زوجي بيسافر لكن اخاف عليه

[محرومه من زوجي]

الله يهديه ؤيحفظه يااااااااارب

 

[اليقين 70]

حبيبتي .... من رأي لا تكبين له رسالة

توكلي على الله .... وخلي رسالتك الى رب العالمين

اللهم احفظ زوجي في سفره وابعد عنه طريق الحرام وعمل الحرام وأصدقاء السوء ... واجعل بينه وبين نساء السوء سدا يارحمن ... بقدرتك يا أرحم الراحمين .... كرري هذا الدعاء( مجرب ) ......... وان شاء الله ريلك بيكره الحرام ​

 

[ريانيه قطر]

يمكن صادق لان لجديد لل كتبتي كلمة طلع بلاوي مثل كلمة شا يطلع شات البنات شات المتزوجات والله اني مرة تخرعت احسب زوجي داش مواقع اباحية الاطلع قوقل هو اللي يطلع اكتبي ج على طووووول يطلع جنس ع لاتتسرعين والله يهديه ويهدج

 

[اود ان اكون]

اليقين الله يسعدك ويوفقك ويسدد خطاك
والله يرضى عليك يارب بالعكس انا اخالفك في الراي ودي اكتب في الرساله الله يحفظك ويرجعك لنا سالم وانتبه لنفسك وحافظ على صلاتك واكتب طهرتك من طهرت بناتك""زي كذا تكون رساله بشكل غير مباشر

 

[اود ان اكون]

يارب ياودود ياذا العرش المجيد انك ترد زوج المحرومه من زوجه __
ريانة قطر اكيد لابد نحس الظن بس وش ذا الصدفه يطلع بنات نيودلهي

 

[حور الكويت]

مرحبا اختي
شوفي حياتي احنا نكذب احيانا اذا قلنا نخاف عليهم اي ازواجنا . صح احنا نحبهم بس نخاف منهم وحطي تحت هالكلمة مية خط. نخاف تجي وحدة وتلطشه منا ويصير خيرنا لغيرنا.الشي الثاني لا انا ولا انتي ولا الخوات اللي بالمنتدى تقدر تمنع زوجها لا يطالع او يسلك سلوك خاطئ. ومستحيل اصدق ان وحدة تقول انا امنع زوجي لا يسافر او امنعه لا يكلم بنات او زوجي يقولي خلاص ما عاد يكلم احد. كل وحدة تحب تلمع حياتها مع زوجها وتحاول تنصح باشياء يمكن تزلزل حياة اسره بدال ما تعدلها . شوفي اختي دائما الزوج ما يحب زوجته تنصحه لاحساسه انه افهم منها ويعرف مصلحته . خليه يروح ويحس انه مرتاح . لا تعكرين صفوه اذا انتي فعلا تخافين عليه . ولا تجيبين لها طاري بنات. قلت عليه ما يطالع الا بالهند . لو يبي كان راح دول عربيه بناتهم اجمل بكثير من الهند.( الا اذا بيروح كشمير) وهذي منطقة ما يقدر يجيها . خليها يروح وانتي داعيه له وانتي تضحكين وكأن شي مو هامج.انتي ما تقدرين تحجرين عليه لا يسافر ولا تقدرين تحجزين حريته . لا تطفشين زوجج يدور غيرج اسألي مجربه. اهم شي قوليله حبيبي فديت روحك لا تنسى هديتي.
وبالتوفيق

 

[انوثة بلا حدود]

عزيزتي اود ان اكون اكتبي له

زوجي الحبيب استودعك الله حافظ الودائع يحميك ويحفظك ويردك لنا سالم غانم ان شاء الله

واسال الله لك السلامه وان تقضي اجازتك بهدوء وسعاده وهذا ما اتمناه لك من كل قلبي
قلبي اللي بتاخذه معااك لانه متعلق فيك حييييل وما يقدر يعيش بدونك

فاوصيك يا قلبي في نفسك وفي قلبي خير ولا تزعجه ولا تكدره ابد لانه يحس بكل شيء تسويه
واوصيك بنفسك خير لا تقطع الصلاة 0وابعد عن الحرام واللذات والشهوات الحراام الله يبعدك عنهاا ان شاء الله

واتهنى وانبسط بجمال المكان اللي بتروحه وريح بالك من الازعاج واختار لك مكان هادىء ومريح
ولا تاكل اشياء مكشوفه او ما تعرفهاا اخاف عليك ياروحي من التسمم

وتذكر ورااك نااس يموتون عليك وبيحفظونك في بيتك وعرضك وعيالك ومالك حتى ترجع وهم ينتظرونك على احر من الجمر

انتبه لنفسك من بنات الحراام وعيال الحرام ومن الامراض الخبيثة والمعدية والمستعصية

واسال الله العظيم رب العرش العظيم ان يردك لي ولاولادك واهلك سالم معافى من كل شر وان يحميك من كل بلاء برحمته انه ارحم الراحمين

حبيبي ياويلك مني لمن ترجع باكلك اكل اذا حسيت انك طاهر ونظيف

حبيبتك

 

[اود ان اكون]

انوثه بلا حدود
مشكوره مشكوره مشكوره مشكوره ياقلبي الله يرزقك ويوفقك ويسعدك وينولك اللي في بالك
وينور دربك ويجعل جنه الفردوس مثواك
ويطول عمرك بصراحه ردك جدا جميل ورائع الله يحفطك لعين ترجيك

 

[hot pepper]

رد الاخت اللي قبلي حلو بس فيه اشياء كانها مكرره
انمتي عاد نقي منها اشياء واكتبي " احفظ الله يحفظك "
ترى هالكلمه قد قلتها لزوجي وحسيتها قعدت بخاطره

 

[ام رموسة]

الللة بعينك

 

[اود ان اكون]

بنك مشكوره حبيبتي والله انك صادقه احفظ الله يحفظك
ام رموسه شكرا على مرورك

 

[اود ان اكون]

أين مشاركتكم ‏

 

[كلكوليت]

يا بنت الحلال لاتكتبين رساله ولا شي لا ياخذها عناد ولا يكون مو براسه شي وانتي تذكرينه انتي بس حطي مصحف صغيرفي شنطته وصورتك وصور عياله واستودعيه الله وطول ماهو مسافر ادعي دايما(اللهم باعد بين زوجي وبين اصحاب السوء وبنات الحرام كما باعدت بين المشرق والمغرب فهم لا يعجزونك)

 

[ريانيه قطر]

يارب ياودود ياذا العرش المجيد انك ترد زوج المحرومه من زوجه __
ريانة قطر اكيد لابد نحس الظن بس وش ذا الصدفه يطلع بنات نيودلهي

زين الشيطان موجود اقولج كتبي ح يطلع مملكة الحب الحب العذري والله والله اني مرة انصدمت طالع لي كله عن الزواج والحب اخر شي طلع قوقوووووووقل على كيفة :icon28:وكان زوجي مسافر استغربت وتصوري شلون تكون الصدف مسافر والنت عندي زواج وحب وخرابيط بس انا تعوذت من الشيطان وشوي شوي تاكدت انه من شغل النت لحاله بس يطلع هذا قي قوووووقل:icon28:

 

[(أريج الورد)]

الله يحفظلك زوجك استودعيه الله

 

[وايت شوكليت]

السلام عليكم
كيفكم يابلقيسيات
انا ابي فزعتكم
زوجي بيسافر للهند بعد بكره وبصراحه انا كنت فاتحه اللابتوب بفتح موقع بلقيس واكتب في محرك البحث قوقل ب الايطلع لي بنأت الهند _بارات الهند ___الخ بصراحه شي ماقدر اكتبه المهم صراحة قال مهوب انا يمكن صديقي المهم عصب وطلع بس انا دايما اشوف عنده صور وسكس واشياء توجع القلب لاتقولون لاتتجسسين والله بصدفه افتح جواله ويكون ناسي يمسحه صور صور الله يهديه
المهم والزبده اهو طالع لهند بعد يومين

اختي الحبيبة
استودعي الله زوجك فالله إذا استودع شيئا حفظه

وقولي اللهم إني استودعك زوجي وجوارحه فاعصمه من الحرام ورده سالما غانما يا ذا الجلال والإكرام

 

[اود ان اكون]

شكرا لكل من دخل على موضوعي
بس باضيف شي انافتحت الساعه او المحفوظات او الشي اللي يحفظ المواقع التي تمت زيارتها ولقيت نفس الشي اللي لقيته في محرك قوقل ؟؟؟

 

[حور الكويت]

مادام لقيتي هالشغله هذي بالمحفوظات معناها فاتح عليها.بس انا اقولج بعض الرياجيل فيهم حب الفضول يبي يعرف كل شي عن البلد اللي يبي يروح لها. ويمكن زوجج دفعه فضوله بس مو شرط يطبق اللي شافه.