غاليتي النجمه والله انه كان يسافر ولا يقولي اي دوله يقول بروح المنطقه الفلانيه واتفاجأ انه بدوله برا
ومرات اسكت ومرات لا والله اعصب لانه ما يعوضني يعني ما يطلعني اي مكان ابدا سواء طنشت سفرته او حسسته اني باكون مبسوطة لو سافر ما ادري احس وضع زوجي جدا صعب والله حتى بالمنتدى ما لقيت له شبيه اناني يحب نفسه
تخيلي انا الان الدوام رشحوني لدورة لمد اسبوع لو اقولك قد ايش متوترة من السفره ذي ليه
لانه من عرف ماد بوزه وقام يبربر انا ماعندي فلوس انا وانا رغم ان كل التكاليف مدفووووووووووووووعه يعني ما فيه شي صعب بس ما ادري ليش يحب ينكد عليه نفسي افرح بالخرجه بس شايله هم حتى لو ما بينت له والله اقوله حبيبي ان شالله نغير جو وننبسط يقوم يقولي روحي من وجهي الحين بس لمل يكون هو لوحده بيسافر الا هو مبسووووووووووووووط وش الحل؟؟؟؟؟؟؟؟؟؟؟؟؟؟
عزيزتي الأميرة ميرال...
أعرف ان وضعك صعب.. وأن كذب الزوج... يخليكي انتي تشكي فيه..
لكن بسألك سؤال... هل لما يسافر تتصلي فيه وتسأليه أسئله كأنها تحقيق؟؟
بالنسبة لي.. كانت جميع مكالمتي معه تحقيق لدرجة ان قالي .. لا تتصلين فيني ...
وبكيت وانهرت... كيف انا بالبيت.. وكيف هو مسمتمع بوقته...
بعدها خطر ببالي.. مثل ما هو مدلع نفسه.. انا كمان لي حق ادلع نفسي..
ما أخفيكي عزيزتي... زوجي أناني جدا بمشاعره.. ولا يعرف يقول الكلمه الحلوة..
ما عنده اللمس والغزل.. حتى كلمه أحبك !! ما كان يقولها...
وانا ما ابي امشي طريق الحرام والعياذ بالله..
رحت طلعت كل حبي وأشواقي لبناتي... وصرت فعلا أحبهم من كل قلبي..
وان اشتقت اسمع كلمه أحبك ... قلتها لوحده فيهم... والحمدلله الله عوضني فيهم وفي حبهم...
زوجك بينكد عليكي من الحين لحد ما تسافرين ... هذه بصمه فيهم جميعا..
اعرف ان كل التكاليف مدفوعه وان مو مطلوب منه غير ان يكون معك..
لكن تعاملي معاه بحذر.. وامسكي نفسك... وان كان بيفتعل مشكلة .. انصحك بالسكوووووووووووووووووت...
انتي الي بتخسرين هالسفرة مو هو.. انتي الي شغلك بيتأثر مو هو..
ما عنده فلوس ... وقاعد يبرر.. لا تردين.. هذه مو مشكلتك.. ليش ما هو كل التكاليف مدفوعه فأي فلوس الي يتكلم عنها..
بالنسبة للطلعات... اذا كان من النوع الي يخليكي تطلعي مع اهلك... من الحين اقولك .. ريحي نفسك واطلعي انبسطي مع اهلك وهو خليه..
مع الوقت ... بيتغير.. وبتطلعون مع بعض..
ابتديها بطلعات خفيفه... اقعدي معاه بالبيت بهدوء وروقان...
حطي فيلم كل اسبوع وخليها عاده انكم تجتمعون "بدال طلعه السينما"
اطلبي عشا من بره ورتبيه كأنكم في مطعم...
لما تجون تطلعون لاتحكي انك بدك تنبسطي.. ولا تبعثين له هالرسايل.. لانه ان شافك ميته على الطلعه بينكد عليكي..
خليكي عادي وريلاكس .. تكلمي الكلام الهادي .. قولي كم من نكته .. خلي ابتسامتك موجوده.. وان عصب او نرفز تحملي ان تردي عليه..
اسكتي واستغفري ربك بينك وبين نفسك..
الله يهديلك زوجك... ويهدي ازواجنا يا رب...
تحياتي..
النجمة 143
