زوجي تزوج ومب قادرة أرجع طبيعية معاه

ا

الأمورة الحلوة

New member
إنضم
2009/11/14
المشاركات
142
مرحبا خواتي

من اسبوع وزوجي عقد قرانه على مديرته وقبل شهرين مخبرني انه متزوجنها وكان حضرته يختبرني ويبا يشوف ردة فعلي طبعا انا ماسكتت ابدا ورفضت بشدة موضوع زواجه وطبعا الاخ زاد عناد معاي وراح خذاها تخيلوا يابنات كان ينام في شقتها وهم مابينهم شي كيف يرضى على نفسه انه يروح مع وحدة لاتحل له ولا شي استغفر الله وين خوفه من الله وين وكان في الاسبوع مرة ينام عندها بس بعد ماعقد عليها الحين قام يكثر من زياراته لها ومبيته عندها
بس طبعا مبيته عندي اكثر لانه هو مايتحمل جو الشقة وانا ساكنة في فيلا واغراضه ومستلزماته وكل شي عندي انا ويوم يروح عندها يكون ضيف شرف بس .
المهم كم مرة حاول يكلمني ونتصالح بس انا مب قادرة اتقبله احس انه اللي سواه مب شي سهل بالنسبالي والله وايد صعب ابغي ارد له بس احس في مثل حاجز بيني وبينه وانا عندي طفلة منه ومن فترة قريبة والده وعمر بنتي 8 شهور .
واستوت بيننا مشادات كلام وسبينا بعض واااااااااااااااااااااايد مقهورة وهي تحاول انها باي طريقة انها تاخذ زوجي مني .
وهي مب محتشمة ابدا لاتلبس عباة ولاشيله ووايد متحررة ونص كلامها انجليزي
وتروح صالة البولينغ معاه وتلعب هناك جدام الشباب مع ريلي
وين الغيرة ياناس معقولة هذا زوجي اللي كان يدقق على اتفه الاسباب علي والله انا اذا طلعت من البيت بدون اذنه يذبحني ويهددني شو صار فيه
ما اصدق ان هذا ريلي اكيد ساحرتنه ولا ريلي مايحب هالاشكال ودايما يعلق على البنات في الشوارع وعلى لبسهم ومكياجهم
انا الحين مطنشتنه وما اسوي له سالفة مخلتنه على راحته مصيره يرجع لي ويشبع منها
بس كيف اخليه يحس بتانيب ضمير ويرجع لي مثل اول .

الله يوفقكم دلوني تراني ضايعة
 
الله يفرج همك أرجعي لزوجك بس أهتمي بنفسك وبشكلك
وأشغليها بشي مفيد وحاولي أنك تنسين أنه متزوج

عشان صحتك ونفسيتك لانه هو مرتااااااااح وأنتي اللي تتعبين

أهم شي أنشغلي بهوايتك وثقي في نفسك وبقدراتك

وأتمنى أنك تقرأين قصه أم بسمه مره تفيدك واستفيدي منها

بس أهم شي ماتتركين زوجك لها لانه زوجته الثانيه هي الكسبانه وأنتي اللي خسرتي ..​
 
الله يعينك ويصبرك عيشي حياتك عادي واهتمي بنفسك اكثر وهو لاتكثرين معاه كلام ولاتخاصمينه بيني له انه ماهمك خليه يتمنى كلامك معاه واذا سئلك عن شئ خلي كلامك محدود.....الله يرجعه لك
 
شوفي نمط شخصيته وتعاملي معه حسب شخصيته..
وشوفي نمطك...وتغلبي على نقاط ضعفك..

الله يوفقك
 
اختي وكلي امرك لله زواجه مصبيه وصارت لا تخلين المصيبه مصيبتين استعيني بالله وكثري من قراءة سورة البقره وادعي دائما ان ربي يكفيك شرها وقولي اللهم اكفيني اياها بما شئت وكيفما شئت

اختي فكري شوووي هذي حياه عمر لا تضيعين عمرك بالهم عيشي حياتك وادعي ان ربي يسخره لك ولا تتنازلي عن اي حق من حقوقك والله معاك استعيني بالله صدقني الله يسخره لك عليييك بالدعاء

واحمدي الله على كل حال وكثري من قول لاحول ولا قوة الا بالله
 
اختيالأمورة الحلوة 00000
من خبرتي انه زوجي متزوج عليه تعبت معه كثثثثثثثثثثثثثثثثير فوق ماتتصورين من كثرمشاكل منلم يكلمها اولما يروح عندها تعبت كنت ابكي احس ان الدنيا هذي الوسيعه ضايقه على صدري كاني متحمله جبل فوق صدري00000
فكرة يوم مع نفسي ليش هذا كله ليش انا تعبانه وهو لالالا انا اتضيق في نفسي وهو مبسوط اخر انبساط طيب حتى التلفون كنت اشوفه كم كان يكلمها كم مرة قلت انا اعطيها زوجي على طبق من ذهب صارواهم مرتحين
وانالالالا 0000
فكرت ليش ما اطنشهم صح في بديه الشي صعب بس الي عندها عزيمه قلت انا داخله حرب يا خسرة يافايزه اهتميه في نفس كثير يدخل ويخرج ما اقله وين ريح او وين راد بس مهتمه فيه اكثر من طباخ منلبس من حركات جديده في النوم اضحك معاه ولا اجيب طريها اهتم فيه عندي كانها مش موجوده لما يرح عندها اقول راحعند ربعه او سافر اهتم في نفسي علشان لما يجي يحصلني غير عن الي راح من عندها اهم شي الكلام الحلو والبتسامه الحلوه اهيا الي تطيرعقل زوجك وان شاء الله قدمتلك نصيحه تساعدك على الي انتي فيه واهم شي لالالالالالالالالاتنسين ربك اهو الملجاك الوحيد الي بيساعدك ويرد لك زوجك وانتي مرفوعت الراس
 
ابشرج باذن الله بيرجع لج اقرب مما تتصورين وبتقولين قطريه قالت .. بس انتي لا تخلينه يعاند اكثر اصبري واجذبيه لج وخلج هادية ووقفي نكد وهم خلي راحته عندج مو عندها .. بالكثير كم شهر وبيتطلقون وهذا ويهي ان ما طلقها ..
 
ما شاء الله البنات ما قصروا
وأنا بعد أقولج برد لج بسرعه وبيطلقها

بس إنت لا تكوني ملهوفة عليه وتحسسينه أنه اتزوج
وفي نفس الوقت لا تصدينه
خليج عادية وكوووول
ولا كأنها موجودة أصلاً

والله يرده لج رداً جميلاً بإذنه​
 
وأنا أأيد اللي قالت إنه بيطلقها وبيرد لج

بس كوني ذكية عشان تكسبينه ، استقبليه احلى استقبال

وخلي بيتج ملاذه الآمن وحاولي تسوين اللي ماكنتي تسوينه من قبل معاه

ماهي ساحرته ولا شي بس تقدرين تقولين وده يكشخ فيها كم يوم كأنها

سيارة بعدين بيرميها :)

استغفر الله ماهي شماتة فيها ولكن صدقيني الرجال مهما يدور ما يرجع الا لراعية

الحشمة والدين والستر مهما كانت اللي معاه حلوة وجميلة وراعية وناسة

لكنه يدري ان كبره وشيخوخته مابتكون الا عند اللي حفظت بيته وعياله وسترت عليه
 
بصراحه انا حاسه زوجك خذ الحرمه هذه لحظه عابره
ماادري بس اعجب فيها
لانو مثل ماتقولي يمنعك اول ويكره اشكال البنات الي بالشارع
وهي لالابسه عباة ولاشي ..
اظن ياقلبي انو عابره .. وانشاءالله ماتحمل منه .. ويرجع لك يارب
وربي حاسه بوضعك وانو صعب تكوني مثل اول ..
شي طبيعي انتي منصدمه منه
استغفري ربك كثير وادعي
وحااولي تفكي الحاجز .. واثبتي له انك احسن منها
لاتخلينها تقدر تسيطر على زوجك
الي قاهرني انها مديرته اخاف يخاف يطلقها عشان ماتفصله
ادعي كثييير
وربي يوفقك ياقلبي ..
 
من رايي ارجعي لزوجك هي الحين خصمك و انتي اللي عندك كرت الربح اهتمي في حالك و في اناقتك تشيكي في بيتك بس يظل احتشامك برا البيت و كل ما تطلعي خدي الادن منه و لا تقارني نفسك بها لانها ما تسوا تراب رجليك و احس انها مجرد نزوه بالنسبة لزوجك حاولي انك تكوني ودودة معه و تدلعيه على الاخر بس بين فترة و فترة قول لي له انك ترثين لحاله لانها مو في مستواه و لانه جعلت رجولته تنقص ارمي له كلام من هالنوع و خليه لا تخليه يجادلك و لا تخلي له مجال انه يرد عليك و بالله عليك لا تكوني جبانه و تنسحبي حاربي عشانك و عشان اولادك و لا تنسين قبل كل هدا الدعاء و الصلاة و التوكل و الاستعانة بالله لان الله كريم و معطاء و لو استعنتي به سبحانه و تعالى ما راح يردك صفر اليدين و راح ينصرك على من ظلمك

اسال الله العلي القدير ان يجعل مكرها في نحرها و ان يجعل تدبيرها عليها
 
أختي الأمورة كان الله في عونك أهم شئ أهتمي بنفسك وفي بيتك ومارسي هواياتك وخليك دايما مهتمه بلبسك واناقتك وخلي عطرك يسبقك لما يدخل البيت ولاتسألينه وين رايح ومن وين جاي وخلي كلامك معه مختصر قدر الامكان وحسسيه أنك غير مهتمه بكل تصرفاته واهم شئ لاتنسين الاهتمام بغرفة نومك واعملي فيها شوية تغييرات وبعد لاتنسي شراء قمصان نوم جديده وصدقيني انه بيحاول يرضيك ومن كلامك عنها انها متبرجه فمصيره بيتركهالانها نزوة عابره واخيرا عزيزتي دعواتي لك بالتوفيق وان الله يرد لك زوجك وهو ذليل منكسر​
 
حبيبتي الله يعينج ويفرج همج والله حاسه فيج ان شاء الله ربي يرد لنا ازواجنا ردا جمالا كما رد يوسف على ابيه آمين
 
اهم شئ طنشيه وعيشي حياتك وبيطلقها اكيد

بس دامك مهتمه فيه بيطول الطلاق

بس لو طنشتي بيطلق بسرعه

الدعاء ثم الدعاء
 
الله يفرج همك ويرد لك زوجك رد جميل عاجلا بحق الشهر الكريـــــــــــــــم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل