زوجي الغامض وربي كرهته يااارب فرجك

[لامعه*]

السلام عليكم

قمت من فراشي وانا مهمومه بعد ماغرقت وسادتي بدموعي
ولاحول ولاقوة الا بالله

ذكرت ربي وقمت صليت

وقلت بدخل بلقيس ابي معونتكم

وربي ضيجه مالها حد والله المستعان

يمكن البعض يرى مشكلتي ولاشي وانها تافهه لالالالا مشكلتي خيط رقيق من حياتي

بس اللي ضايقني حيل اليوم هالموضوع بالذات

اليوم كن يالسه مع زوجي بالصاله عند اهله

الا دخلت امه ويوم شافت ويه زوجي عبست ويها يعني امبين انها زعلانه

هو ضحك ولاهمه

انا خفت ان السالفه لي قلت شفيها خالتي قال ولاشي قلت وراه مادخلت ؟ماجاوب

قلت انا بصعد شقتي>>>مدري خفت انا المعنيه خخ

قال لا سالفه بيني وبينها

قلت شنو قال لا بعدين اخبرك


للمعلوميه زوجي مابيقول لي اي شي من اسراره ابد
وربي اني ما اعرف عنه شي
يعني خطبة خواته ملكتهم مهرهم امور اخوانه مايقولها لي وانا عايشه جواتهم بس هو كتوم علي انا بس
مدري هي عدم ثقه فيني
او بحكم اني صغيره
وهو كبير

وربي ندمااانه اشد الندم على اني اخذت واحد يكبرني ب12 سنه
وربي دمووعي على خدي

المهم يوم جاء حزت النوم ودخلت غرفتي

قلت له حياتي انا حاسه ان فيكم شي من فتره
قال
مابتستفيدين لو اخبرك
قلت عادي قول على الاقل اتاح من الحيره:exclamationpoint:

قال مابتستفيدي
قلت ليه ياساتر قال وليه وش انتي عارفه وحاسه قلت ولاشي
بس همز وغمز

ممكن اعرف

قالي لو شي بتستفيدي منه قلت لك
وربي كني صديقه مو زوجه له
المهم رفض يقولي قلت عاد ماتسوى علي اتشحدك يالله شفيكم وامك ليه تبكي قال ماتبكي قلت انا شفتها قال بكاء خفيف قلت له وانا قلت بكاء شديد ههه
ماقال الاخ يلف ويدور قلت ماودك تقول قال ايه قلت براحتك

انا وصلت حدي زوجي مايفضفض لي ود يم ايفي يدقون فيني ويقولون غرييبه زوجك مايخبرك

خاصه سواف العايله نفسها
وحتى لما يصير اي شي كل السلايف يدرون من ازواجهم وانا الزوج المصون مابيخبرني ابد
انا قلت له بكل ادب وصودتي كان هااااااادئ
ليش انت ماتثق والا خايف اطلعه
مدري ليه انا ما ادري والله موهامني السالفه هذي
بس استغرب منك ماتخبرني بشي ولاتسولف وياي
سلفتي امس تقول فلاناللي هو زوجها يخبرني ولايرتاح الا يفضفض لي
ومدري ايش ووووو لأنها خابره اني وزوجي عكس كذا
ودايم اخبارهم الحساسه لما تنقضي يسولفون فيها وانا زي الاطرش بالزفه

اهههه دمعي على خدي
قلت له والا عشان اني صغيره تدري اني ندمت اشد الندم على اني تزوجت وانا بالهسن
انا ايش ذنبي انك اتزوجت صغيره ولاتثق
تدري ان خواتك يثقوون فيني وتحفي رجولهم ليعرفون وش عندي ويستشيروني بكل شي
مع اني اصغرهم بكثير

المهم اسكت وكتمت دمعي

وطلعت من الغرفه
ااااااااااااااااه
وربي السالفه مو تافهه انا عايشه مع الناس بس ما اعرف شاللي حولي

مو قصدي الا اتشرف على الناس لالالا بس ودي يكون حالي حال الحريم ازواجهم يسولفون ويا بعض مو شرط يكون بالسالفه اني استفيد

ربي اشح لي صدر
ياسبحان الله كل اللي حولي ازواجهم يفضفضون لهم الا زوجي وربي احيانا اشياء عنه اعرفها من اقاربه البعيدين
وانا مايخبرني

يارب وربي مو اول سالفه تصير
كثيييييييييييييييييييييير
مدري ما احس ان الزوج مايسولف وايا زوجته على الاقل فضفضه

وانا بطبعي ما اقول له اي شي عن اهلي الا خفايف
يعني مو ثرثاره بيخاف اني اثرثر اسراره






وربي اشياء كثيره بحياتي وش اصلح واش اخلي
فيه اعظم من كذا والحمد لله على كل حال
كل ماله يتغير وربي مدري شاللي قاعد يصير

 

[خوخه أم تولاي]

حبيبتي واضح انك صغيره ونعومه عشان كذا ماتضغطي على الكيبورد بقوه من نعومتك تلمسي لوحة المفاتيح لمس اكلتي بعض الحروف في بعض الكلمات <<<<ضحكي عاد
انتي من زمان متزوجه والا لسى جديده ؟؟
زوجك طبعه ثرثار يعني قرقه واجد مع ناس غيرك ؟؟؟
جاوبي على الاسئله بقلم أزرق *-*
وحبيت اضيف لك ان العمر ماله دخل في بعض الامور.....

 

[ليلى القلب]

سبحان الله وبحمدة
اللة يكون في عونك وييسر امر يالغالية

 

[قشــــــــــطه]

شوفي لاتمسكين مسالة العمر عذر والمراه عموما تكبر بسرعه عن الرجل
بس مشكلتك الاساسيه انا معاج فيها بجد لازم الزوج يخبر زوجته باللي يصير حواليها حتى ماتنصدم وتسمع من ناس غيرها
ونصيحه اجلسي معاه وبينيله هالشئ وقوليله انك راعية امانه وماتطلعين الاسرار بس لازم تكونين ملمه بالاحداث
وبقولج شغله مره زوجي قالي خبر ووعدته ماخبر حد وللاسف قلت لامي وحلفتها ماتعلم حد وندمت لان زوجي بعدها صار يكتم اخباره

 

[حنانوو]

الله يسخره لك ويسحره فيك سحر حلال يارب

 

[لامعه*]

جزاكم الله خير

خوخه ضحت ربي يسعدك
متزوجه من زمان لي 6 سنوات
وزوجي ايه مع ربعه وخواله ياخذ بالساعه يسولف بالتلفون و
ولما يتقابلون كثير كلامه

هاه باللون اللي تبين كتبت



قشطه حبيبتي
امية مره اقعد معاه واقوله هالشي وابين اني متضايقه من هالشي
اه وربي
ان العمر احس له دووووووووووووووووووور كبير

 

[لامعه*]

ليلي وحنانو

ربي يسعدكم ويجزاكم خير دعواتكم طيبه ربي لايحرمك الاجر

 

[تحيه لوطني]

لايضيق صدرك ياحبيبتي انا مثلك مادري عن اخبار اهله ولاشي لكن اقول ازين ارتاح من التفكير فيهم ومن وجع الراس

 

[اسيرة الحــرمان]

لا يا حبيبتي
العمر ماله دخل انا بني وبين زوجي سنتين بس
ولا يسولف معاي ولما اكلمه ززززين اذا رد وما حقرني
ونفس زوجك مع اصحابه يسوووووولف ويضححك وثرثار بعد بس معاي اخرس ما يتكلم حتى الضحك ما يضحك
بصراحه معاناااااااااااه بس الله يعيننا انا كررررهت اني تزوجت واحد مثل شخصية زوجي ليتني كنت ادري لاني انساااااااااانه التواصل شي مهم جدا بحياتي بس سبحان الله

 

[لامعه*]

تحيه لوطني
انا موقصدي ابي وجع الراس
بس منقهره مايفضفض وريسولف على الاقل
اخاف من كذا
والرجل الصامت ينفجر متأخر
ربي يعني انا احب الوفاق وربي يجيبه لي

اسيره
العمر يفرق ومن نواحي ثانيه غير السوالف والفضفضه
بخلي الستار مستور

 

[غزال شارد]

الله يعينك حاولي معاه بالطيب وان شاء الله يتغير

 

[الماستين وتاج]

تصدقين اختي لامعه اقراء موضوعك وانا ابكي كانك تتكلمين عني بالضبط الله يفرج لي ولك ولجميع المسلمين والمسلمات

 

[لامعه*]

معاد ينفع وربي طول عمري اتكلم معاه بالطيب ما عمري قسيت


االماستين وتاج
ربي يشرح صدورنا
بس الحاله نادره يمكن انا وانتي بس
اللي حولي كلهم ماشاء الله اول باول سوالف مع ازواجهم


مليت اقول اطنش ومصيره يرد لي ويسولف والمده طالت والصبر له حدود

 

[كيندر]

هههههههههههه عادي حبيبتي وسعي صدرك ولا تفكرين كثير

وهذا أنا أنظميت لكم < ========= نفس الحالة مع الوقت بيتغيرون وتزين الامور بإذن الله

خليك متفائلة هذا اهم شي

 

[مايصحش هالحتسي]

شوفي ياعمري ماله داعي تذكرينه بعمرك ولا انك تقولين له انتى مب قد المسئولية خلس واثقة من نفسك
ويمكن من كثر زنك وتشرفين ع ناس بدء مايقولك
عاد انتى وش تبين بهم الزم ماعليك زوجك وبس لاتجيبين المشاكل لنفسك

 

[أنا أمك ياتركي]

ياقلبي والله حاسة فيكي
الله يعينك
مدري وش اقول لك
مابغيت اطلع بدون رد وان شاء الله البنات يفيدوكي
الله يوفقك

 

[عيون عزيز]

حبيبتي انا أول زاوجي ماصارلي أقل من شهر متزوجة جا اتصال لزوجي من اهله الساعة 2 الفجر وقالوا له تعال ضروري فيه سالفة صايرة شايدة وضروووووري تجي ألحين وتهد عروستك لأن العيلة كلها متجمعه حتى بناتهم المتزوجات هدوا رياييلهم الفجر وراحوا للبيت العود بيت أهل زوجي ....طبعا كنا انا وزوجي نايمين وفي عز نومتنا بس ريلي فز ركب سيارته وطلع وخلاني بروحي فالبيت وانا ساكنة بمنطقة اللي حولي كلهم عمال,,,,,,بس قال لي قفلي الباب عليج...وما جاني الا عالساعة 9 الصبح ,,,,,ولا سالته ولا قلت له شصاير....وليومج هاي ماعرف شصار في ذاك اليوم ولا أبي أعرف ......وكذا مرة تصير سوالف بينه وبين اهله ولا أبي أعرف,,,,,,,ليش اعرف ؟؟؟؟؟؟ شبستفيد مثلا؟؟؟
مب مهم اني اعرف ....... ولما صار يشوفني ساكتة وما اساله صار هو اللي يتكلم من نفسه.......يعني اذا حد اتصل له من اهله وأنا قاعده معاه ,,أقوم وأطلع اذا حسيت السالفة خاصة ......وصار ريلي واااااااااايد يحترمني ويأمني على أسراره من نفسه...حتى يستغرب يقول انتي اغرب زوجة فالعالم ,,,,,,ليش ما تساليني وتاخذين الأخبار مني؟؟حتى لما يتأخر علي برع البيت للفجر ما أسأله وين كنت ,,,بس أتم ألاعبه وأضحك معاه وبعدين انشغل عنه ويقعد من نفسه يعلمني وين كان ويقول اللي صار معاه وهو برع بالتفصيييييل .......
نصيحة مني خليييييييييييه براااااااااحته .....ان تكلم كان بها وان سكت اتركيه عنج......ألهي نفسج بشغلات ثانية,,,,, ريلج نمطه شرقي لأن الشرقي كتوم وغامض........
اذا سكت اسكتس وشوفي اذا ما قعد يغردلج خخخخخخ ......جربي وردي علينا ...

 

[الجازية 123]

حبيبتي ماللعمر دخل بس بعض الرجال كذاا انا زوجي والله ماادري عن اموره الشخصية شئ ولا حتى اسم واحدمنزملائه والله ان اخوانه يخطبون ويباركون الناس لخالتي ولما اسال على ايش اتفاجا والله مرة قاليالله عزيمة عند هلي وابس واكشخ واتزين ولما رحت تفاجات انها لزوجة اخوه اللي جايه من عزا ابوها شفتي الاحراج كيف بس عاادي تعودت اصلا صار مايهمني عشان اهتم باخباره وقلت لاهله ترو ولدكم مايقولي شئ فاذا صار شئ ياخاله علميني وسلاااااااااااااامتك ياعمري

 

[اجووووووووووونة]

نفس الحالة شوي وابكي
الله يسخرلك زوجك

 

[هذي دنيانا]

عاددددددددددي جدا زوجي لنا 9سنين متزوجين ومايسولف معي من يدخل البيت وهو على الصامت بس بر البيت
استغرب منه سوالف وضحك شي غرررريب وازيد اذا فيه طلعه او سفره مع اهله ماادري الا من حريم اخوانه
او امه وشغله من الناس حاولت بكل الطرق انه يحكي ماقدرت الصراحه صرت اطنشه لاعمره حكي