زوجي رافض الفكره وانا خايفه كيييف نقتنع ياليت تساعدوني

[شئ اخر]

سلام ياحلوات ماابغى اطول عليكم

حبيت اسال عن اللولب ياليت اللي استخدمته اوسمعت عنه ترد علي:bigsmile:

لاني كنت استخدم حبوب منع حمل والان انا حامل بالتاسع ومفكره اركب لولب

بس محتاره وخااايفه:sad_1::tears:

لان الحبوب تتعب وحقت الحليب تنشف وكمان متعبه

وانا ناويه ارضع البيبي انشالله وماينفع مع الرضاعه الا اللولب

خايفه احمل عليه اوانه يتحرك وسمعت ان الزوج يتضايق منة عشان كذا زوجي رافض فكرته :santa_1::santa_1:

ياليت ياعسولات تردو عليا لاني انتطركم:icon26::icon26:

واي واحد افضل الهرموني او العادي

 

[شموخ المدينه]

استخيري وشورتي عليك ركبي العادي كل الي اعرفهم عليه مافيه شي

 

[بقعة ضوء]

بصراحة انا ماجربته بس كثير من قريباتي مجربينه ... مريح جداً ولا يحس به الزوج المهم ماتحملي ثقل ولا تعملي رياضة شديدة ..

زوجة خالي تخليه 5 سنوات واخت زوجي 5 سنوات وبعدين ركبت او 3 سنوات وعايشة طبيعية ومرتاحة ..

 

[شئ اخر]

مشكورات حبيباتي
بس مافي احد منكم جربه؟؟

 

[بنت الدرر]

قبل هذا كله..

لازم تروحي للدكتورة وهيا تحدد لك يا تركبي لولب أو تستخدمي حبوب لان فيه كثير من الحريم لما تركب اللولب يسبب لها نزيف ولازم تنزله

وروحي للدكتوره احسن لك..

الله يسهل عليك الولادة

 

[ام قاسم]

حبيبتي انا امجربتة بس كل وحدة تختلف عن الثانية ممكن الى يصلح لى ما يصلح الغيري بس بلنسبة لى مرتاحة علية الهم ان الدورة تكون غزيرة وبلنسبة لزوج لا ما يحس بشى اتمنا ان اكون افدتك

 

[أم حميدة]

أنا حملت باللولب، كم مرة ، مرة سقطت مع الدورة وأنا لا أعلم ومرة انزاحت من مكانها ، اللولب ليس كل وحدة تمشي معاها وممكن تسبب التهابات للبعض وإذا أهملت هذا الالتهاب ، ممكن يذهب لداخل الرحم ويسبب جرثومة في الحوض أو تقرحات في الأرحام ، فمن تركبه لابد من الفحص الدوري .
وهناك طريق آمنة تمنع الحمل بدون أضرار
وهو خذي حبوب مهبلية ، تقتل الحيوانت المنوية ، واسمه نيوسامبون من ةالصيدلية ، وتوضع قبل الجماع بخمس دائق وتجلس مفعولها نصف ساعة
لازم تدخلينها داخل مرة ، حتى تحسي بعنق الرحم

 

[ليل العيون]

ريحي نفسك وسمي بالله وخلية طبيعي بالحساب انشالله ما تحملي

 

[حلى الوايلي]

انصحك فيه بس بشرط يكون عند دكتوراه شاطره مو اي دكتوره

 

[العشرينية]

حبيبتي
اول شي استخيري الله ثم استشيري طبيبة
ثانيا انا مجربة اللولب والله انه مريييييييييييح افضل من الحبوب بكثير
انا اركب العادي ولدي خمس اطفال وبعد الطفل الثاني ركبته
وكنت اركبه آخر ايام النفاس لأني اخاف من الحمل
وكانت دكتورتي ما شاء الله عليها شاطرة
وافضل من الحبوب كثير خاصة للي ناوية ترضع
وشوفيني الان طفلي الصغير عمره شهرين
ارضعه ولسة ما ركبت لولب وجالسة اخذ حبوب الرضاعة
طفشت منها كل مرة اخاف انساها ما اتعودت على الحبوب ابد
وخايفة تنشف حليبي
وللحين ما رحت اركب اللولب وخايفة اركبه هالمرة
لأني سويت العملية التجميلية وخايفة من الم التركيب
اما بالنسبة للزوج لا يحس باللولب ولا شي
يا حبيبتي اللولب يتركب داخل الرحم كيف بيحس فيه ؟
توكلي على الله
واتمنى اكون افدتك وأي سؤال انا جاهزة
تقبلي تحياتي​

 

[nla]

اللولب العادي مريح وعملي ،،،، من وجهة نظري افضل من الحبوب ولا تأثير له على الزوج

ولكن عليك مراجعة الطبيبة قبل كل شيء للتأكد من اللولب يناسبك اذا ان بعض النساء لا يناسبها اللولب

 

[ربي رحمتك]

انا مجربته بصراحه مدري وش اقول لك
اولا من ناحيه الزوج يحس لااااااااا والف لا ما يحس ابد

ثانيا شوفي لازم تروحين لطبيبه ممتازه مو حي الله اي طبيبه

ثالثا الراحه اول اسابيع التركيب يعني ما تشيلين ثقيل ولا تركضين ولا رياضه ولا شغل في البيت مجهد


رابعا لازم الكشف الدوري له خصوصا اول الاشهر عشان اهو اذا ثبت اول الاشهر باذن الله راح يثبت لين ما تفكينه

خامسا بعض الدكتورات (اللي مو شاطره) راح تقولك انتي بعد كل دوره اكشفي على نفسك دخلي اصبعك شوفي تلمسينه او لا عشان تشوفين هو تحرك او لا


انا اقول وبالفم المليان اياك وهذي الحركه لانك يمكن تحركينه وانت ما تدرين


سادسا شوفي وش يناسبك العادي او الهرموني


اما عن تجربتي الله لا يعيده بصراحه غثني لين قلت اميييييييييين

ما نسبني ابد مع اني مخليته سنتين اقول لعل وعسى يناسب

الحمد الله الدوره ما كانت قويه وعزيره مثل ما يصير للبعض بالعكس كانت مرررررره خفيفه
بس وين المشكله المشكله اني صرت بالثلاثه اشهر تزيد او تنقص شوي وانا ما شفت الطهر
يعني معي كدره وخرابيط حتى اني معد صرت اميز متى وقت الدوره بالضبط

قلت يمكن التهاب رحت للطبيبه وما صار التهاب

ثم بعدها يشمي معي كويس تقريبا نفس المده ثم ارجع مثل ما كنت

بعدها حامت كبدي منه وفكيته والله ارتحت كثيييييييييير
ورجعت للحبوب يا حبي لها بس صح غثيثه تخافين تنسينها لكن معليش ولا الوضع النفسي اللي كنت عليه ايام اللولب


ملاحظه حطيها في بالك

لا تقولين لاحد انك مركبه لولب انا والله من قلت لوحده وهو حايس علي حووووووووووووس

مع اني والله منيب من الناس الي تخاف من العين ووو
حتى اصلا انه ما جاء في بالي ابد
لين ما كنت مره اسولف مع وحده مرررره قريبه مني وقلت اني مره مع فلانه اسولف معها عن الموانع وونصحتها باللولب


قالت بس وفقي تذكرين بالضبط متى قلت ايه وفعلا يوم رجعت بالذكراه لورى كان من عقب ما قلت لها

قالت شوفي والله انا اختي كانت مركبه لولب وماشي حالها مره لين مره كانت تسولف مع حريم وقالت لهم انها مركبه

تقول والله عقبها اختي طاحت في فراشها مرييييضه وزوجها معد تضيق يقربها

انا ما اخوفك بس انبهك

ومو شرط يمكن صدف

لكن انتي جربيه يمكن يضبط معك يااااااااااارب
وما تشوفين معه الا العافيه وراحه البال

 

[راعــيــة كــيف]

والله اختي اذا عندك خادمه في البيت وما عندك شغل ركبي لولب لان انت عارفه لو بس تطيحين ممكن يتحرك اللولب وتحملين ويكون احيانا خارج الرحم
ويسبب نزيف اول ما تركبينه اذا ما ناسبك ويحتاج كل شهر او مدري كم بالضبط تكشفين عليه
والله اعلم فاتوقع الحبوب افضل واستخدمي ياسمين انا استخدمتها وكنت بولدي الاول وما انقطع الحليب هو اللي رفض صدري من نفسه وعمره 10 شهور

 

[ريما الغلا]

احسن ركبي اللولب

 

[شئ اخر]

مشكورااات ياقلبي والله ماقصرتو كفيتو ووفيتوا

عساني ماخلا منكم ياعسولات............