زوجي ....طلع زاني

د

دنيتي 1424

New member
إنضم
2011/09/07
المشاركات
7
السلام عليكم ورحمه الله وبركاته. لقد اشتركت في هذا المنتدى بعد ان ضاقت علي الارض بما رحبت ولم اعد اعرف كيف افكر لقد جافى النوم عيني وسالت دموعي مثل السيل الجارف ولولا رحمه ربي لكنت قتلت نفسي ولكن الهمني الله الصبر . عزيزاتي انا متزوجه منذ 8 سنوات وزوجي يعمل في مكان مختلط ولديه زميلات قبل اسبوع اراد الله وفتحت جواله وفتشت فيه طبعا لاني بديت اشك فيه لانه بدا يضيق الخناق علي ويشك ، فمن مبدا انه مايخوًًن الا الخائن فتشت وياليتني مافتشت لقيت رسايل تقشعر منها الابدان وصور لزميلته سابقا في العمل ورايت مايدل بانه زنى بها طبعا تمالكت اعصابي وقلت خلينا نروح عند اهلك رتبنا عفشنا ورحنا لانهم في مدينه ثانيه ولما وصلنا خبرت اهله وكانت الصدمه عليه قويه لكنه اعترف بان الكلام صح وانه زنى بها واكمل بانه راح يخطبها بس ابوها رفض لانه طلب يكون الزواج بالسر وطرده فلحقته في السياره وانطلقا وقعدت تحاول فيه وتراضيه عشان مايزعل من ابوها وشكل الشغله تطورت الى ان وصلت الى الزنا .طبعا قلتله يوديني عند اهلي ويطلقني فوافق في البدايهلكن اهله منعوني من الخروج وقعدت 3 ايام احاول فيه يوديني عند اهلي لكنه صار يرفض ويحاول يقنعني بالعدول وانه راح يتغير . المهم انا لي الحين حوالي اسبوع بس عجزت انسى وادعي عليه ليل ونهار . لكن موخرا بدأت تروادني فكره فضح زميلته عند اهلها لاني اخذت رقمها وصورها ورقم اخوها من الجوال . بماذا تنصحوني . بالمختصر ابي انتقم على فكره انا ماعمري حبيته ولا راح احبه لكني خفت من لقب مطلقه فسويت روحي جالسه عشان العيال والعشره
 
اعطي الهيئة رقمها وهما يأدبوها الوسخة هاذي

الله ينتقم منها ويصبرك ويعوضك خير
 
من ستر مؤمن ستره الله في الدنيا والاخرة ، صراحه تصرفج غريب فضحتيه بين هله وهو مايدري !! والحين تبين تفضحين البنت لا اختي الشيطان بيشتغل الحين لا ، قعدي معاه وخليه يكلمها ويقطع العلاقه معاها ويوعدج انه مايخونج مره ثانية وافتحي صفحه جديده وتناسي الموضوع ، اقعدي عشان عيالج على قولتج او دامج ماتحبينه خليه يتزوجها وانتي ربي عيالج **
 
يمكن رائيي ما يعجبك او مايعجب البلقيسيات
الزاني لا ينكح الا زانيه او مشركة
ارفعي نفسك عن مستواه القذر
وروحي افضحيها عند اهلها وخليه ينجبر يتزوجها ويعرف انه فرط بدره فرط بجوهره​
 
اولا: هدي اعصابك بارك الله فيك ماهكذا تورد الابل فضحتي زوجك عند اهله
وطاحت هيبة زوجك في عين اولاده واهله كان تحليت بالصبر والحكمه في مثل هذا الموقف وماتركتي لشيطان طريق عليك وعليه الله يهديك
ثانياً: تذكري حديث الرسول صلى الله عليه وسلم (ومن ستر مسلمًا ستره الله في الدنيا والاخره)
استري عليها ربي يستر عليك وعلى بناتك ...ماراح تستفيدين شيء لو فضحتيها الا حاجة في نفس يعقوب..
ثالثاً:واذا كان متعلق فيها وانت عافته نفسك
قول له يتزوجها وباركي زواجه
وخليك عند اولادك وفي بيتك معززه مكرمه يصرف عليك وعلى اولادك**
وصدقيني مع الوقت راح يرجع لك ويطلقها لان الرجل الشرقي
لايستطيع العيش مع وحده خائنه خانت اهلها وشرفها بدافع الحب
 
هدي حبيبتي قاعده تلعبين بقـــوه
دقي على البنت وهدديها عشان تخـــاف وتتركه من نفسهــآ واذا ما فاد معاها قولي للاهيئــه بس تقوليــن لآهلهــآ حرام مو لسواد عيونها عشان امها مايحترق قلبها ويمكن يذبحونها اهلها ودامــج ماتحبين زوجج عيشي لنفسج وعيالج وصدقيني والله انها نزوه لو صار زواج بينهم والله راح يرجــع لج لآن مابني على باطل فهو باطــل وراح يرجع لج ويعرف قدرج وقيمتج
انتى دره جوهـــره ومرده راح يعرف هالشي حتى لو بعد سنيين
الله يسخره لـــج ويهدي سركـــم ^_^​
 
لا حول ولا قوة إلا بالله

فضحت زوجك وأولادك ستلاحقهم الفضيحة أبد الدهر وسيعايرهم أولاد عمومتهم والآخرون بزنى والدهم

ثم ماذا؟؟؟؟؟؟؟؟؟؟

أخبري والدها وتحملي وزر قتلها خصوصا وإن كانت بكرا فحدها الجلد مائة جلدة لا القتل

ثم ماذا لو بلغ أبوها الشرطة واتهم زوجك وانقلب الأمر عليك

ثم ماذا بعد انتشار الفضيحة بين الناس

لعله يتوب ولعلها تتوب ويدخلان الجنة

نسأل الله حسن الخاتمة والثبات على الحق

أعانك الله
 
شوفي حبيبتي احسن مافي الموضوع ان قلبك مو ميال له بشي كل ماعليك الحين تطلبين منه مصروف يكفيك انتي وعيالك وطالما في عيال لاتتطلقين ابدا ابدااااااااا ربيهم احسن تربيه اما زوجك وهذيك المره ما ادري بصراحه التزم بالصمت من هالناحيه
 
//

حسبي الله ونعم الوكيل افضحيها وخليها عظه وعبره , استغرب من اللي يقولون استري عليها
التستر هو اللي يخلي هالظاهرة تنتشر
 
ياحبابيي اصلا اكبر عيالي 5 سنوات ومو فاهمين حاجه . وما كان في المكان الا امه وابوه وخواته . واصلا بعد ماعلمت اهله ارتحت شوي خليه يطيح من عينهم ويحسون باللي حسيت فيه بعدين زوجي والكلبه اللي كانت معاه كلهم حاملين شهاده الدكتواره واعمارهم ماتقل عن 36 . يعني كبار وفاهمين مو مراهقين وهي مطلقه وعندها ولد يعني ماخذه الشغله وناسه محد داري عنها بس فرحانه انها تاخذ في هالحبوب وتتفاخر جعلها الموت . والله لو تقراؤن الرسائل تموتون قهر
 
الله يفرج كربتك من جد هذا زنى والبعض الاخر يسموونه خيااانه بل زنى بام عيينه والعياااذ بالله
 
السلام عليكم ورحمة الله وبركاته


أختي العزيزة ( دنيتي ) بصراحه الله يعينج ويصبر قلبج يا رب انا ريلي بس يكلمها في الفون وانا ميته قهر شلون بعد انا نام معاها حسبي الله ونعم الوكيل في بنات الحرام اللي ما يخافون الله الحين هي لو كانت مكانج بترضى ريلها يخونها مع وحده

والله لو كل بنت و حرمه حطت روحها مكان غيرها جان ما شفنا خيانات على ويه الدنيا


المهم بالعكس زين انج قلتي لاهله هاي مب فضيحه لانج قلتي بس حق والدينه وهم اللي ربوه ويمكن ينصحونه وانا اذكر قبل استاذة ناعمه في احدى محاضراتها قالت ان لازم الوحده تهدد البنت اللي تكلم الريال بالفضيحه عشان تتوب وتخاف وانا من رايي انج تهددينها بس ولا تخبرين عليها اهلها وان شاء الله تتركه

وان شاء الله اخواتي البلقيسيات يفيدونج اكثر مني

الله يصبرج ويهدي لي ريلج ويسخره لج
 
زوجي والكلبه اللي كانت معاه كلهم حاملين شهاده الدكتواره واعمارهم ماتقل عن 36 . يعني كبار وفاهمين مو مراهقين وهي مطلقه وعندها ولد يعني ماخذه الشغله وناسه محد داري عنها بس فرحانه انها تاخذ في هالحبوب وتتفاخر جعلها الموت . والله لو تقراؤن الرسائل تموتون قهر
أنقر للتوسيع...

عمى يعميها الله يقطعها ويحرقها في الدنيا قبل الآخره امين *_*

هذي تستاااااهل الفضيحه
 
هاي عندها دكتوراه وجي عيل بنات الشوارع اللي عمرهم ما درسوا شو يسوون حسبي الله ونعم الوكيل سبحان الله صج الشيطان ما يفرق بين احد متعلم والا جاهل استغفر الله بس كما تدين تدان
 
اقولك يا اختي الله يرضى عليك
تصرفك كان خاطئ مليون بالميه
مادام ان زوجك منجذب لها وحابها
شوفي وش فيها من مواصفات جذبته وعلقته فيها
تبين الصراحه من تصرفك بهذا الطريقة اتوقع انك متسلطه عليه
ودور وحده تعوضه وتحن عليه
ليش ما شغلتي كيد النساء وقارنتي بينها وبينك وشفتي وشناقصك وكملتيه
ورجعت زوجك لحضنك بدون شوشره وباقل الخسائر
واستعنتي بالله على حل مشكلتك
واستشرتي الاخوات في هذا المنتدي ولن يبخلوا عليك بالنصيحه والتوجيه الصحيح
وانت بطريقتك هذي خسرتي زوجك وللابد
لانه حتى لو رجع لك ماراح ينسا تصرفك هذا ابداً
وراح يحاسبك ويذكرك فيه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل