زوجي مسكين

المغلوبه

المغلوبه

New member
إنضم
2011/03/08
المشاركات
147
بنات اكتشفت ان زوجي خدوووووووووم لدرجه مو طبيعيه ومايقول لاهله لا مستحيل والمشكله اهله مايرحمون لو يجلس ويودي مشاوير مايقلون مسكين ولايرحمون وحتى في الفلوس ما يخرجون ولاريال وعينهم عليه وفعلا هو اللي يصرف والمشكله زواجه كله عليه ولااحد من اهله ساعده بريال وهو على نياته طيب وحبوب وكريم وخدوم لدرجة ماحد يرحمه والمشكله معي يقولي ماودي اروح ولاودي و اجيب واذا قلتله اعتذر يحسسني كاني قلت شي مصيبه مع ان والله رحمه فيه حتى في نومه يصحونه ومايخلونه يشبع نوم:29:ويقولي متى نتزوج وارتاح واصير حر نفسي (احنا مملكين حليا وبقي لزواج شهرين)بس انا اخاف بعد الززواج مايرحمونا واذا تغير يحطون الحق علي كيف اغيره وش الحل ساعدووووني كيف اقنعه انه يهتم بنفسه شوي :35::3:؟
مع العلم هو خر العنقود وعند اخوان ثانيين غيره؟
 
ربّي يحفظه لأهله ماشاء الله عليه ...ومادام خطيبك نشمي

وخدوم فهنيئآ لك بهذا الرجل ..لأن اللي له خير في أهله أكيد

بيكون له خير في بنت الناس ..

وأنتي ماعليكي منهم ( هذا ولدهم وهم أحرار مع بعض ..أكيد

لو زوجك تعب من كثر الكرف والروحات والجيات راح يتكلم ويدافع

عن نفسه ...انتي لا تتكلمي ولا تعارضي ولا شي ...فلو تكلمتي

راح يفهمك غلط ...ولو فرضآ زوجك أتكيسل معهم بعد الزواج

خلّيه يقول لهم ( الآن كثرت مسؤوليّاتي مو مثل أوّل وخلاص )
 
مرحبا

لا تشتغلي من الحين زوجة اخ !!!!!

واذا اخواتي يتاما , فخليه يخدمهم لين يتزوجن ..

امه لا تحاولي ابد تشحنينه عليها ( واتقي الله ) كل شي إلا امه !


اما حكاية الفلوس والمشاوير ......زلا تخافي بيتغير بعد الزواج.

لكن انت ما عليك منه ...ولا تطاوعي ابليس ولا يشغلك هذا الامر كثيرا ...فلا يفلح في الدنيا والاخر الا اصحاب النيه الصالحه.



وزوجك لن يتوقف عن هذا الاخلاص الا اذا رأى منهم جحود !

اما اذا هم سمن ع عسل ويشكرونه وشايفين معروفه ويدعوون له ....فخليه


ولا تقلقي لن يبقوا على قلبك طول العمر .




اذكري الله

سبحان الله وبحمده سبحان الله العظيم
 
تطمني ولا تزعلين
يقول اللي مافي خبر لاهله مافي ير للناس
ووزوجك فيه اللخير


اذا تبغينه يهتم بنفسه لاتقولي له شئ مباشر
مثلا حبيبي الللون هذا او اللبس هذا بجنن عليك او
مشتهيه عليك اللبس الفلاني
او هذا العطر حلو بس لو تحط هذ كمان افضل
وبث
الله يوفقك
 
حبيبتي أول شي ماشاءالله على زوجك ثانيآ لاتخلي تفكريك من ألحين أنك تبعدية عن أهلة بالعكس قولي له أنا أفرح لما أشوفك تخدم أهلك لأن عيالك بيبرون فيك كثري من الثناء لة لاتحاولي تشغلين نفسك من ألحين بها الموضوع
 
زوجك رجل يعتمد عليه الله يحفظه

المفروض تقفي جنبه وتشجعينه على خدمة أهله كذا تكبرين في عينه​
 
ما شاء الله الله يحفظه وتشكرات ما قصرت
 
سبحان الله كانك تتكلمي عن زوجي اخر العنقود وخدوووم والكل معتمد عليه

بس بعد فتره من الزواج تغير وهم حسوا كمان فجابوا سواق يوديهم ويجيب لهم طلباته

على فكره اتمنى زوجي يرجع ينشغل باهله بدال

الاستراحه اللي هلكني فيهاااااااااااا ​
 


هلا حبيبتي

احمدي ربك علي زوجك الطيب و الخدوم

و الحمدلله ما دام فيه خير لاهلو معناها في خير لك

بإذن الله

حبيبي شبعيه مدح

امدحيه كثييييييييييير

لانو دائما اللي يخدم الناس بإخلاص

يتووووق و يشتاق لمدح الناس

و لسماع كلمه حلوه

تتطيب خاطره

حبيبتي

بعد الزواج اشغليييه

بطلبات بيتك و عيالك

و عبيييه حب و دلع

يعني حبيبيه في بيوتو

و خليه جنته


و لا تجيبي طاري أهلو ابدا

لو ساعدهم خير و بركه

ما ساعدهم لا تجيبين سيره و لا تذكريه

و بالنسبه لانطباع أهله بعد الزواج

لا يهمك منهم

اهتمي بالواجب معاهم

و لا تفتحي معاهم الموضوع و لا تناقشيهم فيه

و ربنا يتمم لك علي خير


​
 
الحمدلله وشكر اللي هذي اولها ينعاف تايها
انتي ماتحمدين ربتس وتشكرينه
وبعدين وش دخلتس هذولا موب اهله انتي متى عرفتيه ولا تبينه خاتم بين ايدينتس وملكك لحالك بسك انانيه
وبعدين وش ذا التناقض مره تقولين اخاف بكره اهله يقولون انا اللي غيرته
والحين تقولين شلون اخليه يهتم بنفسه !!
اسمعي الكلام ولا تدخلين بينه وبين اهله وحطي بالك انو اهله مابدالهم اهل لكن انتي بدالك الف
وانتي تقولين بعضمة لسانك اخر العنقود يعني اكيد اهو عيونهم المركبه وكل شي عليه علشانه اصغرهم
 
وش دراك انه صادق ؟

ما اشكك فيه لكن من خلال تجربتي كان زوجي مثل زوجك مبين لي انه هو ابو الكل
وكل اهله ما يقدرون يعيشون من غيره

وبعد الزواج اكتشفت انه من النوع اللي يضخم الامور و يبالغ

انتي ممكن تعرفين اذا زوجك من هالنوع من خلال سوالفه الثانيه
اذا شفتيه يبالغ في تهويل الامور و كلامه كثير
 
اللي مافيه خير لااهله



مافيه خير لزوجته




حمدي الله واشكريه




وانتي عينيه




وبتلاقينها


​
 
ونسيت اقولك عنوان موضوعك موبمحلة أسأت لزوجك بالعكس زوجك مو مسكين زوجك بااااااار باأهلة والله يهني أهلة فية
 
شوفي يا قلبي خلينا نتكلم بمنطق ، إذا كان زوجك شايل كل طلبات أهله على راسه وهو سعيد وراضي فكذا تمام
لكن إذا كان شايل طلباتهم وعلى وجهه ابتسامه لكن في داخله غير راضي ومتضايق فهذه تعتبر مشكله نفسيه اسمها
( داء إرضاء الآخريين ) وهذا مرض وله علاج سلوكي وانصحك تهديه كتب تتكلم عن هذه المشكله وياكثرها في مكتبة جرير وفي كتاب كمان جدا رائع اسمه ( من يشد خيوطك ) وهذا الكتاب يعلمه كيف يوقف الناس عن استغلال طيبته
وصدقيني لازم تساعدي زوجك على العلاج لأنه على بعدين حتتأثري انتي به والمشكله الأكبر أولادكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل