زوجي مسافر وانا......

[vdhq]

السلام عليكم

بنات الله يخليكم

ودي استشيركم

زوجي مسافر عند اهله في منطقة ثانية يحضر مناسبة عندهم

طبعا سافر ما قالي

ولا حتى مع السلامة

طلع للدوام وبعدها سافر

ولا ترك لنا مصروف

واحنا هنا مالنا احد أبدا

وانا وولدي الصغير تعبانين ( سخونه وحساسية صدر )

وولدي دائما تجيه تشنجات مع الحرارة

وكل هذا ماهمه
واللي قاهرني انه ما قال لي انه مسافر الا يوم شفته تأخر ما

رجع من الدوام واتصلت علي لقيته مع اهله مبسوط

وصوته بيشق طبلة اذني من الفرحة والانبساط
طبعا هذي مو أول مرة
سواها قبل وكان ولدي مسخن وتشنج ووديته مع جارنا المستشفى وجلسنا يومين بالمستشفى وهو عند أهله مبسوط
وتزاعلنا ولافيه فائدة

لا وبعد يتصل يسأل عن ولده بس ...يعني انا ماجاب خبري
ويوم صرت ما أرد على مكالماته مرتين
يدق على موبايل ولدي الكبير ويسأله عن الصغير بس...
واليوم طوله ما كلمني
بيجي الساعة 4 الفجر
وانا عادة اهتم باستقباله اذا جاء من السفر
وش رايكم أنام وأسوي نفسي ماني مهتمة بجيته !!!
أناقشه!! مع اني عارفة مابيهتم
تخيلوا يابنات لو جاني ضيوف وانا ثلاجتي فاضية !!
حتى عيالي ماعندهم خبز من أمس
ولاترك فلوس ولا جنبي بقالة
والله العظيم اني واصلة حدي من الغيظ
مالي الا انتم
كيف اتصرف معاه ​

 

[vdhq]

نسيت اقول لكم

زوجي شمالي غربي وانا جنوبية غربية

وهذا اللي متعبني

 

[معلومة مفيدة]

حبيبتي... إنتي قلتيها ما في داعي تستقبلينه دامه رايح وناسة، و لاتطبخين، إذا سأل عن الأكل قولي له ماكو أكل بالبيت، و الله يصلحه لكم

 

[وردة الحنون]

ماله داعي تستقبلينه
نااااااااااااااااااااامي وكانك ماتدرين انه جااااااااااااااي
دامه راه وسافر ولا قالك
انت ناااااااااااااااااامي وتجاااااااااااااااهليه

 

[vdhq]

طيب كيف اتصرف معاه علشان يهتم اكثر بزعلي

تكفون ساعدوني

 

[vdhq]

معلومة مفيدة

لمى الحسناء
الله يسخر لكم ازواجكم ويصلح ذريتكم يارب

 

[محرومه من زوجي]

كبري وسادتك ونامي
ولاتصلحين لافطور ولاغدا واذا قال وين الاكل قولي مادريت حنا بيت مجاعه امس طقيت على الجيران وقلت ابونا مسافره للوناسه وانا مالي الا الله ثم انتم تصدقوا علي بعشاء لي ولعيالي
خلي يحس انه مايستحي وخلك جاده وكنه صدق طبتي من الجيران كل

 

[تمارا]

انا صرااحة مااقدر اعطيك حل ..لكن حاسه فيك والله وعندي وعندك خير.....بداية موضوعك كأنك تتكلمين عني....لكن مااقول الا الله يعين على هالدنيا ..وعجبا من هالرجال...

 

[vdhq]

والله جيتوا على الجرح

تخيلوا ان امس ولدي عنده رحلة مع جماعة التحفيظ

والرحلة يبي لها 25 ريال علشان يروح

قطع قلبي من البكاء يبي يروح

ولولا الشغالة الله يعافيها فزعت له وعطته من عندها كان ما راح

حسبي الله ونعم الوكيل

انا ولدي الكبير لازال صغير عمره 11سنة

تخيلوا المرة الماضية يوم تشنج الصغير طلع بالشارع يبكي حافي اخر الليل ويدور احد من الجيرا ن صاحي يودينا المستشفى

والله تحمل المسؤؤلية وهو صغير الله يحفظه لي

وترى هذي مو اول مرة يسويها

تخيلوا مرة تركنا وانقطعت الكهرباء لانه ماسدد الفاتورة

ويوم علمته كلم واحد من زملاءه يجي وزوجته ياخذونا عندهم بالبيت الين يرجع

وانا رفضت اروح مع احد الين اضطر يحجز ويرجع

ولا تاب

والله قرفت من وضعي ادعوا لي بس

 

[vdhq]

بنات تكفون ابي المشورة

 

[معلومة مفيدة]

حبيبتي اتصلي بأحد من أهله إذا كانوا كويسين، خبري أبوه أو شخص كبير من العايلة
و طمنينا

 

[vdhq]

الله يوفقك يا اختي

اصلا هو مسافر لان ابوه هو اللي ملزم عليه يجي علشان يحضر عزومه عندهم ويتكلف بمصاريفها ودائما يناديه على كل مناسبة

واذا قاله اترك عيالي يرد عليه ان ماهم بميتين ولاهمه عندنا اكل او ماعندنا


حتى مرة شكيت من امر ثاني رد علي ان انتم الحريم دائما مكفرات العشير

 

[معلومة مفيدة]

لا حول و لاقوة إلا بالله...
طيب قولي له يخلي لكم فلوس بالبيت بمكان محدد، علشان إذا صار ظرف العيال ما يتبهدلون، حرام و الله ولدك اللي عنده تشنج ما يكون أبوه عنده،
أهلك ساكنين قريب منك؟

 

[RedRose]

شوفي ياقلبي

زوجك الحين رح يرجع وهو متوقع انك زعلانه

واكيد مجهز لك رد والا على الاقل بيقول في نفسه خليها تزعل اللين تشبع وترضى من نفسها

تبغين نصيحتي سوي العكس

انتظريه والبسي بجاما حلوة ومرتبة وياليت تكون شي من الاشياء اللي تعجب الشمالي الغربي مثلا شورت وشوت بخيوط او قميص حرير قصير يعني شي ناعم ومرتب وينفع للصباح بما انه رح يوصل الفجر

جهزي فطور وعصير ورتبيها ولو تنامي وتقومي بدري احسن عشان تكوني مروقة

استقبلية وانت مبتسمة قوليله حمد لله عالسلامة حبيبي واسأليه عن اهله قوليلة كيف العزومة ان شاء الله انبسطت

لا تبيني له انك زعلانة ابداااااااا

تدرين ليش : رح يستحي على دمه وما رح يكررها ,, انت جربتي المرة اللي راحت لما سواها زعلتي وما تغير شي
جربي المرة هذه تسوين العكس وان شاء الله رح تجيب نتيجة

طبعا اليوم الثاني ممكن تقولين له اي شي بطريقة عادية يعني بدون ما يحس انك تشتكين تقولين مثلا والله ولدك فلان مسكين امس كان يدور عليك
والا ولدك فلان كان يبغى يشتري .... بس حبيبي ما قدر لان ما كان فلوس

بس قوليها في وسط سالفة اي طريقة المهم ما تكون بشكل تذمر

والله يسخره لك ويخليه لك ولاولاده
​

 

[الدكتورة نبضة قلب]

أختي ليش ما تكلمين حد يمون عليه ينصحه
حتى لو اتدخل والدج او اخوج
يسافر بكيفه ...مب مشكله
بس ما يخليكم محتاجين لحد!!
يخلي مبلغ طوارئ عندج

 

[vdhq]

مشكورة اختي red rose
الاسلوب اللي قلتيه دائما يخليه ينبسط ويفرح اني ماانفعلت ولا كأن شي حصل حتى لو ناقشته اليوم الثاني

هو صحيح يتأثر بزعلي وعتابي ويحس انه غلط

بس المشكلة يكررها المرة الثانية

 

[vdhq]

الدكتورة نبضة قلب

بارك الله فيك اختي على الرد

بس ترى هذي مو أول مرة يعني سواها كثير من قبل وجربت اسلوب حلو ولا نفع

وجربت الزعل ولا نفع

لدرجة اني مرة كنت حامل بالشهر السابع وتعبانه وكلمته قلت له تعبانة ابي المستشفى قال لي مشغووول مررررررة ما اقدر اجيك

ورجع البيت وتغدينا وكان مستعجل وغسل يده وطلع

وبعد العشاء كلمته الا وهو بالطريق مسافر بر لاهله
وفهمت ليش كان مشغول الصباح ( كان مشتري حرااااث لابوه وقاعد يفحصها )

وسافر بها بر علشان يعلم العمال كيف يسوقونها

وجلس عندهم 3 ايام

وماكان فيه احد يودي ولدي المرسة طول ال3 ايم

طبعا زعلت وكلمت ابوي وشكيت له

وابوي الله يحفظه عايش بالمنطقة اللي فيها اهل زوجي

ولما كلمه ابوي تضايق وانحرج منه لانه يستحي من ابوي مررررة من كثر جمايله مع زوجي

طبعا بعد ما رجع زعل مني ليش شكيته وبعد النقاش اعترف انه غلطاااااان
ولكن

كررها اكثر من مرة

الله المستعااان

 

[سوسوكبيرا]

لا حول ولا قوة الا بالله
اشكي لامه واهله
قوليلهم ولدكم تاركني وانا عيالي للجيران يصرفون علينا ويوديونا مشاورينا
حسبي الله ونعم الوكيل

 

[RedRose]

مشكورة اختي red rose

الاسلوب اللي قلتيه دائما يخليه ينبسط ويفرح اني ماانفعلت ولا كأن شي حصل حتى لو ناقشته اليوم الثاني

هو صحيح يتأثر بزعلي وعتابي ويحس انه غلط

بس المشكلة يكررها المرة الثانية

معناها سوي كذا المرة هذه

واليوم الثاني ناقشية وقوليله لازم نحط حل للمشكلة هذه

فهميه انه من واجبه يروح ابوه ويلبي طلباته
ومن واجبه كمان يشوف احتياجات بيته وزوجته واولاده

تكلمي معاه بالمنطق لان الشمالي ما ينفع معاه العناد ابدااااااا

قوليله لازم تتأكد قبل ما تسافر ان عندنا مصروف كافي وعندنا احد يلبي طلباتنا اذا احتجنا
لان كل واحد مسؤل ولازم يتحمل المسؤلية

واذا ما نفع خلي تدخل الاهل اخر الحلول وكلمي ابوك يكلم ابوه بحضور زوجك ما يكلم زوجك لوحده وحتى لو زعل منك بعدها قوليله انا جربت معاك كل شي وانت اجبرتني ادخل ابوي والشرع يقول حكم من اهلها وحكم من اهله

اهم شي ابوك يطلب حل واضح


والله يديه ويسخره لك

 

[دوشه بلقيس]

ا

اتوقع بعد كل هذي السنين ماراح تقدرين تغيرينه لانك سكتتي من البدايه وكان زعلك من غير اعتذار ووعود وتعويض
وتدخل الاهل في هذي الحاله امر ضروي