زوجي ما يخبي شيء عن أهله ...أحتاج آرائكم

[الصبر جميل24]

السلام عليكم ورحمة الله وبركاته



اخواتي العزيزات ،،،أسعد الله اوقاتكم وقضى عنكم حوائجكم اللهم آمين

انا زوجي ما يخبي شيء عن أهله حتى مواضيعنا الخاصه .........لي فتررررررررررررة طووووووويلة أعرفه حاولت معاه بس ممكن ما وصلت الطريقة الصحيحة وهو شمالي غربي وانا شماليه شرقيه



ياليت تدلون على طريقة ولكم مني دعوة صادقة

ياليت تردوا لو بالرفع

 

[الصبر جميل24]

محتاااااااااااااااااااااااجة ردووووووودكم

 

[براءه طفوله]

فهميه بأسلوب حلو انك تتضايقين من هالشي
وان اصلا مايجوز شرعا انه يفضي لاحد ايا كان اللي يصير بينكم
والله ييسر لك ويعينك
​

 

[نعومه كول]

حبيبتي تفاهمي معاه بالحسنى وانه مايليق بالرجل يكون ثرثار
انه الرجل شخصيته اكبر من كذا
وانه لازم يكون ثقيل
قولي له اهلك كمان راح يستغربوا منك انك تسوي زي كذا

 

[اماراتية دلع]

اخترعي قصة من نفسج و قولي له ربيعتي تخبر اهلها كل شي عن زوجها و بعدين اهلها صارو يكرهوه و سعو لطلاقهم
تقبلي مروري
و الله يسعدج

 

[بدور التماسي]

الله يعينج اختي ولازم تفهميه بلطف وذكاء انه مش حلوه ينقل اخباركم لاهله....

وان لو انتي تخبرين اهلج بكل شي راح يعجبه.......والله يوفقج....

 

[قطـــــريه]

قبل ما يروح هو يبلغهم روحي انتي بلغيهم خاصه الاشياء اللي انتي عارفه انه بيقولونها له .. واذا كلمج قولي له ليش زعلت مو انت علمتني انك تروح تقولهم قلت انا بروح اقولهم قبلك شفيها هلك هم هلي .. صدقيني مع الوقت بيكره هالشي وبيمنعج وهو نفسه بيمتنع عن هالشي ..