زوجي ..حبيبي..يشك فيني

[كلي تضحيه]

قصتي بدايتها من ايام زواجي الاولى قومني من الفراش وحلفني بالقران انه ماقد عرفت قبله احد طبعا حلفت وراحت ايام وجت ايام طبعا أنا اللي صدت بلاويه وقبلت نكرانه شفت رسائل وماضي قديم نسيته ونساه ماعندي مشكله فيه زوجي والحمد لله التزم وكثير الصيام والتطوع لكن مع ذلك الوسوسه زادت كثييييير ولم تشفع لي عشرة عشر سنوات وثلاث اطفال .....المهم ..زوجي يشك فيني مع إخوانه اللي ساكنين معي مع انهم محترمين ولايعدوني الا اخت وانا كذلك تخيلوا يمنعني من السلام او تغسيل ملابسهم أوكيه ماعني مشكله ريحني يسكر الأبواب بيني وبينهم ماهي مشكله لكن انه يتهمني بعدم الادب والفاظ بذيئه علشان بنتي عطتني حلاوه من عمها واكلتها ويناظرني بنظرات كأني زانيه والعياذ بالله ويروحني عند اهلي اسبوع علشان يحقق بعدي والله قال لي راح احقق وراك واشوف وبعد فتره يعتذر وانا أرضا حكيت الموضوع مع اختي وصبرتني عليه انه زوجك وابو عيالك احتويه مريض ماهو طبيعي تصدقون حتى امه واخته قالوا انه يعاملهم بنفس ألطريقه واخر التطورات من فتره بسيطه ركب دي إس ال علشان هو محتاجه واذا طلع ياخذ السلك معاه واذا رجع يركبه اضحكوا شر البليه ما يضحك ومن يومين بس بدون مقدمات طالع فيني وقال أنا حاس فيه مشكله بتصير بيني وبينك قريب وقلت الله لا يجيب المشاكل ليش رد..بس الله يبين الحقائق ...وفجأه سألني اذا تجينا اتصالات على الثابت يقصد مغازل وقلت لا وانا صادقه ...قلت لا يكون تقصد هاذي المشكله وصارحته لإحساسي انه يشك فيني وحلفت له أنا الغبيه واسترسلت بالحكي واقنعه انه مريض لازم يتعالج او يسال مستشار وطلبت منه يشاركني الحوار طبعا لا تعليق ولا حتى نظره أشفقت على نفسي ليه أبرر له وانا واثقه من نفسي طبعا هو أخذ يذكرني بان الله يعلم خائنة الأعين وانه ما فيها شي اذا كان حريص وحذر بزياده وفي الأونه الاخيره بدا يحرمني من اهلي اللي يبعدون عني ساعه يمكن يخاف أقابل احد من وراه تعبت والله تعبت الحين صارله كم يوم ما يكلمني علشان الحوار اللي صار معاه وذكرته لكم تدروووون وش مشكلتي خائفه على بناتي اذا كبروا واستمر ابوهم يعاملهم بالوسوسه والتعقيد **

 

[دلوعةزوجي]

الله يفرج همك

انتبهي يشوف مشاركتك ويقلب حياتك جحيم

انتبهي​

 

[شبح الفراق]

الله يعينك هذا مريض مو طبيعي ابدا

 

[كلي تضحيه]

ليته يشوفه يمكن يقرا بعض الحلول اللي انتظرها ويقتنع ويغير من نفسه وانا خلاص ماعاد تفرق معي يقلبها جحيم بذمته صبرت سنين وجا الوقت اللي أتكلم فيه

 

[رازيا]

اسمعي مني ما راح اجاملك زوجك انسان مريض بالشك والله مو حابة اخوفك لكن صارت لوحدة في عيلتنا زوجها ظل يشك فيها لدرجة انها جات تبغي تنتحر منه ومن تصرفاته
استخيري الله واذا ارتحتي قوليله ابغي اروح زيارة عند اهلي ولا ترجعي عنده الا لما يترك الشك ويروح عند طبيب نفسي يعالجه واذا تعالج استخيري الله وارجعي
انتبهي على حالك منه وادعي الله يكفيكي شره ويهديه لك اصري على طلبك انه يروح طبيب وكلمي حد من اهلك او اهله ويكون عاقل وهو راح يساعدك اهم شي استخيري الله قبل كل شي

 

[ref8150]

الله يشفيه ويصبرك عليه ويستر عليكي وعلى ذريتج اكثري من الاستغفار والدعاء له عسى الله يفرج عليكم

 

[ام ريناف]

الله يصبرك

 

[كلي تضحيه]

يعطيكم العافيه على الردود......طبعا بعد هجره لي هاليومين كلمني وبدون تعليق او اعتذار يمشي الامور وانا مشيتها على مايبي وش اسوي أدمر حياتي بس قاعده ابحث عن استشاري يحل المشكله على الاقل يعلمني كيف أتصرف معاه ادعي الله دايم انه يشفي زوجي وادعوا له ولكم الأجر ان شاء الله