب لكم
 
مشكوورين اخوووواتي والله فرحت بدعوواتكم لي انشاء الله ما تشوووفوون يوم نكد يارب الزوجه الاولى ابي اسألك وش موقفك اول ايام زواج زوجك وكيف تغلبتي على الحزن
 
الله يربط على قلبك
اولا صومي وصلي سننك وتقربي لله اكثر لان من تقرب لله شبرا تقرب الله له ذراعا
حااااااااااولي تشغلين نفسك عشان تنسينه لا تجعليه اكبر همك صعب بس حاولي
اذا جا خلي عيالك يلفو حوله وسوو حفله على قدكم وانبسطو ونسيه حرمتها بعيالك لانهم هم الحل الوحيد والمنقذ لك
وبلاخير قوليله الله يسعدك بس مابي منك الا العدل ثم العدل
ادري مايحس بنار الا واطيهااااااااا واهمشي انك تنسينهااااااااااااااااا وكانه مسافر لشغل لا غير
 
اختي حنا الحريم نقطع القلب نتفانا في خدمة ازواجنا واذا تزوجوا ننعاتب نفسنا ما سوينا لهم كذا وما حطينا لهم كذا وهما ولا على بالهم اختي ولاتشيلن هم خليكِ زي ما انتِِ والله يعينك ويساعدك وعليكِ بقيام الليل ففيه الفرج
 
ياحبيبتي بفضل من الله ومنه ورحمته ان ربي صخرلي زوجي من قبل لا اعرف انه تملك من وحده ثانيه ماشاء الله تبارك الله بدا معي بكل انواع الدلال والحب والكرم فبديت اشك فيه لما كشفت زواجه بس كان بفضل الله وتسخيره سخر لي زوجي لكي يحتويني ويخفف علي الصدمه لاني كنت حامل فمع الايام زادت غيرتي وبعد الولاده زاد انهياري فكان دائما بفضل من الله وتوفيقه كان زوجي يبذل كل جهده لكي اعيش معه ولا اتركه لانه بعد زواجه عرف قيمتي لدرجة انها احملت وولدت وما قالي الا بعد شهرين من ولادتها وسبب يقول مابي اشوفج تتعذبين علي شانها والله يجعل حضك لحسن من حضي موفقه
 
اختي مرجوجه ,,,

بس حبيت ارجع مره ثانية عشان اااكد على كلام اختي الزوجة الاولى ...

بحكم تجربتي كزوجة ثالثة عرفت ان زوجي لما تزوج الزوجة الثانية تغيرت معاملته مع الاولى تغير كلي

دلال وعطف ورحمة وهدايا وسفر يعني تخيلي حتى شريط الزفه اللي سواها للثانية بليلة عرسها سواها للاولى وغير الاسم ... ّّ!!! وهذا ليس مطلوب منه اصلا ولا يدخل من باب العدل ولا الظلم لكن سبحان الله ربي يسخر ناس لناس ...

وحتى يوم راحت الثانية اسبوع العسل او شهر العسل بمجرد ما رجع اخذ الاولى اسبوع سفر هههههه

يعني ماشاء الله الاولى انبسطت اخر انبساط ... واخذت حقها اكثر من يوم كانت معه

والله يا اختي حتى الاثاث مثل ما شراء للبيت الثاني شراء للبيت الاول نفسه بالضبط يعني الاولى ابنسطت من كل النواحي ... اثاث جديد وسفرة عسل وشريط زفه وطقم ذهب وهذا اللي عرفت وما اخفي احلى اكيد ...

وحتى يوم تزوجني ايضا بل اكيد انه عوض الثانية باشياء كثيرة بس ما اعرفها

لذلك ياختي والله رب ضاره نافعة ... ولعلها خيره لك ... ومخرج ممن مصائب كثيرة

تفائلي بالخير تجديه واعمل على ما ربي خلقك عليه خلني نيتك الطيبة هي مطيتك وابشررري بسعدك وسعادتك

 
الله يربط على قلبك ويصبرك يالغلااااااااااا 000البنات ماقصروووووووووا كلامهم درر000
 
الله يصبر قلبك ويبرد عليكي

اكيد حيرجع لك

بس اللحين هو مبسوط ومستانس

بس حيرجع يطفش ويمل ويرجع لك

هما كدا الرجال

يفرحو بالشي في الاول وبعدين يملو

الله يكون بعونك ويصبر قلبك

حاولي تشغلي نفسك بأي شي تاني

ولاتفكري كتير لانك راح تتعبي نفسك وصحتك ومحد حاسس فيكي

الله يجبر بخاطرك حبيبتي
 
الله يكون بعونك ويصبرك على مصيبتك
والله ماادري ويش فيهم الرجال تهبلووو
شوفي حبيبتي انا بصراحه لو بمكانك
اول شي اعمله اجهز شنطتي واخذ اعيالي واطلع من بيته
واشيله من راسي نهائي واطلع من حياته لأبد
واطلب الطــــلاق وافتك ليش تزوج وهو عنده حرمه واعيال
ويش ناقصه :30:
وربي ان زوجي دوم يقولي يبي يتزوج وقلت له اني راح اسوي كذا
وانا جاده بكلامي انا اموت ولا اعيش مع ضره الله يكفيني شرها وخاف وهون
ترى الرجال يبغى لهم عين حمراء عشان يعقلووو زودوها الله ياخذهم ويفكنا من غثاهم:30:
نصيحه اطلعي من بيته روحي لاهلك وانسيه وعيشي حياتك فرفشي وانبسطي
وخليه اخر اهتماماتك ولا تضايقي نفسك عشانه
خليه يحس بيقيمتك ويتحسر عليك
ومن عافك عفيه حتى لو كان غالي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل