زوجي بيرجع بعد طول غياب

[خفايا العمر]

السلام عليكم ورحمة الله وبركاته

أخواتي الغاليات ما ادري لو فيه منكم تذكر قصتي بموضوع الزوجه الثالثه المهم انه زوجي اليوم اتصل فيه بعد غياب ثلاث شهور ونص وقالي انا راح ايكم على المساء لييييييش الله اعلم علما بأني طول هذي الفتره وانا ادعي انه الله ايرده لي واستغفر كل يوم 1000 مره وادعي لله في كل سجده خاصتا وانه بعده ما كاااان لأي سبب اصلاقا وانا كنت صابره وساكته ولا ااذيه بمسجات غير الأدعيه والمسجات الشاعريه من فتره لفتره مب كل يوم

الحين نصايحكم يا بنات كيف استقبله شجعوني لانه قلبي اشوي شايل عيله شوه اسوي ابين له انه كان مقصر فيني وهاملني ولا اعديها على خير واحاول اسوي شئ ايخليه يتذكره يعني شئ طيب وحلو من كل النواحي

وجزاكن الله خير الي راح اتشارك ولي ما راح اتشارك كلكن حياكن الله
​

 

[خفايا العمر]

ولا رد ليشششش يله الله كريم
​

 

[umm yusuf]

استقبليه مثل اي زوجه صالحه تستقبل زوجها
اكشخي واتعدلي وخليك رزينه لاتبيني له انك ملهوفه عليه بس بنفس الوقت خليه يحس ان غيابه اثر فيك وبنفسيتك قولي له روحي ردت لي يوم قلت بتيجي بس لاتقول له ماصدقت انك جاي ( لاتحسسيه انك فقدتي الامل بعلاقتكم)
جهزي له احلى عشاء ولاتفتحي له اي موضوع لغاية مايفتح لك هو المواضيع كلها فاهماني؟؟
اترك الباقي لاخواتي الزوجات لمتعددين فخبرتي قليله في هذا المجال
وفقك الله عزيزتي

 

[**فوووفا**]

كان نفسي اساعدك بس والله ماعندي خبره للأسف

الله لايفرقكم عن بعض يارب..

 

[Step For Change]

مثل ما قالت الاخت اللي قبلي تعدلي وتكشخي بس بدون مبالغة وخلج جدا طبيعية وبدوووون عتاب وشوفي شو يبا او ليش ياي واذا ما تكلم في الموضوع لا تحاولين تتكلمين احسن وصدقيني هو بيحس ان في شي غريب ليش انتي ماتعاتبينه وبعدين بتلقينه بيبدا في الكلام ا

اهم شي انتي جهزي العشاء وانتظري

بالتوفيق الغالية

 

[خفايا العمر]

يااااااااااااااااااارب اينولكم الي في بالكم يارب وجزاكم الله خير شجعتوني مع انه من قالي وانا امبوزه حتى في ويه اعيالي هم ايسولفون على الغداء وانا في عالم ثاني متعودين اسولف وياهم حتى ولديه ايقولي امي انتي مريضه هههه يارب ما ايلاحظون همي ابدا ما احب احسسهم بأييي شئ
​

 

[انا اعترض]

شوفي اختي .. ترى تشريفه عندج اختبار لج من رب العالمين ..

سواء كان تشريفه خير او شر ..

فسوي اللي يرضي رب العالمين .. ويريح ضميرج واتقي الله في كل خطواتج ..

الله يوفقج دنيا وآخره