زوجي ضربني فقلت له ياابن ............؟؟

حبيبتي عفا الله عما سلف وانت كمان غلطانة
مهما صار ما يطلع منك الفاظ "سوي" مثل هاي حتى لو غلط المفروض
ما تطلع منك، لإنك ملكة المفروض تترفعي عن هالالفاظ لعن الله الشيطان
استغفري الله واتصلي بزوجك وقولي له يجي وقعدوا وتصارحوا وتصالحوا
لا تروحي الحفلة بس علشان حلف، لا روحي وانتو متصالحين وردي بيتك
علشان ولدك وتنازلي هالمرة وامسكي اعصابك ولسانك المرة القادمة
والله يوفقكم.
 
اختي انصحك لوجه الله انك تحضري الحفله ولا ترجعي له بعد الحفله ارجعي بيت اهلك وبكذا تصرفك هذا بيكون ان شاء الله بداية حلك للمشكله

بعدين اذا جاكم مره ثانيه سواء علشانك او علشان ولده او اي شي ثاني اخرجي له وخليك قويه و قولي له سبب المشاكل من اول اللي هو خروجه من البيت لفترات طويله واعتذري له عن الكلمه اللي قلتيها له وقولي انه الشيطان وانتي ما كنتي قاصده وامدحي في ابوه

سواء تفهم او لا اهم شي انه عرف وش اللي حصل لك وسبب المشكله
احس انه ماهو فاهم لان بعض الرجال وبمعنى اصح اغلبهم ما يفهموا اللي يضايق الزوجه بالتلميح لازم تصرحي له وش مضايقك اول باول وبالهدوء العصبيه ما تجيب الا المشاكل
الله يفرج همك ويرد لك زوجك ردا جميلا
 
أول شي وما تزعلي مني مش لازم سبيتي عليه وخصوصا كلمة ابن الكلب ثقيلة على الرجال حتى لو ضربك بهيك انتي فقدتي احترامه ما في رجال بيستحمل انو مرته تسب عليه حتى لو كان غلطان الرجل بيضل رجل وموضوع سهره صح بيزعج بس طالما انو مش مقصر معك ما تركزي على هالموضوع كثير وهاي حياة بدها تمشي مش لازم ندق على كل شي وغنتي حكيتي انو بحكم شغله بتروحوا عند اهله يعني هالوضع مش دايم وإنتي زي ما كنتي شاطرة وخليتيه يستأجرلك شقة مفروشة خليكي شاطرة كمان هالمرة وبأسلوبك الحلو فهميه ما يحكي كل شي لمامته تعلمي كيد النسا بنحتاجه احيانا
وزي ما بيحكي المثل كبرها بتكبر وصغرها بتصغر المطاطة هههههه بمزح بس علشان تفرفشي وتردي علي
وانا محلك بروح على الحفلة وبلبس الفستان وبكون أحلى وحدة وتصالحي انتي وزوجك الله يخليكي ما تنسي انو في ولد الله يخليلك اياه بلاش تعقدوه ولو اعتذرتيله مش غلط راح تكبري بعينه بعدين بتحكي انو ما وجعك لما يوجعك راح يكون في حكي ثاني بمزح الله لا يعيدها هلأ روحي اتصلي فيه واحكيله كم كلمة حلوة وتصالحي انتي واياه وروحي على السوق اشتري قميص نوم جديد والبسيله اياه اليوم علشان ينهبل عليكي ويحرم يزعلك آآآآخ تعبت من الكتابة يلا زي الشاطرين بدي اسمع عنك خبر حلو اليوم وإذا مش اليوم بكرة بالكثير وإلا راح أعمل فيكي هيك:a043:
 
الله يهدي سركم لكن نصيحة لايجي موعد الحفلة الا وانتم متفاهمين ومتراضين....بعض المشاكل مايحلها الاعتذار او التطنيش...........دقي عليه واعترفي بخطاك وقولي انك اخطيت علي و اتمنى مانعيدها وخلينا نحاول ننسى لان حياتنا مع بعض لها قيمة كبيرة وانا احبك واعزك..وترى يبيلها اكثر من مكالمه عشان تصافوووووووووون.والله يسعدكم
 
صدق الله يهديج انتي من النوع الحريم اللي يحن في كلام كثير
طلع .. دخل .. نام.. ليش نام ليش طلع

اقول احمدي ربج على النعمه اللي انتي فيها ترى النعمه زواله
زوجج ماسهر في ديسكو او مرقص او يشرب سهر مع اخوانه

تستاهلين على كلامج السم اللي تقولينه في وحده تقول حق زوجها يا ابن الكلب
شو تبينه يسويلج يبوسج على راسج!!!!

امرج عجيب
 
  • من رايي تروحين للحفله وانتي مبسوطه بعد وكاشخه في احسن ماعندك ولا تبينين انك زعلانه خصوصا قدام اهله لانك اذا مارحتي بتكبر السالفه بينكم ولاتقدرون تحلونها بعدين​
  • لانك كلكم غلطانين​
  • والمسامح كريم​
 
من رايي تروحي الحفله وبدها ارجع لبيت اهلك يمكن تكون هالحفله فاتحة خير لك وللبيبي اللي معاك
وبالعكس حاولي تكسبينه لاتعاندي وحاوولي انتي ترجعين وتقولين السالفه وتبرري موقفك
كل هذا علشان تستمر العلاقه انتي وياه ولا اذا صار ك واحد معاند مافي نتيحه كلكم خسراانين والبيبي الضحيه
الله يوفقك ويسخر لك زوجك
 
الله يصلح حالكم اللهم امين
والله يسخر لج زوجج كما سخر البحر لموسى اللهم امين
بس بقولج شي ترى على ماظن ان زوجج جنوبي والجنوبي ماعنده خصوصيه كلش ويهمه راي الناس بس عاطفييين جدا جدا ومن الممكن تشبعينه بالحب والاهتمام فيه
وانا اشوف ان زوجج غلط بس انتي بعد غلطتي وغلطتج اكبر من غلطته اولها في رفضج للعلاقه وهاي غلط لازم تخلين المشاكل على صوب وهالشي على صوب ..وثاني شي تسرعتي في اللي قلتيه .. وسالفة امه كل ماقدرتيها اكثر كل ما حبج في قلبه بيزيد اكسبيها هي مره كبيره والحريم الكبار كلهم جي واعتبريها بمثابة امج كلمه حلوه بتنسى وبتحبج واهم شي تروحين لها وتفهمينها وتعدلين موقفج معاها
((والله اعرف وحده ماشاء الله عليها اول مادشت بيت زوجها راحت حق امه واكسبتها عدل صارت ام زوجها تحبها اكثر من ولدها ومره صارت لهم مشكله بينها وبين زوجها وكانت بتنفصل محد وقف معاها الا ام زوجها تمت تصيح وتكلم الولد وتقوله اذا انفصلتوا بتبرا منك وماابيك لين مارجعوا ..
ولين سألتها شسويتي قالت ماسويت شي اهتمام وحب وهديه عالروحه وعالجيه وقبل لاتنام تروح تحب راسها وتسألها اذا محتاجه شي وام زوجها تحب تعرف كل شي تقولها كل اللي تبي ))وبس
وعلى ماظن زوجج جنوبي
ترى الجنوبي يبيله بس تشبعينه حب وحنان وبعدين بيسويلج كل اللي تبينه اتمنى تقرين عن شخصية الجنوبي عقب بترتاحين لين تعرفين ان هاي طبعه صدقيني وبتعرفين تتعاملين معاه
والله يوفقج وترجعون احسن من قبل اللهم امين​
 
حبيبتي
احضري الحفلة وتشيكي زين وخليك عرووووووووووووسة
ولا كأنه حاصل شيئ

ومرررررررررة ثانيه لاتعيدينها لانه اكره شيئ عند الرجال
تسبي والديه 000لان احترامهم احترام له

الله يحنن قلب زوجك ويرجعك لبيتك معززة مكرمة


​
 
احضري الحفله لانك انتي غلطانه حتى لو هو يحكي لامه هو غلطااااااان و اذا كانت عاده ماتقدري تغيريهاااااا وامه ربته على كذه هو واخوانه (من شب على شيء شابه عليه)هو تعود لاتتعبي نفسك على الفاضي يعني مايقدر ابدا يسمعلك مادامه متعود على كذه والله يصلح حالكم ...​
 
شكــــــــــــــــــــــــــــــــــــرا لكم ياحبابي الله يوفقكم يااااااااااارب ويسعدكم في حياتكم من جد حسيتكم اخواتي اللي مااعرفهم ويانجلاء قولي لي قصتك ,,,اموووت في السوالف:flex:هههههه
 
حبيبتي والله احترت في مشكلتك وما ابي اقول شي يقلب ضدك واتحاسب عليه
ما بيدي غير ادعيلك الله يختارلك الخير ويهدي بالك
ويهدي زوجك
 
انا مو عارفة ايش اقول غير الله يسهل حياتك ويسخر لك زوجك يااارب واوصيك بالاكثار من الاستغفار والدعاء
الله يسهللك كل امورك ياارب
 
السلام عليج اختي أموله...​

اقرا قصتج وياي بنت خالتي.... وهي صارلها 15 سنه معرسه... وكانت بداية زواجها تتضارب حتى باليد مع زوجها... وهو كان راعي بنات وسوالف وسهرات.... سبحان الله مع الأسلوب الزين والدعاء... والتعلق بالله مع الأخذ بالأسباب... الحين تذكر ضراباتها وياه وشو كانوا يسبون بعض وتضحك على نفسها...ما شاالله عليه استوا ريلها بيتوتي وزوجته وعياله بالمقام الأول.. ويحافظ عالصلاه... وهذا بفضل الله وبشطارتها وأسلوبها وياه...​

شكلج الغاليه صغيره أو بعدج ما نضجتي عاطفياً... تضاربين زوجج مثل ما كنا نتضارب ويا أخوانا... وكلنا تقريبا مرينا بهالمرحله خصوصا اللي طلعوا من بيت ما يعلمون فيه البنت الذكاء والأسلوب الأنثوي في التعامل مع الرجال...​

لا اختي... انتي الحين زوجه وأم.... وأسلوبج غلط 100%.... مثلاً لو قلتيله... "حبيبي" خواتي عندهن مشكله خاصه وودي أمك تكون موجوده معنا بس ما ودي أصدع راسها بهالمشكله وناويه ان شاالله جريب أعزم أهلي وأمك تكون أول الموجودات بس هالمره عشان خاطري لا تخبرها ماباها تحسبني ماباها وفي نفس الوقت ما ودي تنشغل بموضوع خواتي... وأنا واثقه انك راح تتفهم... إلخ من الكلمات الزينه فيها لف ودوران وكسب وده وتوصيل المعلومه بدون جرح مشاعر... أو ما كنتي خبرتيه عساس زيارة خواتج مفأجاه ما تعرفين عنها قبل.... ​

يا عمري المنتدى هذا مليان مواضيع وأساليب للتعامل مع الزوج... ودورات الأستاذه ناعمه نفس الشي حاولي تحضرينها اللي في النت واللي خارجها... وأنا شخصياً كنت مثلج لين ما هداني الله لمواضيع الأستاذه ناعمه وقصصها وهالمنتدى الطيب والحمدلله تعلمت منه الكثير الكثير... طوري ذاتج واسلوبج في الكلام مع زوجج والناس كلها... وخلي عنج التوتر والعصبيه... ووكلي أمورج للوكيل عز وجل.... وطوري حسج الأنثوي اللي يمنعج من الجدال والسب... وراح تصيرين ملكه بعين زوجج والناس كلها...​

وبالنسبه لأم زوجج... أنا متاكده انها تحبج وتعرف انج طيبه وعلى نياتج... ولا كانت قالت لريلج انه يطلقج بس دامه اتصل وسأل عن الأحوال وطلب حضورج الحفل ((وبظني هذي مشورة أمه عليه)) فأنا أقول روحي الحفله من بيت اهلج وحبي عمتج على راسها واسئليها عن أحوالها وقوليلها ان حفيدها متوله عليها خليها تتعجب من برودج وطيبتج وكوني طبيعيه ولا جنه شي صار... وردي بيت أهلج بعد الحفله... عقب رتبي أمورج ولو تمسكين ورقه وقلم... اسئلي عمرج أنا شو أبا من هالريال.... واكتبي اهدافج عشان يوم ايي يصالحج تكون نقاطج وطلباتج واضحه ​

هالأسبوعين في بيت أهلج تقربي فيهم لربج... وعليج بالدعاء آخر الليل والقيام... خلي ولدج عند أمج وروحي للصالون سوي حمام زيت مع مساج للراس خل هالطاقه السلبيه تطلع... سوي تنظيف بشره مع مساج لعضلات الويه,,, دلعي عمرج سوي بديكير ومنيكير خل تيي الحفله وانتي مسترخيه ومرتاحه نفسياً وراح ينعكس هالشي على شكلج وتصرفاتج وردة فعلج...وأنا جاهزه للمساعده...​

ولا تنسينا من دعاج​
 
الأمل قال:
السلام عليج اختي أموله...​


اقرا قصتج وياي بنت خالتي.... وهي صارلها 15 سنه معرسه... وكانت بداية زواجها تتضارب حتى باليد مع زوجها... وهو كان راعي بنات وسوالف وسهرات.... سبحان الله مع الأسلوب الزين والدعاء... والتعلق بالله مع الأخذ بالأسباب... الحين تذكر ضراباتها وياه وشو كانوا يسبون بعض وتضحك على نفسها...ما شاالله عليه استوا ريلها بيتوتي وزوجته وعياله بالمقام الأول.. ويحافظ عالصلاه... وهذا بفضل الله وبشطارتها وأسلوبها وياه...​

شكلج الغاليه صغيره أو بعدج ما نضجتي عاطفياً... تضاربين زوجج مثل ما كنا نتضارب ويا أخوانا... وكلنا تقريبا مرينا بهالمرحله خصوصا اللي طلعوا من بيت ما يعلمون فيه البنت الذكاء والأسلوب الأنثوي في التعامل مع الرجال...​

لا اختي... انتي الحين زوجه وأم.... وأسلوبج غلط 100%.... مثلاً لو قلتيله... "حبيبي" خواتي عندهن مشكله خاصه وودي أمك تكون موجوده معنا بس ما ودي أصدع راسها بهالمشكله وناويه ان شاالله جريب أعزم أهلي وأمك تكون أول الموجودات بس هالمره عشان خاطري لا تخبرها ماباها تحسبني ماباها وفي نفس الوقت ما ودي تنشغل بموضوع خواتي... وأنا واثقه انك راح تتفهم... إلخ من الكلمات الزينه فيها لف ودوران وكسب وده وتوصيل المعلومه بدون جرح مشاعر... أو ما كنتي خبرتيه عساس زيارة خواتج مفأجاه ما تعرفين عنها قبل.... ​

يا عمري المنتدى هذا مليان مواضيع وأساليب للتعامل مع الزوج... ودورات الأستاذه ناعمه نفس الشي حاولي تحضرينها اللي في النت واللي خارجها... وأنا شخصياً كنت مثلج لين ما هداني الله لمواضيع الأستاذه ناعمه وقصصها وهالمنتدى الطيب والحمدلله تعلمت منه الكثير الكثير... طوري ذاتج واسلوبج في الكلام مع زوجج والناس كلها... وخلي عنج التوتر والعصبيه... ووكلي أمورج للوكيل عز وجل.... وطوري حسج الأنثوي اللي يمنعج من الجدال والسب... وراح تصيرين ملكه بعين زوجج والناس كلها...​

وبالنسبه لأم زوجج... أنا متاكده انها تحبج وتعرف انج طيبه وعلى نياتج... ولا كانت قالت لريلج انه يطلقج بس دامه اتصل وسأل عن الأحوال وطلب حضورج الحفل ((وبظني هذي مشورة أمه عليه)) فأنا أقول روحي الحفله من بيت اهلج وحبي عمتج على راسها واسئليها عن أحوالها وقوليلها ان حفيدها متوله عليها خليها تتعجب من برودج وطيبتج وكوني طبيعيه ولا جنه شي صار... وردي بيت أهلج بعد الحفله... عقب رتبي أمورج ولو تمسكين ورقه وقلم... اسئلي عمرج أنا شو أبا من هالريال.... واكتبي اهدافج عشان يوم ايي يصالحج تكون نقاطج وطلباتج واضحه ​

هالأسبوعين في بيت أهلج تقربي فيهم لربج... وعليج بالدعاء آخر الليل والقيام... خلي ولدج عند أمج وروحي للصالون سوي حمام زيت مع مساج للراس خل هالطاقه السلبيه تطلع... سوي تنظيف بشره مع مساج لعضلات الويه,,, دلعي عمرج سوي بديكير ومنيكير خل تيي الحفله وانتي مسترخيه ومرتاحه نفسياً وراح ينعكس هالشي على شكلج وتصرفاتج وردة فعلج...وأنا جاهزه للمساعده...​


ولا تنسينا من دعاج​
أنقر للتوسيع...
كلام سليم 100%
 
انا اقول احضري حفله و انتي كاشخه , و عادي ماكنه صار شي

و سلمي ع امه و بوسي راسها وسأليها عن ريلج..

و تصلي بريلج و قوليله ( وين انت شو ما صدقت ...... يالله فديتك تعال شلني ترا تعبت

كثر ما اترياك )

و لا تنسي و لدج ما له ذنب, و الولد محتاج حق الام و ابو عشان يتربا....

الله يوفقج ^_^
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل