زوجي غلط علي شسوي!!!

ب

بزه المرتزه

New member
إنضم
2011/04/19
المشاركات
42
السلام يابلقيسيات
امس جاني زوجي الشمالي الشرقي وجايب حلو معاه!
قتله من وين قالي صديقي معطيني اياه من امه لاني احبه
انا حبيت اتدلع عليه فغرت شوي قتله اكيييييد صديقك وهو يضحك
بعدين رحت عنه الغرفه كنت ابيه يلحقني بس ما جا وراي رديتله قتله يعني ما تجي قالي انتي زعلتي لاني جايب الحلو شسويلج
قتله ما زعلت بس كيفك خلاص \واهو كان عنده دوام 12 ساعه تحت الشمس وجاي تعبان
بعدها دخل الغرفه وكنت مستلقيه بالفراش لفيت عليه قتله يعني ما تجي تراضيني قالي اراضيج على شنو انا مو مسوي شي!1
قتله صح ماسويت شي بس ياخي قاعده اتدلع عليك والمفروض تدلعني
قالي كيفج تدلعي وحقرني!!!!
قتله شنو يعني ب(بالطقاق) هذي كلمه كويتيه بس ما اعرف اشرحها بس بما معناه يعني انا مو هامتك وضربي راسك بالطوفه
قالي اي بالطقاق!!!
انا اهني زعلت جد
وكنت مو شايفته طول اليوم و ولهانه عليه وختمها بهالكلمه!!
واليوم دزلي مسج اول ما صحى وليلحين ما اتصل! وهو من عادته ان يتصل اول ما يطلع
فالحين شسوي
اتصل والا اخليه يحس ان غلط علي لما قالي هالكلنه!
مابيه يعيدها ومابيه يتعود ان يغلط وارجع اكلمه عادي
مع العلم اني دايما باي مشكله انا الي ابادر واكلمه ونتفاهم
بس هالمره اهو غلط ولازم يعرف ان الي قاله غلط
شسوي الحين
 
ما بعرف و الله سامحيني بس الصراحة زوجك ما غلط بشيء أشوفك انت اللي عملتي قصة و زعل من ولا شيء

رأيي كبري عقلك و تصرفي عادي و ما تذكري الموقف و كأنه ما صار شيء
 
انتى عاملتى من الحبه قبه زوجك و جايب لك معاه حلا تزعلى من كلمه قالها يمكن بيمزح معك
و كمان انتى قلتى انه جاى من دوامه تعبان
انتىبس كنتى محتاجه يدللك شوى و هو ما فهمك فانتى كبرتى السالفه
استهدى بالله و عدى الموضوع
 
ياقلبي هالشمالي خرب ابو الدلع
كنتي تبين تسمعين منه كلمه حلوه
انقلبت دراما
الشمالي جدي مايحب هالحركات



وعلى فكره نكك خياااال ههههههههههه
 
الحين هو مسكين جاي قرفان وتعبان وله 12 ساعه تحت الشمس يبي يجي يرتاح تجين تزاعلينه
مشى الموضوع عادي كانه شى ماصار استقبله اذا جا وكلميه عادي وكولي من الحلاو وكان شى لم يكن
 
معليش اختي ....

انتي اللي زعلتي ... !!

وانتي اللي قلتي : (( بالطقاق )) !! ورد عليك وقال إيه ..

وانتي اللي سويتي سالفة .. والرجال مسكين تعبان وشكلك طفشتيه بحركاتك ...

هذا مو وقت دلع ... الدلع لما يكون رااااااااااااااايق ومبسوط منك .. وانتي مرضيته في كل شي ...
 
​
اختي تبين نصيحتي كلمي زوجك عادي واسالي عنه وقوليله وحشتني ومن هالكلام ترى الغلطه غلطتك وانتي اللي كبرتيها ولاتحطين السالفة براسك ترى الموضوع مايستاهل
 
الله يصلح حالك وين الغلط اصلاً اللي غلطه زوجك
اساساً هو ماقال شي وقرفان وانتي طول الوقت بالبيت ومرتاحه
يا قلبي كوني اعقل
 
مع دلوعه
 
تعوذي من ابليس ولا تكبري الاشياء وهيا صغيرة

الله يسعدكم زوجك تعبان حقه هو يدلع مو انتي

كان المفروض تستقبليه بلاحضان والفرح حتى يشعر بدفئ ولحنان والراحه داخل بيته

مو تنكدي عليه
 
حبيبتي زوجك ماغلط وأنتي مكبرة السالفة لاتنسين إن زوجك جاي من العمل ومرهق وتتحركشيي فيه ليش أتوقع إنه نسى السالفةإيش قال
وكأن شي ماصار ومشي ترى الرجال يمل وماعاد يلتفت لك بأمور أكبر من كذا
شكلك توك عروس صح ؟
الأزواج يبغى لهم صبر وفن في التعامل وإنضباط وبكذا تمشي الحياة وإلا راح تواجهي مشاكل كثيرة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل