زوجي لا ينام معي على فراش واحد.. اقتراحاتكم

[Iman husain]

السلام عليكم عزيزاتي
مشكلتي واضحه من عنوانها واجهل اسبابها
صارلي متزوجه عشر سنين ومشكلتي اعاني منها ما يقارب ال7 اشهر
احنا في بيت واحد انام في غرفتي وزوجي بغرفة المعيشه
بدون اي سبب يذكر ولا اي مقدمات حدث هذا التصرف
يدخل غرفة النوم على مزاجه اذا كانت له حاجة اقصد للجماع
لي سبع اشهر ناسيه النومه علا صدره او اي من حركات العشاق
حاولت بشتى الطرق حل هالموضوع (دلع - حيله -مصراحه- نقاش -مشاجرات) وماتغير اي شي بالموضوع
ساعدوني واي سؤال انا حاضره
دعاؤكم خواتي ..**

 

[غرور القمر]

هلا بك الحل انك تروحي تنامي بنفس مكانه خليه يزعل ولا يصارخ اهم شي ما تتركية انتي غلطك انك عودتية على هالشي يعني لو من البداية حلتيها و نمتي بنفس المكان كان طفش و رجع لك


حاولي و قوليلة اعطيني سبب يقنعني بنومك بعيدعني؟؟؟؟؟؟؟؟؟؟؟؟

 

[حـبيبت حبيبها]

لا مو تروح تنام في مكانه ماصارت..ياحبيبتي انت من البدايه ليه تسمحيله ينام لوحده مو تخليه يروح لوحده وانت لوحدك وبعدين بتعدلين واللي يعطيه فرصه انه مايتغير انه متى مابغاك جاك ليه ياحبيبتي تسمحيله انت منتى حيوان ماعندك احساس..والله اسفه على دي الكلمه..بس قصدي انك عندك احساس مو كدا وانت المفروض لاجاك يتوقف عند حده يعني تفهمينه انك منتي جماد وماتحسين يجيك وقت مايبيك ويقضي حاجته..ماصرت حياء..
اسسسسسفه على اسلوبي لكن والله تكلمت من القهر وانك مستسلمه له..اسفه ..اسفه..بس عشان تصحين..

 

[Iman husain]

اختي غرور القمر فعلا هذا وجدته انسب حل وتوقعت ان بعده راح يضطر انه يرجع لفراشنا بالغرفه ولكن بدون فايده
نمت بالصاله معاه تقريبا اسبوع وتحملت النومه لانها ابدا مو مريحه تخيلي فرشه وعلا الارض وبعدها قلتله لو اقدر انام معاك اهني اكثر والله انام بس ماقدر،، اعذر وضعي وقومتي وقعدتي من علا الفراش اهني بالصاله صعبه مع العلم اني كنت حامل وقتها والحين ولدت ولله الحمد والوضع مستمر. انا فعلا توقعت ان هالحل بينجح معاه بس خاب ظني. اشكرج يااختي اتمنى تفيديني مع وضعي الحين صحيح ولدت بس الولد بعده اشهر فكرت اعيد هالحركه بس ماكو مجال. **

 

[Iman husain]

اختي العزيزه مشكوره عالرد وانا عاذره اسلوبك بس اكيد من حر مافيكي لانه صحيح شي يقهر
ما استسلمت وياما حاولت وناقشت وتجادلت. تخيلي اني احس بالذل واحس ان كرامتي بالحظيظ من هالحركه ،، تعبت من كثر ما اتكلم واترجى واتدلع وحاسه اني قاطه نفسي عليه اكثر من اللازم علا هالموضوع بس شنو الحل ماني عارفه.

 

[ممنوع من الصرف]

الله يعينك ما اعرف بحول الله البنات يساعدونك

 

[ياقلبي كفاية]

الله يفرج همك ويصلح زوجك
روحي نامي بنفس المكان انا زوجي بغا يسويها تفاجا اني جيت انام معه قال ابي انام لوحدي قلتله انا مو من حقي اقوم وانام بفراش غير
وانا مااسمح لك تسوي هذا الشي
واحيانن اجلس وهو يقول ابي انام اقوله نام مامنعتك فيضطر يروح للسرير
وعرف ان مافيه مجال

 

[ظبي الشمال]

الله يعينك ويصبرك...

الرجاااااااال جننونااااااااااا ماخلو فينا عقل الله يصبرناااا عليهم والله يسخرهم لنااااااااا...

أنا زوجي كان يحااااول ينام لحاله وأرفض ويتعذر بأزعاج عيالي...قلت له أذا بتنااااااااام لحالك وبس تجي أذا تبي شي(....)أسفه ممنوع دخول غرفة النوم للمصالح وأقفل على نفسي الغرفه..والحين أقوله روح نااااااااام بالمجلس
(طبعا مو من قلب بس أعرفه مايجي غير بالعكس) ويقولي مابقى غير تطرديني هههههههه

 

[زهوووور الريف]

سبحان الله دائما الدنيا بالعكس
انا اللي كرهت النومة مع زوجي من كثر المشاكل وصرت انام بغرفة ثانية وكان يقول لي تعالي وانا أرفض
وبعدين لما شفت التحذيرات من البنات رجعت غرفتي لكن بعد فوات الاوان ماصار يهتم فيني جيت والا رحت
يااااارب الهمنا الصواب .**

 

[Iman husain]

الله يهديه لي ويهدي سر الجميع
ماقصرتو خواتي

 

[مـزون]

الفتره طوويله اكيد انه تعود
حاولي تعرفين ايش في نفسه اكيد في سبب
راقبي تصرفاته

 

[سكر اسمر]

لازم جلسة مصارحة بدون عصبية لأن هذا العمل متعب لنفسية الزوجة وخاصة انه جاي بعد عشرة سنين والمدة هذي مو هينة وموحلوة في حق الزوجة حاولي واياه يمكن فيه شي وتقدرون تحلوه سوى الله يجمع بينكم دايما على خير

 

[شرطية مرور]

نفس المشكلة , و كنت دايما لما أزعل من هل موضوع زوجي يقولي انتي تعملي مشاكل من ولا شي، يعني هو بالنسبة له الموضوع تافه و يستغرب ليش أنا أصلا أزعل ، و كللل الطرق ما نفعت معاه و مثلك يا أختي صرت أحس كاني أشحت شي و أهين نفسي، لحد ما عملت معاه مشكلة من أسبوع على نفس الموضوع و نفس الشي قالي انتي عاملة مشكلة على شي تافه، و رحت قلتله انه هجرك لي في الفراش ذكره ربنا في القرآن بأنه هذا أسلوب معاقبة الزوجة الناشز و أنه يأثر في نفسيتها جدا و عشان كذا ربنا ذكر هالطريقة للتأديب و انت قاعد كل يوم تهجرني بدون سبب،، لما قلتله كذا حسيته أخيرا فهم :35:و من أسبوع و هو ينام عندي ههههههه

 

[بعد]

حبيبتي يمكن عنده مشاكل في ..........
انتي لاحظتي عليه ضعف اوغيييره

 

[حبايبي اولادي]

افففففففففففففف من الر جال جدا تعبونا قلت بدخل المنتدي اشوف اخبار اخواتي لقيت كلنا هموم يارب فرجك قررررررررررررررريب

 

[احبك مووووووت]

طيب حبيبتي انتي راقبتيه لما ينام لحاله يعني يكلم ولا لا فيه مسجات كثيره ولا لا؟؟

وغير كذا لما سالتيه ليه تنام لحالك وش كان رده؟؟

واسمعيني ياقلبي خلي ايمانك بالله قوي وكثري الدعاء واشربي مويه مقري فيها وخليه هو يشرب الله يصلح الحال بس والله محد مرتاح بهالدنيا الله يكون بالعون بس

 

[umm_omar77]

الله يعينج اختي ويعينا معاج والله حاسه فيج وبعد ريلي **يسكر الغرفة بالمفتاح يعني بالفصيح انا ما اباج معاي

 

[نبراس الهداية]

أختي حبايبي أولادي .. أعلم أنك قلتيها من قهرك لكن دائما أستبدلي كلمة افففف بقولك "لا حول ولا قوة الا بالله" ستحسين بحرارة قهرك قد خفت وكسبتي أجر قولها.

أختي صاحبة الموضوع لا يتغير الإنسان فجاءه بدون سبب وبعد عشرة 10 سنوات في غرفة واحدة لا بد من وجود سبب ولن تستطيعي حل المشكلة الا إذا عرفتي السبب أو هدى الله زوجك وزال السبب. فعليكي الإجتهاد باللين والمعاملة الطيبة لمعرفة السبب مع الدعاء والألحاح فيه وأتركي الباقي لرب العباد . فرج الله همك وهم كل مكروبه وسخر لنا أزواجنا لما يحبه ويرضاه.

 

[الحياهـ ماشيه]

يمكن مــــــلل
غيري الجو بالغرفه <<<وهالششيء سوويه عششان انتي تبغين مو عششانه
ادا يقعد ع التلفزيون
جيبي واحد بالغرفه
وبعدين لا راح ينام بالصااله انششششششششغلي عنه بغرفتك
خليه يحسس ان وراك شي ماتبغينه يعرفه
واقعدي رتبي وحوسسي اكشخي سوي اللي تبين
بس خليه يفقدك


**
او انك تطلبين منه انه كل لييله قبل يناام تملين له حركه معينه
(*مسسسسساج , بووسه , تلعبي بششعره لين ينام , ,,,الخ *)
يصير لو يوم ما جيتي وسويتي هالشيء بيقددك ويجيك الغرفه
وحتى لو ماجاك اقلها يكوون متعوود ع يدك ويحس فيك
يعني مو شرط تتبعادوا بالفراش وبالجسسد كمان
وزي ما قلت لك خلي غرفتك غرفة عرووووس
.ولا تششيلي همم لاني اتووقعه ملل
..والله يسسعدكم يارب

 

[هندالغالية]

الله يسخره لك ياقلبي