زوجي خطب اليوم عليه وانا اعرف هل اقوله اني اعرف ولا لا

انتى عم تقولى انه بيرفع الضغط وممل خليها تحمل عنك شوى وتفتكى منه وتشوفى حياتك
 
لاحول ولا قوة إلا بالله العلي العظيم
والله من رايي تسكتين ..
لأن اذا علمتيه .. بيقول احسسن درت وبيصير مايهمه شي لأن تدرين ويبدا يكلمها ويذكر اسمها قدامك ولايهتم انه يخبي هالشي لانك عرفتـي
الين تشوفين وش آخرتها معاه !
ويمكن هالزواج مايتم ..
(تريثي عزيزتي ,, وادعي الله أن يهديك سواء السبيل) :)

والآن اتوقع وصلتك ردود كثير من الاخوات وبكذا انتي استشرتي
وباقي عليك تستخيرين وتدعـين رب العالمين

=)

الله يفرجـهـا عليك

بس لا عاد تتمنين مره ثانيه أماني مو زينه :D
 
لا لا اتقولين خليه يتم خايف انج اتعرفين

لو عرف انج عرفتي وقابلة اتمين عنده ما بيسويلج سالفة

خليها للظروف ويوم بيصير موقف عاد خلاص كانج ما كنتي تدرين وازعلي واتشرطي مب الحين
 
خلي هو يخبرك قولي له مبروك وكوني قوية
مادام هو متسلط وصعب التعامل معه في ستين داهية
طبع لا تتنازلي عن حقوقك
 
انا بعد اقول لا تقوليله انتظرية لين يقول عشان يتم يفكر ويتم متوتر وخايف منك واذا قالج قوليله بكل برود ما عندي مانع بس في شروط وصفي شروطك
 
طبعا لاتسكتي
صارحيه ووريه النجوم في عز الظهر وامنعيه من الزواج
فلوووووووووووووووس ايه
الزوج اهم روووووووووووووووووحي يالغلا
 
الله يكون بعونك اختي ...
الله يجمعك مع زوجك ويبعد الزواج عنه ويخليكم لبعض وحاولي اختي تكسبينه ....
 
والله شوفي اختي ادا انتي عارفة انو شاريكي وماحيفرط فيكي بسهولة والشروط يقدر عليها وحتريحك اوك بغض النظر عن توقيتها اما اذا كانت الشروط ثقيلة عليه واهو بايعها وممكن يتخلى عنك لا ياعمري اصبري وفي هذه الاثناء حاولي تدرسين شخصيته ونمطه وغيري من نفسك وخليه يعجب فيكي من اسلوبك تعاملك كل شي خليه يحس انك انسانه ثانيه غامضه وادا اتاكدت انك لفتيه وكسبتيه ساعتها يمديكي تتشرطين وادا حاولت تكلمينه او تقنعيه كلميه بعقله اولا ثم قلبه وشهامته وابعدي عن الصراخ والصياح
 
وبقيت حسرتي ,,الله يصرف قلب زوجك عن هالزواج ويجعلك الوحيده بعينه يااارب

قرأت جميع الردود وعتبي على محبة الجنان في ردها تقول!!! احمدي ربك أخذ مطلقه مو بنت
ليييييييييه اشفيها المطلقه ؟؟؟!!!! سوت شي يغضب ربي !!! هذا اللي ربي كتبه لها
لكن مااقول الا ,,,قل خيرا او فاصمت
 
الله يسخر لك زوجك ويجعله قرة عين لك ويبعد عنه بنات الحلال والحرام
ويبعد عنه الانسانة اللي يبي يتزوجها ويصرف قلبها عنها اليك ولايجد راحته الا معك
الله يرده اليك ردا جميلا ولايرى احدا غيرك ويجعلك حور عين في نظره


​
 
امركم غريب يالحريم ..تقولين له في ويهه روح تزوج ..وما تبينه وتبين تفتكين منه ..والحين تفكرين بالطلبات والرضوه ..بقولج اياها ولا تزعلين ..ما راح يرضيج لان الحين بيعيش جو ثاني وبكره لما الثانيه تعرف مفاتيحه اللي انتي ما تعبتي نفسج عشان تعرفينها ..بيحلا في عينج وهو يدلعها..حبيبتي ما في رجال ما يتغير ..والمراه عشان تعرف تدير زوجها لازم تعرف هو شيحب وشنو اللي يخليه يتغير عشانها..ادعي ربج ما تتم هالخطبه عشان تقدرين تصلحين حياتج وما تجينا بعد شهرين ..وتحطين موضوع ..خلاني وما افتكر فيني ونايم عندها ولا اتصل ..ما عطاني مصروف ويصرف عليها كل فلوسه..يحبها وما يعدل..والى اخره من الكلام ..تقولين له ما ابيك بالفم المليان وتبينه يعدل ..اقولج من الحين عادي يطلقج لو لقاها تموت في التراب اللي يمشي عليه..خافي على حياتج وعلى عيالج..ومهما كان هاي زوجج ما تبيعينه برخيص..راجعي نفسج وفكري عدل..انتي بينفتح عليج باب انتي مب قده ..لان اذا كنتي تعبانه معاه وانتي بروحج فالحين توقعي الاسواء لان عنده اللي بتاخذه فاحضانها..اتمنى ردي ما زعلج بس صج قهرتيني لانج بكل بساطه قدمتيه لغيرج على طبق من ذهب..وهاي اول شي تقوله ناعمه للمراه اللي تقول ان زوجها بيتزوج عليها تقول لا ترضين ودافعي عن زواجج ولا تفقدين الامل وحاولي تخلينه يرجع لج ..لكن لو تزوج وانتي مب راضيه حاولي تاقلمين نفسج على الوضع ولا تتركين حياتج معاه..الله يوفقج ويكتب لج الخير ..
 
يعطيكي فلووس وتفرضين شروووطج؟؟؟
ليش انتي كذا؟؟ ماديه؟؟

ليش الوحده مثلن إذا ريلها عطاها فلوووس بتوافق انه يتزوج!!! او كيف
 
لا تقولين له وخليك ساكته افضل لك خصوصا انك انتي اللي كنت

تطلبين منه انه يتزوج والافضل انك تحاولين تغيرين من نفسك ومن

تعاملك معه واذا سالك ايش مناسبة التغير قولي انك مليت من المشاكل

وتبغين تبداين حياة جدية وان شاء الله انه هذا التغير يعدل ويصلح امور

حياتكم واهتمي فيه
لكن بدون ما يحس انك تعرفين وحاولي تجيبن له هدية مع التغير طبعا

بيسالك عن مناسبتها قولي اتها عربون لبداية حياة جديدة مع تذكيره

بالايام الاولى والحلوة لايام زوجكم ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل