نضوج أنثى
~◦ღ( مميزة قسم الإستشارات الزوجية )ღ◦
- إنضم
- 2009/01/19
- المشاركات
- 1,292
الرجال مايمشي معهم الصبر والتضحيه هالأيام لازم عزيزتي تغيرين من نفسك وتطالبين بحقوقك كامله إذا مو باللين بالقوه لو مافكر زوجك يتزوج عليك كنت بقولك اتفاوضي معاه وتعالي له بالسياسه بس الحين لا وانتي والله توك صغيره بعز شبابك وأنوثتك لا تضيعين عمرك في خدمته والتضحيه ابدأي شوفي نفسك وحياتك مثل ماخطب وشاف حياته بالنسبه للتعليم ماراح عليك الوقت ولا شي كل الناس بتكمل وهي فوق الثلاثين ابدأي افرضي عليه مصروف خاص فيك والكوفيره شي ضروري كل شهر تدلعين نفسك وتهتمين ادري إنك بتقولين صعبه الحين اعوده شوفي هو بيستغرب هالتغيير منك ويرفض كالعاده وممكن بعد يلجأ لطرق ملتويه عشان تتخلين عن هالأفكار ويضغط عليك عشان ترجعين مثل ماكنتي وممكن ينكد عليك لاتستسلمين له ابدا طالما كان ماشاءالله ناوي ينفذ طلبات اللي خطبها وكلها دلع انتي اولى اللي ضيعتي عمرك معاه وصبرتي عليه طالبي بكل حقوقك بقوه وثقه وحزم واصري وقولي له لو ماتنفذ طلباتي خذ عيالك وانا بروح عند اهلي اشوف نفسي وحياتي طبعا مجرد تهديد اكيد هو بينصدم لكن خليك قويه وإنك جديه في كلامك حتى لو اضطريتي تبعدين فتره عنه وعن عياله لا تقولين مااقدر وش احسن تتعبين شوي وبالنهايه تحصلين حقوقك ولا تبقين ساكته وتضحين وبالنهايه يجيب وحده ويدلعها ويهمشك وتنقهرين صدقيني هو بيعاندك في البدايه ويحاول يتمرد ومن هالكلام لأنه متفاجئ من تغييرك معاه وماراح يتقبله بسهوله لكن بالنهايه ماراح يشرد عياله وامهم وقولي له ابي بيت طالما كان عندك إمكانيه تفتح بيت ثاني يعني تقدر توفر لنا بيت لا تخافين والله الخوف هو اللي ضيعنا اول شي قبل ماتبدأين تتغيرين استغفري كثير وادعي الله انه يسخره لك وبإذن الله ربي يصلح الحال بينكم
