زوجي طلقني محتاجه وقفتكم معايا?

  • بادئ الموضوع بادئ الموضوع *Rosy*
  • تاريخ البدء تاريخ البدء
Jolie femmme قال:
حبيبتي مسؤولية ابنه يشيلها وابنك عند ماترمي ابنك لمرت ابوه ابدا
خليه يصرف عليه ويوديه عند ويصرف على مرضه ودواه وكل شي
لكن خلي اهلك يطلبوه مش انتي
مثلا يتصل ابوك او اخوك ولدك مريض تعال خذو للطبيب
اذا أتأخر عن المصروف خلي اهلك يكلموه لكن لا تعطيه اطفالك
أنقر للتوسيع...

لا فضَّ الله فوك جيجي

اتمنى يا اختي تاخذي بنصيحتها
 

مع اختي جولي لاتهولي الامور وتكبريها،،

معاك انه الطلاق مصيبه بالنسبه لك و واجبك تصبري وترجعي لحياتك الطبيعيه الحزن الشديد مدخل من مداخل الشيطان قريبه لي صار لها مس بسبب الحزن الشديد،،

قوي ايمانك بالله و كوني على يقين ان الي الله كتبه لك خيرة،،

طلاقك منه خيره لن تفهميها الا بعد حين،،

اولادك هو يتحمل توصيلهم واذا ما رضا بالطيب راح يرضى بالغصب!!

وكلي امرك لله وانبسطي بالموجود وانسي المفقود،،​
 
بنات هادا واحد لئيم تخيلو أغراضي سارقينها ذهبي وملابسي وكل شي جبلي هو أخذوا حسبي الله ونعم الوكيل ويتبلى عليا وما يرد على الجوال ابدا، ولدوا رحت اعطيتو هو وانا ابكي بس لئيم ولا يرد ولا سأل عنه بحاول أقوي قلبي هادي الفتره
مرررره مصدومه منهم كل شي كأنو مخططين له طردني من البيت عشان لا آخذ شي وغير المفاتيح وشال كل عفشو من البيت بعدين قال روحي خذي أغراضك راميها في اكياس
 
حتى الولد رفض يآخذه عشان ما يبغاه يتعبه وأمه ما تمسك الولد ومخطط يتزوج عشان كذا ما يبغا الولد هادا إنسان ياربي كيف في ناس كذا مافي خوف من الله المشكله قبلها كان معايا يضحك ويحبني ومو مقصر بشي معقوله تمثيل??
 
*Rosy* قال:
حتى الولد رفض يآخذه عشان ما يبغاه يتعبه وأمه ما تمسك الولد ومخطط يتزوج عشان كذا ما يبغا الولد هادا إنسان ياربي كيف في ناس كذا مافي خوف من الله المشكله قبلها كان معايا يضحك ويحبني ومو مقصر بشي معقوله تمثيل
أنقر للتوسيع...

لاحول ولا قوة الا بالله،
اسال الله ان يلهمك الصبر
والله خير با اختي،ابنك يبقى في حضنك احسن لك وله،
كيف تبغين الولد يعاني ويعيش بدونك؟!!

ارقي نفسك وواضبي على الأذكار
وقراءة سورة البقرة
وربي يصلح الحال ..
 
كل شي نصيب وانشالله يكون لخير SIZE]. الاولاد خليهم معاك بس ماتبيني اصرارك ولهفتك على وجودهم معاك قدامه هو واهله عااادي يعني وملزوم يصرف ويعالج ويودي ويجيب لهم كل شي وانتي خليك هاااادئه ماتبيني له اي شي لامشاعر غضب ولا اي نوع من الانفعالات لايبان على وجهك قدامه  لا يعرف بشو بتفكري .  واذا كان هو مشغول ومومهتم بان الاولاد يعيشو معه دا في صالحك يعيشو معاك وبين اهلك ولو حتى خلاص ماجعل لك نصيب معاه في . اكيد بتلاقي سيد سيده وانتي لسه ببدايه حياتك واولادك معتادين عل اهلك وهو ماراح يتشجع ياخدهم ولا احد من جهته حيشجعه استهدي بالله وارمي ورا ضهرك كل اللي فات وعيشي حياتك من غير حزن على من لا يستحق واتاكدي ان المظلوم لابد مايرجع له حقه ممن ظلمه وراح تشوفي بنفسك كيف ربنا حينصفك 
 
حبيبتي الله يصبر قلبك ويبرد قلبك
ماتدرين يمكن هالجديده تاخذ حقك منهم ويعرفون قيمتك
دامه باع .. انتي عزي نفسك
عياله غصب عنه يصرف عليهم اذا مو بالطيب بالمحاكم
بس انتي لاحظي كل شي بسرعه يعني الندم وانه تسرع وخاصه ان القرار مو قراره وانه يحبك ومابينكم شي بيندم ويعض يده ندم بس انتي وكلي امرك لربي الله يتولاك بولايته
وبياخذ حقك منه
صبري قلبك وقويه .. بس طلعي اللي بصدرك لاتكتمينه طلعيه هنا او لاحد تثقين فيه عشان ابنك اللي ببطنك ما يتاذى
بسم الله عليه وعليك
عيالك خليهم عندك مصروفهم وخدمتهم يسويها غصب عنه
 
جزاكم الله خير اخواتي على ردودكم وربي يصبرني ويقوي إيماني ويفرج همي
انا ولدي وديته عنده وقلبي يتقطع وحرفع عليه دعوى وربي ينصرني عليهم وآخذ حقي منهم

بعد ما أخذت أغراضي اللي تركها تخيلو أشياء كثير حقتي ذهبي صوري وكل الهدايا اللي جابلي هيا قبل كدا وأي شي اهله جابوه وتحف وأغراض للبيت انا مشتريتها من جهازي كلها أخذوها حسبي الله ونعم الوكيل فيهم يارب تنصرني?
 
خايفه يابنات على صوري والبوماتي وأخذ هارد ديسك حقي كلو صور ساعدوني ايش اسوي خايفه يسوي فيهم شي..
 
بكرة انت الخسرانة اذا اعطيتيه ولدك
كيف ستعامله زوجة الاب؟ كيف تفكرين غاليتي؟؟؟

غدا والله تندمين هذا الولد ينفعك في المستقبل بإذن الله
خلي نظرك ابعد شوي
ولا تتخذي قرار وانت في قمة غضبك

بعدين اذا كان زوجك منعكِ اغراضك، فهو كذلك ربما يمنعك من ولدك اذا اعطتيه اياه

غريب امرك
النساء في المحاكم يعملن المستحيل من اجل حضان اولادهن وانت تعطينه الاولاد همذا بالساهل!

ومَن نصحك بأنك تعطينه الاولاد لا اتوقع انه سيفعلها لو كان مكانك
 
بالنسبة لصورك طالبيه بها
وان رفض اخبري والدك او اخوانك وهم يتصرفون
 
أختي أهلك وينهم؟

المفروض أهلك يتوصلوا معه ويطلبوا كل أغراضك وصورك ويجلس معاهم يتفقوا على موضوع الأولاد ونفقتهم
أنا ما أعرف ليش إنت مصرة ترجعيله الولد
راح تندمي كثير
يعني ترضي تربيه زوجة طليقك؟ حتى لو كانت طيبة تظل مو ملزومة فيه
لا تخلي ابنك يدفع ثمن هذا الطلاق وثمن غضبك على طليقك
 
