زوجي بيحرمني من عيالي ?

[الفقيره ال الله]

سبق أني طرحت مشكلتي مع زوجي قبل
والحين
انا عندي ثلاث عيال وكلهم في سن صغير يعني مابينهم غير
سنه بس
وانا بيتي كبير وأتعب عليهم وع البيت
وزوجي يبي مل شي نظيف مرتب كل شي جاهز العيال كذالك
ويسهد الله انا مو مقصره
لدرجه م ألقى وقت لنفسي
زوجي متهمني أني مهمله عيالي وانا م أكلهم
ولاعتنى فيهم
يدعي عليا وهو م يسامحني
وكل م يجي البيت ويطلع يسال عن البيت عن العيال
مالي قيمه عنده
احسزعمري بيروح وانا مهمله نفسي في كل شي ومقصره عليها
زوجي ع كثر اخطاءه وعنده لسان
ليه احنا واحنا نسوي نسوي احنا الي نتكلم حتى لو كان الغلط علهم
اعطوني حل معه ؟؟

 

[سماء عالية]

حبيبتي اهتمي بنفسك وصحتك وعلاقتك بالله ثم زوجك و اولادك..
وانتقادات زوجك لاتخلينها تأثر عليك ما دام انك واثقه انك قايمة بكل واجباتك..
اهتمي بنفسك وراح الكل يهتم فيك و اولهم زوجك..

 

[نبراس الهداية]

الزوج اللي ينتقد كل شئ وما يقدر وما يشوف الا الشئ السلبي بزوجته هذا لا تنتظري منه شكر أو تقدير كذا راح تتعبي خاصة وأنه كلامه ماثر فيكي وفي نفسيتك.
إنتي إهتمي بنفسك وكافئيها دائما ... أنا لما كنت أنجح في شي أو أسوي شئ زين كنت أشترى هدية لنفسي وأغلفها وأجي أفتحها عنده وأقول مكأفاة لنفسي على نجاحي وكان يستغرب ويضحك وطبعا أنا أطنشه ..

بإختصار حبي نفسك أولا قبل كل شئ وعيالك وزوجك لا تقصري معه وخليكي واثقة من نفسك وحسسيه إنك راضيه عن شغلك لأنك تبذلي فيه مجهود وكل إنسان له طاقة وإذا عنده مقدرة جيبي خدامة تساعدك ولو بالساعات...

الله يسخر لنا أزواجنا ويوفقنا يارب....

 

[راجيه الرضا]

فعلا لابد من الاهتمام بنفسك لا تنتظري أن يمر العمر بك حبيبتي ثم تجدي اثار العمر بدت عليك فتندمين فيما بعد اهتمي بنفسك جدا وغيري شخصيتك فيمكن ساعتها يجدك مختلفه غير تقليديه فيبدأ يلتفت اليك ويهتم ويحب ذلك ويتغير هو نفسه معك وطبعا قبل اي شئ الدعاء والصله الجيده بالله فكم من واقع تغير بالدعاء اوصي نفسي واياك بالدعء اختي الكريمه