زوجي الغربي والحل معه ؟؟

  • بادئ الموضوع بادئ الموضوع مشااعل
  • تاريخ البدء تاريخ البدء
م

مشااعل

New member
إنضم
2015/01/29
المشاركات
25
السلام عليكم
هذا اول موضوع لي في منتداكم اعجبني وحسيت فيه تعاون
ومشاركات بين اعضاء المنتدى

اتمنى نتعاون وتحلون المشاكل اللي بطرحها لكم
مشكلة التدخل ::
انا زوجي يدخل اهله في حياتي وبالذات امه ونوعا ما متسلطة ومو كاشفها وتحب تدخل كثيير وهي شخصيتها قياديه وهو غربي جنوبي يحتاج قوة شخصيه ومو عارفه كيف اقدمها له** واساعده يطلعها قدامهم لان الواضح يتدخلون اكثر في ضعيف الشخصيه وهواخر العنقود
المشاوير ::
من ناحية المشاوير هم يحكون عليه ويقولون تتعمد تبي تطلع لاي مشوار والواضح ان خواته يطلعون ويدخلون على كيفهم
وامه رسخت له فكره اني احب اطلع كثير مع اني مشاويري مو نصف مشاويرهم تجي ويقولي زوجي الرجال مايكون خفيف لمرته رايح جاي بها وهو يقول كلام واضح امه تقوله له
احيانا اطلب مشاوير مهمه لازم اروح لها ويرفض مع انه من يصحى يطلع برى لين ارجع وانا جالسه بروحي في شقتي مع العلم اني ساكنه وياهم وكنت اجيهم وصارت مشاكل وبعدين خليت علاقتي رسميه فيهم عشان ارتاح من كثر الكلام والقيل والقال وانا جنوبيه غربيه

كيف اتعامل معه قدامهم :
احيانا يتلفظ علي قدامهم وقتها مدري ايش اسوي اصير اسكت واكره تعامله معي
واحيانا وحنا جالسين تدخل امه لاحاكيته ومدري كيف ارد عليها بدون ماخطي
كيف اكون شخصيه قويه قدام اهله عشان يحترمني لاني ماعرف كيف اكون صامته او اتكلم او كيف

الزوج الغربي هل يناسبه
الصمت،الحزن اذا رفض شيء احسه مثل الشمالي لازم احاكيه واحط عيني في عينه ولاتنازل عن رايي
لكن لاصار بيننا نقاش يتلفظ كثير علي ووقتها اردعليه وازعل وهو يزعل ويطول لكن انا امشيها معه وانيى
واخيرا ايش اللوك اللي يحبه
وان شاء الله راح انزل موضوع عن اللي استفدته في الغربي
 
الله يعينك يااختي وييسر لك لكن حاولي تناقشينه في هالشي
وقولي له اذا باقي بتدخل احد في حياتنا او تجرحني قدام اهلك انسى اني باقي اجتمع باهلك او حتى اجلس معهم وبقطع علاقتي فيهم بالمره
وبرضه دايما احكي له قصص عن التدخلات من اهله وعن فشل العلاقه الزوجيه مع التدخلات من الاهل
والله يسخره لك يارب
 
مشكوره كونتستا
تسلمين مدام موني لكن وين العضوات ابي توضيح اكثر
لحالي
 
بالنسبة لتدخلات أهله بما انه يتأثر بكلام الغير لازم تبينين قدام زوجك إنك عاقلة وفاهمة عشان يبدى يسمع كلامك أنتي بس يبيلها تعب بالبداية حتى لو ما كنتي مقتنعة باللي تقولينه بس فترة الين يحسك واعية بعدها خلاص بترتاحين
مثال تقولين اني معزومة عند صديقتي بس اعتذرت منها عشان"تجيبين سبب مهم عنده"" عشان يحس انك تفكرين صح
ومن هالقبيل الين يحس انك ناضجة وبعدها شوفي كيف بيعجب فيك وبيسمع كلامك حتى من ناحية المصاريف استخدمي نفس الأسلوب

وبالنسبة لجرحه لك عند اهله لا تردين عليه لكن اذا انفردتو ببعض وهو رايق افتحي الموضوع معه باسلوب بيني له انك ما رديتي عليه احترام له ولأمه""لازم تدخلينها ""ولا تبينين كرهك وغيرتك من أهله ابد ابد ولا يحس بأي حساسية بينكم لأنه بيبتل يسمع كلام أهله اذا حس ان فيه مشاحنات بينكم
بالنسبة لأمه اذا اخطت عليك لا تسكتين لها ردي عليها حتى لو هو موجود بس بدون ما تقلين ادبك
لانه ضعيف شخصية يحب الحرمة اللي شخصيتها قوية
لكن فيه بعضهم ما يحب حرمته ترد ع أمه حتى لو أمه مخطية إذا كان هو من هالنوع ""أتوقع كذا"" لا تردين عليها قدامه واحترميه بس اذا كان مو موجود ما عليك اخذي حقك بأدب
واضح ان زوجك يحب يبين للناس إني مشخص ع حرمتي
 
همسة حب صحيح زوجي فيه هالصفه مسوي مشيك علي لكن بتعامل معه عالاساس يخفف من هالصفه واحس الرسميه ناسبتهم واريح لي مافي مشكله ارد عليها باسلوب حلو
جزاك الله خير ولاهنتي
طيب مافي احد
تعرف للانماط او فيها من حالتي !!
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل