زوجي رسلي مسج بالغلط

[قلب أدماه الجرح]

السلام عليكم انا عضوه جديده وهذي اول مشاركه لي وداخله عليكم بمشكله ابي لها حل انا يابنات متزوجه واكتشفت ان زوجي يكلم بنات على الموبايل والنت وطبعا بعد نكران دام سنه اعترف ووعد انه يتغير السبب اني طلبت الطلاقوشافني مصره ومصممه على تركه بعد الصلح بيوم بس لع وقال معزوم عند الشباب وبعد ماطلع بنص ساعه ارسل مسج يوقل فيه سلمى وينك جوالك مغلق انا انتظرك وعلى طول بعدها بدقيقه ارسل مسج ثاني يقول يالله عصبي هههههههههه سلمى حشى طباله يعني يبي يفهمني انه يمزح وانه مسوي مقلب فيني الحين بذمتكم اللي بيسوي مقلب ماينتظر ردة فعل اللي مسوي فيه المقلب على طول يرسل ويفهمك انه مقلب بصراحه مادشت مخي السالفه وانا ماكلمته من البارحه الي الحين لانه رجع متأخر وللحين نايم .

ابي وجه نظركم ولا اي وحده تقول واجهيه زوجي واعرفه راح ينكر وراح يقول كنت امزح معاج وابي اعصبج وانتي شكاكه وماعندج ثقه فيني للحين .​

 

[رعبووب555]

انا اقول طنشيه مده الين ما يحس على عمره
و اكثري الاستغفار وصلاة الليل والدعاء و قرائة سورة البقره ولو ماقدرتي حطيها في البيت
تره هذي الاشياء لها سحر طبيعي "عن تجربة"

 

[قمر صالح]

مادام ينكر و يخبي حمدي ربك

كثرة الزن عليه بكرا يصير يكلم قدامك و لا يهمه .

المهم انتي لا تنشغلين فيه و بيني له انه مو هامكو اطلعي و كوني صداقات وتسلي وقتها صدقيني هو بيدورك

و الله يهديه و يعينك

 

[اعلامية طموحة]

طنشي .. أو مثلي عليه انك مطنشه

ليش انتي تحترقي خليه يحترق هو .. حبيبتي لو واجهتيه ولا زعلتي بيسوي واحد ممن اثنين يا بيتحرص اكثر أو بيسوي قدامك

اهتمي بنفسج ودلعي نفسج وحطي كل الحره في الكشخه .. واذا جلستي معاه خليك متوازنه لا تكشري وتكثري بالمزاح والضحك ومع الناس اعملي العكس ضحكي وسولفي وفرفشي

وخليه هو على سلمى وشلتها والله ايام وبيحس انه ماعنده سالفه​

 

[اعلامية طموحة]

صدقيني ماشي حل يكسر راس الريال اللي من هذا النوع الا انك تهتمي بنفسك وبس

كل البنات بيقولن لك نفس الكلام

مانقولج انسي لان صعب بس مثلي النسيان لين ماتتعودي

صدقيني والله لو جاك الضغط والسكري وشاب شعر راسك بسببه

بيرميج ولا همه .. وبيروح لسلمى ومعرف مين

اهتمي بنفسك .. خطوه خطوه هو اللي بيركض وراج

بس انتبهي اهتمي بنفسج علشان نفسج مش علشان يركض وراج
​

 

[خوااااطر]

من جد سلمى قهرتني
مثل ماقالو لك الاخوات طنشي وعيشي حياتك ولاتتابعين خطواته لانه بيجيك المرض انتي
وكويس انه لين الحين خايف على مشاعرك بعضهم لماتقول زوجته مابيك يقول ابرك
اهتمي بنفسك ولاتكشرين مشي امورك لين ربك يحلها
تحياتي وقلبي معاك​

 

[برائهـ أنثى]

كلام البنات صحيح طنشيه وانشاء الله بيهديه​

 

[كلام الورد]

خليها مستويه عندك واذا جلستي عند التلفزيون وكان فيه برنامج فتاوى أو شي شغليه واذا جا الليل اطلعي صلي وتر واقري قران ونامي على سجادتك عشان يحس بقيمت نفسه وبقيمتك وانه صغيييير وولا شي بحركاته

 

[دايمه الشوق]

انا اقول طنشيه ووكلي امرك لله وبعد كل صلاه ارفعي ايدك وتحسبي سبع مراات

 

[اسيرة زوجها]

اتصدقين يمكن يبقى يسوي فيك مقلب عشان تبطلي شك والله زوجي ذبحني قدامي يمسك الجوال ويفرفر فيه ولما اقرب يقفله واذا سألته ليه يقول مزاج وصارت بيننا مشكله كبيرة ويوم جلسنا مع بعض عاد يبغى يفهمني انه يسوي الحركات هذه عشان ابطل شك ما دراى انه يزيدني شك بعدين قال والله لو ما تسيبي الشك هذا لا اكلم قدامك فانا احاول من يومين اني ما اسأله ليه تاخرت ولا جوالك ليه مقفل ولا ليه مشغول اخلية على مزاجه زي ما يقول 0 فهمتي حبيبتي قصيتلك قصة حياتي عشان تعرفي ان الرجال لو نوى يخون والله لا انا ولا انت بنقدر نوقفه عند حده الا بالتطنيش 0 طنش تعش تنتعش على فكره انا كاتبه قصص خيانات زوجي شوفي قلت قصص مو قصه ولا ازيدك من الشعر بيت معظم البلقيسيات ازواجهم يخونوهم لكن ما نقول الا الله يهديهم جميعا 0 معليش طولت

 

[**بحر الأمل**]

الله يهدئ بالك ياارب

 

[حرب الأحساس]

خذي موقف بأي طريقة لا يستهين فيك
والدعاء يصنع المعجزات والأستغفااااار
وربي يصلحه لك ويصلح ازواجنا

 

[ام ناصرخطابه]

اختي الغاليه انا مع البنات انك اطنشي لكن لا تنسي لا (الاستاذه ناعمه تقول تذكري ولا تنسي في قصة ام بسمه )ولا تسوي زعل سوي نفسك انك صدقتي انها مقلب راقبيه من بعيد وتعلمي من المنتدى شلون تتعاملي معه وبكيد الحريم تقدري تخليه يتفير المواجهها معه ما نفعت اذا عليك انك تدورين طريقه تخليه يتغير بشكل ثاني
انتي طالعي حياتكم من بعيد كنك طالعين مسلسل وشف وش الغلط وشلون تصلحين الامور وشلون تغيرينه في البدايه بالبوصله وبعدها باسلوبك انتي وتعاملك معه
في المنتدى مواضيع مره رائعه وخطيره اكيد تبي تفيدك

 

[مشتاقه لريلي]

صدقيني ماشي حل يكسر راس الريال اللي من هذا النوع الا انك تهتمي بنفسك وبس​

كل البنات بيقولن لك نفس الكلام​

مانقولج انسي لان صعب بس مثلي النسيان لين ماتتعودي ​

صدقيني والله لو جاك الضغط والسكري وشاب شعر راسك بسببه ​

بيرميج ولا همه .. وبيروح لسلمى ومعرف مين​

اهتمي بنفسك .. خطوه خطوه هو اللي بيركض وراج​

الكلام الصواب 0000000000 فعلا طنشي بس طنشي سوالفه هذي وبيني انك ماخذه الأمور بظاهرها ديري بالج تفتشين وراه أدري حرقة قلب 0000 بس انتي تعوذي من الشيطان واحتمال انه بيسوي فعلا مقلب فيج بس حب يكشف لج هالمقلب السخيف لإن تذكر فيها عوار راس أقول احتمال وارد00000 بس استعيني بالله وادعي مثل قصة برود كانت تدعي لزوجها اللهم اصرف عنه بنات الحرام وصحبة السوء إنتي يبيلج دورة استراتيجيات التعامل مع الزوج الخائن00000000 والله يريح بالج آمين

 

[ام سديم1]

طنش تعش خليها حكمتك بلحيات لو راقبتي تصرفاته وكلامه وحركاته كان تجيك جلطه لاقدر الله اهتمي بنفسك ادخلي واطلعي والبسي مرده لك

 

[السمينه]

بسم الله الرحمن الرحيم

السلام عليكم ورحمة الله وبركاته

اختي قلب ادماه الجرح

حبيبتي انا زيك شبعت ومليت

من حركات زوووووجي

بس قريت في النت تجارب

البنات مع سورة البقره

لحل المشاكل الي احنا فيها

وحبيبتي وش رايك نبدا

سواء نقرا سورة البقره

بنية اصلاح ازواجنا

اتمنى ردك


تحياتي اختك السمينه

 

[الماضي الحزين]

الله يكون بعونك ويصبر قلبك

 

[القلب المفتوح]

أحسن حل أنك تنكري الرسايل لو سألك وشوفي ردة فعله
<< يعني مقلب في مقلب >>
وخوذي الحياة برفاهية واحرصي على صحتك بغض النظر عن أفعاله اللي ربي راح يحاسبه عليها​

 

[نواره99]

يمكن صج يبي يعصبج
بس انتي لاتهتمين وايد وطنشي واستمتعي بحيااتج ياختي الدنيا ماتستاهل واشكثر بتشكين وتسهرين وتتعبين انتي الخسرانه تخسرين راحتج وصحتج طنشي فتره وربي يوفقج
وشوفي نمط زوجج وكيفيه التعامل معاه واقري مواضيع الزوج الخاائن واكثري من الاستغفار والدعاء وقيام الليل وربي يهديه ويسخره لج

 

[صوت الصمت]

مرحبا
حبيبتي نصيحتي لك مثل باقي الاخوات
طنشي ..
اعرف ان هذي الخيانة تحرق الصدر..
المهم انتي اهتمي واكشخي.. واذا سألج .. مثلا اليوم كاشخة ردي عليه وقولي له لنفسي مو لك..
ولا تتناقشي معاه ولا تسولفي وايد بس ردي على اسئلته..
يعني خلي الصمت يغلب في حياتج.. عشان يحس ان في الم في صدرج وها الالم غيرج وخلاج جامدة.. مو حيوية..
بس لا تمي جذي فترة طويلة .. يعني شهر او شهرين واذا ما تغير لازم تتنافشين معاه واتحطون حد للمسألة..
واكثري زياراتج للاهل..
ولا تنسي اكثري من الاستغفار