زوجي ضربني بالشبشب على وجهي وكمل بضرب مبرح

الله يعينك اختي اذا سالفه وصلت للضرب المبرح وماعنك حل فالبلد فيه قانون وشرطه بتعلمه مستواه وبتحبسه الين ماتتنازلين عن حقك وتطلعينه وبذلك بيعمل حساب انا ماقول روحي اشتكيه على كل ضغيره وكبيره بس دامه كذا هدديه واذا عادها اتصلي فورا عالشرطه بيحبسونه كم يوم الين ماتتنازلين وبذلك بيعرفه ان العباطه الي يسويها ماتمشي في زمن القانون والمساواه والله يفرج همك
 
استأجري جمب واحد من اخوانك او بنفس العماره

بس ضرب خفيف يدفني يصفقني يكب الشاهي على وجهي

وتقولين ضرب خفيف !!!!!!!!

أش تنتظرين انتي أو أحد من أطفالك يموت ولا يجيه عاهه!!!!!!!!!!

فكرررررررررررري بعقلك 00

أذا ما أنتي أنقذتي نفسك وعيالك وحفضتيها مستحييييييييييييييل أحد يقدرك ويحفظك حطيها بباااالك!!!!!!!
 
كثري من الدعاء
الله يفرج لك كربتك
 
اقووووووووووووول شغلي يدينك والكف رديه بكفين وامسكي فلوسك ولاتصرفين على شي بسيط بالبيت خليه يعرف ان الله حق
 
سنكرس قال:
الله يكون بعونك وينصرك عليه
أختي : ليس لديك سلاح غير الدعاء وكثرة الاستغفار فأمك كما تقولين
قالت له فكنا منها وهذا ماقواه عليك فلا سند لديك وليس لك من يهابه
لدي فكرة:
دعيه يراك تقومين الليل وتدعين الله بكثره وأدخلي في نفسه الشك بأنك تدعين عليه
وتطلبين النصر من الله فبعض الرجال لايردعه سوى الخوف من استجابة الدعاء
حتى لو لم يقوى قلبك على الدعاء عليه إدعي له بالهداية وان يسخره الله لك ولكن لايجب أن يعرف بأنك تدعين له بل دعيه يشك بأنك تدعين عليه وقولي له :
إنت تستقوي علي لانك أقوى مني لكن لاتنسى إن فيه واحد أقوى منك ويقدر يذلك مثل ماتذلني وأنا سأحاربك بسلاح أقوى من سلاحك وهو (سهام الليل)
والله لن يضيع حقي ولن تفلت من عقابه في الدنيا قبل عقاب الآخرة .
واجعلي كلامك معه موجز ولا تعطيه اهتمام زايد ، مع دعواتي لك بالنصر والسعادة.
أنقر للتوسيع...

أختي الله ينصرك ويكعمه ويرد كيده في نحره
أختي أنا ماقريت الردود أول رد هذا المقتبس وأنا مع الأخت فعلاً الرجل يخاف من الدعاء عليه وإنتقام الله
حبيبتي قوليها في وجهه إن الله جبار منتقم قادر ياخذ حقي منك ويسلط عليك من هو اقوا منك وأنت عارف إن دعوة المظلوم ما بينها وبين الله حجاب ،، ذكرتيني بيوم من الأيام زوجي عامل حاله زعلان وأنا والله ماسويت له شي ويدعي عليه قلت له انت تدعي عليه تبين ادعي عليك دعاء مو دعاك والله لافرش سجادتي وادعي عليك وأنا ساجدة ليش تدعي عليه والله يابنات ارتدع وبدا يحسب لتصرفاته وكلامه حساب ،، الله يحميك ويصرف اذاه عنك وأنتي ديما إذا شفتيه معصب ادعي في نفسك قولي اللهم إني اذرى بك في وجهه وأعوذبك من شره اللهم اكفينياه بماشإت ..​
 
حسبي الله ونعم الوكيل انا مثلك زوجي كان يضربني كثير حتى وانا حامل بس ماوقفو عند حده الى اهلي واهله راحت عند اهلي اكتر من3او4 مرات كل ماضربي اروح عندهم واطلب الطلاق بس مايعطيني هو علشان عندنا والد والى لو ماكان عندنا والد كان وداني عند اهلي بنفسهاحمدي ربك ضربك الشبشب انا انضربت بالحزام وانا حاملاكتر من مره وبي الكاسات حتى كاسات الملكه ضربني بيها
 
حسبي الله عليه وربي اني بكيت يوم قريت القصه بس لا تخافين ربي ماراح يضيع حقك..
 
الأخت النجم المضيئ هي المفروض تدافع عن نفسها مش تحمد الله أنها ما أنضربت بالحزام وهي حامل أي رجل يمد يده على اللي أضعف منه حتى لو كان هندي أو شغاله مش زوجة هذا مش رجال وما فية ذرة مروءة لازم ينردع
أختى صاحبة المشكلة الله يفرج همك وينصرك بس لازم تردعينه أثبتي حاله و أشتكي لشرطة لأن السكوت بيزيد ومثل ما قالوا الأخوات حافضي على فلوسك بس لالالالالالالالالالالا تتحدينه ابدا في مثل ما أذكر بالنص أن البيضة ما تضارب حجر بس حاولي ما تستفزيه و أحمي نفسك أدخلي غرفة و سكري على حالك إلى يطلع و تذكري ان القوة تنبع من الداخل انتي مش محتاجة اي حد لو كنتي قوية من داخلك و مقتنعة قناعة تامه انك صاحبة حق و الله اكيد معاك
الله يفرج همك و ينصرك
 
الله يكون بعونك قلبي
واكثري من الدعاء باخر الليل والله يفرج همك
 
يمه ...اعوذ بالله من هالشيطان
الله يفكج منه ويبعدج عنه عاجلاً غير اجل
اي عادات وتقاليد هذي اللي تخليج تقعدين عنده خوف منها......اذا انتي موظفه براتب يقدرج على الاجار خلي واحد من اخوانج يأجر لج قريب من مقر سكنه وقعدي مع بناتج واشتكي عليه والله بياخذ حقج وينصرج عليه....
 
حبيبتي حطي بين قوسين:
( انتي موظفه)
يعني عند شي تسندين عليه بعد الاهل
يعني عندك قوووه بس انتي منتي حاسه فيها
خلاص دامك موضفه ماعليك منه ضفي فلوسك لك وليش هو مايصرف وش حظرته مو رجال البيت
اسمعي اذا سكتي عنه راح يتمادى اكثر اسالي مجرب كل شي ياخذ بالقوه يجيب بالقوه يعني خلك ثقتي بنفسك اكبر ولاتردي عليه ابد واذا طال يده امسكي يده ووقفيه عند حده وحطي عينك بعينه وقولي لو سمحت لاتمد يدك ولا المحاكم بيينا انا الحمدلله ماني ضايعه فلوسي بيدي واقدر اؤجر بيت واسكن واحد من اخواني معي
واذا تبغن نصيحه خوذي تعهد من الشرطه ان مد يده مره ثاني يطلقك وصدقيني ماراح يمد يه ابد وانتي الحمدلله معك راتب مانتي محتاجه رجال​
 
والله ودي اقولج شي هو شاف ماعندج ظهر واخوانج لايهشون ولا ينشون يمد ايده عليج انتي كل مايطقج روحي توضي وصلي خلي نجدتج بربج وادعيله بالهدايه والصلاح وان الله يسخره لج

ولا تنسين بها الحزه ادعي ان الله يسخره لج
 
لا حول ولاقوة الا بالله العلي العظيم ....

حسبي الله عليه ونعم الوكيل .... الله ينصرك عليه ويفك من شره في القريب العاجل...
 
بعدين انتي توج متوظفه قبل من يصرف عليج مو اهو عيل لاتجيسين معاشج ولا تاخذين فلوسه من ورا ظهره يعني انتي شي يصير اذا خذيتهم بعد ماتطلبين منه ويرضا

وليش شكلج استغنيتي يعني قاعده تتفلسفين عليه ولا انا غلطانه عيشي حياتج نفس قبل لا تتفلسفين وخلي معاشج حقج خشي عشان يكون عندج مبلغ لي حزة الحزة وترا مو سهله سالفة الطلاق لانه الصراحه اخوانج وامج مو ظهر لج مادافعو عنج من البدايه بيدافعون عنج وانتي عندج يهال خليج ذكيه ورزينه وصرفي مثل قبل ماتتوظفين
 
ادعي وفوضي امرج لله واللي نفس ريلج يبيله احد يكون ذكي وياه
 
عليك بسهام الليل فانها لاتخطئ ولكن لها امد
 
السلام عليكم
اختى الحبيبه الحل :
في كتاب الحى القيوم
قال جل علاه(وَاسْتَعِينُواْ بِالصَّبْرِ وَالصَّلاَةِ وَإِنَّهَا لَكَبِيرَةٌ إِلاَّ عَلَى الْخَاشِعِينَ )
 
كله هذا لانك توظفتي مات غيرة الله ينصرك عليه وينور لك الحل المناسب ولا تخلي الدعاء باخر الليل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل