زوجي دكتور لكن !!!!!!!!!!

حبيبه عدولها

حبيبه عدولها

New member
إنضم
2010/11/11
المشاركات
657
حبيباااااااااااتي بلقيسيات

انا لي شهرين ونص متزوجه والايام هذي نقلت بمنطقه بعيده عن اهلي ومافيه احد اعرفه ....

وفقدان هالشي مسببلي اكتئاب

واللي بجد ذابحني زوجي هو صح مومقصر

بس هو دكتور ومعاه بنفس العياده دكتورين واخصائيه سعوديه و2 هنديات

وذبحني مايجيب طاري للدوام الا يجيب طاري السعوديه احرق قلبي

ولمن ازعل يزعل ويقول مالك حق هذي صديقه عمل

وقلتله رقمها لاتاخذه ابدا

قال مدري عن اللي جاي يمكن اخذه عشان اشيك ع العمل بجد مومتحمله منه

امس كنا مبسوطين وتو بالسياره

وجاب سالفه قام قال كلهم لاموني حتى .... السعوديه
قمت قلت اشوف مطيحين الموانه صارت تعرف حتى الاشيا الصغيره وتلومك بعد قام زعل وسواها سالفه

وربي صار قلبي رماد


شورو علي

تو ببدايه حياتي ماعرف اتصرف ولاعندي احد اشكيله
 
اول شي الله يعينك لانه بجد قلق بس انصحك في دعاء حفظ الزوج والمسايسه في وخذي الحذر اولا واخيرا وانشالله ربي يصرف كل شر عنكم ويريح قلبك
 
هذه طبيعة عمله بيحتك مع طبيبات وممرضات وانت عارفه كذا من البدايه
لازم تكون هناك ثقه متبادله اختي.
لن تستفيدي من ما تفعلينه بل سينغص حياتك ويزعج زوجك
دامه أختارك فهو يبيك أنت خلك تمام بكل شي ولا تقصرين معه ولن يلتفت لغيرك
لا تقعدين تحاتينه وتهملين فيه ويشوف غيرك
موفقه اختي
 
الله يكون بعونك,,شي يرفع الضغط بسراحه
بس نصيحه لاتجلسين عالطالعه والنازله تقولين ليه وليه ادري ماتقدرين
وغصب عنك بس اذاكل مره قلتيله ليش وليش بيبطل ماراح يقولك اي شي يصير سايريه بالكلام وخلك رزينه وكل كلمه فكري فيها قبل لاتطلع من فمك..وحصني زوجك بالدعاء وادعي ربك انه يكفيك شرهااذاناويه على شي,, وبعدين ياقلبي معروف طبيعة عمله يكون فيه اختلاط فلازم تتحملين بس انتبهي له وحتى لو اخذرقمها وان شالله ماياخذه ولايحتاجه
خلك حريصه فكل شي بس لاتحسسينه بهالامر علشان مايطفش ويتغير ويحط اللوم عليك كله..اكسبيه اسمعي وش يقول واذاالموضوع يضايقك بيني له بأسلوب حلو ان هالشي مايريحك ولايرضيك بيني غيرتك بس مولدرجه تطفشينه لاء خليه يحس بالامان عطيه الثقه ومثل ماقلتلك وانتي حريصه
والله يصبرقلبك ويسخره لك ولايشوف غيرك ياقلبي,,,
 
حبيبتى

يومـ تزوجتيه ماجنتى تعرفين طببيعه عملة ولا شنو؟

لو مو هاى الطبيبه بتكون واحده ثانيه وياه

فىالمستشفى فى ممرضات وطبيبات وأخصائيات

حاولى تتعودى على الوضع لو الموظوع فى اطار الشغل وماتشوفينن عليه شىء ثانى
 
حاااولي اذاااا جااااب سيرتهاااااا...ماااتتنرفزي كثيييييير ....وتصنعي البرووووود ...وخليييه اليييين ماايكمل كلاامه....وبعدين غيري السااالفه على طووووول ...يعني قولي والله الجو حلو اليوم ولا سمعت الخبر اللي جاااابوه في الاخباااار ...ولا ماادريت ايش صااار اليوم وقولي ساالفه طريفه عن قراااايبكم ...وحاااااااااااااااولي مااا تزعلييين اذاا جااب سيرتهاااااااا ....ومشي الموضوع عااااااااااااااااااااااااااادي ....لانك كللللل ماااازعلتي والاخصااائيه لااتسويلهااا ولااتتكلم عليهااااا .....رااااح تحطينها في باااله واذاا كااان ماايفكر فيهااا من جد رااح تخلينه يفكر فيهاااا ....وانتي لسه عروووسه يعني البسي وادلعي عليه ودلعييييه وخلي تفكيره كلله معك ...وفي طرق داااايمااا تقولهااا ناااعمه الهاااشمي في طريقه توديع الزوج لما يكوون راايح للعمل تخليييه داايماا يفكر بزوجته ومتى يوصل للبيت ....حااولي انك دورينهاا في قصصههاااا ...ومقااالتهااا رااح تفيدك كثيييير ....وبالتوفيق حبيبتي ....
 
والله أنا رأيي أنه طبيعي يحكي عنهم لأنهم جو العمل ..!
نسينا أيام الدراسة والجامعة ماعندنا سيرة إلا فلانه وفلانه لأنهم محيطنا
أنت وياه بمنطقة وبعيدين عن العالم فما فيه إلا أحداث العمل الجديدة _
الله يعينك من جد إذا كنت بتدققين على كل شيء ..!
ترى بيكون هالموضوع بوابة مشاكل وغثا.
خذي الأمور بسماحة شوي :)
استودعي الله نفسك وزوجك ..
وزي ماقالت كالفورينا هو مختارك أنت :)
لو يبي اختار وحده من زميلاته أيام الدراسة أو العمل ..

الله يشرح صدرك ويسر أمرك وأنا اختك
ويرزقك الذرية الصالحة
​
 
الله يسعدكم يارب

بس كيف اخذ الحذر واسايسه انا الحين احاول اني ما ابين اني زعلانه واسولف معاه بس واااااضح في وجهي

وجالس يسالني واقول مافيه شي

مدري شصلح
 
اختي انتي عارفه قبل تتزوجين انه دكتور واكيد عمله راح يكون فيه اختلاط واحتكاك بنساء
مهما كان انسان ملتزم ومحافظ لكن انتي ابني معه جانب الثقه حاولي تكونين معه سياسيه
يعني لو تكلم عنها قولي لاعاد تجيب طاري باي شي يصير معك في عملك كان مع رجال او نساء لاتجيب طاريه
كل شؤنك في العمل تتركها عند باب البيت قبل تدخل عندي وتجلس معايه, تعرف اني اتحسس من هالشي لاني لو كنت بنفس موقفك وجلست اتكلم عن زميل لي في العمل راح يكون لك نفس ردة الفعل واكثر
اكيد كل وحده منا لو في مكانك بيكون عندها فضول تعرف عن زوجها وفي عمل مثل عمله كل شي خوف منها يصير شي من وراها بدون ماتدري لكن حاولي قد ماتقدرين ان هالشي مايجلس موال بينكم كل يوم لانه راح يقتل الاشياء الحلوة الثانيه وانتي قلتي بنفسك كنتو راح تخرجون وتعكر صفو الخرجه فمن البداية اقطعي هالموال لان والله لو استمر راح يكبر وممكن توصلون لاشياء الله اعلم فيها
تصرفي معه بعقل والرجل دائما يتاثر بتفكير زوجته هو لما يذكر لك هالاشياء يبغى يشوف غيرتك عليه ممكن تبينيها لكن لو زادت وصار خلاف مستمر راح يبدا يتضايق وممكن يصير ينظر لهالسعوديه بنظره ثانيه وهو اصلا يشوفها مجرد انسانه عاديه وممكن في نظره ولاشي حركتك ممكن تكبرها في نظره
بالتوفيق
 
لاحول ولاقوة الا بالله
الله يعينك على نفسك ويعينه عليك
طيب ليه مافكرتي قبل تتزوجينه بطريقة عمله!!
تتزوج طبيب انسانه تعرف تتحكم في غيرتها!!
اما انثى تعرف انها ماتقدر تسطير على نفسها وتقلب حياتها نكد وطفش زوجها!!
انتبهي انتي قاعده تخسرين زوجك بااسلوبك هذا
لانك في كل مره يجيب طاري انثى بتنكدين الجلسه بيبطل يتكلم
وبعدها ماعاد تعرفين ايش اللي صار واللي ماصار
نقطه ثانيه بغيرتك هذي تفتحين عينه عليها لان داخل عقله يفكر بما انك تغارين منها اكيد فيها شي مميز ويبدا بالبحث عنه!!
بدل طريقة السلبيه في الغيره
حوليها لايجابيه كل ماجاب طريها اسمعي باانصات وتكلمي عادي وممكن بين فترة وفترة بضحك ودلع بيني غيرتك بدون زعل ونكد
رددي على مسامعه كلمات ترسخ في عقله الباطن يعني لو يشوف مية وحده غيرك يعرف ان ولا وحده تساوي ظفر من اظافرك
رددي دايم انك حلوة وجميله وفيك من المميزات كذا
واهلك كان معجبين بصفه هذي
ومدرساتك في المدرسه كانو معجبين بالصفه الثانيه ووووو
الين يرسخ بعقله ان مافيه انثى مثلك
مثال توضيحي:
قريبه لي كان زوجها ينتقد الشعر في جسمها رغم انها حريصه ومهتمه لكن يجي اوقات غصب اوقات تعب اوقات طفش اللي هو
وش صارت تقوله لما ينتقدها بكل ثقه وبدون نكد ونرفزه
ان الناس كانو يسألونها وش تستخدم عشان شعرها يصير خفيف كذا
حتى انها ماتحتاج تشيله دائما هي شعر جسمها متوسط
بس لما صارت تكرر هالكلام اقتنع تقول لو اقعد مااشيل عادي عنده لانه صدق اني اقل من غيري
وان عندي شي سحري مو عندي غير من البنات
بس طبعا هي تهتم وماتترك له فرصه بعد ينتقدها.
السلبيه سهله وتفرغ اللي داخلنا ومثل سهولتها في التفريغ سهله في هدم حياتنا وقلبها لجحيم لايطاق!!
لكن الايجابيه صحيح تحتاج تدريب وتعويد لكن لها مفعول طويل الامد بإذن الله
فكري بعقلك اي الطريقين تريدن خسارة زوجك في وقت قصير
اما بناء ثقه وسعاده وراحه تحتاج لجهد ومثابره!!
 
الله يخليكم يارب
بس المفروض يحترم وجودي شوي
هو مووووت يحبني

بس انتو ادرى قلبي بيحترق
ماقصرتو بردودكم الله يعطيكم الف عافيه

بحاااول اطنش الموضوع قد ما اقدر

دعوااااتكم حبايبي
 
دلع قلبه حبيبتي

هويعرف اني حلوه لان الكل يمدحني قدامه

وابوووه يقول والله انك ماتستاهلها

واخواته يقولون اانه فرق الثريا عن الثرى وانك ماتستاهلها

هووو عارف ومتاكد
 
يعني هو ماكان شايفها قبل لايتزوجك ؟؟
دامها كانت معه وماناظرها أن شاء الله مايكون الا خير
الله يحفظ بصره وسمعه عن الحرام
ويخليه لك ويسخره
ويسخرك له
آمين
 
حبيبية والله احسك تدلعي ما عندك مشكلة اصلا تقولي
دكتور
محترم
يحبني
يموت فيني
مخلص
وانتي عارفة من قبل انه دكتور وعارفة انه فيه اختلاط
من راي لازم تكوني شوي واثقة من حالك
انتي انسانة عظيمة بالله بالدين بالاسلام
لا تخلي توافه مثل هذي تاثر عليكي
خليكي امراءة راقية في تعاملك مع الامور
وابعدي عن السفاسف الامور الصغيرة
يقولون كثر النكد يطفش الزوج ويصير عنده سبب للعشيقة فكوني حذره
اسفة بس لازم تعرفي انه احنا نزلنا من الجنة من زمان يعني لازم تصحي من الغفلة يلي انتي فيها

ما لك حل غير التطنيش اعملي حالك مو شايفة شي
وحاولي انشغلي عنه اتعلمي دورات رسم على الزجاج
حفظ قران
مكياج
خياطة
حفظ قران
لازم تنشغلي عنه ولا راح اتضلي عايشة بكابوس
لا تخلي كل اهتمامك زوجك يمكن في لحظة يروح منك بعيد الشر
نصيحة لوجه الله علقي قلبك بالله وارضي الله يرضي الله عنك كل عباده
اذا خليتي كل عمل لله تهون عليكي كل مشاكل هالحياة
كل ما وسوسلك الشيطان عن زوجك قومي صلي واقرئي قران راح تحسي بشعور غريب راحة وسعادة واطمئنان وسكينة
اخر نصيحة قومي بكل شي عليكي ولا تنكدي على حالك لانك انتي الخسرانه هو يطلع يغير جو وينبسط اما انتي يلي عايشة في دوامه ما لها اخر
اتوكلي على الله وارضي الله وقومي بكل واجباتك
اتمنى لك التوفيق امين

 
الله يسخره لك
خليك واثقة من نفسك وتمالكي اعصابك اذا جاب طاريها ولا تبينين غيرتك منها بالعكس
سايريه بكلامه ..
 
الاختلاط مصيبة ومأساة أخلاقية وستنتج الكثير فتهيئي للصبر والتحمل وقلة الغيرة .. فهذا المجال مليء

بالمفاجآت المقلقة .. لكن قوي ثقتك بنفسك وقوي علاقتك فيه على قدر الإمكان

أجيدي الطبخ واجعلي بيتك جنة فأنتِ أحوج ما يكون حالياً لدراسة شخصيته ونمطه بتركيز ودقة

وكذلك اهتمي بنفسك ولا تهمليها خاصة لو حملتي فالمهنة هذه فتن النساء فيها كبيرة والله يعينك ​
 
المرأة بطبعها غيروة ومعاك حق لكن لازم تتفهمين طبيعة عمله

ومن راي انك تعرفين كل شئ وهو يقول لك احسن مما تتفاجئن

باخبار ويجيك كلام ينكد عيشتك وبعدين اذا ما فضفض معاك

يفضفض مع مين وبعدين اعتبري نفسك مكانه

​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل