زوجي مزاجي مليت مادري شسوي!!! :(

[اعيش_لأهدافي]

مليت من مزاجيته ، كلا ينتقد ، دايما يشوف الغلط ، بس يدور عالعيوب

الاشياء الزينه ما يتكلم عنها ، مايعرف يمدح ، بس يعرف يذم !!

الصراحه انا لاحظت شي .. وابيكم تعطوني حل

لما اكون مشغوله وخاصه بالبزنس مالي او عندي اجتماع يتصل علي مرتين ثلاث ويبي يسولف او يمرني الشركة يقعد عندي يبي يعرف شسوي ..

ولما اكون مو عنده يدز لي مسج مشتاق ومن هالخرابيط .. وانا اقول خرابيط تدرون ليش ، لانه اول مايدش البيت يتغير مزاجه ، يعني الي قبل ساعه كان يبيه لما يدش البيت ما يبيه .

او لما تكون علي الدوره مثلا اووووووووووووه القاه ميت علي ، واذا خلصت الدورة اقعد 3-4 ايام مايقرب يمي !!! والله يا جماعه زوجي غريب ، مادري شلون صايره تركيبته .

من كثر ما اهوا مزاجي صرت مالي خلقه ، والله العظيم وين كنت قبل والحين وين صرت قصب قصب اجامله لاني مليت من التقلب بالمزاااج الي يصير وياه .

سااااااااااااااااااااااااااااااااااااااااااااعدوني شسوي ...

 

[al.7laa]

اختي العزيزه من جد مشكلتك كبيرة ولها أثرها الواضح على نفسيتك

والشي ذا جعلك في حيرة و مكتوفة الأيدي أمام هذه التقلبات الرهيبة التي ربما كانت من أشد الاسباب في توتر علاقتك معاه.انا من رايي أن حل هذه المشكلة يحتاج الى صبر وفن وتحمل وتغاضي وتسامح يعني عليك ان تفهم نفسيته ونقاط ضعفه وقوته وتحاولي من خلال ذلك اللعب مع مزاجيته بما يسرك ومن أهم الأمور الي تساعدك هي روح المرح والدعابه لازم تكوني مبتسمة في كل الأحول..في حال فرحه وترحه..و تعرفي متى تتكلمي ومتى تسكتي وفي حال رغبته فيك ذي فرصتك ولازم عليك تستغليها لصالحك وتتستخدمي الاسلوب الهادي وتبيني له مدى تضايقك من اسلوب تعامله معاك
وأحيانا يكون التجاهل حل كبير في علاج هذه المشكله وانتي باين عليك انك فاهمه ومتعلمه وان شاء الله ماراح تلاقي صعوبه في تعاملك معاه

تمنياتي لك بالسعاده والتوفيق

تحياتي لك

 

[القلب الحاني]

الرجل لما يبغاكي ما يلاقيك جنبه ولما يمل يلاقيكي والرجل دائما يشتاق لزوجته لما يتكون بعيده وعنده كبرياء لما تكون قريبه انت حاولي تقربي منه لما تكوني قريبه كتب الله لك السعاده

 

[اعيش_لأهدافي]

اختي العزيزه من جد مشكلتك كبيرة ولها أثرها الواضح على نفسيتك

والشي ذا جعلك في حيرة و مكتوفة الأيدي أمام هذه التقلبات الرهيبة التي ربما كانت من أشد الاسباب في توتر علاقتك معاه.انا من رايي أن حل هذه المشكلة يحتاج الى صبر وفن وتحمل وتغاضي وتسامح يعني عليك ان تفهم نفسيته ونقاط ضعفه وقوته وتحاولي من خلال ذلك اللعب مع مزاجيته بما يسرك ومن أهم الأمور الي تساعدك هي روح المرح والدعابه لازم تكوني مبتسمة في كل الأحول..في حال فرحه وترحه..و تعرفي متى تتكلمي ومتى تسكتي وفي حال رغبته فيك ذي فرصتك ولازم عليك تستغليها لصالحك وتتستخدمي الاسلوب الهادي وتبيني له مدى تضايقك من اسلوب تعامله معاك
وأحيانا يكون التجاهل حل كبير في علاج هذه المشكله وانتي باين عليك انك فاهمه ومتعلمه وان شاء الله ماراح تلاقي صعوبه في تعاملك معاه

تمنياتي لك بالسعاده والتوفيق

تحياتي لك

الله كريم يا اختي العزيزه .. اشكرج على ردج الجميل والصريح واسال الله العظيم رب العرش العظيم ان يهديه .

اختي الفاضلة .. ماراح تصدقين اذا قلت لج ان كل الاساليب جربتها معاه .. ولكن دائما تعود حليمه لعادتها القديمه .. غموض ، تذبذب ، مزاجيه ، تجاااااااااااااهل ، دلع

كل شيء عنده غامض و الكلام بالقطاره ، منتقد دائما (يارب لا تواخذني ) بس والله العظيم انا من النوع الي ما احب اعلم اهلي عن هالاشياء عشان ما يكرهونه .. فمالي الا الله تعالى الحي القيوم ثم هذا المنتدى الرائع.

الي تعرف تفسر شخصيته الغريبة وتساعدني لها من الله الاجر العظيم باذن الله ..

مع اهلي يسولف ويحبونه ولما نرجع البيت واحد ثاني .. وااذاا يبيني يصير روميو واذا خلص انقلب ورجع لطبعه القديم .. حتى مرات احس انه غير صادق باحساسه.

 

[اعيش_لأهدافي]

الرجل لما يبغاكي ما يلاقيك جنبه ولما يمل يلاقيكي والرجل دائما يشتاق لزوجته لما يتكون بعيده وعنده كبرياء لما تكون قريبه انت حاولي تقربي منه لما تكوني قريبه كتب الله لك السعاده

اختي الفاضلة ومن قالك اني مو موجدوه ، احنا في ديره وحده ومكان واحد وبس يبغاني اكون موجوده .. بس المشكلة التذبذب .. الله كريم .. شكرا جزيلا على مشاركتك.

 

[لولي^_^]

حبيبتي وش شخصية زوجك؟؟

 

[al.7laa]

لا اختي لا تقولي لاهلك الحين

لانك ممكن تهزي الصوره الجميله له بعيونهم وبعدها تخشي في مشاكل اكثر انتي في غنى عنها

اهلك تقولي لهم اذا شفتي انه مافي له حل نهائياً

ممكن يكون في ماضيه شي او عنده شي متعبه ومسبب له هذى الشي حاولي تدققي في شخصيته وصدقيني راح تلاقي مصدر المشكله عنده ووقتها راح يسهل علاجها

 

[اعيش_لأهدافي]

حبيبتي وش شخصية زوجك؟؟

والله حبيبتي ما ادري انا ودي اعرف شنو نوعه شمالي جنوبي شرقي غربي ، بس ماعرف الي تعرف تعلمني الله يجزاها خير عشان اعرف شلون اتعامل معاه لاني احترت والله فيه!!!

 

[al.7laa]

حبيبتي نوع الشخصيه مايحدد لانه ممكن يتاثر بمعارفه او اصدقائه والشي ذا له دور كبير في حياه اي شخص

في كذا موضوع في المنتدى تفسر انواع الشخصيه تقدري تزوريها عشان تعرفي نوع شخصيته

تحياتي لشخصك الكريم

 

[اعيش_لأهدافي]

مشكورة الحلا وماقصرتي على مساندتج لي والله يكثر من امثالك وانشالله الله ايسر امور كل المسلمين ويهدي ازواجنا

انا استأذن بروح انام تصبحين على خير

 

[AUDI]

كم صار لكم متزوجين ؟!!!!

 

[فتاة الخير]

شوفي زوجك واضح يحبك..لكن هل فكرتي يمكن تكوني واسعه من تحت؟؟؟جربي واسالي..يمكن لما يفكر بقربك وانه يقدر عليك تتحطم نفسيته..من هالشي ولايبي يجرحك..شوفي عن نفسك ولا انتي خسرانه..

 

[مايصحش هالحتسي]

الحل الصبر والتجاهل

اكثري من الاستغفار

بس ليش يقلب عليك؟ انتى تنرفزينه بشي!!

 

[ام رزونه*]

والله الحال من بعضه نفس زوجي انتقادي حتى ان مره قلت عيونك مثل الذبابه ماتشوف الى الشي الي مو زين وغيره لا

 

[الـنــايــ ـفه]

ا اكثري من الاستغفار

 

[شمس ابوها]

يالله يعينك ويعينا انا كذللك زوجي بس زوجي متأثر بكلام اهله وينفذ اللي يبونه ولو كان ظلم

 

[اعيش_لأهدافي]

شوفي زوجك واضح يحبك..لكن هل فكرتي يمكن تكوني واسعه من تحت؟؟؟جربي واسالي..يمكن لما يفكر بقربك وانه يقدر عليك تتحطم نفسيته..من هالشي ولايبي يجرحك..شوفي عن نفسك ولا انتي خسرانه..

ضحكتيني والله

صج كل في قلبه شقا الي له .. انا اتكلم عن شي وانتي اختي راح تفكيرج على شي ثاني ..

 

[اعيش_لأهدافي]

يالله يعينك ويعينا انا كذللك زوجي بس زوجي متأثر بكلام اهله وينفذ اللي يبونه ولو كان ظلم

لا انا مو عند اهله ولا له شغل فيهم .. بس اهوا جذي مزاجي ويحب التطنيش ويحب اكون بعيده وغامضه والله اذا صرت جذي يصير واحد ثاني وبس ارجع حق طبعي الصجي (احب اسولف واحب اضحك وادلل يقلب يصير نفسيه ويموق!!!) غريب صح

 

[اعيش_لأهدافي]

والله الحال من بعضه نفس زوجي انتقادي حتى ان مره قلت عيونك مثل الذبابه ماتشوف الى الشي الي مو زين وغيره لا

اتصدقين عاااااد ،، وعلى كثر الي قاعدين انسويه ولا كأن ينسون بسرعه ،، انا اذكر مره قريت موضوع عن الرجل انه ما يتذكر الا الحاضر يعني سويتي شي زين في حاله يكون مستانس وبعدين خلاص .. مو نفس المره بعد قلبي لو يعطيها هديه والا يقول لها كلمه حلوه خلالالالاص تذكرها طول عمرها وما تنسى ..

بس انا اتوقع ان مشكلتج قريبه من مشكتي تدرين ليش ...

لاني قريت موضوعج وانتي كتبتي ان زوجج لما سافر دق عليج وقالج ما اشتقتي لي .. بالضبط نفس زوجي السنه الي طافت كان عنده دوره خارج البلاد .. واااااي لو تشوفينه انهبل ميت علي ، ترى مدة الدورة شهر بس ، الله وكيلج 5 ايام لما رد شحليله بعدين الحمدلله والشكر رد طناقر مثل قبل ..

بس انا اتوقع ان الشي الافضل الي لازم انسويه حق البنات الي ازواجهم مثل زوجي وزوجج التطنييييييييييييييييييييييييييييييييييييييييييييييييييييش .. ونحب نفسنا اكثر .. ونستانس مع عيالنا واهوا كيفه اذا تعدلت نفسيته اهلا وسهلا واذا طنقر مايشوف شر.