زوجي شمالي وخربتها معه ساعدوني

  • بادئ الموضوع بادئ الموضوع SaudiLady
  • تاريخ البدء تاريخ البدء
الحالة
مغلق و غير مفتوح للمزيد من الردود.
رماريمو قال:
أنا أشوف ان زوجك إنسان رااااااقي وحترم جداً .. ماشاء الله تبارك الله
يعني كان رده على أخوك كلام موزون ما انفعل ولا سب
وتعذر منأخوك انه أشغلناك معنا <<< مررررره عاجبني موقفه ... الله يخليه لك يارب ويصلح ما بينكم
وصدقيني الشمالي إذا حب شخص مو بسهولة يتخلى عنه

بس هو قالها بوجهي انا مااحبك بس حسيته ندمان لماقالها لاني سكت مارديت عليه وجلس بالغرفه يفكر هو كان يهاوشني ويطلع بس حس انه قس علي وبعدها بيوم مشاني وعشاني برى وسألته ممكن تحبني بعدين قال ممكن ليه لا ..<<< كأني كررت الكلام:24:

يعني وش اسوي الحين هو مايرد علي ومدري متى ارجع له واخاف ارجع له مايستقبلني انا ماعاد بتصل ولا ارسل والله اني خايفة من هدوءه اللي يسبق العاصفة:8:

يعني أنا متأكده انه فاقدكم أنتِ وولدك الله يخليه لكم

امين يارب ..:32:
بس احنا فينا يباسة راااااس أو ممكن تسمينها عناااااااد الله يهدينا

الله يهديكم ويحنن قلوبكم:10:
اللي يلحقنا نبعد عنه
ومتى ما وقف ركض ورانا
وقفنا احنا ولفينا ... ومشينا وراه
أنقر للتوسيع...


اهااااااااااااااااااا الله يعين بشوف وش اخرتها معه :8:

يعني لاارسل كلام حلو ولااتصل والله حنا يالجنوبيات مشاااعرنا رقيقة مالقينا اللي يقدرها:39:


مشكوووووووووووووووووورة على مرورك :32:
 
ومن قال لك حبيبتي ان احنا نعبر عن حبنا بالكلام
لاااااا
لنا أسلوبنا في التعبير عن الحب
يعني ما عمره ضمك من قلللللب؟
مايغار عليك؟
ولا مره لاحظتِ انه يحب يشمك؟ ويحب ريحتك؟
ما عمرك لاحظتِ انه يسرق نظره لك وأنتِ منسجمة في شغله تسوينها؟
وغيرها من أساليب التعبير عن الحب عندنا
 
رماريمو قال:
ومن قال لك حبيبتي ان احنا نعبر عن حبنا بالكلام
لاااااا
لنا أسلوبنا في التعبير عن الحب
يعني ما عمره ضمك من قلللللب؟

ناااادرا .. وش اقول لك بس...<<< خليني ساكته مرة مو رمانسي ولا يضم ولا يبوس بس هذاك الشي وخلاص مايعرف يعبر ابد :(

مايغار عليك؟

الغيرة احس فيها :32:
ولا مره لاحظتِ انه يحب يشمك؟ ويحب ريحتك؟
ما عمرك لاحظتِ انه يسرق نظره لك وأنتِ منسجمة في شغله تسوينها؟

مرة كنت مسوية نفسي نايمة والله هذا الموقف ماانساه له حط يدينه على شعري ومسح عليه ورجع نام بدون اي كلمه :8:<<< والله انا احبه بس هو الله يلين راسه بس دعواتكم ..
وغيرها من أساليب التعبير عن الحب عندنا
أنقر للتوسيع...

اساليبه كثيرة انا بديت افهمه ..

بس والله الوحدة مننا تبغى ولو كلمه حلوة بس

والله ماتنسي الكلمة الحوة ومشكوووورة ياعمري غلبتك معي :32:
 
الله يرجعه لك ياااارب وانتي سويتي اللي عليك والباقي عليه
 
آآآآمين الله يسمع منك وةمشكووورة على مرورك ...
 
حبيبتى خذى قشك وولدك ورووحى بيتك وتكشخى له وضبطى جوو روومنسي لكم واول ماايدخل ضميه وقوليله وحشتنى وحطى يدك على فمه بدلع وقووليله بااذنه انا اسفة وانا احبك وبس
وصدقينى بيطيح الحطب وبترجعوون احسن من اوول
وبالتووفيق لك يااقلبي وعسى ربي يهدى بينكم
 
المحتأرة قال:
حبيبتى خذى قشك وولدك ورووحى بيتك وتكشخى له وضبطى جوو روومنسي لكم واول ماايدخل ضميه وقوليله وحشتنى وحطى يدك على فمه بدلع وقووليله بااذنه انا اسفة وانا احبك وبس
وصدقينى بيطيح الحطب وبترجعوون احسن من اوول
وبالتووفيق لك يااقلبي وعسى ربي يهدى بينكم
أنقر للتوسيع...

هو الحين ببيت اهله لان انا وياه ساكنين بمدينه غير عن مدينة اهلي واهله يعني لازم يحجز

اجيه عند اهله بعدين بالسيارة نروح بيتنا وكيف اروح له وهو مافكر يرد علي

تخيلي رحت ووصلت المطار ومارد علي وين اروح الشارع ؟؟؟؟؟

الله يهدي النفوس يارب​
 
أهلين وكل عام وأنتم بخير ..،
حبيبتي الله يفرج همك وكل مسلم ..!​

سجلت لأجلك :)​

حبيت أعطيك نصيحه وأهدي نفسيتك بحكم تجربتي مع زوجي ووقوفي على كثير من مشاكل الزوجات..،​

اولاً ليس بغريب موقف زوجك وتعامله معك الآن وقبل المشكله ..:)​

ومشكلتنا نتأثر بما نسمع ومانرى ونطلبه بالطيب أم بالغصب !​

النفسيات والأفكار تختلف حتى مابين الأخوان أبناء الأم الواحدة ..،​

زوجك كغيره عنده عزة نفس وطبع يحتاج لزوجه جريئة مثلك والا لايمكن أن يعيش براحه وسعادة
والنقص وارد فيك وفيه وفي البشر :)​

لذا نصيحتي هدي نفسك وإقفلي جوالك < إجبري نفسك لو تشتركين بخدمة موجود أفضل حتى تستفيدين من جوالك مع بقاءه مغلق لمن يتصل ..!
ثانياً انتظري لاترسلي أي مسج ولا تتعبي قلبك واعتبريها فترة نقاهه له ولك ومراجعة ومحاسبة للنفس !!​

طبيعي راح يتركك الفتره هذي بحكم اننا مقبلين على إجازه الأيام هذي ويحتاج إنه ينبسط فيها مع أصحابه​

وبعد ماتبدأ المدارس والنظام الرسمي تأكدي انه راح يحس فيكم ويبدأ يراجع نفسه ..!​

وخاصة اذا حس انك طنشتيه يبدأ يتقرب ..،​


إما اذا هو من النوع اللي ماله اجازه او مايسافر او يطلع لأي مكان فيها ..
فأنصحك تسوي مفاجأة وتدخلين بيتك وأنتي بكامل زينتك وحاول ماتظهري أي نوع من الشرهـ أو الزعل
وبنفس الوقت لاترتمي بأحضانه لا ..
أظهري الضعف وكوني صامته هادئة ونامي بغرفت طفلك بعيداً عنه بحجة انك متعبه وغير مرغوب فيك ..!​

وجود الزوجة في بيتها ادعى لصفاء النفس والتقرب والشفقة والرحمة بينهم
والا لما شرع الله العدة للمطلقة وبقاءها في بيتها ..!​

ومثل ماقيل ( اللي بعيد عن العين بعيد عن القلب ) ​

كيف اذا كانت النهاية اساءة له !!!​

وأكثري من الدعاء والصدقة والاستغفار
واذا أنتي مذنبه فهذا سبب رئيسي للهموم والمصائب ..
راجعي نفسك أخيتي !​

اتمنى أن يبفرج الله عليك ويجمع شملكم على طاعته ،،​
 
نسيت أقول شيء مهم واعذريني ع الإطالة .:)

أنا زوجي نفس طباع زوجك تقريباً ولكن
أحس اني بعد ماثقلت شوي وحاولت قدر استطاعتي ان اتناغم مع طبيعته
ولو في الأمور الخاصة ...
أشعر بنجاح الى حد ما ..ولازلت أحاول واتعلم ولي معه 12 سنة
واعتبر عشر سنوات مرت عليّ
من أسوأ سنوات عمري عاطفياً ولكن الحمدلله على كل حال
وربي ان شاء الله بيعوضني



هذا النوع اغرقيه بالكلمات الجميلة فيخجل ويتعلم منك ..!
إستخدمي مقدمات اذا اردتي النقاش معه في أي موضوع وتكون مفعمه بالحب والتودد
وبعدها تدريجياً ابدأي بالفضفضة ....بأسلوب بعيد جداً عن النقد والتقليل
وجميل أن تستخدمي الرسائل بالورق بطريقة أكثر من راقية
ولو كان موقفه غير راقي على الاطلاق !
وتضعينها في غرفتك وتكوني بعيدة عنه ولاتقتربين اطلاقا بل لاتنتظري ردة
فعل منه في نفس اللحظة !
جربي عدم مواجهته بالكلام وإطالت الصوت
لأنه يشعر أنك تقللين من رجولته ولو كنتي تتعاملين معه بطريقة محترمه..!


أشعريه انك تسعين للإستقرار العاطفي والنفسي لكما جميعاً

وطبيعته يمل الزوجة ويحتاج إلى بعدها بين الفترة والأخرى
واذا استطعتي ان تزيدي غباً (غياباً ) عنه لـ تزدادي حباً بإذن الله


الأهل لاتقتربي لهم لا ذم ولا اختلاط لاتكثرين الاجتماع معهم حتى
لاينعكس سلباً على علاقتك معهم ومعه ..!
ولاتقطعي بهم حتى لاتقعي بنفس الخلل ..!


الوسط في جميع أمورك الخاصة والعامة
ولك التوفيق
 
كلامك سليم ومرة ريحني مشكوووورة ياعمري على النصائح وراح اخذها بعين الاعتبار

ربي يوفقك :)​
 
الله يحنن قليه عليج يارب ويسخره لج واترديله انشاء اللهن وينسى اللي صار
بس اذا طالت المده دخلي اخوج يتوسط في السالفه
او تشوفون بعض فمكان مطعم مثلا كوفي او حتى في البيت
ماعرف شو اقولج الصراحه بس الله يسهل عليج يارب وييعطيج اللي تتمنينه انشاء الله
 
الله يسمع منك يارب ..


بناااااااااااااات شوفوا اخر شي سويته ...:24:

اليوم حجزت رحله مؤكده يوم الخميس مو هذا الخميس اللي عقبه على حسب اتفاقنا قبل الهوشة ..

انا كان ودي اسويها لها مفاجأة بس لان بيتنا بمدينة مافيه رحلات مباشرة عليها فعشان كذا اخترناها يوم خميس لانه يكون عند اهله ومن عند اهله نمشي على بيتنا بالسيارة ,,


واليوم ارسلت له مسج وقلت له اني حجزت وارسلت التفاصيل ..

واخر موعد لشراء التذاكر بيكون الاربعاء الجاي عقب يومين


وقلت له اذا اشتريت التذاكر عطني خبر عشان ارتب الشنط ..


عاد اذا مارد ولا اشتراها بتكون النهاية لان ماعاد عندي شي اسويه اكثر من كذا ......


اللي مايبينا مانبيه كل شي سويته ...


وبشوف اخرتها يوم الاربعاء ..



واشكركم على تفاعلكم معي :32:​
 
يا الله عليك بعد كل اللي قلناه لك تروحين تسوين هالحركه
ليه كذا ................؟
ما عليك من اقتراحات البنات الخياليه روحي سوي له مفاجئات بالبيت ومعرف ايش
الشمالي عساه يفرح بمفاجئاتك وهو راضي عشان يفرح بها وهو زعلان !!

