زوجي شمالي وخربتها معه ساعدوني الجزء الثاني

[احلى غاده]

مشكوووورة على مرورك انا لما ارسل لي انه بيروح مصر مارديت عليه ...

اصلا انا ناوية اذا رجعت هذا اذا رجعت اني اكييييييييييييييد بتغير لأنه بصراحة جرحني حيل بتصرفاته الغبية ابد ماحشمني قدام اهلي وجماعتي كلهم يقولون زوجك وش فيه كذا كأنه بزر تخيلي وانا بالعكس امدح فيه وهو مايستاهل ...

وصدقيني يااحلى غادة زوجي صعب التعامل مايكفي معه بس على اساس النمط ..

زوجي اساسا التربية غلط مايصلي ابد ولايحشم احد فاهمة علي

هو مرتاح معي وادري انه فاقدني بس عناده اعوذ بالله وامه لو تبعد حنا بسلام

انا والله ماسويت اللي سويته عشان امي ماتزعل علي عاد امي لما عرفت انه سافر قالت خلاص حنا سوينا اللي علينا وتعاملنا بالذوق وبالشرع امي قالت خلاص دامه سافر انا اللي اقول لك لاتتصلين ولاترسلين وماترجعين الا بشروط بنات الحمايل مو لعبه .

وانا رضا امي اهم شي عندي حتى لو على حساب كرامتي

ومشكوووورة على مرورك ياعمري ...

شوفي انا زوجي نفس زوجك صعب ما تتصورين شلون انتي الحين لك من ولد والحمدالله المحبه بينكم انا زوجي ما كان يصلي الحمدالله عادله ربي وصار يصلي بلبيت صدقين الدعاء في ثلث اليلل الاخير الله يهدي الاوضاع بينكم والله لو اقولك وش صار لي مع زوجي ما تصدقين والحين الحمدالله تغير كثير صدقين الصبر زين وان الله مع الصابرين والله يهدي سركم يارب يسمعني عنك الاخبار الطيبه من جد انتي بالي دايم وقول ياترى وش صار عليه

 

[مستعدة لرحيل]

saudilady

حبيبت قلبي روحي له و سويله مفاجاة يمكن هو الثاني يثقل عمره
ياالله يالله روحي حجزي و توكلي ع الله

 

[ياعمري ابيك]

ياعمري ابيك التطنيش والثقل ينفع مع رجال طبيعي انا زوجي كله عقد
أولا أنتي ماجربتي معه التطنيش .. والله زوجك لو مع وحده غيرك مو طفقه زيك ماكلفها انها تروضه ثلاث شهور ...
بس من جد الثقل صنعه ..

عنده عقد كثيرة واليوم ارسل لي مسج انه بكرة بيسافر مصر وموراجع الا يوم الجمعة

وقال مابي ازعاج تظنون انه ارسلها ليه
هذا هو الثقل ..ياليت تتعلمي منه الثقل .. تشوفينه مع انك انتي الي تبين تحجزين وتطبين عليه إلا أنه مانطفق عليك لا بالعكسس ثقل وبيسسافر ..



لاني قلت له اذا ماتفاهمت معي ترى الموضوع بيوصل لأعمامنا لأنهم ضاغطين علي

يقال أنك تهددين زوجك .؟؟؟ أول مره أشوف حرمه تغصب زوجها يرجع لها بالله وين الثقل الي تزعمين قولي لي ؟؟ !!!

وهو رد خوف منه اصلا انا زوجي بزر كل شي يسويه من راس امه مشكله البزارين اذا صار معهم فلوس
وهذا هو بزر هجدك و خلاك تلاحقين وراه .. وتشترين أنتي التذكره وتدقدقين وتتعذرين بالولد وتتعذرين بضغط اهلك عليك .. أمك اصلا ماتصلت عليه الا لما شافت طفقتك عليه دقت من وراك ..
البزر الي تقولين .. خلاك تتعذرين الأسباب والحجج علشان ترجعين له ..
لاحظي هذ وهو بزر .. اجل اشلون لو ماخذه رجااال ؟؟؟ :31:


وتقولين يالبى قلب الشماليين والله الشمالين يكسرون خاطري مسوين فيها وهم من جوى ولا شي ...
والله مدري مين الي يكسسر الخاطر ههههههه
انا مابي اطنشه عشان لايخرب بيتي ( ليه مو هو يفكر انه مايخرب بيته ؟؟ ليه ماهميتيه .؟؟ ولا همه ولدك .؟؟ تراه ولده وشايل اسمه .. والله لو أنك أنثى بالمعنى الحقيقي كان هو الي خاف عالبيت وهو الي جاك وهو الي خذاك من بيت اهلك .)
بتحمل عشان الولد واذا تقولين انه روضني لا والله بالعكس بعدني عنه اكثر بتصرفاته وانا والله ( هذا وانتي مشتريه التذاكر وبتطبين عليه .. تقولين بعدك عنه .. أجل لو قربك وش بيتسوين بتنطين بحلقه ؟ !)
لو اهلي مو ضاغطين علي ولايبون بيتي بخرب والله ماشلته من ارضي ( انا متابعه الموضوع وشايفه أن زوجك هو الي مو شايلك من ارضه لا تضحكين على نفسك )

انا عن نفسي طابت منه بس مو كاسر خاطري الا ولدي وانا حتى لما ارسل له كلامي واضح ومحدد

حتى الرد يكون فن وذوق ورجاء اذا بتكون ردودك كذا رجاء لاتردين على مواضيعي

انا مو لزقة انا وحدة تبي تحافظ على بيتها لأنها للأسف ماتزوجت رجال ... ( أنا ردي عليك مو أقوى ولا أوطى من كلامك عن زوجك ... بالله فيه وحده تقول زوجي حقيير وبزر وامه تمشيه ومشكله البزران اذا مسكو فلوس وتقولين مشكلتي ماتزوجت رجل ..
تعلمي كيف تحترمي زوجك .. وكيف تتعاملي معه .. علشان نعرف نرد عليك ..بذوق
تكلمي عن زوجك بذوق علشان نعرف نرد عليك بذوق .. )


واشكر كل وحدة ردت على موضوعي ..


سلام

مشكوووورة على مرورك انا لما ارسل لي انه بيروح مصر مارديت عليه ...

اصلا انا ناوية اذا رجعت هذا اذا رجعت اني اكييييييييييييييد بتغير لأنه بصراحة جرحني حيل بتصرفاته الغبية ( تقصدين أنتي جرحتي نفسك بتصرفاتك الغبيه ) ابد ماحشمني قدام اهلي وجماعتي ( أنتي تذكري وش قلتي لزوجك في اول المشكله .. سبيتيه وأهنتيه وجيتي المنتدى وسويتي بطله وقويه وقلتي والله ماخليت على قلبي تكلمت عليه لما قلت بس راحعي بداية موضوعك ) كلهم يقولون زوجك وش فيه كذا كأنه بزر ( كلهم شايفين أنه مطنشك وانتي الي تراكضين وراه بس مايقولو لك يجاملونك )
تخيلي وانا بالعكس امدح فيه وهو مايستاهل ... المدح الي وراه منّه ماحد يبيه

وصدقيني يااحلى غادة زوجي صعب التعامل مايكفي معه بس على اساس النمط ..

زوجي اساسا التربية غلط مايصلي ابد ولايحشم احد فاهمة علي ( أجل ليه تبين ترجعين له وتجيبين منه عيال اكثر دامه مو متربي ولا يصلي عذر أقبح من ذنب )

هو مرتاح معي وادري انه فاقدني ( فاقدك ؟! وهو أنتي مخليه له فرصه يفقدك .. فاقدك وبيروح مصر ههه ) بس عناده اعوذ بالله وامه ( وش دخل أمه بالسالفه كلها لاتقولين أنه يمشي على كلام أمه أنا متابعه المشكله وكله أنتي الي طلعتيه من لاشيء وش دخل تظلمين هالمسكينه امه معك ... وصلتي لأمه بالسب بعد ههه
لو تبعد حنا بسلام

انا والله ماسويت اللي سويته عشان امي ماتزعل علي عاد امي لما عرفت انه سافر قالت خلاص حنا سوينا اللي علينا وتعاملنا بالذوق وبالشرع امي قالت خلاص دامه سافر انا اللي اقول لك لاتتصلين ولاترسلين وماترجعين الا بشروط بنات الحمايل مو لعبه .( أمك ناقده عليك من طفاقتك تقول لا تتصلين ولا ترسلين تعلمي الثقل من امك .. ياقويييه )

وانا رضا امي اهم شي عندي حتى لو على حساب كرامتي ( يلا اشوف سوي الي قالته لك امك لا تتصلين ولا ترسلين مو تقولين رضاها أهم شي بالدنيا خخخخ مو بعدين تقولين أنا علشان الولد ماسويت الي قالته أمي )

ومشكوووورة على مرورك ياعمري ...

أنا علقت على كل شي مو عششان شيء .. أنا علقت علشان تفهمي أنتي كيف شكلك وكيف هو يطالع فيك ؟.؟
أنتي بالدائره ولا أنتي شايفه طفاقتك ولزقتك والتعليق الي بالاحمر هو نظرة الرجل لك .بعد الي سويتيه كله ..

تحياتي .. ​

 

[SaudiLady]

ياعمري ابيك

قلت لك ردودك مابيها بموضوعي

اسلوبك مافيه ذرة ذوق حتى لو بتنصحين انصحي بذوق

بس انت بعيدة عن الذوق

 

[smy]

السلام عليكم

الله يهديكم ويصلح اوضاعكم

معليش عندي سؤال (ياعمري ابيك) وش نمطك

اعجبتني شخصيتك ماشاء الله تبارك الله

 

[الشتاء الدافئ]

يمكن المشكله التي حدثت خيره لك لينجيك الله من العيش مع رجل لايصلي ...
المشكله ياعزيزتي في عدم صلاته ..لاتقولين شمالي او جنوبي....ترك الصلاه منكر كبير والعياذبالله ..هذا الرجل لايستحق حبك حتى ..الصلاه تنهى عن الفحشاء والمنكر وزوجك مطنش ومسافر لمصر الله يهديه...حبيبتي ماذا تأملين من رجل مطنش صلاته وعلاقته بربه اكيد بيطنشك ويطنش ولده ...ترك الصلاه يقسي القلب ويملأ النفس بالظلمه ...اسمعي نصيحتي يااختاه فأنتي كما اراك امرأه عاقله ورزينه واتركي عنك كلام اثقلي عليه واكسبيه ومن هالحكي الفاضي ..الموضوع اكبر من كذا ..
اولا معاشرتك له كما تعلمين لاتجوز لانه تارك للصلاه ويجب عليك لمعالجة هذا الامر شيئين :
اولا..الدعاء له بالهدايه وقيام الليل والاخلاص في الدعاء بان يهديه الله ويفتح على قلبه ...ثانيا عندما يعود من سفره بلغيه بان ماحدث جعلك تفكرين مليا في وضعكما وان ماانتم فيه من مشاكل هو بسبب بعده عن الله وان الصلاه كانت من شروطك للقبول به وان عودتك له مقرونه بصلاته فهو شرط اساسي ستبلغين به والدك ليتفاهم معه حوله..
ان عاد الى رشده كان بها وان رفض فهذه خيره لك يعوضك الله عنه برجل مؤمن عابد لله ...وقد صدقتي عندما قلتي له انه لايصلح كأب ..اخلصي نيتك لله وادعي له بالهدايه واستودعي الله يوميا قلبه ولسانه وبصره .
اسأل الله ان يرده الى دينه ردا جميلا وان يثبت قلوبنا ويهدي ضالنا ويحسن خاتمتنا وان يجعل الصلاة قرة اعيننا ...

تساؤل ...انتي متأكده ان الاخت ياعمري ابيك مو ضرتك مثلا ؟

 

[الامل السامي]

عندنا مثل دائما أمي تردده....
يقول المثل <أتبع مبكياتك ولاتتبع مضحكاتك>...
جربي لمدة اسبوعين نصيحة ياعمري ابيك...
بعدين شوفي أش يصير ...
وبعد دلك تعلمي كيف يكون الصبر ,,تعلمي التخطيط الاجابي أي كل خطوه تقومين بها مادا تدل عليه أي كيف يفهمها زوجك بالمقابل ....
زوجك رجل كل حركه تقومين بها تتفسر بطريقه أخرى لديه...اتمنى عدم الانفعال كوني هادئه ومسترخيه فقط...
ربي يوفقك....

 

[SaudiLady]

يمكن المشكله التي حدثت خيره لك لينجيك الله من العيش مع رجل لايصلي ...
المشكله ياعزيزتي في عدم صلاته ..لاتقولين شمالي او جنوبي....ترك الصلاه منكر كبير والعياذبالله ..هذا الرجل لايستحق حبك حتى ..الصلاه تنهى عن الفحشاء والمنكر وزوجك مطنش ومسافر لمصر الله يهديه...حبيبتي ماذا تأملين من رجل مطنش صلاته وعلاقته بربه اكيد بيطنشك ويطنش ولده ...ترك الصلاه يقسي القلب ويملأ النفس بالظلمه ...اسمعي نصيحتي يااختاه فأنتي كما اراك امرأه عاقله ورزينه واتركي عنك كلام اثقلي عليه واكسبيه ومن هالحكي الفاضي ..الموضوع اكبر من كذا ..
اولا معاشرتك له كما تعلمين لاتجوز لانه تارك للصلاه ويجب عليك لمعالجة هذا الامر شيئين :
اولا..الدعاء له بالهدايه وقيام الليل والاخلاص في الدعاء بان يهديه الله ويفتح على قلبه ...ثانيا عندما يعود من سفره بلغيه بان ماحدث جعلك تفكرين مليا في وضعكما وان ماانتم فيه من مشاكل هو بسبب بعده عن الله وان الصلاه كانت من شروطك للقبول به وان عودتك له مقرونه بصلاته فهو شرط اساسي ستبلغين به والدك ليتفاهم معه حوله..
ان عاد الى رشده كان بها وان رفض فهذه خيره لك يعوضك الله عنه برجل مؤمن عابد لله ...وقد صدقتي عندما قلتي له انه لايصلح كأب ..اخلصي نيتك لله وادعي له بالهدايه واستودعي الله يوميا قلبه ولسانه وبصره .
اسأل الله ان يرده الى دينه ردا جميلا وان يثبت قلوبنا ويهدي ضالنا ويحسن خاتمتنا وان يجعل الصلاة قرة اعيننا ...

تساؤل ...انتي متأكده ان الاخت ياعمري ابيك مو ضرتك مثلا ؟

والله ياما نصحته يقول مالك دخل هذا شي بيني وبين ربي


الله يهديه ومشكوورة على مرورك

 

[SaudiLady]

عندنا مثل دائما أمي تردده....
يقول المثل <أتبع مبكياتك ولاتتبع مضحكاتك>...
جربي لمدة اسبوعين نصيحة ياعمري ابيك...
بعدين شوفي أش يصير ...
وبعد دلك تعلمي كيف يكون الصبر ,,تعلمي التخطيط الاجابي أي كل خطوه تقومين بها مادا تدل عليه أي كيف يفهمها زوجك بالمقابل ....
زوجك رجل كل حركه تقومين بها تتفسر بطريقه أخرى لديه...اتمنى عدم الانفعال كوني هادئه ومسترخيه فقط...
ربي يوفقك....

مشكورة ياقلبي بس ياعمري ابيك تهاوش وتسب وتسخر مني مانصحتني

انا قررت اني اجلس شهر ثاني عند اهلي خاصة ان اخواني عندهم اجازة بجلس وياهم

 

[SaudiLady]

الوجه المليح حلم بعيد

والله توني انتبه لردودكم منورين والله يهديه مايسمع النصيحة

كان يصلي اول اسبوعين من الزواج بعدين والله من رمضان لرمضان ماركع ركعه وحدة الله يهديه

 

[الوجه المليح]

حبيبتي saudilady

ادري ان كلام الاخت "يا عمري ابيك"قاسي
بس والله انو معقول ومنطقي
لاتزعلين منها تراها انقهرت لما ما تابعتي خطة الثقل والتطنيش للاخر..
وانا كمان زعلت منك بس بنفس الوقت تفهمتك لانو احنا الجنوبيات الشرقيات قلبنا طيب للاخر وبنحن بسرعة كبيرة وننسى اللي قلناه ساعة الغضب ولما نبرد ما نقدر على تطبيقو..بس اهم شي نحاول ونجتهد ونضغط على انفسنا لان الشماليين للاسف ما بينفع وياهم الا هيك..

وانت حبيبتي ما تزعلي من كلامها هي تبي مصلحتك تراها اذا ما حكت بقساوة ما رح نعدل من انفسنا ابدا ..

ولاتنسي اذا جاك ريلك اهم واول شرط عندك انو اصللي ترى حرام عيشتك مع واحد ما يركعها فالصلاة اول ما نحاسب عليها يوم القيامة..

والله اوفقك وما تنسي الدعااء والاستغفار

 

[نور زوجها]

اسمعي كلام عموا

 

[6flah]

مدري ليش حاسه ان ها النصايح بدهور حياتك

الله يسخره لك وخلي لسانك رطب با الدعاء والله صارت لي مشكله مالجئت غير لربي وانحلت بيوم ولاكأن شي صار

وكنت اقول بكل ثانيه يارب حنن قلبه علي واملاء قلبه حبي واعمي عينه عن عيوبي ،، الدعاء الدعاء

والشكوا لغير الله مذله

 

[MINT]

الله يكتب لكم اللي فيه خيرر يآآآرب

انا مع انك تثقليييييييييييييييييين وبقووووووووووه لانه يبغاله تاديب زوجك

بس ضد اسلوبك يـآآ << ياعمري اببيك احس انك تسخرين اكثر من انك تنصحين لو قصدك نصح مارديتي على كل حرف من كلامها ردي على اللي من صالحها انتي الله يهديك استهزأتـي كثيييييييير بكلامك في فرق بين الضغط على الشخص بالنصائح والاستهزاء .........

اللي قلتيه قلتيه بس استفيدي لبعدين لحد يكرهك بالذات بناتك اذا انتقدتيهم مثلآ <<

 

[دلـــوعته]

متااابعتك يالغلااا من الموضووع الاول وكل يووم ادخل بس ابي اشووف المستجداات

وكنت ادعي ربي ان بالك يرتااااح وترجعين بيتك...


نصيحه من اختك طنشيه ولا تفكرين مجررد تفكير ترسلين مسج لو كنتي بفراش الموت بعد عمرن طووويل

لما تحسين انك بترسلين مسج على طوووول قفلي جوالك وفكي البطاريه منه

واطلعي اقعدي مع مين من كااان انشغلي شوووي


اتوقع انت سويتي خطووات طيبه وان دلت بتدل على طيب اصلك يالغلاا


اتركي الكوووره بملعبه وعيشي حيااااتك عند اهلك
وان شاااء الله انكم ما راااح تضيعوون فديتك...



مهما كان كلام يا عمري ابيك الا انه يفووق ويكفخ عالوجه كثيييييييييييييييييييير

تصدقين انا اقرااااا كلامها واحس بكل كلمه كف ككككككككككككككك






ننتظررر اخباار طيبه منك... وتعلمي اساليب الثقل من موضوع يا عمري ابيك

اخذي اللي يعجبك واللي ما يعجبك قطيه بحـــــــــر..


عساااا ربي يهدي لك زوجك ويسخركم لبعض..

وربي ييسر امووورك بالخير يارب..
​

 

[SaudiLady]

مشكورات على مروركم


دلوعته انا بصراحة بعد سفره لمصر احس اني تغيرت

انا الحين مو بمرحلة تطنيش ولا ثقل انا وصلت للمرحلة اللي ماكنت ابي اوصل لها

انا ماعاد ابيه شوفي لما انتي تسامحين ومحد يقدر هالشي توصلين لمرحلة اللا مبالاه من جد وانا اذا حبيت حبيت واذ عفت عفت حتى قلت لامي انا مابدق خلاص اصلا مقفله جوالي

وقلت لامي اذا فرضا اتصل هو او امه لااحد يرد انا خلاص انجرحت تعرفين اللي يصبر

وبعدين يقول خلاص ماعاد تفرق معه وانا حاليا والله مبسوطة عند اهلي وضحكة ولدي تسوى الدنيا ومافيها


اصلا حتى لو رجعنا لبعض بالله كيف بنقابل بعض اشياء حلوة انكسرت بيننا


البارح اقول بنفسي وش فايدة تسجيلي بالمنتدى ومعرفتي بالبوصله دام اني ماراح استفيد منها

ليتني ماعرفتها عشان مااحس بالندم :8:


مشكوورات على مروركم انا بنسى سالفتي وبخليها للايام مشكوووراات من كل قلبي





​

 

[مدنفة أوصالي]

تفائلي بالخير غاليتي

واجعلي شعارك غدًا بإذن الله أجمل

إنما الشيطان ينفث في روعك أن السبل قد استهلكت وانتهت

ولكنها لم تنتهي ولم تتوقف هنا، كم يوجعني اليأس حين يأتي

من نفوس مؤمنة كنفوسكن أخياتي ، أرجوكِ غاليتي لا تضعفي بهذه السهولة

وأيقني بإجابة الله عن قريب، أكتب لك وانا أوجه الكلام لنفسي أيضًا فكم

مررنا بمواقف أحسسنا فيها أننا غير مرغوب بنا ولكن أنت تريد وأنا أريد والله يفعل ما يريد

اسأل الله ان يطمئن قلبك الطيب وأن يسعدك في الدارين سعادة لا تشقين بعدها ابدا

 

[حلم بعيـــــــد]

اسمعي حبيبتي انتي من جد انبسطي وعيشي حياتك وذا بس كمان تفائلي بالخير والله يرده لك ولولدك ويحنن قلبه عليكم ويجعله من المصلين وطمنينا عليكي بين كل فترة وفترة ترى وربي كل مافتحت المنتدى اشوف موضوعك ان شاء الله يجي اليوم اللي تقولي فيه الحمد لله اموري كلها تمام
اكثري م الاستغفار اختي والتقرب من الله ووالله ربي راح يكون معاك وماراح يخيب ظنك
​

 

[س ر]

الله يرد لك زوجك ردا جميلا ويسخر بينكم

 

[نبضه خاصه]

الله يفرجها عليك ويسخر لك زوجك ويرده لك ردا جميلا

ويسهل حياتكم ويسعدكم سعاده ماتشقون بعدها ابدا