زوجي ما يصرف علي

[اه يا قلبي]

السلام عليكم

بدون مقدمات واطاله زوجي ما يصرف علي يعني ما فيه امل امسك فلوس بيدي

ما ادري كيف اخليه يتعود ع المصروف قسم طفشت منه ودي اتوظف باي شي بس عشان اعز نفسي والكارثه انه رافض مسالة الوظيفه
وكل ما طلبت منه احس كني اشحذه احسه يمن علي
مليييييييي ابي حل عملي يالحكيمات
مع ان عندي شك ان’’ القعاطه’’ لها دواء,,,,,,,,,,

 

[خير زاد]

مرحبا اختي
اولا اصبري وتوكلي على الحي الذي لا يموت الرازق الله عز وجل وبعدين حاولي تقربي نفسك من زوجك كثيييييير وتدلعي عليه وريحيه عشان يرق قلبه عليكي وحبك اكثروحاولي تعرفي ليش هوا كذا وحلي المشكله واختاري الاوقات الي تطلبي فيهم مثلا اذا جا من الشغل لا تكلميه ابدا في امور البيت او طلباتك ريحيه وشوفي متطلباته واذابايطلع لا تطلبي منه شي الا قبل مايطلع بوقت يعني وهو يشرب الشاي مثلا كلميه باسلوب هادي وتفنني بالدلع عليه واهم حاجه التفاهم من بينكم اذا متفاهمين راح تنحل المشكله والله يوققك

 

[ميس الريم]

الله يكون بعونك انتي زي اختي بس اكيد فيه سبب اختي يقول اذا نحفتي اي حاجه تبغينها اسويها لك
انت شوفي ايش فيه

 

[ضي الفجر]

كان الله بعونك
كرري هذا الدعاء بعد التحيات وقبل السلام في كل صلاة
اللهم اكفني بحلالك عن حرامك واغنني بفضلك عن من سواك

 

[ام عبدالعزيز 83]

ماعليه يا اختي اصبري

واذكري الله يابنت الحلال

وصلي على النبي

حاولي تتقربين منه ... تتلطفين له معليه اصبري واكثري الدعاء

 

[خجلے]

يالغلا انتــي كم لك متزوجه..؟
الله يهديــــه وحنن قلبه عليك ​

 

[أم حميدة]

هل مايشتري لك الطعام والكسوة هل مقصر عليك من هذه الناحية فإذا كان مقصر عليك من هذه الناحية افعلي كما أوصى النبي صلى الله عليه وسلم المرأة التي اشتكت للنبي صلى الله عليه وسلم فقال ، خذي ما يكفيك وولدك بالمعروف ،، يعني يمكنك أن تأخذي من غير أن يدري منه نقود التي تسد ضروراتك بدون أن تتعدي الضرورة
أما لو كنت تريدين مصروف شهري أقول لك هذا ليس شرط ،، أهم شيء أنه يشتري لك الطعام والكسوة وكل رجل مكلف بحسب قدرته ( لينفق ذو سعة من سعته )
وقولي هذا الدعاء : اللهم اغنني بحلالك عن حرامك واغنني بفضلك عمن سواك
قولي الدعاء من قلبك
وإذا أردت أي شيء أولا خلي قلبك يفزع للمنان ،، يارب ارزقني ..... ، وهو سبحانه الذي يسخر لك زوجك ويسخر لك الأسباب ،،،،،

 

[هيدروجين]

الله يعينج عليه
زوجي 00سيم سيم
بس هو موفر كل طلبات البيت
بس حالي مو مثل حال الحريم
يعني بالقطاره
مثل الصنبور الخربان
ينزل نقطه نقطه
بس انا ويش سويت خذت ذهبي حق العرس وخليت اخواني يشتغلون فيه
وكل شهر يجبون لي 600 ريال
الحمدالله ولا القله
وجاتني فتره احني بس بطلت
انتي شوفي اذا عندج موهبه استغليها
او شوفي لج شوفه
مثلا في مشغل او في روضات
وحاولي تقنعينه
لان مافي فايده من البخيل اسئل مجرب
والله يعينج

 

[حبة فريز]

الله يعيننا الحال من بعضه!!

 

[راحةالقلوب2]

الله المستعان​

 

[اه يا قلبي]

اختي خير زاد جزاك الله خير
بصراحه احس نفسيتي تعبانه مره منه وهو ما يتقبل الدلع نهائيااا جدي ميه بالميه


عزيزتي ميس الريم جزاك الله خير
كل اللي يبيه سويته له ب البخل داء لا دواء له


ضي الفجر جزاك الله خير ما قصرتي ومن لي غير ربي ييسر لي امري
اللهم اكفني بحلالك عن حرامك واغنني بفضلك عن من سوا

ام عبدالعزيز الى متى الصبر الرجال غاسل يده من مصروفي كل شي بالقطاره
جزاك الله خير حبيبتي


خجلي حبيبتي لي ست سنوات متزوجه ومن تزوجت وانا حاسه ببخله وصارت مشاكل من هالشي
وحاولت فيه لين طفشني........الله لا يذوقك اللي ذقته


ام حميده حبيبتي هل مايشتري لك الطعام والكسوة ..
شوفي من ناحية الطعام هو بالطقاق يجيب المقاضي واحس فيها منيه
من ناحية الكسوه ابشرك اخر مره عطاني فيها فلوس وشريت فيها لبس كان في شهر 7 هجري وكرفته ليييييييين قال اعتقيني لا ويوم رجعت البيت قال وين الباقي هو يسوي نفسه ما همه الفلوس وانه ما يجيب الا احسن شي وانه وانه بس مكشووف
ومن كثر ما اطلب منه فلوس ويصدني صرت احس كني اشحذ منه

بعدين من قال المصروف الشهري مو شرط يعني لازم يكون بجيبك لو خمسين ريال
ومن ناحية انو اخذ منه من دون علمه هو يعد الريال قبل الميه واحس هالشي مو اسلوبي ما اقدر

جزاك الله خير حبيبتي وما قصرتي

اختي هيدروجين الله يكون بعونك والله البخل مصييييييييييبه
هو معارض الوظيفه يعني شين وقوات عين


اختي حبة فريز الله يكون بعونا يهديهم ويفك عقدهم ياااااااااارب



اخيتي راحة القلوب اراح الله قلبك من كل هم مشكوره ع المرور