زوجي خانني مع الشغاله من قبل مااشوفها

الحالة
مغلق و غير مفتوح للمزيد من الردود.
..ضباب.. قال:
اختي بيرو انا ماتفلسف هذا كلامك وتحاولين تقنعينا فيه
لا اتفلسفتي انا قلت لو ثبت الاغتصاب واعتقد في فرق بين مغتصب وخاين
واعطيتها حل لما قالت خاين
بس ردودي اتغيرت لما قالت اغتصبها و ما كان برضاها
اذا انتي متعوده تسكتي عن الحق اسفه انا مو متعوده
بعدين اتكلمت عن نفسي ما قلت لي صحبة الموضوع لا تكملي معاه

خلاص انتي قلتي رايك مب تنشبين بكل صفحه وغصب الا كلامي صح
طالما انه الموضوع مفتوح والحوار والنقاش مستمر بنشب بكل صفحه وبقول راي
ووانا ما ضربت احد على يده صحبة الموضوع تشوف الي يناسبها وتاخده وتطنش الباقي
طيب وشالحكمه من الزواج
هو عف الزوج والزوجه عن الحرام
لاتدورين اعذار للخدامه والاساس غلط
ما دورت اعذار انا اتكلم على حسب كلام الزوجه يعني ما جبت شئ من عندي
العذر صحبة الموضوع اللي جابته مو انا
الحرمه تحب زوجها وبامكانها تغيره لو لقت تشجيع من البنات
ماحد قال لها لا تحبي زوجك ولا بطلي تحبيه
وانتي تزيدين النار حطب
طب جيبي طفاية الحريق واطفي اللي قاعده اولعه
لاحول ولاقوة الا بالله
الاستاذه ناعمه فتحت دوره للزوج الخائن عشان تعلمنا ان كل شي ممكن يتصلح
وانتي قلتيها بنفسك فتحت دورة للزوج الخائن مو المغتصب والمعتدي على اعراض الناس
الخدامه لو ثبت اغتصابها هو بيلقى جزاه
شئ طبيعي هيلقي جزاه سواء في الدنيا ولا الاخره ما يحتاج كلام
لكن بامكان الزوجه بعد العقاب تستانف الطريق معاه وتبدا معاه خطوه بخطوه
ولو كل وحده خانها زوجها وتطلقت مابقى الا القليل من البيوت العامره
وارجو اختي بيرو ترتقين بالحوار شوي
أنقر للتوسيع...
انا شايفه انه اسلوبي راقي وما عليه اي غبار
 
سبحان الله انا مستغربة من بعض العقول الفارغة
والغير الموجودة في الخدمة مؤقتاً لسبب ما
إلي إلي تقول سفرها وإلي تقول هي زانية وإلي إتقول هي التي إغتصبت الرجل بالقووة
ورب الكعبة ضحكتموني أيتها الناقصات العقل

الخادمة مغلوبة على امرها هي ضحية
وتحت رحمة كفيلها
وكفيلها إغتصبها وهذا الشي متعارف كثيير
عندنا والله المستعان
أنقر للتوسيع...
انا معها دائما اللوم على الخدم والفاعل هوا البرئ​
 
الله يكون بعونك وان شاء الله يكون كذب بس لازم تتاكدي باي طريقة ,,,,,, ربي يهديه لك
 
كلام حياتي لعيالي مرره مقنع جربيه
 
الله يعينك والله مصيبه يكلم بنات وساكته والحين يزني وساكته وش ذا الحب اللي يسويبي كذا كيف عايشه معاه
 
:20:ماعجبني اسلوب النقد لبعض الزميلات اتمنى ان نتحاور بطريقه اكثر رقي انا مصدومه
 
انا ماعندي اية خلفيه ..
لكن تقدرين تبيعن الخادمة وتقولين لزوجك اي عذر منها مثلا ماتبي تشتغل لان البيت صغير ومافيه شي يسوى ...
والا مثلا اذاعندك اولاد قولي ماتبي تخدمهم ..
اهم شي صرفيها وبيعها ...
وكمان تقدرين تقولين ابغى اكبر عشان تكون فاهمه ماابغى صغيرة ماتعرف ..
الله يعينك ولاتنسين الدعاء والصلاة بالليل ..
 
اختي انا قريت بعض الردود معليش لاتسمعين الكلام الي يقولك صارحيه

اكيد فيه حل بس انتي لازم تكوني حيكمه الله يفرج همك يارب
 
اخت بيرو
احيانا تفهم شخصية الانسان من ردوده
ماقول الا الله يعينك على نفسك
​
 
يا سلام عليكي يا رازيا والله انج بحق انسانه قمه في الذوق والاخلاق وفعلا الواحد يفخر لما تكون عنده علاقة بانسانه مثلك حبيبتي قال الشاعر :
واذا اتتك مذمتي من ناقص فهي الشهادة لي بأني كامل
بالنسبة للأخت نجدية حيل :
رجاء حار مفروض يكون في تقبل لاراء الخوات الباقيات يعني انتي منتي صاحبة المشكلة يمكن صاحبة المشكلة تستفيد من الحلول المطروحة ولو بس تعبتي نفسك شوية وقرئتي رد واحد للأخت رازيا كان ما قلتي هالكلام اللي قاعدة تقولينه شوفي يا عزيزتي الواحد لما يكون في مشكلة يحب يسمع كل الاراء والحلول ويشوف اللي يناسبه ويسوية واعتقد من الامانة انه الواحد اذا عنده حل ما يبخل فيه والواحد يقول خير ولا يسكت اما يقعد يغلط ويتكلم كلام ما يدخل العقل وهو ولا كلف نفسه يقرا الردود فهذا عذرا على الكلمة ما ياخذ على كلامه لانه يعتبر انسان غير منصف والاخت رزايا الكل يشهد انها افادت الكثيرات بردودها الله يجزاها الجنه وبردت قلوب الكثيرات منهم انا فما يصير نتكلم عليها بهالاسلوب وبعدين كلامها ما فيه غلط ابدا سواء كان منقول ولا مكتوب كلامها يبرد على القلب وكله ايات واحاديث يعني وين الغلط فيه ؟؟؟ اذا انتي مخالفتها في راي ناقشيها باسلوب النقاش العلمي مب بانج تغلطين عليها بالكلامه وروقي يا حلوة واستفيدي تحياتي *..الحلوة..*
 
أخواتي الفاضلات
لكل من وقفت معي في محنتي وتكرمت شاكره بإعطاء رأيها وحاولت مساعدتي أقول لهاشكرا............. الف شكر من صميم قلبي لأني في وقتها أحسست بأني وحيده وضاقت علي الأرض بما رحبت ولكنكن ياأخواتي الفاضلات بوقوفكن بجانبي ومساعدتكن لي أعدتم لي ثقتي بنفسي أولا وبمن حولي ثانياً
أما أنا فقد تصرفت كالتالي
اتصلت بمكتب الاستقدام وقلت اني ماابغى الشغاله يعني أبغى أغيرها لأنها كل فتره تطلب مني انها تكلم أهلها بالتلفون مع اني أعطيتها تكلمهم أول ماوصلت علشان يتطمنوا عليها ولكنها كانت تقول لي لأ أنا كمان عندي أطفال وأبغى اكلمهم
ايضا شكيت له من نومها الكثير و شغلها القليل و أنا يشهد الله ماظلمتها في اللي قلته بس مع هذا رفض وقال انه مايغير الشغاله ألا في حالة انها هيه رافضه العمل عندك أو إذا كانت حامل واعطاني رقم قال هذا رقم مندوبتها في الدوله الللي الشغاله منها قال اتصلي عليها وخليها تكلم الشغاله وتفهمها الشغل
أنا ماقدرت أقول لصاحب المكتب على السبب الرئيسي
بس اخذت رقم المندوبه وكلمتها وقلت لها على كل شي قالته الشغاله وقلت لها تكلم صاحب المكتب وتقنعه بس من غير ماتقول له السبب
وافقت طبعا بعد ماعرفت معاملتي الحسنه للشغاله وذلك عن طريق الشغاله طبعا حتى الشغاله قالت لي قبلها انها تبغى تروح من عندي بعد اللي صار له
المهم المندوبه اتصلت عليه وقالت له الشغاله امها تعبانه وتبغى ترجع وما تقدر تجلس في النهايه انا الاسبوع الجاي راح ارجعها للمكتب
أما زوجي .......
ماراح أقوله اني عارفه شي راح تقولوا اني سلبيه او ماعندي كرامه او احساس أو .....أو...
بس أنا راح اسامح واحاول انسى والله يسامحه ويغفر له ولي
شكرا للأخت رزايا ولكل الأخوات اللي نصحوني ودلوني بآرائهم
 
ماشاء الله تبارك الله جزاك الله خير على تسامحك والله يسخره لك يااارب
 
الحالة
مغلق و غير مفتوح للمزيد من الردود.
عودة
أعلى أسفل