زوجي بخيل

[رحيل الوقت]

ساعدوني زوجي بخيل ما على لسانه اذا طلبت فلوس غير انا ما معي

وسويت له كشف حساب لقيت معه مبلغ جدا عالي

نزل من عيني

ما ادري ايش اسوي

هل اواجهه باللي كشفته ولا اسكت تعبت منه

آخر مره طلبته اغراض من البقاله يقول لي ما معي

صدقوني انا منصدمه بقول لي معك عشره ريال انا مذهوله من المبلغ ويقول لي ما معي

حتى اغراض البيت اول ما نزل الراتب اقله خلنا نروح نشتري يقول مو ضروري

وكل ما جاب فلوس يقول لي استلفت

ابي اتطلق بخيل بخيل ساعدوني قبل لا يصحى الفجر

 

[رحيل الوقت]

ردو علي تكفون انا متوتره الحين ابي استشارتكم

 

[الجواااان]

قوليله شفت كم عندك في الحساب ليش تعيشني اقل من غيري وانت بخير خلني اتنعم بالخير اللي انت فيه ولااصير اقل من غيري والا قوليله ابقول لابوي يصرف علي

 

[نسايم ربيع]

ربنا يعين وانا زوجي نفس الحال دايما يقول مامعي

الزوج البخيل مايبغاله غير الزوجة القوية

يعني اتفقي على مصروف شهري ليكي وصممي عليه

ولازم اتشوفي حل لصرفه على البيت
المهم اتصممي على طلباتك حتى يتعود
وفي بقسم الزواج موضوع عن استراتيجيات التعامل مع الزوج البخيل
عندك اولاد ولا لا؟؟

 

[رحيل الوقت]

مشكوره الجوااان على الرد صادقه انا ماكله شاربه في بيت ابوي

نسيم الربيع عندي مصروف وطلع غير بالعافيه لكن ليش كل ما طلبت لا صدقيني لو جاه رجال يستلف يقوله ابشر عندي ليش انا لا ياما تجيه فلوس بمبالغ كبيره اتذكر جاه مبلغ قوي جدا طلبته الحلوان عطاني نص الحلوان وبرضوا بعد اقناع

 

[رحيل الوقت]

معليش يا بنات بغيت كمان استشاره اخاف اذا فاتحته بالموضوع يقولي ليه تسوين كشف حساب وتنقلب الايه علي

انا حيل خايفه لان لو هذا رده بعرف ان الموضوع بيكبر وانا اصير الغلطانه لان مو من حقي افتح حسابه واكشف عليه

بس مليت كل وعوده لي راحت وكلها كانت بشهر 11 والحين يجي العيد وحججه بالعيد مسؤوليات وارتباطات

 

[مايصحش هالحتسي]

لاتقوليله عن كشف الحساب

بس خليك قوية بالكلام معه وجدية انه مومعقول مايصرف عليك ولايجيب لك ماكل ومشرب

اتفقي معه على مصروف لك خاص شهررررررررررررررررررري وقوليله انا مو اقل من غيري

 

[قمة القمم]

ربنا يعين وانا زوجي نفس الحال دايما يقول مامعي

الزوج البخيل مايبغاله غير الزوجة القوية

يعني اتفقي على مصروف شهري ليكي وصممي عليه

ولازم اتشوفي حل لصرفه على البيت
المهم اتصممي على طلباتك حتى يتعود
وفي بقسم الزواج موضوع عن استراتيجيات التعامل مع الزوج البخيل
عندك اولاد ولا لا؟؟

وانا نفس المشكله

 

[رحيل الوقت]

بنات بحول من رصيده على رصيدي

واذا كشف السالفه من عند البنك بيعرف انو انا
وبيجي وساعتها بنتكلم توافقوني ولا تحسونها مغامره

 

[مانقو]

لالالالالالالالالا
لاتقولين بقول لاابوي يصرف علي
يفرح اصلا هذا الي يبيه هو مو فارقه معه تحسبينه يبي يستحي من ابوك ماستحى على نفسه يستحي من ابوك
اصلا البخيل يذل نفسه ولا يدفع ريال يخلي ابوك يكد عليك ويتحمل الفشيله ولا يصرف ريال
خلك قويه وخلي احد من اهلك ابوك ولا اخوك وانا افضل اخوك انه يتدخل ويخليه يمشي لك راتب غصبن عليه اصلا هذا واجب عليه لكن يبي احد قوي
لالالا تستسلمون له ترا كثر الطق ينفع مشكلة البخل تبي اخوك يتدخل انتي ماراح تصنعي شي
والله البخل ترى مشكله كبيره لازم يتصدى لها الواحد ولا ياويله
ولا بكرى بيعيشك على زكات المسلمين ولا خليك قويه

 

[جنى الأناهيد]

أنت تكلمي مع الرجال بالتي هي أحسن

ولاتجيبين سيرة الكشف وانك عارفة كم عنده

لانك ماراح تطلعين بنتيجه

وراح تنعدم الثقة فيك ويغير الرقم السري إلي أنت عارفته

خليك ذكيه وتعاملي مع الأمر حبه حبه

مرة اطلبي مصروف شهري

ومره أطلبي فلوس للعيد

وحاولي تأخذين الرجال بالهداوه ماتنفع القوة مع البخيل مرررررة

وأسألي مجربات

لآنه لو أداك ريال وهو مو راضي بنكد عليك عيشتك فذاك اليوم

وسلامتك

 

[مانقو]

على فكره نسيت اوضح لك
اختي نفس مشكلتك تدخل اخوي وخلاه يمشي له راتب غصبن عنه
نصيحه لاتقولين اخاف تزود لادخلت اهلي ترا البخيل يبي احد يوقفه عند حده اختي اصبرت لكن بنهايه
تصعبت عليه الحياة ودخلت اهلي وهي تقول دايم اتهاوش انا وياه علشان المصروف
ولا هميته انا الا ان تدخل اخوي

 

[رحيل الوقت]

انا حولت وانتهى

الى راح للبنك بيصير وضع ثاني

انا حولت من بنكه العربي الى بنك الرياض وما جاني شي

ونقصت فلوسه تهقون الفلوس راحت يعني ما فيه فلوس

 

[سهاد الليل*]

الله يعين ويــــــــــــــــــساعد