زوجي ضربني بالعقال جدام عيالي

ا

ام عيالي 2011

New member
إنضم
2011/05/04
المشاركات
4
بنات ماكتبت موضوع الا لاني مخنوقه و احس اني بموت من الحزن و الجرح اللي في داخلي ... قلبي يعورني و ابغي ارتاح ...اتصلت في ناعمه لاول مره في حياتي ابيها تنصحني و استشيرها كيف اتصرف لكن السكرتيره قالت انها في اجازه

ريلي خاني في بدايه زواجنا كمن مره .. كان يكلم وحده و كل ما اكشفه كان يحلف و يوعد و يصيح انه ما بيعيدها و اخر مره .... المهم عادها و كشفته فوق الثلاث مرات و من عقب البنت اللي يكلمها عرست و انتهى الموضوع
و مره بعد كشفته يخوني على الانترنت كان يكلم بنات و المحادثات كلها عن الجنس و طبعا صور و سوالف مقرفه ... المهم بعد على قولته تاب و اخر مره و سامحته

هذا كله في اول سنتين من زواجنا ... ونحن الحين صارلنا سبع سنين

عقب انا اتوكلت على الله و ماقمت اراقب لا موبايله و لا شي

هو طيب و كريم بس .... يعني من الناحيه الماديه مب مقصر علي و لا على عياله

اما باقي الامور ماشي ..... ما يقعد بالبيت دايما مع ربعه او مشغول في دوامه و قي نهاية الاسبوع دايما يسوي برامج ترفيهيه له مع اصدقائه

واذا قعد بالبيت ما يتكلم معاي ابدا يا اما يتابع التلفزيون او مشغول بالبلاك بيري

وطبعا مايفول كلام حلو و لا يعلق اذا اتزينت و الا لا كله واحد

وطبعا كل هالاهمال و هالانشغال مأثر على نفسيتي وايد لكني كنت اطنش و اسولف و ابتسم و القلب من الداخل يحترق

المهم هالسالفه اللي استوت الحين اني اكتشفت ان واحد من ربعه على البلاك بيري عزابي و يرسله مقاطع اباحية و جنسيه و صور مفاصيخ !!!!

طبعا تعبت نفسيا خصوصا اني حاليا حامل ... بس كتمت الموضوع في قلبي و قلت يمكن اسبوع او اسبوعين و بيرد لعقله ... و حبيت اغير له جو و حجزت في فندق و رحنا مع العيال ... طبعا انا و العيال في وادي و هو في وادي ثاني مع البلاك بيري حتى في الفندف مخه مب معانا

و عقب ما رجعنا سويت له ليله حمرا على قولتهم و كنت جريئه معاه و استانس لدرجة انه يومين تم يتكلم عن هالليله ...

المهم بعد كمن اسبوع رديت اشوف البلاك بيري و كان بعده على نفس الحال يشوف هالسوالف الوسخه و اتطور انه قام يرسل هالمقاطع لاصدقائه الثانيين اتخيلوه مب بس يعصي ربنا لا و ينشر المعصيه بعد !!!!!

ماتحملت و تميت كاتمه داخلي و فيني غضب و غصه .... و هو لما اكتشف اني شفت موبايله عصب مع انه يدري اني شفت البلاوي بدال لا يشرحلي ليش يسوي جيه قام و عصب وتم اسبوع ما يكلمني

وطبعا عقب شفته حاط قفل سري للموبايل و هني انا عصبت و شليت موبايله و خشيته !!!

ياني و هو معصب يبغي موبايله بس قلتله ليش حاط رقم سري و تم يصارخ و شل عقاله و ضربني وانا حامل و جدام ولدي !!!!!!!!!!!!

ضربني بكل قوته و كان الحقد و الكره يتطاير من عيونه و ولدي صاح

و عقب عطيته موبايله و رحت اسكت ولدي وايد اتاثر و كل يوم يرددلي ماما ما بخلي بابا يضربج مره ثانيه ... و مره يقولي ماما انا بضرب بابا :(

تميت اصيح و ماقدرت اتحمل و رحت اشل ملابسي و احطهم في الشنطه ... و لما رجع من الشغل شافني احط ملابسي .... عقب قرر يكلمني من عقب شهر صمت و حرق اعصاب و وصلها للضرب !

طبعا قعد يقول انا السبب اني استفزيته عشان جيه ضربني و لاني انبش في خصوصياته و ....الخ
مافي و لا كلمة انا آسف و حقج علي ابدا .... ما حسسني انه ندمان كله عق الغلط علي

طبعا ما خلاني اطلع من البيت و قام يلعب عياله و يسولف معاهم


و انا احترق من داخلي احس بالاهانه و مالي كرامه و فوق كل هذا مارحمني ضربني و انا حامل و جدام ولدي

والله اني كل يوم اقعد مع نفسي و اصيح من التعب و الالم النفسي من اللي صار مب قادره انسى الاهانه .... حتى حاول كذا مره انه يقرب مني للجماع و انا مب متقبلتنه و اسوي نفسي نايمه .... قولولي كيف يقدر يكون بهذا البرود كيف !!! يبغي الجماع و هو حتى كلمة اسف ما قالها عقب اللي سواه

انا حاليا ما اكلمه الا لاشياء ضروريه و من داخلي تعبانه و مب حابه اكمل حياتي معاه و ابغي الطلاق ...تنازلت عن اشياء كثيره الا كرامتي ماقدر اتنازل عنها

الله يخليكم انصحوني و ادعولي لاني احس بداخلي بركان
 
لا مايصير تعديها كذا يا قلبي
ضرب وجدام العيال حسسيه انج لج كرامه وان الي صار مو شي هين وبكلمتين يرووووووح حتى من دون اعتذار​
 
حسبي الله ونعم الوكيل على كل رجل خائن وعلى رجل معها البلاك بيري ماجاء الا المصائب منه
 
الله يعينك

سوالي شنو نمط زوجك

اتوقع شمااااااااااااالي لان الشمالي مايعتذر


طريقه اعتذاره انه يبي ينااام معك >>>هاذا هو اعتذار الشمالي

واقولك شي غلطتي لما اخذتي من الموبايل ورفضتي تعطينه

هاذا زوجك مو ولدك >>>له معامله خاصه

وبعدين ليه تكتمين بقلبك ليه ماتصارحينه

وفي شغله انتبهت لها تقولين حجزتي للفندق ومعاكم العيال !!!!!!!!!!!!!!!!!

ليه الاولاد معكم المفروض لوحدكم والليله الحمراء كانت هناك

حاولي تتعلمين كيف تجذبين زوجك وربي يوفقك
 
لا تفتشين وراه ولا تتعبين نفسك اغلب الرجال جوالتهم مليانه بلا وي وبعدوين انتي غلطانه ليه تخبين الجوال هو بزر يعني والله لو اسويها ليكسر يدي وانا عا رفه ان جواله ييييييييييييع مقرف لكن الله يهديهم واتركي فكرت الطلاق ةبعدين انا ما اعتقد ان فيه رجل يعتذر من زوجته اعتذار صريح الا با لجماع الله يصرفه عن الحرام وييسره لك اللهم امين
 
قلت انك ما كنت تراقبينه وتوكلت على الله وليه رجعت لأسلوب التفتيش اللي وصلك للضرب

زوجك يخون ويعصي ربه وأنت عليك بالنصح والتذكير واختيار وقت مناسب للحوار وتجنبي

حل المشاكل أمام الأطفال ​
 
معرووف اعتذار الرجال عن طريق الجماع
اذا ناوية تغيري حياتك اقبلي الجمااع بلاش بكرا تسيري انت تدوري ورا لتتصالحو
وهو يكون لاقيلو شغله جديده يقهرك وينرفزك فيها اقبلي اسفو احسن الك صدقيني
الله يسخرو الك يارب ولعيالك
 
بنات انا اخذت البلاك بيري و خشيته .... لانه عنده موبايل ثاني يستخدمه للمكالمات و البلاك بيري للتسليه

و ما اخذته الا لانه رافض الحوار معاي و مطنشني و فوق كل هذا حاط رقم سري .... يعني يلعب بذيله عيني عينك سواءا عجبني او لا

و اللي سالتني عن الفندق ... أصلا هو وافق نحجز عشان العيال يستانسون ... و انا يتيمه ماعندي حد اخلي العيال عندهم لا ام و لا خوات .... و الخدامه عيالي ما يحبونها و ما ينامون الليل الا هم جنبي او جنب ابوهم .... حتى ابوهم ما ينام الا و هم جنبه يعني مستحيل انروح سوا بدون العيال حتى هو ما بيوافق

و الليله الحمرا سويتها في البيت بعد ما رجعنا بكم يوم


و اكتم بقلبي لانه تعودت معاه على هالاسلوب .... دايما ساكت و مايحب يسمعني و اذا اتكلمت يحسسني بعدم اهتمام و ما اخذ منه لا حق و لا باطل .... و شوي شوي مع الايام صرت كتومه و ما اقوله اي شي بخاطري كله اكتم

و نعم هو شمالي و انا جنوبيه اكتشفت هالشي من يومين عقب ما قرأت المواضيع في المنتدى

عطوني حل عملي كيف اتعامل معاه حاليا بليز ابغيه يتأدب بس كيف ... هل اخليه ما يقرب مني او اكلمه بس ماعرف شو اقوله لاني احس اني مثل البركان ... كلمه وحده بتفجر دموعي و ما بقدر اتكلم

و انا انهنت بما فيه الكفايه و مب حابه ابكي امامه
 
كان الله بعونك أختي العزيزة,,, لاأدري ماذا أقول لك؟؟ الضرب إلا الضرب.. جربي معي الآتي: جهزي أغراضك في حقائب وضعيها في مكان يراه حين عودته للبيت ,,حتما سيسألك عنها قولي له بجدية أنك حاولتي تجاوز الأمر ولكنك لم تستطيعي وأصبحت خائفة على جنينك من كثرة التعب والبكاء وأنك اتخذتي قرار أن تذهبي لأهلك كي تفكري جيدا وليقضي الله أمرا كان مفعولا... وحتما زوجك سيرفض خروجك كما رفضه سابقا وقتها اقعدي معه وضعي شروطا.. قولي له أن هذا انذاااار إن رفع يده عليك مرة أخرى سيكون تصرفك قاسيا جدا...اطلبي منه فورا مبلغ مالي كبييييييير نوع من (الرضوة) ...قولي له أيضا سأخبر شخص واحد من عائلتي يكون موضع ثقة(أخوك ,عمك ,خالك) حتى يكون في صورة ماحصل لك حتى إن تكررت لاسمح الله ولجأت إليهم يكونوا على علم بأفعاله (من باب التهديد له)ربي يختار لك الخير كله ويهدي زوجك ويزيل الغشاوة عن قلبه.
 
دانة الشام مشكوره على الرد اختي
انا اصلا اغراضي مازالت بالشنط لاني مب متقبله فكرة جلوسي معه تحت سقف واحد عقب ما أهاني
لكن ما باليد حيله تقدرين تقولين حاليا ما اقدر اروح بيت أهلي لظروف خاصه
و عن سالفة الرضوه و اطلب مبلغ مالي ما اظن اسويها لاني مب من النوع اللي يهتم للفلوس ابدا و هو يعرفني عدل من هالناحيه
و مب حابه اخبر احد من اهلي بالموضوع اخاف يتمون طول العمر شايلين عليه لانه ضربني .... او اخاف انه يجلب الموضوع علي مثل ما سواها قبل يومين ... زوجي عنده اسلوب مع الناس يعني لو هو غلط اللي يسمعه يقول حرمته الغلط و هو الصح

اللهم ارحمني برحمتك
 
ام عيالي 2011 قال:
دانة الشام مشكوره على الرد اختي
انا اصلا اغراضي مازالت بالشنط لاني مب متقبله فكرة جلوسي معه تحت سقف واحد عقب ما أهاني
لكن ما باليد حيله تقدرين تقولين حاليا ما اقدر اروح بيت أهلي لظروف خاصه
و عن سالفة الرضوه و اطلب مبلغ مالي ما اظن اسويها لاني مب من النوع اللي يهتم للفلوس ابدا و هو يعرفني عدل من هالناحيه
و مب حابه اخبر احد من اهلي بالموضوع اخاف يتمون طول العمر شايلين عليه لانه ضربني .... او اخاف انه يجلب الموضوع علي مثل ما سواها قبل يومين ... زوجي عنده اسلوب مع الناس يعني لو هو غلط اللي يسمعه يقول حرمته الغلط و هو الصح

اللهم ارحمني برحمتك
أنقر للتوسيع...
أسعد الله صباحك أختي العزيزة ...وفرّج الله همك عاجلا غير آجل ياااارب,,ماقصدته ليس أن تذهبي لأهلك ولاأن تخبري شخص من طرفك حقا هو فقط أن تتظاهري بذلك كنوع من التهديد لزوجك...أي هدديه أنك ستقولي لشخص من عائلتك ,,يجب أن يشعر أنك جدية ..لاتتركي الأمر يمر هكذا ببساطة...لاأملك سوى الدعاء لك أن يسخر الله لك زوجك ويهديه.
 
حبيتي انسى الماضي وادعي انه الله يهديه
وربي ولدج احسن تربيه

الطلاق ما هو حل لمشاكلنا
اهو اعتذر لج بس انت رديته هاذي طريقه الاعتذار عند اغلب الرجاجيل
 
انصحك اكثري من الاستغفار والدعاء
وقبل كل شيء لا تسوين اي خطوه لين ما تستخيرين
واستودعي الله في زوجك من ابناء وبنات الحرام اللي
يهدمون البيوت وما يحلا بعينهم غير المتزوج لين ما يخربون بيته
كل يوم قولي اللهم اني استودعتك زوجي سمعه وبصره وقلبه وفرجه وجميع حواسه فانها لا تضيع ودائعك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل