زوجي ما يحترمني ... ابي حل ؟؟؟

[عاشقة المجد]

عزيزتي
لاتفكرين انج تنفصليين حرام حاولي تتفاهمين معاه وتفهمينه
الله يهديه بس

شكرا شجون دبي ماقصرتي

 

[عاشقة المجد]

لا تكبري الموضوع يااختي

في كثير من الرجال يكون لسانهم سليط ...ولكن قلبهم ابيض

انت بيني له ضيقك من اسلوبة في الكلام ..وان شاء الله مع الوقت يتغير

شكرا عنقود عنب ما قصرتي
انا دايما احاول ما اكبر المواضيع واستسغرها عشان جذي صايرلي خمس سنين معاه
لو ابي اكبر الموضوع عشان من زمان منفصلين
الله يصبرنا انشاء الله وما قصرتي مرة ثانية

 

[متفائلة باأحلى]

الحوار معه مربط الفرس لكن بأاسلوب مو بهواش ووقت يكون رايق على الاخر وقدمي له حلاقهوة فاكهة عصير اي شي يعني ماتحسسينه انك جايه تهاجمينه ولوبعدها حسيتي نفسيتك مرتاحة بعد التحاور معه زيني الجو واحم احم والدلع والتسنع هههه وتشوفين النتيجة بس كوني حازمة في الحوارمع شوي دلع ودموع وقولي موحرام اسمع من حبيبي هالكلمة واهي اهي ولاتكثرين وارتمي بحضنه وقولي بأاذنه بوشوشه احبك ياقاسي اهي أهي بدلع ..وان كان ماحسيتي بعدها بأنك تموتين فيه بعدما يذوب مع هالدلع ماأكون انا متفائلة بأاحلى هههههههه الله يسخره لك الله الله بلي قلت فديت قلبك ياعسل

 

[عاشقة المجد]

الحوار معه مربط الفرس لكن بأاسلوب مو بهواش ووقت يكون رايق على الاخر وقدمي له حلاقهوة فاكهة عصير اي شي يعني ماتحسسينه انك جايه تهاجمينه ولوبعدها حسيتي نفسيتك مرتاحة بعد التحاور معه زيني الجو واحم احم والدلع والتسنع هههه وتشوفين النتيجة بس كوني حازمة في الحوارمع شوي دلع ودموع وقولي موحرام اسمع من حبيبي هالكلمة واهي اهي ولاتكثرين وارتمي بحضنه وقولي بأاذنه بوشوشه احبك ياقاسي اهي أهي بدلع ..وان كان ماحسيتي بعدها بأنك تموتين فيه بعدما يذوب مع هالدلع ماأكون انا متفائلة بأاحلى هههههههه الله يسخره لك الله الله بلي قلت فديت قلبك ياعسل[/QUOTE
شكرا ياعسل
انتي اللي عسل وكلامك بلسم للجروح
بس انا مشكلتي حدي استحي وما اقوى على المواجهة والدلع
بس عايشة حياتي على راحتي
الله كريم انشاء الله

 

[عاشقة المجد]

حبيبتي استخيري وحاولي تجلسين معه وفهميه يغيراسلوبه معك زوج اختي لسانه دائم بذي بس قلبه طيب واصبري

حياتي ما قصرتي اهو صج قلبه طيب
بس لسانه متبري منه معاي بس
مع الناس واهله واهلي لسانه عسل ليدرجة اني اغار اذا كلم امه يكلمها ببغزل :20:

 

[عاشقة المجد]

انا اقولج بصراحة هالحالة تجي ريال يوم يمل من الحرمة صدقيني
شكلج من زمان ما وقفتي وياه وقفة محترمة
يعني ازعلي زعلة و حتى لو يريد يصالحتج لا تعطينه ويه
خليه يتربا شوي عشان ما يعيد هالكلمة

اتصدقين ان صايره مالي خلق الزعل
تدرين انا بعد هالسالفة رحت وخذيت العيال وديتهم الالعاب
وبعدين رحت استاربكس ولا جن صاير شي ​