زوجي بينحاش مني السبب شعري

[ROSES BLOOM]

بنااااااااااات لحقووووووووووووووووووووووووني
مادري شسوي بعمري ، كل يوم قاعده ابجي
و على قد ما أقدر قاعده احاول اغطي شعري
بنات انا قبل لا اتزوج كان شعري ناعم و فيه ردات
و كنت متعودة اني بعد ما آخذ شاور استشوره
بعد ما ملج عليي ريلي قررت اني اسويه يوكو ( ماي الذهب )
علشان ما عندي وقت و مليت من السشوار كل يوم
بعد ما سويته صار حريييير و كل 6 شهور كنت اروح لهم
يسوون لي الجذور و ما في مشكله او اي شي
لحد ما رحت لهم آخر مرة قبل شهر و قالولي انهم وقفوه
لانه قوي عالشعر و يابو شي ثاني اسمه ( هوني ليس )
و سويته لانه ما كان جدامي اي شي ثاني
و من اللي سويته لي اليوم و شعري قاعد يحت بشكل مو طبييييييييييعي !!!!
والله العظيم انه ولدي مره مسك خصله من شعري و طلعت بإيده
مت من البجي صرت مينونه
مو هني المشكله
المشكله انه شعري قاعد يحت من جدام بس @@
صارت لي حفر بشعر
شايفين الريال الاصلع و يطول شعره شيصير
انا قاعده اصير جذي
من ورا شعري طويل و من جدام ماكو شي
بنات كل يوم قاعد يخف يخف حيل
مابي اقول حق ريلي بصراحه وايد مستحية من شكلي اللي يفشل
على قد ما اقدر قاعده احط باندات و احاول اغطي الحفر
بس كلش مو قاعده الحق , أنام و اقول القى المخده كلهااااااا شعر
البيت من اوله لي آخره شعري
اليوم رحت الصالون و قلت لها قصي شعري بطريقه تغطين فيها الحفر
اخترعت و قالت لي ليش جذي انتي المشكله بجذر الشعر حيييل ضعيف
الشعره على عدالها قاعده تطيح
قلت لها انا توني مسوية جذور شعري هوني ليس
قالت يمكن شعرج متعود على شي واحد و لمن غيرتيه تعب
بنااااااااااااااااات شسوي ؟ لحقوني ؟؟؟؟
نفسيتي حيل تعبانه وين اروح ؟ شنو اشتري ؟
في دكتور زين اروح له ؟
في علاج معين اقدر آخذه ؟
شتنصحوني ؟
بليز لا تلعبون فيني ابي شي مضمون
ساااااااااااااعدوووووووووووووووووووني

 

[أم أياد]

حبيبتي الله يعينك ويشفيك مالك الا تروحين لأخصائية وقولي لها وهي تعرف العلاج المناسب لك ​

 

[ROSES BLOOM]

ام أياد = الله يجزيك الخير

 

[غيمة فوشية]

لازم تروحين لأستشارية الله يشفيك

 

[روحي واو]

حبيبتي ماينفع تسألين هنآآآ

لو ان شعرك يتساقط .. لو متقصف .. لو انه خفيف اوكي راح نحأول نسسسسساعدك

لكن انتي شعرك مشكله كبيره وماينفع تأخذي راي احد روحي لطبيب جـلد وهو راح يعطيط علاج من غير ماتتعبين حالك

الله يعطيك العافيه

 

[الزنبقه السوداء]

لاتسكتين على نفسك روحي لطبيبة جلديه مختصه تعطيكي ابر ومغذيات للشعر
الله يعافيك ان شاء الله

 

[القنوت]

ياقلبي قولي لزوجك اواخوك اواي احد قولي بروح لطبيبه جلديه عندي شغله بجلدي اوحساسيه اواي شي وروحي وتكلمي معاها نا سمعت عن امبولات للشعر تغ\يه وتشيل التساقط طبعا بوصفه طبيبه الحقي على شعرك وبا\ن الله راح تعطيك شي ينق\ الوضع

 

[ميمي:]

حبيبتي روحي لطبيبة جلديه وهي راح تعطيك الي يفيد

بس شوفي اختي اخوي كذا شعره بس لحق على عمره وراح لطبيب وكتب له انبولة بلاسنتكس وفي يقول مررررررررررررره خطيره توقف التساقط وطلع الشعر 10 انبولات بــ180

 

[فرقتنا الخيانة]

لا حول ولا قوة الا بالله

اول شي البلاء يكون سببه ذنب والله اعلم
غيري تعاملك اولا ثم ابدأي بالعلاج عند طبيبة الجلدية

افضل نصيحة حاليا اصلحي دينك وادعي ربك في الرخاء يكون معك في الشدة
تصدقي بنية الشفاء

ثانيا اذا امكنك الحصول على ماء زمزم اصلي اغسلي شعرك به لاني سمعت والله اعلم انه يمنع الصلع
وبرضو قصي شعرك قصير وبطريقة ذكية ليخفي الفراغ

استعملي زيت الزيتون من السوبرماركت نوعية جيدة ويفضل اضافة ثوم طازج وباستطاعتك تركه عشان الريحة

قومي بتسخين الزيت وجعله دافي وضعيه على شعرك ودلكي واتركيه فترة طويله حسب استطاعتك ثم اغسليه برفق كي لا تشدي الشعر ويسقط

استمري على ذلك كل يومين زيت زيتون دافي لمدة لا تقل عن اشهر كثير لان الشعر والامراض الجلدية تحتاج فترات علاج طويلة وصبر
فلا تحزني ان لم تري نتائج سريعة

ايضا اقري على علبة زيت الزيتون المعوذات والاذكار وسورة البقرة واية الكرسي وغيرها وسمي بالله وتوكلي عليه فكل شي بيده

واخيرا يجب عليك فورا الذهاب لطبيبة جلدية لها صيتها لتكتب لكي مقويات وفيتامينات للشعر واستعمليها مع علاج الزيت زيتون فهي شجرة مباركة مذكورة بالقران

ايضا امكانك ادخال الحنا الطبيعية من غير اضافات واصباغ (انتبهي فالباعة اغلبهم يخلطونها بمواد كيميائية ويغشون وان وجدتيها ورق فافضل واطحنيها ببيتك)

واصبري واصلحي نفسك وستجدي الخير كله بين يديك صدقيني

وابتعدي ابتعدي عن الطب الشعبي والعطارين لانهم يخلطونها بمواد مضرة



‎ في يومٍ من الأيام قرر جميع أهل القرية أن يصلوا صلاة الاستسقاء تجمعوا جميعهم للصلاة لكن أحدهم كان يحمل معه مظلة! ][ تلك هي الثقة ][

 

[سلمى الجميلة]

الله يعينك يا رب

وأنا كمان أختي شعرها من الأمام خفيف جدا والسبب أنها قبل سنوات راحت للكوافيرة فلما بدت تغسلا شعرها خلت الشمبوان على راسها وراحت تسولف مع صديقتها

وبعدها شعر أختي باقي يطيح ويطيح إلى أن أصبحت شبه صلعاء ويوم عرسها احترنا فيها وش نسوي لكن ربي يسرها

وإلى الحين هي كذا الله يعينك ويعينها

 

[jwairya]

لازم دكتورة متخصصه في فروة الرأس
اوعي تكتفي بمشورة كوافيره
شفاكي الله وعفاكي

 

[كتكوتة 2009]

روحي اخصائيه جلديه احسن لك لاتضيعي فلوسك من غير ناتج

 

[زوجة تـــوتـــو]

انا بصراحه دخلت اشوف المشكله اللي بشعر الاخت بس اللي شد انتباهي رد وحده من الاخوات وهي

فرقتنا الخيانه بصراحه بداية كلامها ضحكني ما ادري احس ردها مو في محله صحيح ان الله يبتلي الناس

بعمالهم بس مو اي وحده تجيها مشكله انه عقاب من الله لا هذي بفعل اسباب وهي ان الاخت حطت على

شعرها ماده وتساقط.. عليك يا اختي بالسدر تراه حلو على الشعر الله يوقف تساقط شعرك عاجلا غير اجل

انا والله اكررررررررررره التساقط ما احب شعره وحده تنزل من شعري بس الله يعين

 

[^أختهم^]

الله يعينك ويحفظ لك شعرك من التساقط
روحي دكتورة جلديه تعطيك ابر للشعر وعلاجات تشوفين بعدها الرضا بإذن الله

 

[لبيهـ يالغلا]

الله يعينك
لازم تروحين دكتوره اخصائيه

 

[ام محمدعبدالله]

موية البصل مره ممتازه لانبات الشعر ابشري البصل بالمبشره جيبي شاش وحطي البصل فيه واعصريه خذي الميه فقط وادهني منابت الشعر يوميا والحناء بعد ممتاز مره كل اسبوع اختي صار لها كذا صلعت واستعملت هذي الطريقه والحين ماشاءالله شعرها كثير وناعم

 

[ROSES BLOOM]

مشكورين حبايب قلبي ما تقصرون
الله يجزاكم كل خير

 

[am yazed]

الله يشفيك يارب
انا فردت مره وطاح شعري من قدام واستعملت انتربيول انبولات وتحسن عليها
لــكن انتي لازم يشوفك دكتور اخاف المشكله غير ويكون لازم لها علاج​

 

[ANGE]

الله يشفيك يارب

 

[موية ورد]

الله يرد لي ولك شعورنا لاحسن حال ............
من مدة وشعري يتساقط وصار نص اول ورحت لدكتورة جلدية وعطتني كورس

علاج لايقل عن3اشهر فيه انبولات وفيتامين وشامبو هذا اهم شي لاتستعملي الشامبو

الا طبي صراحة بديت احس بفرق بسيط لاني في البداية لي 20يوم وناوية باذن الله استمر

على علاجها حتى اشوف نتيجة لاتصبغين واستخدمي زيوت واشياء طبيعية والحناء مع السدر

ممتاز جدا الله يسهل امرك لاتاجلي روحتك للدكتورة :32: