زوجي بعدماضربني ..الموضوع الثاني ابي حل

[ام عيله]

السلام عليكم

بموضوعي الاول كتبت اسباب ضرب زرجي مع انه تافهه
الان عند اهلي لي اسبوع ارسلي رسالهه قال عن مموعدبنته وكذا وقلتله اني علمت ابوي بسالفة ضربه
ومابيني وبينك كلام قالي ماماكلمك عشان اكلمك بسالفة ضرب والا ابيك ترجعين
هو يابنات ضربني بس والله ماعتذر ولا وعدني يقولي الا اقتلك واشرحك وجلست عند اهلي وعلمتهم
شرايكم بهالانسان احديعيش مع زوج يحب المشاكل والاهانه
عندي ثلاثه اطفال وافكر اطلب الطلاق وعادي لو ياخذهم
بس خايفه من نظرات الناس الحساد الي عندنا يحبون الشماتهه
...اخاف صدق مايرجعني وعندي اطفال محديتحملهم ولاابي ارجعله وهوماعتذرلي ولاوعدني مايضربني
ويرجع بالضرب يتعود يمديده...

 

[ام عيله]

27الي دخلو بالموضووع
ليه مارديتو
ردو علي
لي سبع سنين متزوجهه
زوجي شخصيته قويه مايحب الا نفسهه

وانا كرهته
مدري شلون اتعامل معه
اخاف منهه مع انه هو بدأ

 

[روح الوئام]

اختي في مرة زوجي ضربني وما كان ضرب ضرب قومت الدنيا وما قعدتها ودخلت بالموضوع الكبير قبل لصغير بس ما تركت بيتي لاكن اخواتي بهدلوه فهموه اني كنت ملكة ببيت اهلي وعمر احد ما مد ايده عليا وكب لموضوع واعتدر ووعد ما يسويها
ليش اهلك ما يهددوه ويربوه والا راح يقول ما عندها ظهر تتحاما فيه ويحب السالفة كل شوي يضربك
خلي اهلك يتصرفو علشان تتحفظ كرامتك

 

[ام عيله]

حبيبتي انتي على اقل اعتذر ووعدك
اما زوجي تخيلي ايش قال قال مراح اعتذر راح اشرشحك واشرحك تشريح
يعني ذبح تخيلي وانا ام عيالهه ,,واليوم
وكلم اخوي يقولهه بكره تجي بيتها والا ارسل ورقتها
وابوي بيكلمهه بكره ايش قصته
مع ان السالفهه تافهه ,,بس انا ابي احفظ ماتبقا من كرامتي
ماعتذر ولاشي يقولي اشرحك
لو انتي مكاني بالله وش راح تسوين..

 

[روح الوئام]

اسمحي لي يا اختي في هذه الحالة الفراق ارحم ليش يعني هو يهددك عيني عينك ليش الدنيا سايبة
وقدام القاضي ينقال هذا الكلام سجليه وهو يهددك وبيكون لك دليل امام القاضي
يعني موافقة تعيشي مع واحد بيدبحك
انا مكانك خلاص ما اتطلع بوشو
سامحيني خدي اراء البنات وان شاء الله بتلاقي الراي الصائب

 

[ام عيله]

اي والله الفراق اهون
من ذبح
بس اهلي ناس طيبين ومايحبون المشاكل وابوي بيشوف ايش قصتهه
صرت اخاف منه
ماقصرتي ياالغاليهه

وينكم يابنلت وياحكيمات ردووو

 

[عرين اللبوة]

عزيزتي قرات فـي موضوعك الأول أنو اعتذر وقال ندمان اش الي غيره عليك


دام تطورت الامور كذا خلي الموضوع ع اهلك وركزوا ع مساله الضرب

خلي ابوك يقله بنتي عندي مصونه اسلمها للي يصونها ويكرمها واذا مـا اكرمتها بيت ابوها اولى فيها ترجعله مكرمه محشمه كله الا اهانتها
خليه يعرف انو مافي شي فـي الدنيا ممكن يجبرك ع الاهانه


ولا تركزي ع كلامه كثير كله كلام قهر وعصبيه قاله بدون تركيز كرد اعتبار وتلقينه الحين ناسي انه قاله اصلا
ولا فـي الحقيقة اكيد ندمان ع فعلته لكن انقهر انه اعتذر وبعدها تروحي لاهلك بدون مـا تعبرين اعتذارة فشاف ان هذا اهانه له


بس نصيحة مني ‏​لا تخلي مشكلة بسبب تافه كذا تنهي حياتك الزوجة وخاصة انو عندك اطفال
اذا زوجك سفيه خذي ع يده وحليها بذكا ء بدون ما تهيني نفسك وانت ادرا بزوجك والي يلين راسه
وفهميه انه مايكفي اعتذار عادي فـي مسالة الضرب وان المسالة اكبر من اعتذار
لان هذا اعتداء ع كيانك وانوثتك جسديا ونفسيا
خلي الصورة تتضح عنده ترا الرجال ما يشوفوا الأمور بمنظورنا إلا لما توضحين

 

[مازلت اتمنى]

عزيزتي مثل ماتفضلوا اللاخوات الرجال لو شاف عند الحرمه رجال ماتجراا وبالدات على اسباب تافهه ومعناته هو اصلل مستصغرك لما هددك بالمزيد لو انه شاري كان اعتدر وان ماعتدر عالاقل رجعك بيتك كثير رجال مايعتدرون بس عالاقل يصلحون الموضوع ومانصح اولاده عنده لان الرجال الي مايرحم ام العيال كيف يرحم اولاده وعلى فكره الناس ماترحم بكلا الحالتين بس ان كنتي تحبينه وهامك لرجوعك افضل انك تتفاهمين معه وان ضد اي رجل يمد يده لاي سبب كان صراحه اللانثى امانه ماخلقت للاهانه وربي يساعدك

 

[حلااميرة الزوق]

الحل بيد اهلك حبيبتى استنجدى بحكما الاهل

 

[يالوردي]

خلي ابوك يتفاهم معه
خليه يجيه بااسلوب التفشيل ترى الرجال يستحون من بعض
خليه يقوله هذي بنتي امانه عندك ليش كذا تسوي فيها
وانت ترضاها على خواتك وبناتك
ويكلمه بالدين والحكمه
ولاتهتمين لكلام الناس محد بينفعك

 

[اجواااان]

انا مع الوردي
اجلسي مع ابوك وقليله ينهي الموضوع وقليله انت عزوتي وسندي بالحياااه

 

[السحابه الثلجيه]

يارب تعينك طمنينا اش صار معك