زوجي طالبني اقوله قصيده!!

[اصفروبرتقالي]

سمعو الطلب الجديد...
ياحبيبتي ليه ما تكتبي لي قصيده؟؟!!
قلت : أبشر ...

وتو توهجت..وهو ينتظر...كيف كتبتيها ...وأنا أقول ما ناسياها...لحد ما أخلصها..

ارجووووووكم ...حدا يساعدني بقصييده...تكون مره حلوه...ولو ملطوشه..
ترا جوووزي ما له ف القصايد ولا يغرف فيهم...

 

[سامرونا]

ابشري

 

[سامرونا]

عزيزتي هذه قصيدة
للأمير خالد الفيصل
أن شاء الله تعجبك
دمتي بخير،،،،،،،،،،:bye1:


فزّ الخفوق وقلت يالله عسى خير

أثر الليالي عاد غايب قمرها

مع شوفته نشوه و فزّه و تخدير

و عيون خلاّن(ن) تعانق نظرها

يفزّ له قلبي كما فزّة الطير

و الرجل كن اللي تحتها غدرها

يا صبح عمري يا صباح التباشير

نوره ملا قلبي و روحي غمرها

عقب الفراق اللي تعدّى المحاذير

يبّس غصون القلب جافي دهرها

ربّع بـروحي عقب ماهي معاسير

سحابة(ن) هلّت بقلبي مطرها

و اسقَى بها زرعة هوانا بتقدير

غرسة غرام(ن) بالمحبه بذرها

يا عاذلين العين والله مخاسير

و اللي درَى عن حال عيني عذرها

تشوم عيني عن جميع الغنادير

و إن ناظرت عيني فوادي نهرها

يا ناس احبه و المحبه مقادير

هذا هوَى نفسي و هذا قدرها

و الحب ماله يا اهل الحب تفسير

قلبين و الله بالمحبه امرها

لا جيت اصوّر حالة الحب تصوير

و أرد عن حالي لخلّي خبرها

لقيت وجدي فوق كل التعابير

كل الشعر قطره و شوقي بحرها

 

[روعة أنثى]

والله عليهم الرجال طلعات وتقليعات غريبة

يبغاك تصيرين شاعره في يوم وليلة

على العموم فهميه انه الشعر علم

وانك لا تمتلكين هذه الموهبة

طبعا اختاري قصيدة حلوة وقوليها له

ممكن تكتبي خواطر

حيث أنها أسهل بكثير

اقرأيها له بصوتك الندي العذب

ودعيه يستمتع بسماعها​

 

[قصة أنثى]

مراحب
صراحة أنا ماني شاعرة
بس راح أحاول


​

حبيبي كلك ذوق
و قلبي لك كله شوق​

عيونك في الدنيا بتنسيني
و شفايفك باللذة بتغريني​

كلامك على العين و الراس
درر يا أغلى الناس​

حضني لك مفتوح
و دافئ يا غلا الروح​

سيدي و تاج راسي
عيوني و مالك إحساسي​

حبك بالعرش متربع
في القلب اللي بك متولع​

كل يوم لك مني دعوة
ربنا يحفظك من كل بلوة​

ربي حملني بك الأمانة
أصونك ليوم القيامة​

عهد أخدته على نفسي يا ميسور
أرضيك و أسعدك بكل سرور​

أتمنى تعجبك
تحياتي
قصة أنثى​

 

[أمل مفقووود]

هههههههههههههههه

والله طلبه حلووووووووووووو لكن غريب


الله يعين ع هالرجال

يبووون شاعرات و طباخات ومربياااااااات و رقصات و مغنيااااااااااااااات

تبع كله ..

 

[الريمه]

صج الرجاجيل عليهم حركااااااااااااات..

 

[أم أطياف 2]

هههههههههههههه

 

[الامومه]

هههههههههه الله المستعان

 

[اصفروبرتقالي]

شكرا ليكو حبايبي...والحين ابدأ احفظ وأدرب ع الإلقاء..

 

[إلا الصلاه]

هلا..
بعطيج فكره..
اقرئي قصيده وسجليها ف موبايلك..
شرط يكون صوتج أجمل ما يمكن..
ممكن تحطي خلفيه موسيقيه(أو اصوات بشريه أو عصافير)و أنتي تقرئي..
جوزي انهبل بالقصيده,,
وطبعا رسليها له بلوتوس..هه
موفقه..​

 

[الوردوالياسمن]

ههههههههههههههههههههههههههههه