زوجي بيطلقني الاسبوع الياي!! ساعدوني..

[تماني المتفاني]

يارب ياكريم يارحيم انك تهدي سرهم وتلم شملهم وتبدل مافي قلوبهم الى محبه لاتنقطع والى رحمه بموده يالله ولا الومك نضرا لضروف والضغوط التي كنتي بها والمراءه والله اقوى من الرجل لانها تمر بضغوطات نفسيه نضرا للحيض والولاده والنفاس وتتحمل ولكن الرجل لايتحمل حتى تربيه اطفاله يتحمل العمل للصرف عليهم لا لتربيتهم واتمنى ان تكوني اقوى من زوجك ايا كانت النتيجه واتمنى الا تضهري ضعفك ولا قوتك لزوج اجعلي من نفسك شخصيه مبهمه يحاول اكتشافك وغيري من نفسك تغير ملحوض اذا كنتي تهتمين بسواله اين يذهب ومتى سيرجع اهملي ذلك مثلا وغيري الامور كله واذا رجعتي انشاء الله تحملي وحاولي انك تتواصلي مع اهله والتعرف على الجيران لكي تنشغلي ولذهاب الضغوطات والله اتمنى اني افدتك تقبلي مروري

 

[نواره99]

حبيبتي انتي نفسي انا شماليه وزوجي جنوبي
لازم اختي تنسين العصبيه وتمسحينها من قامووسج نهااائيااا وحاولي تعطين فرصه لنفسج عشان تتغيرين لو تبين تستمرين مع الجنوبي لانه الجنوبي مايحب المشاااكل والنكد والصرااااخ والنقد صدقيني انا كنت نفسج كل يوم مشاكل بس استفدت من هالمنتدى وايد وغيرت نفسي بالاول وشفت تغيير من صوب زوجي
دلعيه امدحيه ترى الجنوبي مافي مثله يحب الهدوووء ومايحب المشاكل والعصبيه خلج هاديه ورقيقه ودلوووعه يموت في الدلع انتي احسن شي انج اعترفتي بالغلط صدقيني هاي اول خطوه للتغيير
غيري نفسج عشان نفسج حبي نفسج عشان ريلج يحبج وبسكم مشااكل فكري في نفسج وعيالج لين متى راح تستمرين الجنوبي يحتاج للحب والحنان عامليه مثل البيبي كوني له ام لاتصيرين قاسيه عليه لانه حساس ترى والله قلبه طيب اكسبيه بمعاملتج الزينه واسلوووبج
الجنوبي ساكت ساكت ويسكت عن الغلط بس اذا انفجر تلقينه انساااان ثاااني غير عن الي تعرفينه ومايعرف ايش يقووول وماينسى يعني وااايد يشيل في قلبه ومايبين الين ماينفجر وماينسى اذا خذ عنج فكره
نصيييييييييييييييييحه الحين مدام انج غلطانه خلاص غيري اسلوبج وخلج رقيقه وهاديه ونعومه اكثر وانسي العصبيه وانتي بادري اتصلي واعتذري مافيهااا شي لانج انتي الغلطانه ومستحيل هو يتصل عليج لان كرامته ماتسمح له واقري موااضيع الجنوبي وكيفيه التعامل ودشي قسم دلع وغنج وموفقه ان شاء الله

 

[ام شهار]

قومي وصلي في الليل وادعي رب العالمين انها تفرج عليكي وادعي من القلب والحي في الدعاء
فيه وحده قريبه على قلبي صارت لها مشاكل اكبر من هاذي المشكلة لاكن بالدعاء الله يسرلها امورها
فالدعاء الدعاء الدعاء

 

[نواره99]

وشي ثانني حبي اهل ريلج مثل اهلج لان الجنوبي يموت في اهله اول شي امه وابوه واخواته بعدين مرته وهاي الريال الي يعجبني فقربي نفسج انتي بادري عشان تكسبين حبه

 

[الفلوه]

الله يساعدك أختي ويكون بعونك

ماراح أزيد عن خواتي الي وصوك بالدعاء والاستغفار 1000 مره كل يوم وربي بيفرجهالك أن شالله

وأحسني الظن بالله وأن شالله ترجع الامور لمجاريها

سأل الله العظيم أن يهدي زوجك ويسامحك وتعيشون بسعاده دائمه ياااااااااااارب

أنا منفصله ومتألمه كثير من حالتي هذا وأنا ما أحب طليقي
عاد كيف أنتي الله لايفرقكم و يجمع شملكم يااااااااااااااارب

 

[عصيد]

يابعد عمري
يارب والليلة ليلة جمعة أعد زوجها لرشده روسخره لها .اللهم اهدي سره وطمئن باله
ياأرحم الراحمين كن معها ولاتكن عليها وانصر لها ولا تنصر عليها
اللهم من أراد بها وبزوجها سوءا فاشغله في نفسه ورد كيده في نحره​

 

[الكناري]

اختي الكريمه اسأل الله ان يكتب لكمافيه الخيروالصالح
ودائما رددي هذا الدعاء اللهم اخلفني بمصيبتي خيرا
اللهم ارزقني ما انت اهله ولاترزقني ما انا اهله

 

[دمعة غضب]

يارب يرجعلك

 

[اشرقي يا شمس]

حبيبتي انتي نفسي انا شماليه وزوجي جنوبي
لازم اختي تنسين العصبيه وتمسحينها من قامووسج نهااائيااا وحاولي تعطين فرصه لنفسج عشان تتغيرين لو تبين تستمرين مع الجنوبي لانه الجنوبي مايحب المشاااكل والنكد والصرااااخ والنقد صدقيني انا كنت نفسج كل يوم مشاكل بس استفدت من هالمنتدى وايد وغيرت نفسي بالاول وشفت تغيير من صوب زوجي
دلعيه امدحيه ترى الجنوبي مافي مثله يحب الهدوووء ومايحب المشاكل والعصبيه خلج هاديه ورقيقه ودلوووعه يموت في الدلع انتي احسن شي انج اعترفتي بالغلط صدقيني هاي اول خطوه للتغيير
غيري نفسج عشان نفسج حبي نفسج عشان ريلج يحبج وبسكم مشااكل فكري في نفسج وعيالج لين متى راح تستمرين الجنوبي يحتاج للحب والحنان عامليه مثل البيبي كوني له ام لاتصيرين قاسيه عليه لانه حساس ترى والله قلبه طيب اكسبيه بمعاملتج الزينه واسلوووبج
الجنوبي ساكت ساكت ويسكت عن الغلط بس اذا انفجر تلقينه انساااان ثاااني غير عن الي تعرفينه ومايعرف ايش يقووول وماينسى يعني وااايد يشيل في قلبه ومايبين الين ماينفجر وماينسى اذا خذ عنج فكره
نصيييييييييييييييييحه الحين مدام انج غلطانه خلاص غيري اسلوبج وخلج رقيقه وهاديه ونعومه اكثر وانسي العصبيه وانتي بادري اتصلي واعتذري مافيهااا شي لانج انتي الغلطانه ومستحيل هو يتصل عليج لان كرامته ماتسمح له واقري موااضيع الجنوبي وكيفيه التعامل ودشي قسم دلع وغنج وموفقه ان شاء الله

كلامك مضبوط 100% عن الجنوبي،،

اقولك على طريقة صومي ثلاثة ايام متواصلة و قومي الليل ( ساعة قبل الفجر) و ادعي والحي في الدعاء والاستغفار و ادعي من بعد صلاة الفجر ايضا و على طول اليوم اللي انتي صايمة فيه لاتنسين الذكر والدعاء لان دعاء الصائم لايرد، اسألي الله ان يكشف همك و يرد لك زوجك .. باذن الله دعائك راح يستجاب.. انا مجربة هاذي الطريقة و علمتها صديقاتي وقريباتي والله نفعت معاهم وانحلت مشالكلهم.. بس انتي زيدي عليها خليكي صايمة الاسبوع كله والحي في الدعاء ترى دعوة الصائم مستجابة باذن الله.. اتكلي على الله ولاتذلين نفسك..
اسأل الله العظيم يفرج همك ويثلج صدرك و يرد لك زوجك ردا جميلا...

 

[لن اضحي]

اخية :خلاص لاتذلين نفسك زيادة علشان ماترخصين اكثر واعلمي ان ما كان من نصيبك لابد ان يصيبك واصيك بالدعــــــــــــــــــــــــــــــــــــــــاء:sadwalk:

 

[رعبوبي]

الحمدلله قاعده اتقرب من ربي.. والمشكله بتيني الدوره هاليومين فما أقدر اصووم..
فمالي غير الصلاة والدعاء والاستغفار والصدقه الله يتقبل مني..
وانتوا لا تنسوني من دعواتكم لي..

وانا ان شاء الله أرجع له واحاول أعوضه عن كل اللي سويته..
خاصه اهله.. أكيييد بحاول اتقرب منهم.. الله يعلم اشكثر حابه اتغير واعوضه..

واللي تقولي لا تذلين نفسك.. انا ما احس اني ذليت نفسي يعني هو نادرما يشوفني ندمانه واتأسف..
حتى الاستشاري قالي عقب ما طلع ريلي من عندي انه قاله احسها متغييره وتتغير
بس قلبي مجروح من صوبها :tears:

فأدعو الله يحنن قلبه علي.. ويراجع نفسه ويتذكر الايام الحلوه بينا..
ويجمعنا قريبا ببعض ان شاء الله..
والله لو اخوه ما يوصلي اخباره كل يومين تقريبا كنت فحاله الله يعلم بها..

ونحن كلمنا واحد من ربعه هو يعزه وتكلم معاه بس على ايام كان معصب وتعبان
وحاولنا نكلمه البارحه عشان يرد يكلمه بعد ما هدا.. للاسف الريال طلع مسافر

الفلوه.. الله يعوضج خير ان شاء الله.. ويوفق كل من ترد علي يارب​

 

[يارحيم ارزقني]

حبيبتي اكثري من الاستغفار...

 

[ملكة ببلقيس]

راح يرجع لك باذن الله
انا متفائلة جدا
لكن عليك بالدعاء والاستغفار كثير
انا حاسة فيه
من كثر الضغط اللي جاء من صوبك
خلاص انفجر ولا عاد يتحمل
هو صبر على المشاكل والعصبية اللي فيك
وتوقعي كبير انو ما كان يواجهك في اي مشكلة تحدث بينكم وما كان يصارحك باخطائك الى ما انفجر من المشاكل
وكان قراره الطلاق لانه جنوبي وكذا كان حله للمشكلة
يبي يتخلص منها باسرع وقت
ويرجع لهدوءه وحياته
لكنه خليه يرجع لصوابه بتلقينه يتحسف على قد شعر راسه
على القرار اللي اخذه لانه مو بمصلحته
بعكسك انتي الشمالية ياما تهددين بالطلاق
لكن لو جاء وقت الجد انهرت وسويتي المستحيل ع شان ترجعين
بالتوفيق

 

[امل الصالح]

الدورة الشهرية ماتقطع عن العبادات

عليك بالصدقة وسوي بحث في قوقل شوفي كيف فوائد الصدقة في دفع البلاء وجلب الرزق

الصدقة اليوميييييييية

والاستغفار الاف المرات

والدعاء

وقيام الليل

واذا طهرتي صومي و تتبعي اوقات اجابة الدعاء

احساس قوي يقول لي انه راجع لك في القريب العاجل بحول الله وقوته :bigsmile:

 

[مشتاقه لريلي]

حبيبتي رعبوبي إنتي موتقولين ريلج جنوبي يعني أكيد عنده رفيج ثاني يعزه ويقدر يأثر عليه كلام ريلج عن إنج تغيرتي عطاني إحساس إنه في أمل والمشكله بإذن الله بتنحل لصالحج بس أهم شي يتأخر قراره بالطلاق بمساعدة الاستشاري ترى موبهين صبرأربع سنين وتعبه بسبب احساسه بفشله معاج بس بإذن الله المسأله بتنحل ويرجع لحضنج ياااااااارب بس ها مو تنسين مهم تلقين صاحب يأثر عليه

 

[روووووعة]

شوفي حبيبتي لازم تتحكمي في اعصابك وتهدي وتكوني رااايقة هذا اول شي واذا حسيتي انك هديتي حاولي تكلميه واذا قدرتي تتواصلي معاه قوليله شوف يا ابن الناس انت اول واحد بحياتي و انا احبك واتمنى اننا نستمر مع بعض وهذي مشاعري تجاهك وانا احترمها وماراح انكرها ولا اتخيل في يوم اني ممكن اعيش مع واحد غيرك ....و لازم ما نكون انانيين لانه في طفلة بينا مالها ذنب في مشاكلنا يمكن انا جرحتك من غير قصد بس يعلم الله انك غالي علي كثير وانت حب حياتي وانت بعد جرحتني واكيد لك دور في الحال اللي وصلناله فأنا اقول انك تهدى شوي وتصلي ركعتين واذا انت شاك في سحر او غيره روح واستشير كذا شيخ مو شيخ واحد علشان تتأكد بنفسك وترتاح وبعدين نرجع لبعض على اساس نبدأمع بعض صفحة جديدة لمستقبل مريح للطرفين وانا بحاول اني اسعدك واريحك احبك واحترمك واطيعك وفي المقابل ابيك زوج متفهم وحنون ومحب ولازم نتفق اننا نكون صريحين مع بعض اذا زعلت مني تصارحني فورا وباسلوب هادي وابشر باللي يرضيك وانا بعد بكون صريحة معك وبالنسبة لاهلك والله مابيني وبينهم شي بس يمكن قصرت شوي من غير قصد بس ابشر بحاول اتواصل معهم اكثر علشان خاطرك وعلشان انا انسانة متربية واحب اتعامل بالاصول واكيد اني باعز اهلك مو هم اللي جابوا لي اغلى الناس من بعد الله طبعا فاكيد اني باحبهم واحترمهم ..... واذا ما قدرتي تكلميه ارسليله مسج او ايميل المهم تفهميه موقفك والله يهدي سركم يارب وخليكي دايما هادية وارمي حمولك على الله لانه العصبية والزعل مافي منهم فايدة وان شاء الله تبشرينا برجعتكم لبعض عاجلا غير اجل يارب ...... :c016:

 

[اشرقي يا شمس]

راح يرجع لك باذن الله
انا متفائلة جدا
لكن عليك بالدعاء والاستغفار كثير
انا حاسة فيه
من كثر الضغط اللي جاء من صوبك
خلاص انفجر ولا عاد يتحمل
هو صبر على المشاكل والعصبية اللي فيك
وتوقعي كبير انو ما كان يواجهك في اي مشكلة تحدث بينكم وما كان يصارحك باخطائك الى ما انفجر من المشاكل
وكان قراره الطلاق لانه جنوبي وكذا كان حله للمشكلة
يبي يتخلص منها باسرع وقت
ويرجع لهدوءه وحياته
لكنه خليه يرجع لصوابه بتلقينه يتحسف على قد شعر راسه
على القرار اللي اخذه لانه مو بمصلحته
بعكسك انتي الشمالية ياما تهددين بالطلاق
لكن لو جاء وقت الجد انهرت وسويتي المستحيل ع شان ترجعين
بالتوفيق

ملكة بلقيس انتي جنوبية؟؟ لو جنوبية عرفينا اكثر عن الجنوبي..

 

[اتحدى العالم]

الله يلم شملكم ولا يفرقكم

 

[نواره99]

معليه اختي عطيه فرصه شوي يفكر واكثري من الدعاء والاستغفار والصدقه
وحاولي اطرشين له مسج اعتذار وشوق بادري اختي عشان مايضيع من ايديج لانج انتي الغلطانه
واذا ان شاء الله رجعتو مثل ماقلت لج انسي العصبيه وخلج انسانه ثاااانيه عشان ماتتكرر السالفه مره ثانيه والله يوفقج

 

[رعبوبي]

راح يرجع لك باذن الله
انا متفائلة جدا
لكن عليك بالدعاء والاستغفار كثير
انا حاسة فيه
من كثر الضغط اللي جاء من صوبك
خلاص انفجر ولا عاد يتحمل
هو صبر على المشاكل والعصبية اللي فيك
وتوقعي كبير انو ما كان يواجهك في اي مشكلة تحدث بينكم وما كان يصارحك باخطائك الى ما انفجر من المشاكل
وكان قراره الطلاق لانه جنوبي وكذا كان حله للمشكلة
يبي يتخلص منها باسرع وقت
ويرجع لهدوءه وحياته
لكنه خليه يرجع لصوابه بتلقينه يتحسف على قد شعر راسه
على القرار اللي اخذه لانه مو بمصلحته
بعكسك انتي الشمالية ياما تهددين بالطلاق
لكن لو جاء وقت الجد انهرت وسويتي المستحيل ع شان ترجعين
بالتوفيق

الله يسمع منج.. وصح مثل ما قلتي بالضبط.. ما كان يواجهني..
أصلا هذي كانت أكبر مشاكلنا انه ما نتناقش فالمشاكل ولا نحلها..
فتتراكم والنفوس تصير شايله وعلى اي دقه أنفجر..
انزين يعني رايج شو أسوي؟ يمكن لا سمح الله ما رجع لصوابه الا عقب ما يطلق؟
​