زوجي شمالي شرقي اتزوج علي

[شموخ ذآتي]

مرحبا بنات


نمط زوجي شمالي شرقي ونمطي شماليه غريبه

زوجي لا يحبني من اول ليلة قال لي انا ما احبك وماراح اسعدك وانا غاصبني ابوي عليك وانا احب بنت ثانية لو تتزوج راح اموت وما اتزوج بعدها...اول شهر كان يسبني ويحتقرني ويهينني ويجرحني بكلام مو حلو ويناديني كلبه ونصابه ولعينه وحماره وماتفهمين وما ابي الناس يقولو عنك حلوة...
انا حاولت معاه واكسبه وادلعه وكنت اطلب الطلاق ويرفض يقولي انا حبيتك...
المهم سنتين ونصف ماصرف علي قبل مايتوظف وبعد ما اتوظف... واستقبلني استقبال بشع ببيته لا اثاث ولا طعام ولا معاملة حلوة..
قبل شهر اعترف لي
-انه مايحبني ولا قد حبني وانه لما يقولي احبك كان يجامل...
- انه راح يتزوج وانه ماراح يطلقني علشان الأطفال انا عندي ولد وحامل..
- واني اختيار ابوه واختيار ابوه خايس
- ودايم يكرر ليتني ماتزوجتك ليتني طلقتك قبل اتوهق فيك بالأطفال...

انا صراحه تركته ورحت عند اهلي ابي الطلاق وهو تزوج ملك وزواجه بعد عيد الفطر وهالبنت من اختيارة عمرها 17 اميه لا تقرا ولا تكتب وكان زمان يقول ما احب المثقفة والمتعلمة وهي مو جميله انسانه عادية...

انا جميله جدا كنت اتجمل له دايم والله العظيم ما قد رفعت عليه صوتي ولا مرة والا قد عصيته مهتمه فيه وبالبيت رائحه وتنظيف وترتيب وطبخ ومهتمه بطفلي ...وومتعته بالجنس واتجرأت معاه..واعطيته مساحه وتنازلت عن دراستي علشانه

الآن هو رافض يطلق علشان الأطفال ومعترف اني ما اخطيت عليه ولا قصرت معاه ...

بعد الملكة كنت اراسله ابي طلاقي وكان قول خلاص بطلقك شبي فيك ولكن ابوه وقف ضده وقال عندها اطفال...
وبعدها رافض يطلق..وزوجته بيبني لها بيت جديد وانا حاطني في بيت قديم عند امه...
هو قال لأهلي اني ازعل عليه كثير واطلب الطلاق كثير وانا ما انكر هذا من سؤ معامله لي ...واعترافه انه مايبيني

بنات ايش ممكن يصير من زواجه الشمالي الشرقي ؟؟؟؟اللي عندها خبرة لا تبخل علي...

 

[نجمة الشرقيه]

بصراحه الله يكون بعونك اذا هو مايبيك ليش تجيبي اطفال والله حرام مفروض من بدايه ماحملتي لانه اطفال هم ضحيت طلاق انا من راي لاتستعجلين في طلاق وصلي استخاره يمكن زواجه من ثانيه يعرف قيمتك انشاالله بس حاولي حتى لو رجعتي وماطلقك لاتحملين خلاص ربي عيالك الي عندك الله يخليه لك انشاالله ويوفقك

 

[انسانه متفائله]

ماعندي خبره بالشمالي

 

[احلى سمايل]

الله يعينك يارب إذا أنت ماتحبيه ومع المضايقات هذي كلها وكمان مايحبك ويبي يتزوج عليك إشترطي عليه إنه يحترمك ويعيشك عيشة كريمة حتى لو تزوج عليك وإذا رفض فالطلاق أبغض الحلال عند الله لأن هذي حياتك ولازم تعيشيها براحة وكرامة ولازم عيالك يتربوا في بيئة بعيدة عن المشاكل والضغوطات وإذا لا فالرجال الصالحون كثر والله يرزقك واحد منهم وعيالك ربي يتولاهم وأهم شي الإستخارة في أي حل راح تستخدمينه والله يكون بعونك يارب

 

[رازيا]

سبحان امرك عجيب عرفتي انه يكرهك ومغصوب عليك ومع هذا حملتي منه والحين بعد حامل
ما ادري شو قصتك انت
المفروض ما خليتيه يقرب منك من اول ليلة العرس لما اعترف لك انه ما يحبك ولا حملتي منه
حاليا خليكي ببيت اهلك ولا ترجعين الا بشروط جديدة واستخيري الله

 

[شموخ ذآتي]

حبيبتي احساس ....

نمط زوجي شمالي شرقي ونمطي شماليه غريبه

زوجي لا يحبني من اول ليلة قال لي انا ما احبك وماراح اسعدك وانا غاصبني ابوي عليك وانا احب بنت ثانية لو تتزوج راح اموت وما اتزوج بعدها...اول شهر كان يسبني ويحتقرني ويهينني ويجرحني بكلام مو حلو ويناديني كلبه ونصابه ولعينه وحماره وماتفهمين وما ابي الناس يقولو عنك حلوة...
انا حاولت معاه واكسبه وادلعه وكنت اطلب الطلاق ويرفض يقولي انا حبيتك...
المهم سنتين ونصف ماصرف علي قبل مايتوظف وبعد ما اتوظف... واستقبلني استقبال بشع ببيته لا اثاث ولا طعام ولا معاملة حلوة..
قبل شهر اعترف لي
-انه مايحبني ولا قد حبني وانه لما يقولي احبك كان يجامل...
- انه راح يتزوج وانه ماراح يطلقني علشان الأطفال انا عندي ولد وحامل..
- واني اختيار ابوه واختيار ابوه خايس
- ودايم يكرر ليتني ماتزوجتك ليتني طلقتك قبل اتوهق فيك بالأطفال...

انا صراحه تركته ورحت عند اهلي ابي الطلاق وهو تزوج ملك وزواجه بعد عيد الفطر وهالبنت من اختيارة عمرها 17 اميه لا تقرا ولا تكتب وكان زمان يقول ما احب المثقفة والمتعلمة وهي مو جميله انسانه عادية...

انا جميله جدا كنت اتجمل له دايم والله العظيم ما قد رفعت عليه صوتي ولا مرة والا قد عصيته مهتمه فيه وبالبيت رائحه وتنظيف وترتيب وطبخ ومهتمه بطفلي ...وومتعته بالجنس واتجرأت معاه..واعطيته مساحه وتنازلت عن دراستي علشانه

الآن هو رافض يطلق علشان الأطفال ومعترف اني ما اخطيت عليه ولا قصرت معاه ...

بعد الملكة كنت اراسله ابي طلاقي وكان قول خلاص بطلقك شبي فيك ولكن ابوه وقف ضده وقال عندها اطفال...
وبعدها رافض يطلق..وزوجته بيبني لها بيت جديد وانا حاطني في بيت قديم عند امه...
هو قال لأهلي اني ازعل عليه كثير واطلب الطلاق كثير وانا ما انكر هذا من سؤ معامله لي ...واعترافه انه مايبيني
انا الان هل قراري سليم بالأصرار على الطلاق؟؟وش الحل يا احساس انا في هم عظيم

 

[شموخ ذآتي]

نجمة الشرقية
انجابي للأطفال وربي شي كان رغم عني حبوب منع الحمل ماتناسبني مضره لي كثيييير جربتها بداية الزواج واتعبتني...واهلي كانوا رافضين احط لولب وهو كان يتهمني بالعقم وكانت عنده رغبة قوووووية بالأطفال وان انجب طفل لكن قدرالله وماشاء فعل

 

[شموخ ذآتي]

انسانة متفائلة شكرا لمرورك..

 

[شموخ ذآتي]

احلى سمايل الله يعوضني خيرا منه ما افكر ارجع..

 

[شموخ ذآتي]

رازيا...

قصتي عندي روماتزم مزمن واستخدم ادويه على طوووووول ولي مراجعات بالمستشفى...هذا سبب رفضه لي امه واخواته واخوانه رافضيني وبقوة ويحرضونه علي ..ابوه هو الوحيد اللي معي...

هو صغير لما تزوجني عمره 21 وانا 20 والآن هو 23 وانا 22 وما ان اتوضف خذ قرض وبس عه خطب وملك قبل اسبوع وزواجه بعد عيد الفطر...

ليش استمريت معاه بسبب اهلي اجبروني وقالوا انتم اصغار وهو بيحبك مع الوقت ولو بتي طفل راح يحبك..

وهو لا حبني لا شيء صرت ضحية انا واطفالي

 

[لمااارعبدالله]

الله يكون في عونك..
مع اني كنت مفكره شخصية الشمالي يسوي اللي يبي مايهمه كلام احد غريبه سمع كلام ابوه...
حبيتي يمكن مسحووور لأنك تقولين اميه ولاجمال وبيسكنها بيت جديد..
ولاتنسين الاستغفار والدعاء
ومرده لزوجته ام عياله..

 

[رندا كووول]

اللحين خليك ف بيت اهلك وكملي دراستك
وطالبي بمصروف اولادك ...
وبعد سنه اذا ماتغير اطلبي الطلاق.
واذا عنده نيه يرجعك اطلبي بيت جديد خاص فيك ..وحطي شروطك..
يمكن اذا جرب غيرك يشوف حسناتك..
والله يوفقك

 

[شموخ ذآتي]

لمار

هو ماشافها ابدا هم مايوافقون على النظرة الشرعية يعارضونها حتى انا ما شافني هم عكسنا


لكن اخته الكبيره تمدحها له مدح...

اميه هو يبي اللي كذا بوجهة نظرة ان المتعلمة كثيرة الطلبات والنقاش وهو مايحب النت وتنازلت عنه علشانه وز يكذا..

الله يعيني ويصبر قلبي وقسم مقهووووره وكارهه حياتي...

تسلمين قلبي

 

[شموخ ذآتي]

رندا انا جرووووحه لح الوفاة وقسم ما افكر ارجع نهائيا...

وهو شمالي شرقي يمكن اول مايتزوجها يطلقني او يميل لها وانا يخليني حاضنه لأطفالي كذا...


انا حاسه انه ماراح يتغير ...من كثر ماتعبت معاه وبالأخير يقول ماكنت احبك ومحد قالك تتحمليني وخلي ابوك يصرفك..ومحد قالك تصبرين علي بعد اول ليلة...

هو زان كان يترجاني ما اطلب الطلاق واستمر معاه..

لكن لما صارت عنده فلوس استغنى عني ..يعني كان يتمتع فيني...

 

[نجود الودعاني]

الله يكون بعونك"
الله يعوضك خير "

انت ماغلطتي بشئ حتى في تعاملك معاه
كان تعامل راقي ويدل انك حاولتي تكسبينه
وحاولتي وحاولتي بس الله يعين

اصبري واكثري من الاستغفار فالانسان مُبتلا
قدي يكون ابتلا لك من الله

واذا كنت تببين الفرج فأكثري من الاستغفار

مابعد الضيق الا الفرج


هذا رقم مركز التنمية الاسريه
اتمنى تتصلي عليه

بإذن الله يفيدونك بشئ

عباره عن طاقم نسائي ورجالي
وهم استشاريون اخصائيون
خصيصوا لحل المشاكل الاسريه

والله اعرف وحده كان تبي تتطلق من زوجها
بس الحمدالله صارت حياته حلو ومن افضل الى افضل

الرقم :9 2 0 0 0 0 9 0 0

تسعه اثنين صفر صفر صفر صفر تسعه صفر صفر

دمتِ بحفظ الله

 

[مـلاك الصغيرة]

مع رندا كول الله يفرج همك

 

[وجاء الفرج]

انا مع الاخت رازيا كلامك عين العقل اختي سهام الليل لاتخطي واكثري من الاستغفار والدعاء

 

[وجاء الفرج]

سؤال للاخوات ولمن لديه معرفة هل للادمان على المخدرات فتره طويله علاقه بالامراض النفسية يعني بعد مايتعالج ممكن يصبح مريض نفسي وشكاك

 

[vdhq]

الله يكون بعونك

يمكن لو جرب غيرك يرجع لك ذليل

ولو ما رجع لاتتحسفين عليه
اطلبي طلاقك واعطيه اولاده من الحين وشوفي حياتك مع واحد يسعدك ويقدر قيمتك ويعوضك

 

[شموخ ذآتي]

ملاك الصغيرة مشكورة

وجاء الفرج مشكورة

vdhq انا طالبة الطلاق وما افكر ارجع له لكن اني اعطيه اطفاله من الان والله مو قادره قلبي عليهم امي تقول الأفضل تعطينه الأطفال بس مو قادره احب طفلي واللي ببطني
وتسلمين