زوجي امله في الانجاب ضعيف

ماء الغمام

ماء الغمام

New member
إنضم
2009/03/22
المشاركات
222
هلا بلقيسيات كيفكم.....مبارك عليكم الشهر... مشكلتي مثل ماقريتو في العنوان ...انا متزوجة من سبع سنوات زوجي عنده الحيوانات المنوية صفر يعني ان امله ضعيف في الانجاب مشكلتي اني تعبت نفسيا الصراحه اهو انسان طيب وخلوق وقريبي بعد وعرض علي اكثر من مره الانفصال وقال روحي الله يستر علي وعليك لايضيع عمرك وانا ماادري يمكن مايجيني عيال بس انا ماقدرت لانه الصراحه صعب علي الانفصال من رجل قضيت معه سنين وكان معي طيب وخلوق صحيح كل انسان فيه عيوب بس عادي زيه زي اكثر الرجال مافيه احد كامل انا ادري يمكن لو كان العكس يمكن مايصبر يمكن يتزوج علي بس انا ابغى كلام يصبرني ويواسيني ماابغى احد يزيد علي لاني مايحتاج نفسيتي زفت ومثل ماتعرفون زينة الحياة الدنيا واهلي يقولون الراي لك وهذي حياتك وبعضهم يقول لاتتركيه وش ظمنك وش بتاخذين بعده يمكن يجيك عيال بس دون سعاده ابي منكم النصح والتوجيه وانكم تصبروني على ماابتلاني الله به والله يفرج همي وهم كل محرومه من الذرية ويرزقنا الخلف الصالح يارب
​
 
هلا بأختي الغاليه ...فديتك مبااارك عليك الشهر ...

الله يرزقك الذريه الصالحه ياااا رب...

ادري ان الوضع اللي انتي فيه يبغاله تفكير وتمعن بس من وجه نظري اشوف ان السعاده ما تنحصر بوجود العيال...

يا كم من وحده ماتجيب اولاد وعايشه مع زوجها احلى حيااااه ويا كم من وحده تارسه البيت بزارين وحياااتها نكد في نكد ..
دام زوجك يحبك ومآآآلي عليك البيت بعطفه وحنااانه مو لازم تتطلقين ..الله كريم..انشاااالله يرزقك باللي فيه الخيررر ..((عسى ان تكرهوا شي وهو خيرا لكم))

زوجك راح للطبيب؟؟

نصيحه من اخت..دام زوجك متفهم حاولي تقنعيه انكم تجيبوووا طفل من الميتم وتربووووه ..بيملي عليكم البيت فرح وسعاااده وانتم بتدخلووون الجنه بأذن الله...ولا ننسى ما قاله الرسول عن كاااااافل اليتيم,,,

القلب داعيلك اختي ((ماء الغمام))
 
مشكووووووورة اختي على الكلام الحلو اللي يثلج الصدر والله يجزاك الف خير على مشاركتك وبالنسبة انك تقولين زوجي راح للطبيب ايه عالج وماترك مكان ماراح له من مراكز لعلاج الذكوره والعقم بس الله ماكتب سوى حتى عمليات لكن الحمد لله على كل حال ​
 
استخيرى يا اختى اولا
ثم فكرى عدل وانا اقترح ان تصبرى لانه يمكن الله يرزقكم لا تقولى مستحيل
اذا زوجك زين يستحق الامر ان تصبرى معه
 
اختي الله يسهل عليج... دامج متمسكه فيه روحي دار الايتام بس في وقت تكون وحده من اخواته توها مربيه و اكفلوا رضيعه. خلي اخته ترضعها الرضعات التامات و بعدين هو بيكون خالها و انتي مرت خال الرضيعه و ربوها عندكم و خلوها تناديكم ماما و بابا لانكم كافلينها.
 
الله يرزقك بالذرية الصالحه ياااااااااارب

قدرة الله عظيمة . و ما تعرفي ممكن في يوم من الأيام تبشرينا بحملك

رحمة الله أكبر و أوسع من شي اسمه نسبه الحيوانات المنوية صفر

و بما ان زوجك معاك طيب و يخاف الله فيك . قولي الحمد لله و خليك معاه

و ادعي ان الله سبحانه و تعالى يسخره لك . و يخليكم لبعض
 
بس حبيت انبه على ضغله مهمه. اكفلوا بنت مب ولد لان الولد بيكون مب محرم لج بعد البلوغ حتى اذا رضعته اخته الا اذا اختج انتي اللي بترضع الولد. يعني اذا بتكفلون بنت.. اخته ترضع الرضعات التامات... واذا بتكفلون ولد... اختج اللي ترضعها الرضعات التامات... اتمنى انج فهمتي علي
 
نصيحتي لك انتبهي تتركينه ..حبيه واحتويه هذا زوجك وبيكون ابو عيالك
لان ماااافي شي على الله صعب
داومي عالاستغفار والدعاء وبأذن الله بتلاقين الفرج مع العمل بالأسباب دورو علاج وحاولو ولا تياسون
والله وحده اعرفها نفس حالتك وانفصلت عنه وماقدرت تتحمل ورجعت له وبعد 16 سنه ربي رزقها
الله الله وحدة قادر على كل شي يقول للشيء كن فيكون
استعينوا بالصبر والصلاة
وتبني طفل او طفله في هذا الوقت ..والله انتي محتاجة هذا الطفل وهو نحتاجك ولتنفيذ حياتك الى الافضل وشوفي كيف ربي يفتحها عليك وسمعت شيخ حلل انك تقدري تاخي حبوب ترفع هرمون الحليب وترضعيه عشان يصير اخو عيالك بالمستقبل


ولا تايسي مع الله كل شيء يتحقق
الله يرزقك بالذرية الصالحة عاجلا غير اجل**
 
يارب ياخواتي الله لايحرمني منكم ماقصرتو وفيتو وكفيتو الله يجزاكم خير ومشكورات على التفاعل وحسن المنطق والكلام اللي يفرح القلب الله يفرج لكم كل هم ويصلح لكم جميع احوالكم يارب والله يجمعنا وياكم في الدنيا على الطاعة وفي الاخرة في الجنة​
:3::3::3:
 
اختي بنوتة بلادي جزاك الله خير ماقصرتي و فاهمة مسألة الرضاع ياقلبي مشكوووووورة ياعسل​
 
اختي جالسة مع زوجها 11 سنة وصاابرة عليه تقول لو ما اعطاني ربي اياهم هنا يعطيهم لي في الجنة ولكن استخيري الله وحاولي اطفال الانابيب......
 
كل عام وانت بخير
وان شاء ما يجي رمضان القادم إلا وأنت حامل
ولا تزعلي نفسك كلوا مكتوب ومقدر وما عند الله خير وابقى لاتيأسي من رحمة الله أنا مثلك تماما
أختي عندها 3 أطفال لكن زوجها موريه نجوم الليل وتبقى الخالص منه باي طريقة بسسسسس اللي كاسر ظهرها اطفالها فاصبر الصبر(وبشر الصابرين)
 
هلا اختي الغاليه
مبروك عليك الشهر
الله يرزكم الذريه الصالحه يا رب
حاولي تسون طفل انابيب ترى الطب تطور عن اول
الله يخلي لك زوجك وتشوفين عيالك يا رب
ويرزقني معك الذريه الصالحه يا رب
دعواتكم لي ​
 
مشكورات خواتي على المشاركة والله يفرج لي ولكم كل هم واللي تسال عن طفل الانابيب قالو له اذا تحسنت حالتك يمكن نسوي لك حقن مجهري هو اللي ينفع في حالتك لكن اذا لقو حيوانات منويه لانهم في عملية التفتيش مالقوا والله يصبرني وكل محروم يارب​
 
انا اشوف اذا زوجك كويس معاكِ لاتتركيه
ايش يضمنك انك راح تتزوجي او محد يتقدم لك ويمكن يتقدم لك رجال كبير في السن ؟؟
ويمكن تتزوجي ويجيكِ عيال بس تعيشي في نكد مع زوجك ؟
ويمكن يجيكِ عيال ولمن يكبروا مايكون فيهم خير ولاهم باريين بوالديهم !!
استمري مع زوجك ولاتحسسيه بالنقص او انك متضايقه
استمري بالدعاء والاستغفار ومافي شي يصعب على رب العالمين
 
اللهم عوضها واجبرها واقر عينها ..... نصيحتي لاتتركيه احبيه واحتويه فهو زوجك ووالدك واخاك وابنك ....
 
مبروك عليكم الشهر

حبيبتي الله يرزق بالذريه الصالحه وربنا يفرج غاليتي بنت عمتى تزوجت وقعدت 16 سنه و ما حملت وكانت هي السبب في انها ما تحمل تخيلي زوجها صبر عليها 16 سنه وبعدها سوت أطفال انابيب ويتها البنت الحمد لله وسبحان الله من بعد البنت بسنه حملت طبيعي وما كانت مصدقه نفسها وكيف حملت ما في شي مستحيل الله يرزق من يشاء بغير حساب اصبري وعيشي حياتج مع زوجج شو ضمنج بتحصلين الي احسن منه شو في المشاكل الزوجين كثرت في الزمن واحتسبس الأجر عند الله

واذا انت من خاطرك تحبين وزوجك وما تبين تفرطين فيه اذا جابلج طاري العيال وانه يقولك تبين الانفصال سمعيه كلام حلو عشان تعيدن الثقه في قلبه مثلا قوليله ما أعيش حياتي الا معاك انت مافي مثللك انت تاج راسي وسعادتي في هالدنيا والله ليخليج انتي تاج على راسه احترميه وحبيه واحتويه بحنانج وربي يرزقج ان شاء الله بالذريه
 
طيب اختي جربتو علاج شعبي اذا ماجربتو فيه وحده في الشمال اسمها ام عبدالله تعالج يمدحون فيها يقولون فيه ناس خذوا عشر سنوات مايجيبو عيال وبعد الله ثم علاجها رزقو بالاطفال بس للمعلوميه انا ماعرفها بس يمدحونها في شريط بدايه كثير وخليه دايم يشرب موية زمزم بنيه الشفاء
واذاتبغي رقمها عندي
والله يرزقكم بذريه الصالحه عاجلا غير آجل
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل