زوجي دفعني ولعني وشتمني

[لؤلؤة الذات]

السلام عليكم ورحمة الله وبركاته


اسعد الله اوقاتكم وطبتم وطابت لياليكم بذكر الله



احبتي انا لم اكتب لكم هنا الا لاني بحاااااااجة كبيرة لان اسمع كلام يصحو به ضميري

قصتي كاي قصة

فتاه في العشرين من عمري تزوجت بعد مدة طويلة من الخطوبة

وعشت اياما جميلة وكنت والله اراعي زوجي واراعي ظروفة المادية

حتى اني سكنت بشقة غرفتين

لا اخفيكم ان زوجي طيب وحنون


ولكن مهمل جداااااااااا في الصلوات فهو يجمع الصلوات ولا يهتم بها
غير انه يمنعني من التعرف على الجيران فانا حبيسة الجدران اقضي وقتي بين الترتيب والقراءة ومشاهده التلفاز


اليوم حدث مالم يكن بالحسبااااااااااااااان

ايقضته للصلاة باسلوب رقيق فلم يستيقظ بداءت انادية حبيبي يالله قوم للصلاة
الصلاة بركة بيتنا
الله يوفقك يالله الحق الصلاة فنهض ودفعني ثم لعني وبدء يشتمني

فخرجت وعدت له ففعل بي اكثر فقال الله ياخذك فقلت له الله ياخذك انت صدق انك قليل ادب انت والفاظك البيئة
وخرجت

وبعدها عدت وايقظتة ادري انكم تقولون اني لحوحة بس ابغاه يبطل هذي العادة اللي هي جمع الصلوات

فلعني فقلت اجل خليني اكلم ابوي قال روحي الله لا يردك

قهررررررررررررررررررررني

وبعدها تركته


زوجي يتركني بالساااااااااعات لوحدي

الفراااغ قتلني


من وقت مايرجع من الدوام وهو نايم الى الساعه 1في الليل

طيب انا كاني جدر في البيت

تصدقون قلته كاني جدر
قال كل واحد يشوف نفسة في المكان اللي يناسبة

اه ياقلبي

تعبت والله ماعاد ابغى افكر فية


بديت اتكلم مع نفسي وادعي ربي انه يصلحة

انا الحمد لله ادعي له بافضل دعاء
ربنا هب لنا من ازواجنا وذرياتنا قرة اعين واجعلنا للمتقين اماما


حبيت احكي لكم يمكن عند وحده منكم اسلوب افضل اقدر استخدمة عشان يصلي ويبطل التدخين


الله يجزاكم الجنة

لؤلؤة الذات

 

[سـحـاب]

والله مدري اش اقول لك شوفي الي فيه مصلحتك سويه استشيري
اهلك يمكن تلاقي حل عندهم ،،اسأل الله أن يهدي زوجك ويصلح شانكم يارب ياكريم ..​

 

[أحساس امرأه]

لاتكبرين الموضوع ويصل لااهلك
وكلامة انسان نايم ماهوواعي بكلامة والمفروض انك مارديتي عليه ؟
عليك بقيام الليل فهي الحل والدعاء بالحاح ..

​

 

[ملـامح ..!.]

علاقتك بزوجك كيف ..؟
يعني تحسينه يحبك و يغليك و ما يرضى بزعلك ..؟ و لا مو مهتم
اذا كان يحبك و يغليك تغلي عليه لا تتكلمي معه كثير بس انصحيه با الصلاه
و كيف انها تفتح ابواب الرزق و اذا حسيتي انو ما في فايده تعاملي معه برسميه
احسن لك و لا تتعبي قلبك اقضي وقتك با النت مكالمات اهلك صاحباتك اعزمي صاحباتك ع البيت
اهله روحي لهم اشغلي نفسك با اي شي عشان يتمنى يكون جزء من يومك

و الله يسخره لك يا رب

 

[ما العمل]

عليك بالدعاااء الله يصلحه لك يا رب ترى لو ما قا أقام حد ربه ما يقيم حدك انتي

 

[قطرة في بحر]

الله يصلح زوجك ويهدي
حاولي تصحيه بطريقة حلوة ودلع عشان لا يحس أنك تبين تعانديه امكن تنفع معاه

 

[سيره ضعفي]

مادري ايش اقولك لكن اصبري وطولي بالك ويمكن زوجك عصبي شوي لكن استمري وكل يوم غيري طريقتك والله يهديه ويصلحه وينور بصيرته يارب.....

 

[كالفورنيا]

لا تلحين عليه دامه وصل لدرجة انه يأذيك
انصحيه في أوقات تشوفينه رايق فيها
استعيني بالله ثم بأبوه وأخوته الكبار علهم يأثرون عليه
نصيحتي لا تشدين عليه دامه يصلي بس عنده تهاون ما عليك شي
دامك أنضريتي من نصحه
موفقه

 

[خَ ـجلْ~]

ياعزيزتي
انتي بنفسك قلتي انه يدخن وهذا سبب كافي
يخليه مهمل بدينه وببيته
وعصبي طول الوقت :30:
بس حبيبتي انتي غلطتي لما رديتي عليه
كان المفروض
تتحملينه شوي لما يقوم من نفسه وتكلمينه بهدووء عن الصلاة
واذا الكلام مانفع معاه ادعي بصلاتك ومالك الا الله سبحآنه ..
والله يسخر لك زوجك ويصلحه ويثبتنا واياكم عالصراط المستقيم,,,~
​

 

[مزايا انسانه]

كل نفس بما كسبت رهينه
الحساب له
انتي انصحيه واذا ماسمع
لاتغمي نفسك
قولي اللهم بلغت اللهم فاشهد
سبحان بعض الرجال ماادري كيف نفسهم طعتيهم يناااااااااااااااامو
بالساعات ولاصلاه ولاعباده
ربنا لاتؤخذنا بما فعل السفهاء منا
الله يصلحهم ويعلق قلوبهم بالصلاه والعباده والذكر

 

[شروق]

الله يهدي زوجك ياختي وازواج المسلمين ..............
كثر مثل هاالنماذج من الازواج في هذا الزمن انا اعرف وحده من قريباتي زوجها مثل زوجك تقريبا مقصر في صلاته ومدمن دخان وهي صابره عليه وتدعيله لان معها اطفال تقول لو اطلب الطلاق بياخذ اطفالي .............
فلابد من الصبر اختي واكثري من الدعاء له واكثري من الاستغفار ............
دعواتك....

 

[ملكه في عيونه]

الله يهديه ويسخره لك يارب

 

[خلود بكر]

الله يصلح الاحوال انتي ادعي له وثاني شئ ذكريه بعقاب الي يأخر الصلاة وقولي له والله اني من خوفي عليك من غضب الله جالسه اصحيك واشوي اشوي مو بلقوه شوفي الرجال خذيه على قد عقله النصيح مو دايم تنفع اوقات لمن تحسسيه انك خايفه عليه يبطل العاده السيئه انا بقولك شئ وهذا من توفيق الله لي انا لمن تزوجت زوجي كان يسمع اغاني طول الوقت وانا كنت اسمع بس بسرعه اضيق اوقات اقول ممكن تقفل واوقات اقول خايفه عليك من عذاب ربي ومره ووالله ماكان قصدي هذا الشئ بسجلست ابكي بكل صوتي هو فهم اني من حبي له وخوفي عليه قام ترك تعرفي قال مافي شخص يحبني مثلك لانك خايفه علي والحمدلله ماعاد سمع اغاني بعدها بكثره والحمدلله الله يهديهم ويصلح حالهم

 

[خلود بكر]

وصح نسيت اقولك لمن يكون معصب لاتجادليه قولي يافلان اذن وبس لاتلحي لانه بيطفش اشوي اشوي عليه اختي ولاتردي عليه لانه بيضربك فاانتي لاتخليه يوصل لذي الدرجه هذي الطريقه جدا خطأ

 

[الزهر الجوري]

الله يهديه ويصلحه لك لا تياسي ابحثي عن طرق تعجبه في الايقاض وكان الله في عونك .

 

[وهم79]

اسلوبك بحل المشكله خطاء
اختي الغاليه موب كذا تتعاملي مع زوجك في البدايه فرحت انك جالسه تقوميه لصلاة
ثما لما سبك ولعنك خلاص وخري عنه وتركيه ولمنه صحه ازعلي منه وبيني له انك زعلانه لا تنسي ان احيان في ناس وهي نايمه ما تدري وش تقولوا
ثانيا لم رجعتي تصحيه وسب عليكي تردي المسبه عليه وتدعي عليه وانتي الغلطانه ليه ياختي
((لو كنت فظا غليظ القلب لنفضوة من حولك ))تذكري هذي الايه زين
الي يبي يهدي انسان ضال لازم يفكر بكل الطرق ونقاط ظعفه واشياء كثير عشان يدلع لطريق الصحيح لانه داخل حرب مع شيطانه
واهمال زوجك لك بسبب اسلوبك ونعملك معه يمكن تكوني حبوبه وطيوبه وما تقولي له شي قديكون هذا سبب لان الرجال يرفض الانثى الضعيفه المنهزمه الغير واثقه من نفسها وموب قادره تطالب بحقوقها بشكل واضح وصريح

 

[عذراء الحب]

لا اله الا الله يعني تشوفين هذا اسلوب اصلاح ودعوة الله يهديك
هادا صار اسلوب تنفير ماتدرين ان الدعوه الى الله تحتاج لصبر وجهد يعني على بالك انك اذا زنيتي عليه بيقوم وقسم بالله انا رفعتي ضغطي شلون زوجك الله يهديك بس
حاولي معه باللين وادعي ان الله يهديه اقرئي عن الحديث الي فيه عقاب لمن ينام عن الصلاة انا شفته باليوتيوب ووريته لزوجي وجاب شوي نتيجة اكيد ماراح يتغير بين يوم وليله وباسلوبك ذا عمره ماراح يتغير
يعني مررا صحيه ومررا حاولي تصلي بصوت عالي عشان يسمع وجيبيله الاحاديث الي فيها فضل الصلاة وبركتها وادعيله بصوت عالي في سجودك خليه يسمعك وانت تدعيله اخر الليل وقوليله انك تخافين عليه من النار وتحبيه

الله يهديه ويهديك ويوفق بينكم

 

[ام الآلئ]

حبيبتي خليك تصلي قربه ويشوفك يمكن يخجل من نفسه

 

[لؤلؤة الذات]

آآآآآآآآآآآآآآآآآآآه الله يسعدكم وربي اني الدموع امتلت بعيووووني

لاتتوقعون اني قاسية معاه وربي المحف انه باسلو ناعم ودلع

اخذه بحظني واتعطر وابدء انادية حبيبي

نور عيني وسعد قلبي قوم حبيبي

ومانفع معه

ترا مو اول مرة يلعني لا والله سبق صلحها

اذا هو صاحي ويسمع الاذان والله مايقوم الا قد صلو ركعتين

ماايحب الصلاة

انا قررت اطنشة واهتم بحالي
لاني مو قريبة من اهلي والا ان كان رحت لهم

اخوي بيني وبينه اربع مية كيلو ودي اكلمة بس مااااااااااابغى السالفة تكبر

اللحين مطنشتة والله ماقد طالع فيني

وانا عارفة انه يحبني ويخاف عليف وحنون معي بس كل شيء كويس الا الصلاة والدين مهممممممممممل فيها بدرجة جنونية


مشكوووورين يالغوالي على الردود اللي تثلج الصدر الله لايحرمكم الجنة

وياااجعل ازواجكم لكم طريق للوصول الى جنة الفردوس

 

[ريري الشرقيه]

إختي والله أعرف واحده نفس حالتكم كانت كل مانصحته زاد بلاه وسبه وآخرتها ماصارت تنصحه إلا بوقت هم جالسين برواق وتعطيه كلام لين سهل أنا خايفه عليك تموت وانت ماتصلي انا أبيك تكون زوج لي بالجنه س كيف وانت مهمل الصلاه وخايفه على صحتك من الدخان وتجيب له قصص من الواقع بس تحطه كنهم من جيران اهلها مثل زوج ولد جارة أهلي يالله جاه سرطان بالحنجره وعنده طفلين وحالتهم تقطع القلب وهكذا بس مو كله بوقت واحد يعني على فترلت زكانت تدعي له بصلاة الليل بالهدايه وترك التدخين
وتستغفر كثير وتتصدق بنية هالشي وربي هداه وجا بيوم وقالها أنا بطلت دخان تقولي والله بكيت من الفرحه وحمدت الله والحين له سنتين عالوضع وتقول الصلاه الحمدلله وإن كان هناك بعض التقصير بس أحسن من اول بكثير والله هذي تجربة وحده أعرفها شخصيا بس أصبري والا مايجيك الفرج لاتيأسي واحتسببي الأجر وتذكري هالكلمه للعريفي إننا مانقعد نحاسبهم لان الحساب بيدالله أحنا ننصح وبكيفه الله يهديه أنصحك بكتاب العريفي استمتع بحياتك والله روعه هيفيدك بالتعامل مع أخطاء الآخرين سواء زوجك أوغيره من جد روعه أتمنى إني أفدتك موفقه .