زوجي دلوع

[فديت دار الحي]

:no: اخواتي اعاني من زوج مدلل يباني ادلعه 24 ساعة
طيب اعرف انو حلو و مافيها شي لو طلب مني ادلعه
انا لما اتدلع امسك دبدوب و احضنه و بهذي الطريقة زوجي يعرف اني زعلت و يلبي لي طلبي ..
مب هذي المشكلة .. المشكلة ان زوجي لاحظت عليه 3 مرات حضن دبدوبي بحكم انه زعلان مني .. و لما ادخل الغرفة و اشوفه بهالحالة:surrender: انصدم !!!
و بدل ما اجلس اراضيه اكون مصدومة و متقززة :30:
مب في هذي الحالة بس.. معظم اوقاتنا ما احس فيه خشونة اتضايق ودي احس برجولته
مرات لما يطلب مني مساج او حاجة معينة و انا ارفض اعملله يسوي حركات دلع نفس البنات
و حتى لما نطلع نروح معارض او نسافر برع ياما ضحكو علينا بياعين باسعار خيالية و انا اكاسر معاهم و زوجي ساكت :sad_1:
تعبت والله من اول زواجنا لين اليوم احس اني محتاجتنه يحسسني بأنوثتي و احس بشهامته و رجولته ..
مب عارفة شو اسويو كيف اتعامل وياه مرات اشمئز منه لما اشوفه يتدلع و دلع مب عادي دلع يشبه دلع البنات ّّ

 

[محتاجة دعوة لي]

الله يكون بعونك ان شاء الله الاخوااات يساعدوك ماعندي خبره ياعسل حبيت ارد عليك​

 

[أرجواان]

حببتي يمكن يكون تربيته اذا كان وحيد بين بنات او لا ن امه وابوه كانو رقيقين معاه في المعامله مثل تربية البنت

 

[فديت دار الحي]

هو اكبر الاولاد عندهم و اذا بيشاور احد في الدنيا على امر بيشاور امه لان هي اللي تفهمه و ابوه عمره ما عطاه الحنان و دوم كان يضربه

 

[متزوجه ولكن]

تصدقين هههههههههههه
انا ودي اودي زوجي يجلس اسبوعين بالبر
ابيه يتمرجل اكثر ارسلي زوجك معه نحطهم بخيمه يتمرمطون شوي
صح ماوصل لمرحله الدباديب لكن يتدلع ويخليني انا اشيل الاغراض وانا افتح له الباب
حاولي تغيرينه انتي
شوي شوي
اطلبي منه طلبات تقويه
او خلينا بس نحلتهم بالبر اسبوعين او شهر


خالي كان حساس وفيه دلع شوي عشانه اخر العنقود
تعرف على ناس راعين بر ونوم بالبر
والله تغير
طلع رجااااااااااااااااااااااااااااااااااااااال ينشد فيه الظهر

 

[أرجواان]

اجل السبب ابوووووووووووه زوجك يسويلك هاذي الحركاااااااااااااااات نقص حنان ويبيك انتي تعطينه ها الحنان تدرين ليش شكله يحبك مرررررررره وتعلق فيك

 

[فديت دار الحي]

هههههه ضحكتيني والله انه زوجج ما وصل لمرحلة الدباديب<<< هي والله شر البليلة ما يضحك
تصدقين والله يبا لنا نسوي جذي والله حلك صوااااب .. تعرفين انا عكسج الاغراض ابدا ما اشيلها اقوله شو فايدة خشونتك شل الاغراض و مرات هو يتذمر و يماطل مرات اقوله عضل شوي .. والله اختي المشكلة ان زوجي ما عنده اصدقاء ودي مرات يطلع يجلس مع الشباب حتى مرة اتصلت لاخوي عشان يطلعه معهم في العيد لكن المرة الاخيرة لما تقابلت مع اخوي قلت له متى بتودي زوجي معكم المرة الجاية عشان يتعرف عليكم اكثر .. رد علي اخوية تعرفين خويتي المشكلة ان زوجج يتملل بسرعة و كله ساااكت و يحسسنا ان قعدتنا مملة من جذي ربعي مايريدونه يجلس وياهم المرة الجاية ...
والله تضايقت واااااااااااااااااااااااااااااااااااااااااايد فديته زوجي لازم يتأقلم مع الشباب .. هو يتمنى طلعة الشباب بس هو سكوتي و اللي معه يتمللون منه : (

 

[ابتسامه فرح]

ههههههههههههههه
الله يعينك عليه
انا من رايي انك تبينين ضعفك قدامه
ولاتسوين شي تبينين انك اقوى منه لو بشي مو قصدك فيه

وتعاليله مره جيبي شي يفتحه وقوليله حبيبي ماقدرت افتحه
افتحه ليا
واذ فتحها قوليله مايجيبها الا رجالها
هههههههههههه
بيني له دايم وردديله انك انت رجال
وقوليله مره باستهبال اذ شفتيه حاضن الدبدوب عيييييييييييب حبيبي هذي الحركات ماتليق عليكم انتوا يالرجال
هذي الحركات للبنات وبس:1:


والله حاسه فيك
وادري قرقت عليك واجد بس قلت يمكن اقدر اساعدك:31:

 

[المــهــا]

الله يسخر هالرجال لنا ويهديهم ويطلعون على اسمهم رجال بمعنى الكلمه مو دلوعين ولا جافين وقاسين

لا إله الا انت سبحانك إني كنت من الظالمين

 

[متزوجه ولكن]

تدرين ليه ماله اصدقاء
لانه حساس
مثل الي عندي
حساس اي كلمه تجرحه وتنرفزه مايتحمل
وممكن يتهاوشون على شي تافه
فعشان كذا مالهم صداقات
لكن فكه من هالصداقات ترى غالبها ماتجيب خير


خليه يطلع طلعات خفيفه مع اخوك لحالهم
لين يتعود شوي شوي

انتي وياه اطلعوا البر
اطلع مع زوجي للبر كننا شيبان << المكان الوحيد الي نتمشى فيه

حلووه فكرتك ماتشيلين الاغراض
انا مره شافتي امي شايله شي من الاغراض ونبهتني
والا اول كنت اشي
واشوفه يمشي قدامي كنه امير
مع اني ماتعودت على كذا لكنه هو يقولي امسكي ذا وذا وايدينه فاضيه
صرت مرات اتعذر بعباتي
اقول انا ما اقدر اشيل شي لازم امسك عباتي بيد وشنطتي باليد الثانيه وكعب وحاله عساني اشيل نفسي

 

[الجده الصغيره]

هو مدلل اصلا ببيت اهله عشان كذا خلاص تعود على هالشي..يتغيرينه ابدي بالتدريج وبطريقه ما يلاحظها..مثلا قولي هذي مو زينه لك هالحركه...بكرى بيجيك عيال ولازم تصير حمش...

 

[فديت دار الحي]

للرفع

 

[نضوج أنثى]

اتوقع انه يحضن الدبدوب يلقى فيه ريحتك ويرتاح نفسيا لأنه يفتقدك وقت الزعل بالنسبه للتعامل معه ماعندي فكره والله بس زي ماقالوا البلقيسيات لاتسوين اي مهمه فيها جهد وقولي له هذا شغل الرجال

 

[جً‘ـُّّـرٍوٍحـ]

حببتي يمكن يكون تربيته اذا كان وحيد بين بنات او لا ن امه وابوه كانو رقيقين معاه في المعامله مثل تربية البنت

نفس الراي

 

[بـدويـه مـودرن]

يؤ يؤ
ربي يعينك عليه
انتي وش تسوين اذ هذي طبيعته
انتي قلتيها بنفسك فاقد حنان ويبي الدلع منك
الله يعينك عليه
والله مانلومك دارين ايش قد تؤثر هالحركات بنفسية المراه
الحل انك تدلعينه وتعطينه حب وحنان وامرك لله
وفهميه بس بطريقه غير مباشره انه هالحركات مو للرجل

 

[jwairya]

حبيبتي ليه متضايقه انو زوجك كده
حاولي استغلي الامر في اطار حسن
يعني التزمي بالنصايح اللي قالوا عليها
اللي هي متعمليش اي جهد يكون من واجباته

لكن اذا زعل منك ومسك دبدوب ايه المشكله
عامليه كأنه ابنك
وما احلاه من شعور



انا كمان نفسك زوجي دلوقع وحيد بنات وصغير
بس مش بيحضن دباديب
بحاول وقت الشده اكون شديده واوقات الراحه بكون ماما
يعني حتي اوقات يتدلع ويقول مش عارف اكل ..اكليني
ببقي نفسي انا اللي اتدلع
بس بستغلها انو يتعود انو مايكلش الا مني


استغلي دلعه فيما يفيد
ووقفي الحد فيما يضر

 

[frashah]

اما عااااد يحضن دبابيب ههههههه قويه شوي على رجل انا من رأيي تشترين له
بدل الدبدوب اسد او نمر عشان لما يجي يخمه يخترع وينسى الدلع هههههه

 

[الزوجه الاولى]

الله يعينكم

 

[اغلا من اللولو]

اختي انتي جالسه وياه اتكلمي على رجولت اخوانك او احد تعرفينه او مسلسل تابعينه قولي تعجبني رجولته علشان يفهم انك تحبين الرجل الخشن مو الناعم مثلا اتكلمي معه وش المواصفات الي تحبيها في الحرمه هو بيقولك ثم قولي انا احب يكون الرجل كذا وكذا وهو بيفهمها والله بيكون في عونك على دلوعك

 

[تررررف]

ما قصروا خواتي

بس أهم حاجه ,, حبي طبعه وانتي تعدلينه
غيريه وانتي حابه الاثنين ,, عشان تتكيفين وما تتضايقين كثير


وربي بعونك حبيبتي