زوجي راح عند الثانيه وتركني ساعدوني

[مابقالي قلب]

السلام عليكم
الله يخليكم ساعدوني ماادري وش اسوي عشان يرجع لي زوجي
زوجي قبل سنه تزوج من وحده وقالي انه متزوجها مسيار ماكان يروح لها الافي الاسبوع مره قبل شهر ونص صار دايم عندها مايجي البيت الاشوي ويروح واذا سالته قالي انا ماحطيت لها بيت انا مشغول وهو يكذب علي انا عارفه انه حط لها بيت شفت رسايلها بجواله وقبل اسبوع قالي انه مسافر واخذ ملابسه ووداها عندها وكذب علي يوم سالته قالي ملابسي في السياره وانا اشوفه يطلع ويرجع بلبس ثاني واذا كلمته هاوشني وسبني ويهددني بالطلاق ساعدوني كيف ارجع زوجي لبيتي واطفالي هو وعدني انه يطلقها قبل فتره والحين يقولي انسي لانها حامل ماراح اطلقها ابد اشتكيت لاهله يقول لامه انه مشغول ساعدوني زوجي اخذ كل شي له في بيتي وصار دايم عندها ينام هناك مايجيني واذا جا يقعد باملحق حقه تحت حتى مايبي يشوفني زي اول ولايبيني اقعد معه اذا جيته طردني قالي انا عندي مشروع افكر فيه لاتشغليني باسالتك انسيني انسي انك متزوجه وعيشي حياتك حتى امس كلمته عصب علي قالي لاتدقين علي ولاحتى ترسلين لي رسايل زوجي تغير علي مره وانا مره تعبانه حياتي انقلبت جحيم ساعدوني الله يخليكم الله يجزاكم خير وش اسوي كيف اتعامل معه حتى هو دايم بالاجازه يوديني ويمشيني الحين ولاشي حتى مايهتم ببناته ولاعلى باله شي

 

[reeme24%]

اخيتي اكثري من الاستغفار والدعاء فان فعلتي فابشري بالخير الكثير
وعسى ان يرده اليك ردا جميلا

 

[عنقود عنب]

الله يعينك يا اختي

كم سنة لكم متزوجين ؟؟

كم عمرك وكم عمر زوجك ؟؟؟

ما هو السبب اللي خلاه يتزوج؟؟؟

كيف كانت علاقتكم قبل زواجة ؟

 

[طيف الروح]

الدعاء الدعاء مفتاح المهمومين بالسجود

ووقت الاذان

والاستغفار يقلبي

والصدقه وابعدي عنه وانتي تعملين هيداا كلهاا وتشوووفين النتيجه

اذا رجعلك قربي منه

والله يفرج همك وهمي وهم المهمومين

تنبيه شغلي سوره البقره في البيت وشرب مويه الزمزم

**

استغر الله العظيم من كل ذنب عظيم وانا اتوب اليك يرحمٌن يرحيٌم

اللهم اني لاأسالك رد القضاء ولكان اسالك اللطف فيه

 

[طيبتي غلطة]

اختي الحبيبة اعانك الله
تذكري (ان الله لايغير ما بقوم حتى يغيروا مابأنفسهم)انصحك ان الفترة هذه تنسين ان لك زوجك ...ونتشغلي ببيتك وبناتك وقبل كذا بصلاتك (واستعينوا بالصبروالصلاة)
ولاتسألين فيه ....ومع كثرة الاستغفار والدعاء الله يرده لك ...وهو يطلب رضاك..

 

[الاخت الحنون]

نصيحتي لك

عزيزتي متى ماجاك خليك في احسن صوره وفي اتم الاستعدادكانك بتستقبلين ضيف واتركي الزن والعتب لان اللي صار صار ولازم تجلسين مع نفسك وتعرفين عيوبك والاشياء اللي مش فيك ودور عليها برا انا عندي تساؤلات كثيرة بس مش باهمية انك تجلسين جلسة صفاء مع نفسك وترتبين امورك خاصة انة عندك فرصة انهابتولد الششششششششششششيء الثاني والمهم لا تنسين العلي العظيم اللي عينة ماتنام وادعي الله انه يسخره لك ولاولادك والله يسر امرك

 

[أسألك الجنة]

أكثري من الاستغفار وقيام الليل والدعاء في وقت السحر والدعاء بين الأذان والأقامة والحرص على صلاة الفجر وقراءة القران والقرب من الله وعليكِ ب( حسبي الله لاإله إلا هو عليه توكلت وهو رب العرش العظيم ) أكثري منه ، وإنا لله وإنا إليه راجعون اللهم أجرني في مصيبتي واخلف لي خيرا منها الصحابة رضوان الله عليهم في أقل الأشياء يقولون هذا الدعاء حتى إذا قُطع نعلهم أو نقص الملح من منزلهم عليكِ بهذه الأذكار واصبري إن ربكِ معكِ ولاتنسي أذكار الصباح والمساء . ........ والله يعيينج ويساعدج يارب ..

 

[همس حياتي]

حبيبتي سوي مثل مقالو الاخوات انا زوجه اوله واحمد لله زوجي مش مقتنع في الثانيه والله انو ندمان كثر شعر راسه ودايم يقول للناس براه انوندم بس ايش يسوي برضه هي حملت وجابت ولد كم مره يقولي بطلقها وانتي ربي الولد
مع اخوانه قلت لا محد ضربك ع يدك ولدك يعيش بنك وبين امه انا مني ناقصه احد يدعي عليه والله والله اني عااايشه
حياتي ومبسوطه وطز في ويكون في علمك الزوجه الثانيه جات عليه خير اصبح يهتم فيني ويارعي شعوري في اي شي
ويضربلي الف حساب والله اول ماكان يهتم فيني مثل الحين وزوجك حبيبتي مصيره يرجعلك بس فتره وتعدي وباقي تندمين ع انك وضحتي غيرتك من الثانيه او عليه اذا شافك خسرته ولا تسلي عنه بيرجع لكي مثل الكلب واسف ع السب
بس الرجال كذا اذا اهتمت الوحده في وجلست ططرد وراء تغله عليها واذا خسرته راح يركض وراها والله يصبرك