ليه كل شي تسوينه من قالك تسوين كل شي ..خلي له مجال هو يسوي
خنقتيه ... ما ينفع كذا
الحين هو حتى لو كان عنده طاري يبادر بمصالحه بعد هالحركه انسسسسي
واراهنك على انه بيطنشك
لان الشمالي يقول ماني على كيفك تحجزين وتخططين وتفرضين علي اللي تبين


حتى لو انه هو كان بنيته يرجعك واستغل عرضك هذا .. رجعتك بتكون بطلب منك مو بس طلب الا ترجي
وبيصير يتمادى عليك بعدين لانه عارف انك ما تقدرين تستغنين عنه

الله يهديك زعلتيني والله كنت متحمسه معك
 
يمه يمه وش فيك قلبتي علي ..


انا سويت كذا لأن امه من فترة كلمت امي وقالت اذا تبي ترجع الله يحييها..

الرجال مابيستقبلها يقول مثل ماراحت من نفسها ترجع ..

انا ارسلت له اليوم وانا لي فترة مااتصل ولا ارسل حتى بعد رسالتي هذه بخليه براحته مابتصل ولا شي كمان مو حلوة بحقي انا ماابي اخسر بيتي خليني احسن منه لازم واحد يتنازل وه مابيتنازل .. انا تعبت

شسوي طيب ..

انا ماقصدي اني ماستغني عنه بس خلاص يختي الوحدة مالها الا بيتها واذا رجعت برجع وحدة ثانية بعد ماثقفت نفسي مابرمي نفسي عليه فهمتي علي
واذا طنش هو الخسران لان هذه أأأأخر فرصه له ولي ,,,


<<< تبكي :8:

تراني حساسة احسك قلبتي علي وانا لما شفت اسمك باخر رد جيت طيرااااااااااااان ..​
 
كل حاله وظروفها.. بس أنا معك باللي سويتي..

أقل شي تكونين سويتي اللي عليك حتى ما تندمين..

لأن هو قال مثل ما راحت بنفسها ترجع بنفسها..


بس عليك بالدعاء .. وربي ما يرد من قلب خاشع ناجاه.. ونفس مضطره طلبته ..

ربي ييسرها لك..
 
يا حبيبتي انا ماقلبت عليك انا من كثر ما انا معك انقهرت عليك اعذريني لو قسيت عليك

بس وربي اني متعاطفه معك مره ...


بعدين امه داقه عشان تقول الله يحييها هو مو مستقبلها ؟؟
وش علاقتها هي بالموضوع
مفروض صراحه امك قالت لها السالفه بين الاولاد واحنا مالنا علاقه وفشلتها

الشمالي كل شي يقوله لامه لكن بوضعك شكل امه مسيطره تمام الله يعينك

وانشاء الله يرد عليك ويفرح قلبك

لكن المرات الجايه انتبهيييييييييي بليييييييييز

 
l مليـت l قال:
لان الشمالي يقول ماني على كيفك تحجزين وتخططين وتفرضين علي اللي تبين

أنقر للتوسيع...
هذا الكلام عين العقل واللي رح يصير !
اسمحي لي أنتِ ما تبين أحد يوجهك صح تقررين وتنفذين بعدين تجين تعلمين وإذا صار عكس اللي تبين جيتي تولولين!
لا تزعلين بعد مني أنا وتقولين أكلتيني بقشوري بس من جد تصرفك متهور ، خلاص قالو لك اتركيه يعني اتركيه ، وش تبينه على كيفك وقت ما تخربينها تخربينها ووقت ما تبين تنسين اللي قدامك لازم يرضخ !
للمره الثانية لا تتسرعين بتصرفاتك وقراراتك ، نصيحة من أخت وبالنسبة للي سويتي أنتظري وبكره تبين تعرفين إذا كلام البنات خطأ والا صح !
الله يهديك ويريح بالك.
 
الحالة
مغلق و غير مفتوح للمزيد من الردود.
عودة
أعلى أسفل