زوجي بينقل مدينه ثانية اروح معاه ولالا؟؟

[جنوبية & جنوبي]

السلام عليكم انا في ضيقه لايعلمها الا الله زوجي العزيز اتاه نقل بشغله الى مدينه ثانية تبعد ساعتين وهو راح ياخذ فيها شقة ويستقر وراح يجيني كل اربعاء وخميس وجمعه


مع العلم ان السبب عدم نقلي معاه امي لانها ماعندها غيري ومتعلقه فيني وعندي اخو ساكن معاها ومتزوج بس زوجته خبيثه بكل ماتعنيه الكلمه ولاعبه بعقل اخوي وحتى امي متغير عليها وهي كبيره وفيها كذا مرض ومتعلقه فيني لو يوم ماتشوفني تنجن وتحاتي وتموت بكاء وطول مااناجالسه جنبها تقول وتردد لي واحنا لوحدنا
الحمدلله ربي رزقني هالبنت ولاكان انا قاعده بروحي ولحالي اكسر الخاطر
حاولت فيها تجيمعانا المنطقه ثانيه مع زوجي رافضه رفض تام تقول ماطلع من بيتي مابي بعد زوجك يكرهني مثل مرت اخوك :tears:مع انها اطيب مخلوقه بشهاده الجميع بس هي لوتسافر يوم عن البيت تتضايق وتقول رجعوني بيتي مع العلم ابوي متوفي من اكثر من عشرين سنه





السؤال : هل خطر اني اتركك زوجي لحاله بشقة عوايل خمس ايام في الاسبوع مع العلم انه جنوبي غربي؟اروح معاه او اجلس مع امي؟؟؟؟؟



هو يقول عادي جلسي عند امك لانها تكسر الخاطر وهي محتاجتك وانا قلبي شاب نار اربع وعشرين ساعه احاتيها اخاف تجلس لحالها او لاسمح الله تتعب او او
واخاف زوجي يطير مني لان اهل هذيك المنطقه دلوعات وجميلات ولبسهم للعبايه الله المستعان بس تحليهم اكثر من ماتسترهم









شسوي:tears:؟؟

 

[ذكريات امراءه]

طيب يااختي معندك خوات و اخوان غير الللي ساكن معاكم

اشرحي لاامك الوضع وقوليلها انك ماراح ترتاحين لو تركتيها ونفس الشي زوجك

وحاولي تقنعينها انها تروح معاك اريح لخاطرك


الله يختار لك الصالح..

 

[بامبى]

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا
لا تتركى زوجك ابدا و خصوصا الجنوبى

 

[بلوط]

اولا كل عام وانتي بخير وعيدك مبارك
اختي انتي اتزوجتي وصار لك بيت وزوج ولازم تحافظي عليهم
وامك مهي جالسه لوحدها
انتي تبع زوجك فين ماراح لازم تكوني معاه عشان تلبي احتياجاته
وانتي تقولي جنوبي والجنوبي عينه زايغه خلقه مو محتاج يكون عزوبي عشان يطالع لبرا
انا انصحك تروحي مع زوجك وامك تجيها كل ويك اند ولها ربنا واخوكي ما راح يقصر اذا شافها لوحدها
لا تخافي على امك خافي على زوجك واعتبريها مغامره وتغير جو انتي وزجك
عشان لا فات ماينفع الصوت
والله يوفقك يارب

 

[danno..}]

الله يعينك يارب

بس اتوقع لوتعود ع فراقك بتكون مشكله

يمكن يشتاق اول الايام بس بعدين خلاص يتعود خصوصاا الجنوووبي

وبرضو ماينفع تخلين امك لحالها

حاولي معها زني فوق راسها تروح معاكم

الله يعينكـ ويلين راس امك

 

[الريم 2008]

روحي مع زوجك ومع الوقت أمك بتجي معك

 

[شموخ المدينه]

اقنعي امك مثلا لو تروح معك تتمشى وصعبه تتركي زوجك

 

[حبيبي ربي]

استخيري فديتج

 

[يحق لك]

استخيري والله يكتب لك اللي فبه الخير

 

[افديك يا غزه]

لا تخلينه يروح بروحه
اكيد هناك بيحتااجج
اقنعي امج تروح معاج احسن حل
وتوكلي ع الحي القيوم
ولا تخلين الشيطاان يوسوس ولاتفكرين ف امج وايد
والسموحه نفس ما امج محتااجتج
زووجج بعد محتاجج

 

[THE FIRST QUEEN]

مع زوجك وين ما رااااح ..
أمك حاولي تقنعيها تجي معك .. وإذا ما رضت أنتِ زوريها كل ويك إند ما دام المنطقة اللي بتسكنين فيها مو بعيدة مرة كلها ساعتين حسب كلامك ..

 

[رحالة ومليت]

لاتخليييييييين زوجك.. وأمك كل يوم دقي عليها وتطمني عليها ......ولاتطولي عنها كل فترة وفترة زوريهاااااااا

 

[ضَوءْ]

رووحي مع زوجك

وامك الله يسخر لها اخوك وزوجته


وتعهديها دائما والله يعينك على هالموقف الصعب ويعطيك الحكمه انك تتجاوزينه

 

[جنوبية & جنوبي]

مدري شسوي :tears::tears:
قلبي محروق وانا بين نارين:tears:

 

[نعومه كول]

مالك الا تقنعي امك تروح معاكي
ومنو قال لكم انه الجنوبي لهالدرجه يعني يخرب بسرررعه
والله مدري لاتخوفوني انا زوجي جنوبي شرقي