زوجي لا يصلي.......وش اسوي معاه

ن

نور الملاك

New member
إنضم
2009/06/17
المشاركات
39
السلام عليكم

هذي مشكلتي باختصار
بعد ماتزوجت اكتشفت انه مهمل بالصلاه .......مره يصلي الصلاه بوقتها ومره يأخرها
والحين صار مايصلي حتى لو اعضته وذكرته بربه
تصورو مره بعد ماسوينا الاحم احم طلع مع ربعه وجا بعد صلاه المغرب.....قلت له روح صلي بالاول
قال لي صليت!!!......قلت له كيف صليت يالذكي وانت ما اغتسلت؟؟؟
عادي يضل ليوم ثاني مايغتسل وتطلع منه ريحه احيانا وهذا الشي يقرفني
واذا مارضيت اسوي معاه الاحم احم الا لما يصلي يقوم علي الدنيا ويقعدها وتنقلب مزاجه فوق تحت
ومره تهاوشت معاه وقلت له: احسن من كفار قريش ياللي ماتخاف ربك....يرد: تكفي يا اهل البيت!!!!
وبالامس مارضيت اسويها معاه......ادري انه مايجوز.....بس ماقدر اتصور نفسي اعيش مع واحد مايصلي

ابي رايكم الله يخليكم
 
حبيبتي الله يفرّج همّك ويهدي لك زوجك يارب.
..................................................................
قال الله تعالى ( وأمر أهلك بالصّلاة واصطبر عليها )......
حبيبتي أنصحي زوجك بطريقة هادئه وحكيمه وليّنه
وسلاحك الصبر وطولة البال ...لأن طريقتك له بالنصح
( منفّره وفيها أمر عليه وسخريه منه ..وهذا يخلّيه
يعاند ويكابر ...لازم تصبري وتتحملي حتى تظفري
بالنتائج الطيّبه ان شاء الله ....والله يؤجرك عليه يارب
.......................................................................
 
شكرا اختي على مرورك
والله حاولت وياه باللين في البدايه بس مافي فايده
تعبني حسبي الله عليه
الله يهديه
 
( العهد الذي بيننا وبينهم الصلاة فمن تركها فقد كفر ) والكافر يفسد نكاحه ويكون ما بينك وبينه زنا والعياذ بالله ~ لا تستهيني بهذا الأمر ~ دقي على شيخ واستفتيه فأنا غير مفتيه لكن سمعت فتيا والله أعلم ~ انجي بنفسك وربما استجابتك له تكونت محرمة ~ والجئي لخالقك ~ عسى الله أن يحدث بعد ذلك أمرا~ لاتنسي من الآن ابحثي عن شيخ تستفتيه
 
لازم تستفي في جلستك معاه لانك تاثمي اذا ضليتي معاه وهو ما يصلي
 
ربنا يهديه يارب بس الرجال ما يجوا بالعناد سايسيه وادعيله
​
 
سمعت شيخ يقول اذ كان مره يصلى ومره لا لاينطبق عليه حكم الكفر
الله يهديه ويرده للحق
 
اخني انا قرات قبل كم يوم في منتدى من المنتدايات عن واحده لديها نفس مشكلتك وردت عليها واحده تقول دائما اتركي السجاده مفروشه وجنبها المصحف ومسبحه ولازم تكون معطره ومبخره وباذن الله راح تلا قين زوجك ما يترك الصلاه او تجبينها هديه ليه ودعواتنا له بالهدايه ولجميع المسلمين
 
إجلسي معآه وكلميه بهدوء وإسلوب
وإذآ كآن مآيصلي مآيجوز تجلسين معآآه
وليه مآيغتسل بعد آلأحم إحم على قولتك
كيف يجلس كذآ قرف
حآآآولي حآولي معآه إذآ مآقدرتي روحي بيت أهلك
آلله يهديه وينور قلبه​
 
الله يهديه ،ادعيله بالهداية واللين ،الله ينور بصيرته وجميع المسلمين
 
الله يهديه ان شاء الله وهذي مشكلهـ تعاني منها اغلب المتزوجات

الله يعيننا
​
 
ومره تهاوشت معاه وقلت له: احسن من كفار قريش ياللي ماتخاف ربك....يرد: تكفي يا اهل البيت!!!!
أنقر للتوسيع...

ههههههههههههههه دمه خفيف
زني عليه كثر الزن يفك الحام واقوى من السحر
صحيه وقت الصلاه وذكريه خليه يروح صلاه الجمعه بدري يمكن يسمع خطبه تهدي سره وتخليه يهتم بصلاته
قومي ثلث الليل صلي وادعي له بالهدايه ادعي ثم ادعي ثم ادعي له
 
حبيبتي أسلوبج غلط ...ماله داعي تسبين زوجج ,,,أنتي عليج تنصحينه بس ,,هو اللي بيتحاسب ,,,

أنا زوجي ثلاث سنين ركعه وجدة ما سجدها ,,,كان كلش كلش ما يصلي , بس صلاة الجمعة تخيلي ..,,كلمته باللين يقول ان شاء الله بصلي ...
صرت أتعمد أصلي جدامه ,,حتى بنتي لها سجادة صغيرة تصلي حذاي وهي عمرها سنتين وزوجي يشوف ,,,
قلت له شوف الله شعطاك زوجة وعيال ورزق من حيث لا تحتسب ,,وكان يسكت مايعرف شيقول,,,تميت على مدى ثلاث سنوات متواصلة أدعي وأدعي وأتضرع لربي يهديه ويعلق قلبه بالمساجد ...كنت كله أدعي بهالدعاء(( اللهم اجعلني مقيم الصلاة ومن ذريتي اللهم وتقبل دعاء)) ((اللهم هب لنا من أزواجنا وذرياتنا قرة أعين واجعلنا للمتقين اماما))
عمري ما زفيت زوجي عشانه ما صلى وعمري ما منعته حقه الشرعي فالفراش عشان ما يصلي لأن هاي مب حل أبدااا ,,,ترا يعاندون مثل اليهال ,,,صرت أخذ له سيديات لطارق سويدان والجبيلان وغيرهم من الدعاة ونسمعه أنا واياه فالسيارة ,,,شوي شوي بدى يصلي فالبيت لا ومقطع بعد ,,,وأنا صااااااامدة أدعي انه ربي يهديه ومتأكدة ربي ما بيخيب رجاي ,,,وصج ألحين ولا صلاة تفوته أبداااااا فالمسجد ,,,ما شاء الله عليه صار يتحرى بس متى يأذن ,,,

حبيبتي كل شي بالهداوة ,,,وعليج بالدعاااااااااااااااااااااااااااااااااااااء ...وكله حاولي تصلين جدامه ترا بيحس على دمه ...الصبر فديتج والله يهدي زوجج ...
 
ههههههههههههههههههههههههههههههههههههههههههههه حلوه اهل البيت الله بهديه لك
 
عليك بالدعاء ليل ونهار
أسال الله الهداية له
انك لا تهدي من تحب وانما الله يهدي من يشاء
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل