زوجي سبب مضايقة الرجال لي

[وووهج الأمل]

السلام عليكم ورحمة الله
خواتي حبيت اخذ رايكم بهالزوج وش الحل بنظركم ؟
بختصار مااطول عليكم متزوجه من 14 سنه من زوج مدري وش اسميه؟ من اول زواجي للحين ماعمره دفع عني اذي او ضرر مثال عشان توضح الصوره ( انطقيت ببيت اهله من امه واخوه وهو يتفرج واقف عند السلم يشوفني كيف بين ايدهم مثل الكوره فوضت امري الله وبلعت جرح انكساري وانطميت عشان هالعيال ,,
الجديد بالموضوع اني كنت بعلاقة عمل اشرف على عمل رجل خمسيني خليجي الجنسيه وقدر الله وفشل مشروعه لاسباب كثيره احدها تطفله عالزباين والمراجعين بالشارده والوارده .. انا كنت شريكته بربح 30% من الدخل للمشروع هذا . بعنا المشروع وطلب مني بشكل ودي اني اسدد لهالديون والرواتب والمتاخرات من الايجارات والخ عشان نصفي الشراكه اكملنا وخلصت ورجعت الحين بعد ثلاث سنوات يساومني يقول انتي سرقتيني وانتي وانتي والحمد لله المحكمه نطقت كلمتها بهالموضوع ومشى الحال. لكنه ماتركني بححالي ظل يهددني بمسجات انه بيدعي على اني لي علاقه ففيه واني سرقته واني واني والخ المحترم زوجي عارف بكل هذا ولايحرك ساكن الرجال يرسل لي يامرت الجحش ياحقيرره ياكلبه اقول وراح وراح جاني الشغل وزوجي ابد كلمه ماقال لي حتى بهالموضوع لين طفح الكيل ولجات مضطره لزملائي بالعمل تكفون الفزعه يارجال خذوني وطلعت النيابه مع العلم قلت له قبل انا برفع شكوى وماينطق مثل عادته سلبي لايحرك ساكن بااي شي يخصني طلعت النيابه وخلصت موضوعي وبلانتربول ان شاء الله اكسب قضيتي من هالشيبه اخذ حقي لكن بمووت قهر ياناس شسوي مع هالرجال اتعرض للاذي من الاجانب اكثر من مره مااحس بالقهر ولايعصب ولا يحاول يسووي اي شي لي يحسسني بلامان؟
بنات شسوي معاه؟ انا اصرف على بيتي وانا مكتفيه من جميع النواحي ماديا نفسيا تاقلمت بوحده رغم وجوده زوجي مجرد ذكر مايحمل اااي اخلاق او علامات الرجوله ماهو شهم ولاهو راعي اخلاق يمكن لو بكره يهجم على رجال بوجوده ماراح يتحرك ولايدفع بيده عني جربته كثير بمواقف شسوي عايشه معاه فقط لاني مااملك سكن وعشان عيالي بجلس ادفع عمري بس مقابله وجهه واموت حسره على شبابي؟
شوروا على وش الحل؟
طولت وكلامي وايد ومخربطه بس بالفعل نفسي احد يعرف هالنوع فيه مثله او بس انا ربي ابتلاني برجال ماعنده غيره؟

 

[to0otah]

ما مر عليه حد مثله
الله يعينج و يصلح عيالج

 

[لياال]

سلام

الصراحه غريبه انه في رجال زي كذا هذا اختي يمكن يكون جبان جدا وضعيف شخصيه ومايعرف يدافع او يتصرف .
طيب ابغ اسالك هو معاكي كذا بس ولا مع اي احد يعني اذا احد اتهجم على اولاده او عليه نفس الشيء ولا بس معاكي ؟

 

[بريق الألماسة]

الله يعينك ويفرج كربك

 

[ودي ولكن ماحصلي]

اختي الله يكون بعونك
بس حاولي انك تحاورينه
بهدوؤ يمكن انك انتي صوتك عالي في البيت
قال خلاص الحرمه ماعليها
يمكن انتي السبب
حاولي اختي
واتكلي على الله وادعي
الله يسخره لك امين وللمسلمات​

 

[نظرةعيوني ذلتهم]

شي غرييب
اذا انتي اللي تصرفيين على بيتك وانتي اللي تقومين بكل المسؤؤليات اللي المفروض عليه كزوج ان يقوم بها عنج
بس ابي اعرف انتي بشنو مستفيدة منه ؟؟
اعووذ بالله
لو انا منج ما قعدت معاه لحظة واحدة وجوده وعدمه وااحد ويمكن عدمه اررحم بواايد
الله يعينج ويسهل امورج

 

[كويت دنيتي]

اسمحولي ولكن هذا ديوث ما عنده غاريه
بس مسكين هو شلون عايش مع نفسه؟؟
شوفي شنو شاف بطفولته وتربيته اللي اكيد اثرت عليه
شوفي خوانه وابو نفسه؟؟
اذاكلهم جذي الله يعينهم على نفسهن

 

[حنين الحجاز]

اعوذ بالله العلي العظيم ايش هاذا الرجال والله انه وجوده وعدمه زي بعض لوني مكانك كان من زمان ماجلست معاه انتى الى تصرفين وانتى كل شي يعني هو خيال ماته الله يعينك ويفرج كربتك خليكي قويه

 

[مدري من انا]

سوري على هالكلمه بس كله منج 14 سنه و انتي حاطتنه على الدرج كيف تبينه يتغير فجأه
كان لازم من البدايه لا تصرفين لا على بيت ولا على عيال عوتيه تسوي كل شي وهو يتفرج و الحين هو متقمص الدور و عاجبه الوضع تمااام
ابدي معاه من اول خليه يتحمل كل مسؤلياته وانتي حبيبتي حطي رجل على رجل
و دامه سلبي بتموتي و تحيي و انت منتظره منه حركه عشان جذي انته تكلمي و طلبي منه يتصرف فجري غظبج منه قوليله بالي في قلبج خليه يحس
قولي له انج ما تقدرين تعتمدين عليه و لا تثقين فيه حسسيه بخطر سلبيته اما هو ساكت و انتي ساكته
انطر يا........... لما يجيك الربيع

 

[عسكريمه...]

الحمد لله والصلاة والسلام على رسول الله وعلى آله وصحبه، أما بعـد:

ففي المصباح: أن الديوث هو الرجل الذي لا غيرة له على أهله ، قال في الموسوعة الفقهية :
عرفت الدياثة بألفاظ متقاربة يجمعها معنى واحد لا تخرج عن المعنى اللغوي وهو عدم الغيرة على الأهل والمحارم .
ومن هنا كانت غيرة الرجل على زوجه ومحارمه محمودة، وعلامة على كمال الرجولة والشهامة، وتركها دياثة مذمومة شرعاً وطبعاً، وهذا ما جعل الدفاع عن العرض مشروعاً .
فالديوث: هو الذي لا يغار على أهله ومحارمه ويرضى بالمعصية والفاحشة والخنا عليهم ، ولاشك أن هذا يتنافى مع الدين، فلا دين لمن لا غيرة له ، ولهذا قال النبي صلى الله عليه وسلم :
ثلاثة لا ينظر الله عز وجل إليهم يوم القيامة : العاق لوالديه ، والمرأة المترجلة، والديوث.. رواه أحمد والنسائي.
والأحاديث في هذا الباب كثيرة
والله تعالى أعلم وأجل وأحكم وصلى الله وسلم على سيدنا محمد

 

[هناء 11]

اسمعي اختي زوجك ما منه فايدة 14 سنة على حاله ويش راح تاخذين منه ...........اسفة اني اقولك فوضي امرك لله فيه اذا تبغين الاستكرار معاه و اعتبريه مثل اختك اما تطلقين منه خاصة انك تعولي نفسك و اولادك .............مافي حل ثالث ................ راح تقول الاخوات اتقي الله كيف تطلبين من الحرمه تطلق و تخربين لها بيتها ؟؟؟؟؟ اقول ان الطلاق حلال و هو اخر الطرق لتسريح المره باحسان .......و المثل يقول ظل راجل و لا ظل حيطه و اذا ما حصلنا الراجل يبقى نلجأ للحيطه ........... اما هالشايب العايب بلغي عنه الهيئة اذا كنتي بالمملكة يوقفونه عند حده بتهديداته لك بتوسيخ سمعتك و كل هالكلام القذر منه .....................

 

[كيوت مامي]

الله يكون بعونج

 

[همـــس الروووح]

الله يكون بعونك ويهديه ويهديك

هذي نتيجة الاختلاط برجال اجانب = غضب الرب +عدم غيره من الزوج + مشاكل من الرجال المختلط بهم

اتركي هالوضيفه لوجه الله من ترك شيئاً لله عوضه الله خير منه

بالتوفيق ان شاء الله

 

[* كلي إمومه *]

الله يعينك على بلواك

 

[papero0o]

انتي السبب بنواحي عديدة اولها انك تخالطين الرجال الاجانب كيف زوجك يغار و انتي عندك عادي انك تشاريكين و تكلمين رجال جانب و تناقشينهم........؟
و كمان انتي الغلطانة انك من 14 سنة ملاحظة هل شي و جالسة عندهو و تقولين عيالي
ياشين الوحدة لاتعذرت بعيالها

انا قد قلتها هل كلمة و بقولها لك مرة ثانية
الاطفال لو الام و الاب ماكانو مبسوطين ولا متفاهمين مستحيل يعيشون حياة سعيدة
و راح ينحرفون ممكن و تجيهم حلات نفسية ولا يعوضون انفسهم باشياء ثانية الله يستر عليهم

 

[مدخن ودخون]

اتمنى كلامج عن زوجج يكون فيه شوي من المبالغات.. لاني بصراحه ماتخيل ريال بدون مرجله
عالعموم نصيحتي لج .. مثل ماذكرتي مساوئ زوجج، تذكري محاسنه واشيائه الزينه،، صدقيني نحن الحريم احيانا نبالغ يوم نطفر ونتظايج.. انا ماقول ريلج على حق، بالععكس بالوصف الي وصفتيه هذا مافيه رجوله ونخوه.. بس وين اهلج عنه؟ 14 سنه زواج ومتحمله؟ شولي خلاج تصبرين؟ العيال؟ وكرامتج وين؟ مافكرتي ان استمرارج معاه دمار لج ولعيالج؟

على العموم الله يفرج همج ويفتح عليج ويستر عليج وعلينا

 

[دلع ملكة]

انتي ياعسل غلطانه ليش صابره عليه اهلو يضربوكي وسكتي فين اهلك ليش ساكتين
والله لو انا مكانك الله لا يكتبها والله مااقعد دقيقه وحده معاه هذا مو رجال بالعربي ديكور في البيت وبس

 

[ام النونة]

استغفر الله يمكن فيه مرض نفسي من زمان

 

[غرام الود]

انا ابغى اسالك سؤال ليش امه واخوه ضربوكي؟؟؟؟؟؟؟؟؟؟ماهي راضيه تدخل راسي...فين احنا عايشين

 

[كلي حلى]

لاحول ولاقوة الابالله

الله يعينك