زوجي حطني في الأمر الواقع ويطلب الطلاق...

[سمو 2008]

الله يهدي زوجك

 

[ريح الشمال]

الله يعييييييينج اختي بس عندي كم تعليق

نور كندا إذا ما عندج نصايح مفيييييدة أو دعوة مفيدة أو حتى عتب مفيد (النقد البناء) ما في داعي ل هذه الردود إلي مالها أي معنى (من كثر حبج له طفشتييييه) عفوا رد مش بس يقهر ويفور الدم إلى بتحصلين كلام افضع إذا كانت ردودج على البنات ف ياريييييت تحاسبين اشوي في طريقة ردج. يعني كان بإمكانج اتكملين وتشريحين وجهة نظرج بدل رؤوس أقلام.

وأختي the mooom

احس مشكلتج هي تقرييييييبا نفس مشاكلنا مع ريييييايلنا
وشكلة كذاب التيلفون تيلفوووووووونه بما أنج كشفتييييه ما حب تعقين الللوووووم عليه واتكونين في مركز قوة والكفة تكون لصااااالحج, وتفضحيييينه جدام اهله وأهلج ف فضل انه يزرع في نفسج الخووووف من فقدانه وانج إلي سويييييتيه ويااااه غلط, هذا تفكيييييرهم.
وردة فعلة على الموووووضوع (أدري والله حاسة فيييج انها واااااااااايد تقهر).

بس انتي قهرتيني في شي انتي عندج دليييييل خيانتة الفاتوره كان بإمكانج اتقوليييين له
-شوف الواااااحد يوم يسوي غلط ويداري ع الغلط لالالالالازم بي يوم وبينفضح فيه الله بيكشفة بيكشفة. وهذا دليييل على انه الله ارادكي ان تكشفينه (شوفي بعد بدليل الفاتورة)
-الشي الثاني لييييييييييييش بينتيييييله ضعفج وسكتي
ليش ما قلتي له الوحده تغااااار على ريلها وهذا دليل حبي لك بس انته جابلت الشي بالخيانة كيف تباني اسكت انته ترضى اني انا اطلع تييييلفون من ورااااك واخشة بس مجرد خروجك اتكلم فيه شو بتكون ردة فعلك.
-قولي له (حبيبي الدنيا دوااااارة عندك خواااات وبنت انا ما أرضى يستوي نفس الشي حق بنتي( الله يحفظها لكم) انت ترضى تاخذ ريل مثلك يخونها وتي تشتكيلك.
-قولي له انته ظلمتني وافتريت علي وانا بت وانا مظلووووومة (دعوة المظلوم ما تنرد مجااااابة) كيف تهنى في رقاد وانته ظااااالم, ما تخاف ربك يا أخي خاف ربك في اهلك وعيالك وإذا انته عندك كل ها الوقت من الفرااااغ إلي تقضيية في المغازل سير جابل بيتك عيالك حرمتك اهلك شوف شو قاصرنهم شو يبون (بتحصل اجر) بل المغازل إلي ما ورااااه إلا الخسر وتضيع اجرك.
-انا ماااااااا أسمح ل أي خيااااااانات في حياتي معاك انا محترمتنك حبيتك راعيتك انته وعيالك من خااااطري وانت قابت الشي بالخيانة.


كوني حاااااازمة في ردك لالالالالالا تخافين كوني قوية قوي شخصيتج بالتفاهم والمصاااارحة الصريييحة بعيدا عن الصراااااخ والصياح والسب, بيني له انج عااااايشة لنفسج انج قوية الشخصية (يا يبل ما يهزك رييييح), وكل ما كنتي قوية تراااااه بيهااااابج وبيحترمج وبيفكر مية مرة قبل ما يخوووون لانه بيعرف العقاااااب والتوبييييخ
والحركاااااات إلي سويتها وااااايد حلوه كملي التطنيييش والتعدل
بس في موااااضيع الخيانة كوني حازمة (في حياتج شفتي الزجاج المكسوووور يرد نفس اول مستحيييييل, وإذا رد بيرد بشرخ كبييييير وااااضح) ف أنتي اختي

داوووومي على قراءة القرآن والاستغفار وقيام الليل وأدعي من خااااطرج وكوني يقينة وعلى ثقة بإن الله معاج.


آآآآسفة على الاطالة
-

 

[full moon]

مشكوره على نصايحج اختي وبحاول بس الفاتوره هوه طلبها تم يصارخ عليه عشان اعطيه وعطيته كنت اريد الدليل بس ظاع من يديه وبعدين انا في حياتي ماصرخت او شتمته في ويهه يوم اغتاظ اقوله الله يهديك او فديتك يعني احاول اطلع عكس الكلمه يللي في بالي.....

 

[full moon]

خاواتي احين انا رمست عمي قالي بيكلمني اول مايرجع البيييييتتتتت
ادعولي انا ماحب اقول اني بعدني احب ريلي بس اريد احينه اني انسا الحب والمعزه يللي شالتنها في قلبي له.... اريد انسى كل يوم حلو ومر معاه ماريد اذكر اي شي له اليوم يالسه ادرف على الدرفانه انا وولدي الصغير اتذكرت إلا من فتره قريبه كان هوه يدزني يعني يدرفني كانا نظحك مع بعض احين انا ادرف بروحي وايلس اشرب الشاي بروحي وارقد بروحي واتريق واتغدا واتعشا بروحي .... والله اني احبه بس ليش لازم ايي شي ينغص عيشته كنت مرتاحه .... يالله ادعولي احين اتريا عمي...

 

[ريح الشمال]

شوفي حبيبتي كل ما كانت الحرمة ضعييييييييييييييييييييييييييييييييييييييييييفة وحطي تحتها مييييييت مليووووووون خط معناة ضعييييفة(المضحية,الواااااثقة ثقة عمياء,على نياتها,)في لها اكثر من معنى في حياة الحرمة ف توقعي انه بيدوووووووسج على أول مشكلة تستوي,
أنا معاااااااجع في السكوووووت وقت ما يكون عصبي بس سكوت عن سكوت يفرق كيف؟ في فرق اتكونين ساكته ومكسووووورة واتصيييحين واتقولين حبيبي وفديتك وانتي صاحبة احق بيقول في خاطره بلاها هاي الهبلة ليش عاقة عمرها علي , صدقيني بيكون واااااثق انج ما بتتحملين فراقة وبتردين له. وفي فرق اتكونين ساكتة بس بشمووووخ وراااااسج مرتفع وصااااحبة حق ولا دمعة ولا حتى كلمة حبيبي وفديتك , بس اتقولين له لك يوووووم يا ظالم ويكون في علمك الواااااحد ما يحب المشاكل وما يحب ويع الراااااس بس إلي إيييييب المشاااااكل حق بيته انته إلي يمشي في درب الغلط والحرااااام الله يخسف فيه حبيبي شوف عايلتك راعها شوف عيالك حرمتك اهلك امشي في درب الصح الله بيوفقك بس لما تمشي في الحرام ما بتتوفق.

اختي انا داااااائما اقول حق زوجي لما اكتشف انه يغازل (
شوف الله يحبني وكشفك ما حب اني اكون عميا
شي الثاني انت إلي اييييب المشاكل لنفسة وبيته
وشو تتوقع اصفق لك
يا اخي يوم عندك وقت فرااااااغ بدل ما تغازل فيه وياه التااااافهات جابل عيااااالك احسن عيالك الاولاد مفتقدين ابو ينصحهم ف باجر الله بيحاسبك على عيالك كيف ربيتهم وعن حرمتك عاملتها عدل ولا لآ.

الله يهديك الحرمة قد ما تقدر تحافظ على بيتها بس ما ترضى بالغلط وشوف منو مشى في درب الغلط انا ولا انته.

الله يعييييينج

 

[full moon]

انا كنت ساكته يوم كان يواجعني ولا دمعت عيني ولا رفلي جفن ولا بررت ولا تفديته بس عاتبته بس ماخلاني اكمل كان هاااايج

 

[كلي حنـان]

مرحبا
اختي
زوجك من بداية حياتكم مبسوط معك ؟
يعني يحبك وفجاءه قال بطلقك ؟

او

مريتي بضروف معينه معه غيرته عليك؟؟؟؟؟؟؟؟
على العموم
قد يكون تهديد فقط كنوع من التأديب ؟؟؟؟؟؟؟
او
قديكون فعلاناوي عالطلاق؟؟؟؟؟؟؟؟

على العموم في كل الحالتين لاتناقشينه اتركيه فتره يفكر
يمكن يمربضروف معينه اتعبت نفسيته وحط حرته فيك
قللي من الكلام
اتركي السب والشتم >>>>>>>>,وانشالله انك مو من هاالنوع
اتركي الطلبات على جنب شوي
غيري نمط حياتك قللي الطلعات
لازمي بيتك وفراش الزوجيه
كل هذا بشكل مؤقت لمعرفة مايدور برأس زوجك
ونصيحه مني بعد اللجوء لله عزوجل
هدي اعصابك ونفسيتك
ولو ناقشك انتي اتعبتيني مدري ايش انا بكمل تعليمي انا بسافر انا عندي دوره
قولي روح الله يحفظك انا والاولاد في انتظارك وموضوع الطلاق اجله شوي الدنيا ماطارت
اذا رجعت بيصير خير
وبس لاتكثرين الكلام
ولاتغضبين وتقولين كلام ماله سنع يقوم يسوي الي براسه
ولاتبكين تستضعفين حالك عنده
قولي هالكلمتين وروحي كملي شغلك فالبيت مو تروحين تفنقسين فالفراش 10ساعات زعلانه
اجلي الزعل وكل شي لين تنحل مشكلتك
والله يرده لك يارب

انا معك يالغاليه وان شاء الله قصده التأديب
الله يسخره لك ويجمع مابينكم في خير ..

 

[full moon]

إذا هوه يريد يادبني ليش مب انا اادبه عن فعايله؟؟؟

 

[ليل الشتا]

ربي يعينك يالغاليه
أحس ريلك متوتر ومشتت
هالخطوة صعبه عليه يتخذها ما كان إلا ردة فعل عن غضبه ومبرراته الواهية لما شاف حججه ضعيفه بدأ يضغط عليك
بأذن الله ترجع المياه لمجاريها وتتصافوا
وعلى فكرة هو مايقدر يشل الاولاد عن أمهم ولا مايدري عن القوانين
لج حق البيت والنفقة والحضانة يعني مافيها لعبه
بعده هو مامستوعب شي من كلامه
الله يهديه يارب
تعجبيني لما تدللي نفسك فديت الروقان
هو اكيد منقهر لكن مايبي يرضخ أو يبدا الكلام
الله يهديه ويسعدج

 

[كلي حنـان]

مو قصدي اختي انك انتي الغلطاااانه ..لالا
بس اقصد انك يوم كشفتيه يبي يطلع نفسه صح فرمى كلمه الطلاق عشان يعور قلبك وماتجسسين وراه مره ثانيه ..

يا أختي واضح ان زوجك يبيك وماراح يتنازل عنك وكل اللي يسويه تمثيل انه مايبيك ..
واكبر دليل على كذا انه تم يدق الباب قبل لايدخل عليك

خليك ذكيه و استمري في تطنيشه وأغراااااائه كأنك مو قاصده

الله يسخره لك ..

 

[full moon]

انا والله اني ماعرف كيف ادلع بس قالولي سوي جيه بنسوي والله اني مب ناقصني شي حلوه لدرجه الجنون مش غرور وبطيبتيه وتسامحيه ووووووووو اشياء وايد اسمع الناس يقولونها عني بسيمكن اني ماكملت تعليمي ااااخ باين ماعرف شوه سبب خياناته...

 

[lovely aroma]

الله يفرج همك وهمي ان شاء الله يرجع احسن من اول سوي زي ما قالو البنات بس اهم شي لا يحس انك خايفة من فقده جمدي قلبك وارفي انه ما بيسير الا اللي ربي كاتبه

 

[full moon]

مشكوره اختيييي على مرورج ودعاااائج وحفظج ربي

 

[لمسة حنين]

الله يهديه ويسخرة لكي احب ان اخبرك بشي من طبيعة الريال يوم يخون وحرمته تكشتفه تلقينة يصاريخ في ويهه
يقول ليه تفتشين في غراضي واي شي تحصلينه بيقول مال ربيعي وطبعا تهديد بالطلاق
كل هذا ما عليج منه ما دام خلاص واجهتيه بخياناته واستمري دلعي نفسك وبعدين انتي عندك اولاد اشغلي نفسك بيهم وبترتيب غرفتك وبنفسك وهو راح يرجع صدقيني لانه داخلين هو يعرف نفسه غلطان الله يهدية ويسخرة لك عليكي بالدعاء وقراءة سورة البقرة والاستغفار الله يهدي لنا ازواجنا ويسخرهم لنا امين يارب العالمين

 

[bent-uae]

انا والله اني ماعرف كيف ادلع بس قالولي سوي جيه بنسوي والله اني مب ناقصني شي حلوه لدرجه الجنون مش غرور وبطيبتيه وتسامحيه ووووووووو اشياء وايد اسمع الناس يقولونها عني بسيمكن اني ماكملت تعليمي ااااخ باين ماعرف شوه سبب خياناته...

كملي تعليمج...ل نفسج انت الشهاده مهمه جدا ادرسي والتحقي بدورات ...العلم نور..​

 

[full moon]

كل ماريد اكمل هوه يوقف في ويهي ويقول انتي ماشاورتيني معني شاورته باني اكمل دراستيه اول مافطم عيالي ويرد يقول انتي تغظبيني ومب راظي عنج يقهرني احسبه يريدني دوم انا يللي ماعرف شي .... وهوه بوالعرييييف الله يهديه ويهديني

 

[bent-uae]

كل ماريد اكمل هوه يوقف في ويهي ويقول انتي ماشاورتيني معني شاورته باني اكمل دراستيه اول مافطم عيالي ويرد يقول انتي تغظبيني ومب راظي عنج يقهرني احسبه يريدني دوم انا يللي ماعرف شي .... وهوه بوالعرييييف الله يهديه ويهديني

اوكيه انت صممي على الدراسه وبقوه وشو مايقول تمي على موقفج..واصري على التعليم..
قولي له انج بتكملين دراسج علشان بكره اتعرفين ادرسين عيالج..
ادخلي دورات في الجمعيه النسائيه لانه عندهم دورات مبسطه وحلوه..
سوال شو اخر شهاداتج؟؟؟؟​

 

[full moon]

ثاااالث اعداااادي

 

[bent-uae]

ثاااالث اعداااادي

كملي وحطي هدف لدراستج...وان شالله تلتحقين بالكليه ...
هو ما يريد لج التتطور علشان ماتستغلين بنفسج...جاهدي من اجل دراستج صدقيني راح تقوى شخصيتج وتتغيرن خصوصا مع اجواء الدراسه راح تكتسبين علاقات جديده ...​

 

[bent-uae]

صدقيني يوم بتنشغلين عنه وتبعيد الا ارادي ... بيشتاق لج وبيحاول هو التقرب لج..
عيشي لنفسك اولا...ول اولادك ثانيا ..ول بيتك ثالثا..

والله يوفق بينكم بالحلال...

على فكره ريلج ضعيف الشخصيه.. اولا ..هو دايما يتهرب سوا في كلامه او بتصرفاته..

ثانيا..لانه دايما يحملج انت اسباب فشل العلاقه بينكم..
وسلبياته من خيانه ومغازل وغيره..

ثالثا..صراخه وعصبيته عندما تواجهينه بخطا سواه..


وغيرها من امور واضحه وحتى انه يوم يكلمج يحاول ما يشوفج..​