زوجي بيطلقني الاسبوع الياي!! ساعدوني..

[ميوسه]

الله يوفق كل وحده دعت لي بالخير فحياتها.. والله أدعي لكم بظهر الغيب..

اسمحوا لي كنت موجوده وما ارد.. لاني اقرى بسرعه واطلع وارد مره ثانيه واطلع
لاني كنت اقرى بوجود اهلي وكنت اخاف أحد يشووف موضوعي..​

المهم..
لا جديد فالموضوع.. غير انه مر على بنته وانا فاجأته بالاتفاق مع اخوه فالسياره
وقعدت معاه عشان نتناقش.. بس مثل ما تقولون كأنك يا بو زيد ما غزيت
ما خذت منه لا حق ولا باطل.. ما عرفت على شو ناوي.. وطبعا ردوده مختصره جدا​

بس ان شاء الله تكون أثرت فيه.. ​

لا تنسوني من دعواتكم.. قريب بخلص الشهر الثاني من العدة :sadwalk:​

بداية الخير ان شاء الله



موفقه

 

[نواره99]

الله يوفق كل وحده دعت لي بالخير فحياتها.. والله أدعي لكم بظهر الغيب..

اسمحوا لي كنت موجوده وما ارد.. لاني اقرى بسرعه واطلع وارد مره ثانيه واطلع
لاني كنت اقرى بوجود اهلي وكنت اخاف أحد يشووف موضوعي..​

المهم..
لا جديد فالموضوع.. غير انه مر على بنته وانا فاجأته بالاتفاق مع اخوه فالسياره
وقعدت معاه عشان نتناقش.. بس مثل ما تقولون كأنك يا بو زيد ما غزيت
ما خذت منه لا حق ولا باطل.. ما عرفت على شو ناوي.. وطبعا ردوده مختصره جدا​

بس ان شاء الله تكون أثرت فيه.. ​

لا تنسوني من دعواتكم.. قريب بخلص الشهر الثاني من العدة :sadwalk:​

ان شاء الله خير ربي يوفقج ويكتب لج الي فيه الخير:icon26:

 

[غـرابـيــل]

الله يفرج همك اختي رعبوبي اتوقع شاف غلاته بد يتدلع وكبر راسه لين صدق نفسه
مهما كان مايسوى كل اللي سواااه لكن لو رجعك لاتكوني طايحه عليه اثقلي عليه ولاتخلينه محور حياتك:busted_red:

شاف انه كل شي فتل عضلاته عليك بالزعل وتكبير السالفه اكثر يبي مشاعر يبي اهتمام اكثر قهر هالاشكال تستنزف ناس تحبهم من قلب

الله يكون بعووونك ويفرج همك

 

[رعبوبي]

غرابيـــل

صح كلامج.. انا شمالييه وصعب تطلع مني كلمة أحبك بس من تجرأت مره
وقلت له بنقاش حاد كان بينا..قالي شو اللي مصبرج على هالعيشه اذا مب عايبنج!!
قلت له لاني أحبك وما أتخيل نفسي مع غيرك.. أحس من وقتها وهو صار يقصر أكثر عن قبل..

وفوق هذا انا ممكن أتحمل التغلي والتجريح والكلام القوي من صوبه دام اني على ذمته..
لاني مقتنعه بأن كرامتي من كرامته.. حتى لو هالشيء من صوبي فقط..

بس اللي قاهرني فالسالفه.. أهله الظالمين حسبي الله ونعم الوكيل فيهم
طلع كل اللي بخاطرهم الحين.. كانوا حاقدين وكارهين إني مرتاحه
وكانت تعبي راسه والجنوبي معرووف يمشي ورى كلام اهله.. كانت تشوه صورتي جدامه
وانا والله من تزوجته لين آخر يوم كنت فيه معاه ما غلطت عليهم ولا تضاربت معاهم
بس مشكلتها مع أمي وتطلع الحره فيني!!

تخيلوا شو قالت عقب كل اللي صار واللي قالته واللي سوته..
تقول الحين ارتحت لاني خذت بحقي منهم!! تتشمت يعني!! الله وأكبر عليها من قلب!!
ما تخاف ربها!! ما تقول بكره الله يجازيني ببناتي وبعيالي.. ما تقول باجر الله بيفرقنا مثل ما فرقتهم!!

على قولت كل من عرف بسالفتي.. اللي بينا ما يستاهل يوصل للطلاق..
بس هذيل ناس ما بينحرق قلبهم الا لما يصير فيهم اللي صار فيني..

وانا واثقه ان الله ما بيردني خايبه.. ولو ما رجع لي.. بقول خيره..
والله اني مابعته لين الحين بس لاني أخاف أظلم بنتي..
ولا انا مب ضايعه من عقبه.. الحمدلله رب العالمين.. عندي أهل شاريني..والله منعم علينا ولله الحمد..
وأبوي يفكر بشي يضمن لي مستقبلي ومستقبل بنتي اللي أبوها يحسب الواجب والحق بس بالاكل واللبس!!
عمره ما بيفهم الحنان والحب والعزوه والارتباط والاستقرار والامان..

ما أقول الا حسبي الله لا اله الا هو عليه توكلت وهو رب العرش العظيم.​

 

[توومه]

الله ينصرك وياخذ بحقك ويرد لك زوجك

 

[الميهاف]

لا حول ولا قوة الا بالله ادعي الله سبحانه وستغفري كثير

 

[عالمي الاخر]

الله يرد لك زوجك اذا فيه خير لك يارب

 

[طير مهاجر]

عزيزتي

لا تحزني لعل الخير غير ما أردت وغير ما يريدون

الفراق صعب

لكن الأصعب انك تخلي نفسك بدائرة الحزن والقيل والقال!!

لا تسمعي لأحد ولا تسمحي لأحد يذم أبو بنتك لأن كرامته من كرامتكم

وغذا تغير وصار من زوجك لطليقك

لكنه ببقى أبو بنتك

الله يعوضك خير وعليكي بالصلاة والدعاء

 

[حكايات مبعثره]

الله يرجعكم لبعض ان شاء الله .... ولازم تغيرين معاملتج معاه وتحسسينه بحبج له وانج ما تقدرين تعيشين بدونه والله يهديه ويرجع عن قراره

 

[درر3]

أختي زوجها جنوبي غربي وأنا جنوبية غربية ماحب الي يتنازل كثير ويهين حاله أحب الإنسان الجازم المره الجاية خليكي عاديه جدا ولاتترجين ولا تحاولين تصلحين الأمور وخوذي بنتك معك لأنه حساس من هالناحية وقولي للشيخ مادام يبي يطلق براحته أنا ترجيته عشان بنتنا لأنها هي الي راح تكون الضحية لأن أسلوب الترجي ماينفع وأنا أتوقع انه أول ماكان يبي يطلق بس يوم ترجيتيه حس بالتظلم وأصر على الطلاق تحياااااااااااااااااااااااااتي.

 

[الدنيا صبر]

للرفع

 

[رعبوبي]

حسبي الله لا اله الا هو عليه توكلت وهو رب العرش العظيم

بناات ادعوا لي.. انا فالشهر الاخير وباقي لي أقل من 20 يوم من العدة :sad_1:
الجديد.. اتصل الاستشاري فيه.. وكلمني الاستشاري وقال..
انه ما عرف شو قرر!! يقول كل اللي قاله باقي وقت ويصير خير..

يعني أبى أفهم.. السالفه تعذيب لاخر لحظه :icon28:

الله يهديه ويصلحه ويرده لي نادم راغب محب وأرد لبيتي معززه مكرمه يارب يا جبار
وحسبي الله ونعم الوكيل عالظالم​

 

[وينك ؟؟؟]

قسم بالله إنتي إسترخصتي عمرج وايد وايد وايد

كيف هانت عليج نفسج إتذلينها لهالدرجة

وبعدين بسج سوالف ويا أخوه واإستشاري ترا مبين الكل قاعد يلعب عليج

 

[امل الصالح]

حسبي الله لا اله الا هو عليه توكلت وهو رب العرش العظيم​

بناات ادعوا لي.. انا فالشهر الاخير وباقي لي أقل من 20 يوم من العدة :sad_1:
الجديد.. اتصل الاستشاري فيه.. وكلمني الاستشاري وقال..
انه ما عرف شو قرر!! يقول كل اللي قاله باقي وقت ويصير خير..​

يعني أبى أفهم.. السالفه تعذيب لاخر لحظه :icon28:​

الله يهديه ويصلحه ويرده لي نادم راغب محب وأرد لبيتي معززه مكرمه يارب يا جبار

وحسبي الله ونعم الوكيل عالظالم​

هو بيرجعك ان شاء الله بس يبيها لاخر لحظة على باله تأديب !!!!! :schmoll:

الله يعينك ويلهمك الصواب والله حياتك يبي لها اعادة تأهيل من اول وجديد

ياليتك تشوفين لك استشارة عند الاستاذة ناعمة .<< ياليت تستقبل استشارات زي زمان

مع تحفظي على تصرفك يوم تركبين معه السيارة .

 

[سهم الفلا]

الله يعينك

 

[وسن العلي]

حبيبتي الله يطمن قلبك ولا يفرق بينكم ويجمع شملكم
من خبرتي المتواضعه بزيد شوي على نصايح خواتي اللي قبلي جم نصيحه بعد نصايحهن والدعاء والبقره والاستغفار اتمنى انك تحاولين تسوين الاتي
اول شي تصلين صلاة الاستخاره وتستخيرين ربك في ذهابك لزوجك شخصيا لمناقشة امركم قبل جلسة الانفصال او عدم الذهاب .
بعد الصلاه واذا هداك الله الى الذهاب تروحين له بكل ثقه بالنفس وقوه ومن غير انكسار وإذلال وتحاولين تسالينه عن كل شي مضايقه منج بالتفصيل وبهدوء وبعد ما يجاوب عليج ما تحاولين تدافعين عن نفسج وتقولين انا مو قصدي وانت فاهم غلط لا حبييبتي تقولين له انت معاك حق وفعلا انا غلطانه وممكن اني اتعلم واصلح غلطي وهالغلط ما يستاهل ان بنتنا تنحرم من وجودنا حواليها طول العمر اهم شي نكون مع بعض وراح نصلح كل شي والزوجه تتعلم اغلب علمها بالحياة من زوجها الصالح والله يخليك لي واتعلم منك طبعا هذا كله حبيبتي بعد ما تشيلين فكرة الدجال من راسه وتقولين له لو كان هذا صحيح ما شفت المشاكل اللي احنا فيها كان مشى كل شي على اللي ابيه والله يهديه لج ويصلح بينكم

 

[القلب المهجور]

قريت قصتك كلها

بصراحه انا رايي خلاص ماتكلمينه ولا ترسلين له مسجاااات ولا تكلمين حتى أخوه
وإذا رجعك لا تتنازلين عن شروطك .. ..

إذا هو زعل عشااان انتي تقولين له طلقني طلقني.. .. فهو وأهله قالوا كلام أكبر قالوا أنك ساحره انتي واهلك ونشر أسراركم ..

اذا هو رجال وبيده العصمه والمفروض يكون اعقل واحكم في اتخاذ القرارات وماصبر انتقم شر انتقام تعتقدين بعد ماترجعين له بتكونين مطمنه ان كلامكم واسراركم ماراح تطلع؟؟؟

أنا برايي أنك تبينين له أنك ماعاد مهتمه به .. .. يمكن إذا حس أنه بيفقدك يتعدل ويغير أسلوبه

أعذريني على كلامي بس والله زعلت عليك .. .. يعني صراحه زودها وهذا مو أسلوب تفاهم
اعتقد والله أعلم أحد وراه .. .. كل ماخفت همته زودها .. .. يعني يشحن البطاريه باستمرار
حسبي الله على من يسعى بالفساااد .. ..

حبيت اقول لك قبل انهي كلمتي .. أن الطلاق مو نهاية العالم والواحد مايدري وين الخيره فيه وعسى أن تكرهوا شيء وهو خير لكم .. .. والطلاق ماشرع الا إذا استحالة الحياة بين الطرفين

ماأقول غير الله يختااااار لك الأصلح .. ..

 

[قمة التحدي]

مب عارفة ألومج ولا أعذرج
إنتي غلطانه أكيد 1000000%
لكن خلاص مايفيد العتب
- أولا أنصحج بالإستغفارماتوقفي أبدا إستغفري دايم و اللجوء لله بالدعاء و الإقرار بالخطأ أمام الله
- إنتظري جم يوم و إكتبي له مسج طيب إعتذار
- حاولي تشوفين شخص قريب منه يتوسط بالموضوع
حاولي
حاولي
هاذا زوجج و هاذي حياتج
لا تخسريها

و اخيرا أقول
مشكلة هالأخت نموذج على فكر أكثر الحريم
و انا كنت مثلكم بيوم من الأيام
الزوج هبه من الله
كل هاذا ونقول طاروا وش الحل تركني وراح لغيري ؟؟؟

أرجوا من الجميع الدعاء لها بقلب صادق​

 

[نسمـــه*]

الله يكتب لك الخير وين ما كان
الحمد لله أن مشكلتك هذه ارجعتك لربك فأعظم من أن تفقدي بيتك وزوجك أن تفقدي
بيتك ومنزلتك في الجنة ..
واصلي ما أنتي عليه من صلاة وصدقه وقراءة وصوم زادك الله من فضله وفرج همك
واقرئي كتاب لاتحزن د. عائض القرني رااائع
اذا لم يكن عندك حمليه من النت

 

[dream.live]

أسأل الله ان يرده اليك عاجلا لا اجلا​