زوجي مسافر

[Al7aboobah]

مرحبا ،،،،

أنا زوجي مسافر وحابه لما يرد أسويله مفاجأه وبصراحة أنا حامل فشو تنصحون أن أسوي وأبى من خبراتكم في هذا المجال..

 

[Al7aboobah]

معقولة 31 بنت تقرا ولا وحده منهم ردت علي...

 

[موعد مع الحياه]

انا ارد عليك ياحبوبة::clap:

اذا كلمك تدلعي علية وحسسية انك تعبانة وانك تحسين انك مو طبيعية :msn-wink:

وانك دايماً تحسين برغبة بالنوم ولا تشتهين الاكل وزنك ناقص وووووو.............

خليه هو يستنتج ها الشي....

با التوفيق:icon30:

 

[جوودالسعوديه]

اهليييييين حبيبتي انا بصراحه ماعندي خبره بس ان شاءالله البنات يفيدونج
وانت اقراي في المنتدى بتلقين اللي تبينه
غيري بالبيت تزيني غيري شكللج يعني سوي لج لوك جديد بدون شغلات تاثر ع الحمل مثل لبسج ستايل شعرج مو لونه
غرفة النوم
والله يقوقج ويرجعه لج بالسلامه

 

[نجد33]

هلا غاليتي

غيري من ترتيب البيت سواء غرفة النوم او الصالون

اضيفي شوي ديكورات اكسسوارات بسيطه ابجورات انارات سقفيه .. الخ

اشتري لك كم قطعة ملابس للنوم حقت حمل غيري بشعرك قصيه او درجيه

اشتري ملابس بيت الوان حلوه


ليلة مايرد من السفر سوي له عشاء اللي يحبه وحلى

وعقب العشاء حلوا سواء ووسولفوا بجو شموع وروائح عطريه وجو رومنس

وخليك معاه بالفراش طبطبي عليه ومسحي على راسه وقولي انك افتقدتي وجوده بهالفتره

وشعره لين ينام

وربي يهوم عليك

 

[معشوقه]

السلام عليكم ورحمة الله وبركاته ...

عزيزتي أولا البيت كله لازم يكون نظيف و مرتب و معطر و طبعا العطر على حسب رغبتج و ذوقج إنت زوجج يا أما سبري معطر بريحة الورد أو الفانيلا على حسب إلي اتحبونه أو بخوووور و هذا التقليدي و إلي الكل يحبه >>> أنا أحبه :in_love:

و ممكن تشتري باقة ورد اتزينين فيها مدخل بيتج أو على باقة بسيطة اتحطينها على الطاولة الرئيسيه في الصاله راح تعمل جو وغير و حلو ...

ثانيا غرفة نومج إذا عندج طقم شراشف جديد اعتقد هذا وقته تستخدمينه لجيته و إذا ما عندج و ما تقدرين تشترين مو مشكله حبوبه إلي عندج استخدميه بس يكون مغسول و نظيف و مبخر و معطر برشوش و هذه اتلاقينها عند القرشي و أجمل و ربعهم و غير هذا إذا تقدرين اتوفرين شموع اتولعينهم وقت دخوله الغرفه أو ورد ترمينه على أرض غرفة النوم أو تكتبين أول حرف من أسمه و من أسمج بالورد على السرير أو بالشموع على الأرض ...
المعنى اتجهزين جو في هالليله غير النظافه و العطر ...

ثالثا اتجهزين عشا مناسب أو غدى على حسب الوقت إلي بيجي فيه و غير هذا ممكن إذا بيجي في وقت متأخر من الليل اتجهزين كيكة صغيرة و لا تنسين اتخلينهم يكتبون لج مسج الحمد لله على السلامه على الكيكه أو أي مسج حابة اتوجهينه لزوجج أو طبق فاكهة و عصير بارد

رابعا اتجهزين ملابسه و غياراته تكون نظيفه و مبخره و مكويه في هاليوم و روب الحمام ....

خامسا إذا تقدرين اتجهزين له الحمام يعني تملين البانيو ماي و اتعطرينه بماي ورد أو الشغلات الجاهزة و عادة في صابون لرغوة البانيو يكون معطر ممكن تستخدمينه .. و هذا اتلاقينه يا في الجمعيات أو في بدي شوب ...

و سادسا أنت بدلة جديده أو اتركبين بدلة من الملابس إلي عندج ما يكون شايفها من قبل أو مو منتبه لها و اتضيفين لها لمسات جديده إشارب اكسسوار حلو يعني على حسب ميزانيتج .. هذا إذا كنتي بتستقبلينه بالمطار و راح تروحون بيت أهله أو راح تطلعون مع بعض أما إذا هو بييج في البيت فجهزي لبس يكون ناعم و جديد للبيت و ملابس نوم جديده أيضا لليلة وصوله و اتكونين نظيفه و مستعده لاستقبال زوجج طبعا مع تسريح شعرج بالطريقه إلي اتريحج و يحبها و عمل مكياج خفيف و حلو و ناعم ...

هذا كل إلي اعرفه شغلات قريتها في هالمنتدى و شغلات من أماكن ثانيه ...
أتمنى أكون أفتج و نصيحه جهزي كل شي من وقت يعني قبلها بكم يوم و نظافة البيت من اليوم إلي قبله و البخور و العطر يوم وصوله علشان ما تجهدين نفسج ...

و حمد لله على سلامته مقدما

 

[رهم]

السلام عليكم ورحمه الله وبركاته

من رايي انك تسويين تحليل منزلي واذا طلعوا الخطين صوري التحليل وفي اليوم اللي بيجي فيه ارسلي له الصوره وسائط

واذا وصل للبيت تكونين مجهزه البيت طبعا نظافه وتعطير مثل ما قالوا الاخوات واشتري طقم للمواليد لونه سكري وحطيه بزاويه بالغرفه تكون واضحه وحطي جنب الطقم دبدوب صغير وشغلات للاطفال

الله يتمم عليك ويسخر لك زوجك

انا ان شاء الله ناويه اسويها اذا رزقني ربي بالحمل

دعواتكم

 

[لموسي4]

انا اقولك حبيبتي ممكن توصي علي تورته وتخلينهم يحطون عليها صورته هو وعياله اذا
عندكم وبسسسس وعاد الباقي عليك يعني زياده على كلام اختي معشوقه

 

[hataan]

اعملي ينصيحة الاخت معشوقة وتحياتي لك وعسى ربي سهل عليج انشالله وييسر كل امورج

 

[wa7da co0ol]

بالسلام علكم ورحمة الله وبركاته

كما قالت هتان اعملي اللي قالته معشوقة واضيفي :

-عبارات حب وشوق مكتوبة على مرايا البيت بالروج الاحمر

-اذا عندك اشجار في البيت جمعيها كلها في غرفة اما غرفة النوم او غرفة المعيشة يعني اقلبيها زي الحديقة.

-الشموع الشموع ترى تاثيرها خطييييييير مرة اذا حطيتها في اوعية زجاجية فيها ماء عشان ماتستخدمين الانارة.

في قناة ميلودي زين ماتبث الااصوات بحر وطيور يعني جو رومانسي.

جهزي عصير بارد اما ليمون بالنعناع او اي عصير بعد مايدخل ويستريح اعطيه اياه عشان ينتعش


الله يرده لك بالسلامة ويتمم عليك حملك

 

[Al7aboobah]

مشكورات حبيباتي على الرد وبالنسبة للحمل ترى ريلي يعرف أني حامل...