زوجي لا يحب الأستاذة ناعمة ؟؟!! انتظر رأيكم ...

[" المهاجرة لله "]

اغلبهم ما يحبون ناعمة لانها فتحت عيوننا لهم!!!!

غلطانة لما كلمتيه عنها!!
النتدى باللي فيه للنساء وهو ما يخصه يعرف شي
الحمدلله مافي حرام نسوييييه
فلا عد تيبين سيرتها عنده!!!

 

[اعلامية طموحة]

انا ماقريت كل الردود بس عجبني لما قلتي باطلب بثقة واختصار​

وانا من وجهة نظري ان بالفعل يمكن يكون غيران منها ومن شدة حبك لها .. وهو من النوع اللي مايقدر الدورات ومحبين الدورات ​

وانا سمعت ناس تقول العلم مش من الدورات العلم من الحياة وكلام معرف من وين يجيبوه يعني الدورات وطلب العلم مش جانب من جوانب الحياة؟؟؟؟ .. ​

اقولك اعقدي هدنه مدة شهر أو شهرين ولا تجيبي للمواضيع هذي طاري .. واشتركي مثل ماقالت وحده من الاخوات في المجله​

بعد فتره اطلبي الاشتراك في الدورات .. المهم لا تزعلي على زوجك يحليله بسبب الاستاذه أكيد هالشي مايرضيها​

 

[هدوئي سر قوتي]

اللهم سخر لها زوجها كما سخرت البحر لسيدنا موسى عليه السلام​

وألن لها قلبه كما ألنت الحديد لسيدنا داوود عليه السلام​

توكلي على الله حبيبتي وإن شاءالله مايصير إلا اللي تتمنيه
أتمنى الأستاذه ناعمه تشوف موضوعك وتعطينا أسلوب للإقناع
لكن وين الدورات اللي تبغي تسجلي فيها لأني شفت تصويتك لبنات المدينه لا يكون في دورات للمدينه وأنا ما أنتبهت؟؟؟​

آميييييييييييييييين ياغالية آميييييييييييييييين
الدورات الي ابغاها مو في المدينة لكن ممكن أسافر لها لو تفهم زوجي واقتنع ..



بإنتظار الناعمة ناعمة عشان تعطينا فعّال بإذن الله ..


ومشكورة حبيبتي لإهتمامك ..

 

[القلب الحاني]

مغروض لاتقولين اسمها الابعد مايسالك هو عنها لانه يتقبلها اداجاء من عنده السوال وهاولي اخفاء اسمها

 

[ma7rooma]

الرجال على الاغلب يكرهون المتميزات من النساء
قبلها مريم نور وفوزية الدريع​

 

[هدوئي سر قوتي]

آآآآآآآآآآآآمين ياارب​

تصدقي عااد .. أنا ودي أحضر دوراتها ​

بس إلى الآن ماالقيت طريقة أقول لزوجي بيها
عن الدورات من غير ما يعرف عن إيش

الصراحة .. بكرة لو تغير في شي ما أبيه يعرف السرّ​

مشكورة حبيبتي على ردك .. وياليت والله نلاقي حل ناجح ..

 

[هدوئي سر قوتي]

اغلبهم ما يحبون ناعمة لانها فتحت عيوننا لهم!!!!

غلطانة لما كلمتيه عنها!!
النتدى باللي فيه للنساء وهو ما يخصه يعرف شي
الحمدلله مافي حرام نسوييييه
فلا عد تيبين سيرتها عنده!!!

لكن زوجي مايعرف أنها تكشف فضايح الرجال وبلاويهم


هو يقوول هذا كلام فاضي ومايستاهل 500 ريال ..



صدقيني كان لازم يعرف اسمها لأني حضرت لها دورات سابقة ..

كيف اقدر اخبي عنه وأنا يلزمني تسجيل وفلووس ومشواار ؟؟!!


عموما مشكوورة حبيبتي على اهتمامك ..

 

[بنت العيـــن]

والله مابيكرهها الا واحد مريض نفسي

فديت روحها والله

ملاك نازل من السما ربي يحفظها ولايحرمنا منها

انا ماكنت احبها وايد عادي يعني

بس يوم شفتها في الدورة سبحان الله دخلت قلبي

انسانه مافي أروع منها

الله يهدي ريلج ويسخره لج

بس ترى انتي غلطانه بعد

شكلج انتي كرهتيه فيها بدون ماتحسين

من كثر ماتطرينها وتخبرينه عن اللي تكتبه وتقوله

 

[هدوئي سر قوتي]

انا ماقريت كل الردود بس عجبني لما قلتي باطلب بثقة واختصار​

وانا من وجهة نظري ان بالفعل يمكن يكون غيران منها ومن شدة حبك لها .. وهو من النوع اللي مايقدر الدورات ومحبين الدورات ​

وانا سمعت ناس تقول العلم مش من الدورات العلم من الحياة وكلام معرف من وين يجيبوه يعني الدورات وطلب العلم مش جانب من جوانب الحياة؟؟؟؟ .. ​

اقولك اعقدي هدنه مدة شهر أو شهرين ولا تجيبي للمواضيع هذي طاري .. واشتركي مثل ماقالت وحده من الاخوات في المجله​

بعد فتره اطلبي الاشتراك في الدورات .. المهم لا تزعلي على زوجك يحليله بسبب الاستاذه أكيد هالشي مايرضيها​

شرفتيني ياالغالية بردك ومرورك <<< أحبك في الله ومن زماان زتوها تجي فرصة أعبر لك


انا مشتركة بالمجلة ولله الحمد طبعا بدون علمه ..

لكن ماتكفيني عن الدورات ..


صدقيني شوفة الأستاذة بسسسسس شوفتها تعطيك احساس عجيب وقوة عجيبة .. فمابالك بكلامها وحكمتها ...


الله يهدي زوجي ويسخره لي يااااااااارب

وإن شاء الله ما ازعل من زوجي بسبب الاستاذة ... اصلا هي لها الفضل الكبير بعد الله ... في تحسين علاقتي بزوجي .. وفهم نفسيته .. الله يجزاها خير يااااارب

 

[هدوئي سر قوتي]

مغروض لاتقولين اسمها الابعد مايسالك هو عنها لانه يتقبلها اداجاء من عنده السوال وهاولي اخفاء اسمها

هو هذا بالضبط الي صاار

لما حبيت اشترك المرة الي فااتت بالدورات .. عرف اسمها ..


مشكورة اختي على اهتمامك .

 

[اميرة مملكتي]

الله يسخره لك ويسخرك له​

 

[ساحرة قلبه]

فيه موضوع قراته عن طرق الإقناع باللمس انه لو بتقنعينه بشي تمررين يدك على يده وبالذات اصابعه يعني هذا يحفز شي في الدماغ حاولي تدورين هالموضوع رائع بصراحة

 

[onotha]

الله يهديه ويسخره لج ​

 

[homar]

ربنا يهديلك زوجك وييسرلك امرك​

 

[نظرةعيوني ذلتهم]

زوجج واغلب الازواج والرجال يكرهون الاستاذة لانها كشفت الاعيبهم واوراقهم
الله يهديه
بس حبيبتي اذا تبين تحضرين الدورات قوليله انحج رايحة محاضرة نسائية وما تييبين سيرة ناعمة الهاشمي في شي
وبكذا ما راح تكذبين عليه
الله يهديه

 

[مشتاقه لريلي]

اول ملاحظه لي عليك توقيعك لانه يسيء لناعمه وانتي قصدك تمدحينها 000 يعني اسمحيلي طريقتك بالعرض خطأ خاصه إني قريت لقصص بعض العضوات ذكروا إن أزواجهم قدروا موقف ناعمه ولا مايفهموني غلط قلت يحبونها 000 إذن طريقتك بالعرض غلط ويمكن هذا اللي خلازوجك يرفض 000 في فكره لناعمه إنك تشتركين بس تهدين الاشتراك لنفسك وتقولين لزوجك هديه من صديقه شفت حظي من السما وتعبرين بصدق عن فرحتك 000 (علىأساس تدبرين الفلوس)طبعا تختارين وحده متاكد إنها ممكن تسويها او امك مثلا ويمكن يودييييييييييييك 00 واذا عالتوصيل دبري أحد يوصلك بتوفرين عليه 00 وإذا رفض تماما تأكدي بيرجعون فلوسك واشتركي بالدورات الداخليه بالمنتدى يعني دوره وانتي داخل بيتك 00 والسلام عليكم ورحمة الله وبركاته

 

[المعلمة الراقية]

عزيزتي ربما لانه شعر بقوة شخصيتك ومعرفتك لحقوقك اكثر مما كنت عليه سابقا

يعني بالمختصر ناعمة خربت عليه​

 

[هدوئي سر قوتي]

اول ملاحظه لي عليك توقيعك لانه يسيء لناعمه وانتي قصدك تمدحينها 000 يعني اسمحيلي طريقتك بالعرض خطأ خاصه إني قريت لقصص بعض العضوات ذكروا إن أزواجهم قدروا موقف ناعمه ولا مايفهموني غلط قلت يحبونها 000 إذن طريقتك بالعرض غلط ويمكن هذا اللي خلازوجك يرفض 000 في فكره لناعمه إنك تشتركين بس تهدين الاشتراك لنفسك وتقولين لزوجك هديه من صديقه شفت حظي من السما وتعبرين بصدق عن فرحتك 000 (علىأساس تدبرين الفلوس)طبعا تختارين وحده متاكد إنها ممكن تسويها او امك مثلا ويمكن يودييييييييييييك 00 واذا عالتوصيل دبري أحد يوصلك بتوفرين عليه 00 وإذا رفض تماما تأكدي بيرجعون فلوسك واشتركي بالدورات الداخليه بالمنتدى يعني دوره وانتي داخل بيتك 00 والسلام عليكم ورحمة الله وبركاته

المعذرة اخواتي راح اتجاوز ردودكم لرد الأخت - مشتاقة لريلي -
غاليتي :
إن كنت ترين أن توقيعي مو زين ..فأنا أعتبره معبّر جدا .. ولا ارى فيه مايسيء للأستاذة ناعمة بشيء ... و لو شفته مسيء لو بمقدار ضئيل كان مافكرت احطه ..

.. لن أغير توقيعي حتى أقتنع أنه فيه مايسوء .. أو يفرج الله لي بموافقة زوجي ..
وما أدراك لعل الأستاذة تقع عيناها عليه فتأتي وتشرفني هنا وتضع رأيها بالموضوع .. من يدري !!


أخيتي :
شكرا لمرورك .. والطريقة التي ذكرتي قرأتها في المنتدى سابقا ولكن لا تناسب وضعي أبدا .. خصوصا أن ذهابي للدورات يستلزم السفر ..

..................​

همسة إلى زوجي الحبيب : لو علمت بفضل الأستاذة ناعمة عليّ وعليك وعلى علاقتنا الزوجية .. لما ترددت في الموافقة على حضوري .. ولساهمت في حضور أخواتك كلهن وقريباتك لهذة الدورات التي لا أعتقد أنه توجد دورات تقاربها بالفائدة والتميز ...

 

[هدوئي سر قوتي]

الرجال على الاغلب يكرهون المتميزات من النساء


قبلها مريم نور وفوزية الدريع​

والسبب لهذا الكره ؟؟ هل هو خوف المنافسة أم ماذا ؟؟

مشكورة لاهتمامك

 

[أم جديدة]

اذا سألك عن مصدر المعلومه قولي قريتها في النت مو لازم تقولين ناعمه