زوجي الشمالي الغربي ومرة أخوه

[ريم الذكريات]

السلام عليكم يابلقيسات
ماكتبت هذا الموضوع الا منقهره وشبعانه قهر وربكم وبيما أنكم خواتي أبي تنصحوني وش اسوي
زوجي الشمالي مسؤول عن اهله لان ابوهم متوفي وهو عنده أختين وأخ وبنات عمه كبار في السن وامه الله يحفظها وهو من البدايه شروطه انه اهله اولي مني انا ماقلت شي بالعكس الي مافي خير في أهله مافي خير في زوجته وانا اساعده يشتري لهم ويشوف طلباتهم وبالخصوص خواته ولا عندي مانع اذا بيطلعوا ويانا لكن عندي مشكله في مرة اخوه مرة اخوه مو سعوديه واهلها مو موجودين هنا عشان كذا هي دايم بيت اهله تاكل معهم ودايم معهم
وبحكم عمل زوجي اظل بالأسبوع ماشوفه يعني يجي ينام يجلس يروح الدوام مافي مجال حتي اجلس معه دقيقه انا احيانا احب اطلع اتمشي وانا عارفه الشمالي لو قلت له ابي اتمشي انا وانت مايحب الفكره بغض النظر عن انه مايحبها طيب انا احب تكون لي خصوصيه احيانا ابي يمشيني اشم هوا بدل جلست البيت وكرف وشغل وغسيل ابي احس بالإستقلاليه كلما شفت فرصه بيطلع واشوفه فرصه مناسبه يمشيني تجي بنت اخوه صغيره هي تتصيح تبي تتطلع معنا وامها مستحيل تخليها لحالها عشان كذا تتطلب تروح مع بنتها زوجي طيب يشوف بنت اخوه تصيح وتتعلق فيه ياخذها مايكسر بخاطرها يعني مو بس مره او مرتين كل مره نطلع فيها تجي ويانا ياناس زهقت طفشت عطوني حل خواته يحسون ع دمهم اني ابي اطلع اتمشي مع زوجي وهذي ماتصدق تتطلع عطوني نصايحكم

 

[ام الوداد]

طيب زوجها وينه ليش ما هو يدورعيلته ويخرجهم يمشيهم وليه يسمحلها تخرج معكم طيب انتي جيبيها على اساس تكونو قاعدين بالبيت انت وهي وقولي عندي صديقتي وساكنة مع اهل زوجها وكلما حبت تطلع تتمشى هي وزوجها تتعلق فيه بنت اخوه يعني على مبدأ المثل السوري الكلام لك يا كنة اسمعي يا جارة لعل وعسى تفهمها

 

[أم الوجيه]

قولي لها حبيبتي أنا حابه أخرج أنا و زوجي نشم هوا أقنعي بنتك أو خلينا ناخذها معانا لحالها أنا يا دوب ألحق على زوجي قوليها و بكل وضوح ..
أحياناً الواحد يضطر إن يكون صريح حتى لو يزعلوا الآخرين !
إذا زعلت شأنها يعني عادي هي غلطانة

 

[ريم الذكريات]

انا ماكلمتها مباشره قلت لاخت زوجي اخاف اكلمها وتحط بهارات ع كلامي
المفروض هي من نفسها تحس بس هي تحب وناستها
زوجها اذا بيطلعها ماتبي احد وياها
وزوجها عادي مايقول شي اذا بتجي معنا حتي اذا جالس في البيت وشافنا بنطلع يقول اخذوها وياكم
تخيلوا مره سافرنا قطر يومين نتمشي فيها ولما رجعنا قال لخوه كان اخذت زوجتي وياكم
سلامات ? وجهي صار كذا
انا يالله اشوف وقت اشوفه لان تدرون اذا الرجال مسؤول عن بيته وبيت اهله وشغله مايشوف لنفسه وقت
واذا رحت السوق عشان يودي خواته انا ماقول شي تجي معنا لكن تخلي زوجي يمسك بنتها وانا امسك الثنتين
لان اخاف يعصب هو مايتحمل طفل حركي او يرفع ضغطه بعدها يخترب مزاجه ونرجع البيت
وواذا رجعنا يحط رفعة ضغطه علي يجلس يهاوشني علي اي شي
اذا قلت لها قدام زوجي راح يطنشني وبيقول لها ماعليك منها تعالي عشان كذا ما اتكلم قدامه
انا قلت لاخت زوجي تكلمها وان شاء الله تحس