ليونة قلبي
New member
- إنضم
- 7 يوليو 2008
- المشاركات
- 18
اخواتي ,, مشكلتي انو في الفتره الاخيره حاسه كثير باهمال زوجي لي وخصوصا من حملت
وبدا الحمل يتعبني . احس زوجي كل ماله يبتعد عني .. يعني اذا انا موجوده معاه في البيت
يكون على طول جالس على الاب توب , والله انه يجلس عليه بالساعات وانا جالسه قدامه مو حاس
فيني ابد .. واذا تكلم كلمتين ورد غطاهم احسهم مجامله بس , واذا رحت عند اهلي احسه يبيني انام عندهم
لدرجة لما اكلمه يقولي تبيني اجيك ولا بتنامين والله العظيم اني انقهر من هالكلام ولما اواجهه فيه يقولي
عادي هذا سؤال .. احس زوجي تغير علي بالمره لاعاد فيه كلمه حلوه ولاغيره , حتى الحمل صار مايسئل
عنه ولايدري الظاهر انا ف اي شهر ..
والمشكله الكبيره اللي انا عرفتها مؤخرا لما اجيه وهو جالس على الكمبيوتر يرتبك ويقفل اللي فاتحه
مدري وش الموضوع , صرت للاسف اتركه واروح الغرفه كاني بنام واجلس استناه لحد ماتعب وانام
ولما يجي الصبح يجي جنبي وينااااام على طول ولا كان فيه احد نايم جنبه , والله العظيم اني اجلس ابكي
حتى احلامي صارت كوابيس من كثر مافكر في هالموضوع
انا وزجي نحب بعض كثير وزوجي سيده اعرفه ماعنده لف ولا دوران بس هالفتره مدري وش فيه متغير
وسالفة هالكمبيوتر قاهرتني ورافعه ضغطي مدري وش الحل .. الظاهر اني بولد من القهر والحره اللي
فيني ..