زوجي شمالي غربي سكوتي وكلامي مايرضيه ايش الحل ?

[إمرأة]

السلام عليكم ورحمة الله وبركاته
عندي مشكلة اخواتي واتمنى تساعدوني فيها..
أنا نمطي جنوبي غربي
وزوجي نمطه شمالي غربي
لنا متزوجين 13 سنة كنت لاصقة فيه واجري وراه الين يئست وتيقنت انه هذا طبعه يعبر بالفعل وليس بالكلام..
اشتغلت على تطوير ذاتي وسويت لي اهداف وانشغلت بنفسي عنه وأقوم بواجباته وواجبات البيت والعيال.. وصرت تلقائيا اعبر له بحبي له عن طريق العمل ..صارت شخصيتي شبيهة بشخصية الشمالي الغربي تلقائيا ولست متعمدة..
صار زوجي يفتعل المشاكل ويقول انتي اول كنتي تحبيني صرتي ماتجلسين معايا ولا تتكلمين معايا..
وان بدات أتكلم معاه يبان على طول عليه انه مايحب السوالف ..هذا طبعه حنى مع أهله يضيق اذا طول في الكلام ..فأرجع أمسك نفسي وترجع الكرة..

تعبني ابغى حل ..حالي الأول ماعجبه وعرضني للإهانات منه ..وحالي الثاني حفظ كرامتي نوعا ما ولكن ظل يعاتب اني مقصرة واحيانا يهدد بالزواج..ساعدوني ربي يسعدكم

 

[احلام فتاه]

انا مشكلتي مثلك زوجي شمالي غربي كنت دايم أكلمه بفترة الملكه واحسه ينفر واحيانا يطنش رسايلي يوم يومين بعدها صرت ثقيله بعد الزواج وما أتكلم الا نادر صار يعصب يقول انتي ما تحبيني وقبل كم يوم قالي احس ان حنا بعاد عن بعض روحي بيت اهلك كم يوم خل نفكر بسبب المشكلة وما رضا لي ارجع الشقه ماادري شسوي انا جنوبية شرقيه

 

[يُنآير]

الشمالي الغربي هذا مزاجي ههههههههههه
يبغى الشي مزاجي ويبغى المرأة على مزاجها تتشكل ههههههه
يعني تحتارني ماتدرين ايش تسوين حتى يبغى ماعندك شخصية ولاتطالبين بحقوقك
عموماً أرضي الله اولاً قبل كُل عمل تعملينة هو لوجة الله فقط
بينما لو تعبرين عنة بالكلام وحب يعني ماتكونين جفاء مرة مرة لا خليك وسطية مابين وبين
يعني مرة كذا ومرة كذا .. خلية يحتار فيك ​

 

[إمرأة]

الله يصلح مابينكم يااارب وترجعي لبيتك..فعلا نفس كلام زوجي قال ماعدتي تحبيني ..واحيانا يقول احسك تكرهيني..وقال صار البيت مطعم بس اكل وانام ..واذا جلست أتكلم معاه يبين انه مايهمه !!!
عجبي

حل يا اخوات تعبني الشمالي الغربي تعب الله يرده لي ردا جميلا

 

[سماء عالية]

اختاري مواضيع يحبها وتكلمي وكوني مثله مزاجية كل مرة لك مود لاتظلين على نمط واحد،،
الكثير منا تفكر الثقل بانها تصير سايلنت ورسمية معاه لابعد الحدود!!

فرفشي اصنعي جو مرح لاتشاورينه وتستأذنينة ،،صيري مشاكسة وشقيه مثل الاطفال ومره انشغلي عنه بكتاب او شي يهمج،،

طيب وين الثقل؟؟
الثقل انك مو تلصقين فيه طول الوقت وتحبني وما ادري شنووو،،
دلليه وتدلعي عليه وسمعيه كلام حلو ومره انسحبي عنه بهدووء وانشغلي عنه الين يجيك يحوس حوالينك!!
اتمنى اني قدرت اوصل لك الفكرة،،

 

[إمرأة]

وصلت الفكرة جزاك الله خير..تبين الصدق لاحظت شي غريب في زوجي..يموووت في اللي يحترمه ويحسسه بقيمته..وكمان أحسه مو واثق في في نفسه وشخصيته ضعيفة رغم انه الظاهر من افعاله يبين انه واثق..لكن اللي خلاني أحس انه شخصيته ضعيفة ومو واثق في نفسه هو انه اي احد يقدر ذاته خلاص يصير اسيره !!!وممكن يتنازل عن حقوقه له خاصة اذا كان من اهله

 

[إمرأة]

عندكم طريقة كيف أقدر ذاته وأحسسه بقيمته بدون ومايتعارض مع الثقل الموزون لي ؟

أتنتى تفيدوني لأتي تربيت لأم على نياتها مررررة ومالهم في هذي الأمور

 

[ردينة 2016]

اذا عمل شيء للبيت او لك امدحيه
امدحي صفاته الايجابية وعززيها ..
واشكريه اذا عطاك شيء
الشمالي عموما يحب اللي يمدحه و يشعره باهميته
مثلا اذا جاء وقال لك عن انجاز عمله في العمل او مع اهله .. قولي ماشاء الله عليك ..او انا افتخر فيك ..يعجبني ذكائك ..
راح يحس انك مهتمه فيه وتقدريه ..
والغربي متقلب ومزاجي تحتاجي تراعي هالشيء فيه .. وتغيري من نفسك ع طول غيري استايلك قصات شعرك الالوان اللي ترتديها ... غيري اماكن الاثاث بالبيت ..

الله يوفقك

 

[Jolie femmme]

انا شمالية غربية واذا بدك الصح اَي احنا مزاجيين
اخيانا زوجي يشريلي العجب افرح اول دقيقة وبعدها يصير مايهمني اذا انشغل عني مايعجبني واذا رد لي اسأم هههههه لاني بطبعي ملولة
اقولك الحل
لاتبعدي جدا لان راح يتأقلم بدونك وتصيري ماتهميه
وكمان لا تكثري حب ورومنسية والتصاق عشان راح ينفر
اتعاملي معاه مثل البنات الغرب تماما هذا النوع اللي يحب الغربي
يكون هو مستقل وهي مستقلة لكن في نفس الوقت بينهم حب ولقاءات

 

[ليلاس باريسية]

الرجل الشمالي الغربي أبد مو ضعيف شخصية بالعكس عندو شخصيه جداً قوية.. عنده هيبة حتى ب سكوته ...
إذا كان راضي عنك يفرشلك الأرض ماس ولولو
وإذا زعلتيه يوريك إلي ما شفتيه طول حياتك


كوني قريبة وبعيدة في نفس الوقت
يعني أعطيه حب ولما تحسي ابتدى يمل أو يعاملك ببرودة إنسحبي بلطف
الشمالي الغربي أسهل نمط في التعامل ..


موفقة..

 

[nelleaylin]

ما تحكي معو لما يكون عملي حالك مشغولة اقرئي كتاب و لما يحكي اي كلمة قوليلو بس دقيقة لخلص و لما تخلصي ما ترجعي تساليه مو دايما طنشيه بيزعل منك بس اعملي مثلو احيانا

 

[ليزانثس]

تقولين ((

صارت شخصيتي شبيهة بشخصية الشمالي الغربي تلقائيا ولست متعمدة..))​

((صار زوجي يفتعل المشاكل ويقول انتي اول كنتي تحبيني صرتي ماتجلسين معايا ولا تتكلمين معايا..))
​

يعني صرتي نسخة منه هذا فعلا حفظ كرامتك بس مثل ما قالك بالضبط هو واضح ومباشر ونبهك لغلطك..!!
اي زوجة خاصة الازواج المتضادين بالنمط لازم لما تتقرب من شخصية زوجها وتفهمه مو معناته تكون نسخة منه لا طبعا
لابد من المحافظة على إيجابيات نمطك.. واكتساب الإيجابيات من نمط زوجك وهو الاضعف لديك حتى تصلي بنفسك للشخصية الماسية
واضح انك صرتي مشغولة جدا لدرجة غاب احساسك الجنوبي بالعاطفة
العاطفة شيء جميل وإيجابي وضروري لاي زوجة ناجحة وأم ناجحة..
الجميع يحتاجها وبدونها الزوج لا ينجذب للزوجة والأطفال قد يبحثون عنها بالخارج..
العاطفة تجعل من اهتمامك بزوجك واطفالك ومنزلك اهتماما اكبر ونتائجه افضل ..
الإهتمام لا يعني الركض خلفه والتحقيق معه.. كما ان العمل والإستقلالية لا تعني التقصير والإهمال..

​

 

[إمرأة]

جزاكم الله خير ماقصرتوا..فعلا صرت عملية أحس أكثر منه خاصة اني احاول قد ما اقدر اعطي كل واحد حقه ..ولأني في كدا موقف صدمني منه ظلمني وماوقف معايا بعد العشرة الطويلة..فصرت ما اعترف بشي اسمه حب بالخالص..ولكن قد ما اقدر احاول ما اقصر معاه ومع العيال..العاطفة اعطيها العيال..أما هو تطلع مصطنعة مني ويحسها هو