طلعي اولادك برا اللعبه تماما وطالبي حقوقهم واذا هددك انه ياخذهم ماتبيني انك ملهوفه عليهم خلي ردك هادئ  لانه ممكن يعرف ان دي نقطه ضعفك ويعذبك وياخدهم اما انك توديهم له بنفسك لا دي غلطه انتي عارفه الان ولدك كيف نفسيته؟ صدقيني ماعايزه اقلقك اكتر بس دا طفل واكتر مايكون بحاجتك شوفي اهلك لو. احد منهم يروح لهم للتفاهم وياخد الولد بحجه انه ابوه وجدته منشغلين يعني مايقولو الولد لازم يكون مع امه . لوانتبه للنقطه دي وساء الوضع بينكم حيستغلها ويعذبك ويعذب ولده اتصرفي بحكمه وهدوء  
 
أختي ربنا يصبرك ويرجع لك حقك ويندمه على إللي سواه
بس اعطاءك لطفلك غلط وأكبر غلط المستفيد الوحيد من هذا الشي هو أمه وطالما هو يسمع كلامها فممكن تحرضه ضدك ويمنعك من إنك تشوفي ابنك طوول حياتك
ونصيحتي لك طنشششششيه لأبعد الحدود، هذي مرحلة وتعدي وبيندم عليك طووول عمره
حسبي الله ونعم الوكيل عليه
 
والله انو قلبي يتقطع على ولدي وما كان ودي ادخل ولدي في مشاكلنا بس تصرفاته اجبرتني ابغاه يحس بمسؤوليته ومايحسب خراب البيت بالساهل وفعلا خايفه ما يخليني اشوفه بس هو رافض التواصل ولا سأل عني وعن الولد ولمن يتصلوا اهلي مايرد فماعندي غير المحاكم
 
امر المومن كله خير اصبري واحتسبي واهتمي بصحتك فقط هادي الفتره وتاكدي ان كل هاد لخير يعلمه الله 
 
عيااالك لاتعطينه لاتعطينه بتندددمي راخ يلتهي مع حرمته وعيالك محد بيهتم فيهم عند هله احسن مايحترق قلبك عليهم خليهم يونسونك
الله ينصرك عليه يارب مافيه خير الي يخبب رجال على مرته الله لايوفقهم
 
طيب انا نفسك زوجي طلقني وعندي بنت منه الله لايفرقنا الله يفرج همي وهمك وانتي من الناس الي رديتي علي وسبب الطلاق طبعاً هو وتحريض من اهله انظلمت بذا الطلاق صحيح ونفس طليقك رافض يرد ومايبي يكلم احد وقال بيجيب الورقه وبيعيش حياته انا م اقولك انا احب الطلاق وابي هالشي لا والله مافي وحده تتمنى خراب بيتها وانا سعيت للصلح ودخلت ناس بس الله اعلم ان ربي رايد هالطلاق يتم
له حكمه بذلك بس الشي الي ألومك عليه كيف تسلمينه ولدك انا لو يموت ما اسلمه بنتي تعيش عنده مهما كان هما الضحيه لاننا كلنا بنعيش حياتنا بس الضحيه الطفل اسمحي لي اخطيتي كيف تسلمين ولدك لمرت أب عشان قاطع الوصل مصيره بيندم ويعرف قيمتك ي قلبي فوضي امرك لله واستغفري وادعي وهذا ابتلاء لازم تكوني صبوره وربي بيعوضك او يرده لك يارب الله يطمن بالك وصدقيني الحوبه تبطي بس ماتخطي ادعي ووكلي امرك للي ارحم بك من نفسك
وانا اصبرك وانا نفسيتي تعبانه بس متأكده نهايه هالتعب خير وان ربي رحيم ولطيف فينا الله كريم وانا اختك ♥
 
مشكوره حبيبتي على ردّك وربي يصبرني ويصبرك والله اني بهم مايعلم بيه غير ربي هو لسه ما اتزوج ما ادري عنه وزياده عليها عشان ولدي نفسيتي معدومه بس رفعت عليه دعوى اني اشوفه وحامل كمان ?
ودحين خايفه زياده يروح يرجعني نكاية فيا عشان انا اخلع ويرجعله المهر بعد مارفعت عليه دعوى مررره شايله هم قد كدا ناس مافي في قلوبهم رحمه حسبي الله ونعم الوكيل..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل